Ижкар

Википедиысь материал
Шоркар
Ижкар
ӟуч Ижевск
Ижкарлэн туала тусыз
Удмуртиысь Драмая ӟуч театрКалыкъёслэн тупаса улонзылы сӥзем монументИжысь пыӵал тӥрлык поттон заводлэн арсеналэз
Иж тыметысь теплоход
Ижкарлэн вылтусыз уйин
Флаг Герб
Флаг Герб
56°51′11″ с. ш. 53°12′44″ в. д.GЯO
Кун
Федерацилэн асмосэз Удмуртия
Кар округ Ижкар
Дэменлык 1,3мил
Пушласянь люкиськемез кар 5 ёросъёслы люкиське
Ижкарлэн тӧроез Чистяков, Дмитрий Александрович[1]
Историез но географиез
Кылдытэмын 1760-тӥ арын 10-тӥ оштолэзе
Азьвыл нимъёсыз Завод (Заод), 21.02.1918 — Иж завод
27.12.1984 — Ижкар
19.06.1987 — Устинов
Шоркар  1918-тӥ арысен
Быдӟалаез 315,15[2] км²
Шор интылэн ӝуждалаез 140 м
Часовой поясэз UTC+4:00
Улӥсез
Улӥсез ↘623 472[3] мурт (2021)
Улӥсь калыклэн ӵемлыкез 1978,33 адями/км²
Агломерация Иж
Йӧскалыкъёс ӟучъёс, удмуртъёс, бигеръёс но мукет
Инмарлы оскон православнойёс, мусульманъёс но мукет
Катойконим

ижкарчи ӟуч ижевча́не, ижевча́нин, ижевча́нка

[4]
Официальной кылъёс удмурт, ӟуч
Лыдпус тодметъёс
Телефон код +7 3412
Почта индекс 426000 — 426999
Код ОКАТО 94401
Код ОКТМО 94701000001
Мукетыз
Награды Октябрь Революци нимо орден — 1978
Ужан данлыкен кар

izh.ru

(ӟуч)(англи)(удм.)
Ижкар (Россия)
Точка
Ижкар
Red pog.svg
Москва
Ижкар (Удмуртия)
Точка
Ижкар
Логотип Викисклада Медиафайлъёс РувикиМедиа пушкын

Ижкар (ӟуч Иже́вск[6], 1984-тӥ арысен 1987-тӥ арозь — Усти́нов) — улӥсьёслэн лыдзыя Росси Федерациын кызь одӥгетӥез кар луэ; Поволжьеысь но Предуральеысь одӥгез бадӟымез промышленной, вузкарон, научно-образовательный но чеберлыко центр, Удмурт Элькунлэн шоркарез[7]. Ижкар кар округ кылдытэ.

Тодмо луэ пыӵал тӥрлык но машина поттон удысъёсын. Росси Федерацилэн «оружейной столицаез» но «ужан данлыкен кар» нимъёсын пусъемын. 2010-тӥ арын Ижкар Росстройлэн «Россиысь тужгес шулдырез кар» ӵошатсконлэн I категорияз 3-тӥ инты басьтӥз[8].

Росси Федерацилэн Азьмуртэзлэн 2020-тӥ арын 2-тӥ пӧсьтолэзе гожтэм Косэтэзъя Ижкарлы «Ужан данлыкен кар» ним сётэмын[9].

1992-тӥ арысен Ижкарлэсь нуналзэ паськыт пусъё котькуд 12-тӥ инвожое.

Нимыз

[Тупатыны | вики-текстэз тупатыны]

Карлэн нимыз Иж шурлэн нимыз бордысь кылдэмын (удм. Оӵ)[10][11]. 1760-тӥ арын Пётр Шувалов графлэн кичӧлтэмезъя Оӵ шур вамен ӵыпет ӝутӥзы, собере корт поттон завод лэсьтыны кутскизы; котыраз бӧрсьысь ужасьёслы улон коркаос пуктӥзы, озьы кылдӥз вуоно Ижкар — Ижевской Завод (соин ик али но Дэри ёросысь пересьёс сое Завод, Заод шуо на). Шур нимлэн кылдэмез сярысь али ке но спръяськонъёс мыно. Вашкала дыръя иж (ыж) интыним вутымез валэктӥсь нимаз кыл чотын кутӥськыны быгатэ шуыса, малпан вань[12]. Та кыллюкет удмуртъёслэн, коми-пермякъёслэн но мукет калыклэн интынимъёсаз пумиськылэ (шуръёс: Варыж, Ижма, Иж (Пижмалэен вайшурез), черкогуртъёс: Иж но Ижевское)[13]. Пӧртэм аръёсы Ижез пӧртэм сямен нималлязы. Кылсярысь, Иж завод (1760—1918), Ижевск (1918—1984, 1987— али дырозь), Устинов (1984—1987)[14][15]. Вераськонын ӵемысь ӟуч формаос кутӥськылӥзы: Иж, Ижево; удмурт: Иж, Ижкар (удм. Ижлэсь но удм. кар — «город на Иже») Ожзавод («военный завод»), Завод; бигер: Иж, Ижау[13][16][17].

Интыяськемез[Тупатыны | вики-текстэз тупатыны]

Кар интыяськемын Восточно-Европейской ӵошаллэн шундыӝужанпал люкетаз, Ватка но Кам шуръёс вискын, Иж шур дурын (Камлэн бурпал вайшурез). Карлэн валтӥсь вутымез — Иж тымет XVIII даурлэн пумазгес кылдытэмын, вувыллэн быдӟалаез 2 200 га.

Ижкар Мусколэсь 1198 иськемлы палэнэ интыяськемын, Пермьлэсь — 279 иськемын, Казаньлэсь — 390 иськемын, Кировлэсь — 426 иськемын, Уфалэсь — 341 иськемын, Самаралэсь — 561 иськемын, Ульяновсклэсь — 576 иськемын, Нижний Новгородлэсь — 786 иськемын, Саратовлэсь — 1026 иськемын, Набережные Челнылэсь — 200 иськемын.

Ижен бадӟым каръёсын кусыпсы (машинаен мынон сюресъёс кузя)[18]
Санкт-Петербург ~ 1936 км
Киров ~ 404 км		 Сыктывкар ~ 826 км
Глазов ~ 177 км		 Пермь ~ 281 км
Нижний Тагил ~ 728 км
Москва ~ 1181 км
Нижний Новгород ~ 779 км
Казань ~ 377 км
Роза ветров
 Екатеринбург ~ 643 км
Чайковский ~ 96 км
Воткинск ~ 59 км
Самара ~ 587 км
Ульяновск ~ 572 км
Можга ~ 87 км		 Оренбург ~ 746 км

Нижнекамск ~ 228 км
Набережные Челны ~ 183 км
Агрыз ~ 36 км

Нефтекамск ~ 130 км
Магнитогорск ~ 684 км
Уфа ~ 398 км
Сарапул ~ 66 км

Часовой пояс[Тупатыны | вики-текстэз тупатыны]

Ижкаре лымшор 12:27 часын вуэ[19].

Куазь[Тупатыны | вики-текстэз тупатыны]

Куазь шоро-куспо континентальной. Гужем татын вакчи но шуныт, толалтэ кема кыстӥське но кезьыт возиське. Ар куспын шоро-куспо температура +3,0 °C, тӧллэн ӝоглыкез — 3,6 м/с, омырлэн мускытлыкез — 76 %. Тужгес кезьыт куазь пусъемын вал 1978-тӥ арын 31-тӥ толсуре, тужгес пӧсез нунал — 2021-тӥ арын 21-тӥ гудырикошконэ, +38,1 °C. Тужгес шуныт куазь возиське пӧсьтолэзе (нимызъя ик валаны луэ) — шоро-куспо температура та толэзе трос аръёс ӵоже чакламъёсъя +18,9 °C. Тужгес кезьытэз толэзь — толшор, шоро-куспо температураез −12,4 °C.

Шорлыдын ар ӵоже 508 мм пала зор-кот усе. Тужгес трос гужем: инвожо толэзе — 62 мм, пӧсьтолэзе — 58 мм гудырикошконэ — 67 мм. Тужгес ӧжыт тол пумын но тулыс, тулыспалэ — 21 мм, южтолэзе — 22 мм но оштолэзе — 26 мм. Ижкарын ӵемге тӧл лымшор но шундыпуксён вискысь пельтэ, чылкак тӧласьконтэм дырыз туж ӧжыт. Сильтӧлъёс туж шер луыло.

Климат Ижевска
Показатель Янв. Фев. Март Апр. Май Июнь Июль Авг. Сен. Окт. Нояб. Дек. Год
Абсолютный максимум, °C 5,4 5,8 14,1 29,2 33,4 35,8 37,0 38,1 33,0 24,1 12,7 4,5 38,5
Средний максимум, °C −8,9 −7,7 −0,7 8,8 18,2 23,2 25,1 21,9 15,2 6,9 −2,4 −7,5 7,7
Средняя температура, °C −12,4 −11,7 −5 3,7 11,7 17,0 19,0 16,0 10,2 3,4 −5,1 −10,6 3,0
Средний минимум, °C −16,1 −15,5 −9,2 −0,6 5,9 11,2 13,4 11,1 6,2 0,4 −7,8 −14 −1,3
Абсолютный минимум, °C −46,8 −40,4 −32,1 −23,9 −11,2 −2,4 4,3 −1,7 −8,5 −21,3 −33,5 −47,5 −47,5
Норма осадков, мм 30 21 22 26 48 62 59 67 55 51 40 30 511
Источник: Погода и климат

Толалтэ музъемлэн кынмон мурдалаез 170 см пала[20].

Музъем выл[Тупатыны | вики-текстэз тупатыны]

Ижкар ӧжытак вырйыло ӵошалын интыяськемын. Ӝужыт интыосыз: Зарека, Гора, Восточный посёлок. Ижкарлэн тужгес ӝужыт люкетэз (208 м) Карлутка но Чемошурка шуръёс вискын кылле (Восточной посёлок).

Карлэн лымшорпал люкетэз — лайыг интыын, интыен-интыен нюр. Тужгес лайыг интыосыз — Иж но Позимь шур нёжалъёсын, тулыс тудву кошкон дыръя вубасьтэ.

Историез

[Тупатыны | вики-текстэз тупатыны]
Основная статья: Ижкарлэн историез

Нырысь лыктэмъёс[Тупатыны | вики-текстэз тупатыны]

Туала Ижкар интыын нырысь улон интыос III—V дауръёсы кылдӥллям. Та вакытэн ик тодосчиос герӟало кык юнматэм гуӵинъёсты , кудъёсызлэн кылем-мылемъёссы Карлутка шур дурын шедьтэмын вал. Али татын «Металлург» санаторий интыяськемын. Со улон интыос Мазунинской культураен герӟасько но туж юн тупало шор дауръёслэн кутсконэзлы: кор борддоръёсын юнматэм пу лэсьтосъёс одӥг ласянь гудэм сюен но вукыремъёсын котыртэмын вылэм, мукет палтӥз шур дуре вуттӥсь меӵ ярдуръёсын.

Кыкетӥез тодмо археологи синпелет — Ижысь шайгу, (азьвыл нимыз «Вшивой горка») али со интыын , Подборенка шурлэн Иж тыметэ усён интыяз, Нылпи устолыкъя юрт но Милиционной урамысь пу коркаос сыло. 1957-тӥ арын В. Ф. Генинглэн археологической группаез та интыысь IV—V дауръёсы ватэмъёсты шедьтӥз. Берло та эскерон-копан ужъёсты Т. И. Останина азьланьтӥз[21].

Бигер вакыт[Тупатыны | вики-текстэз тупатыны]

Азьвыл дыръёсы иж музъемъёс Казан ханстволэн пушпӧлаз пыртэмын вал. Нош 1552-тӥ арын ӟуч войсколэн Казанез киултэмез бере, Казан ханство куашказ. 1558-тӥ арлэн кутсконаз удмурт шаерез Ӟуч эксэйлыклэн пушпӧлаз пыртон ужрад йылпумъяськиз. 1582-тӥ арын Иван Грозной Иж нёжалъёсысь музъемъёсты Багиш Яушев бигер князьлы сётӥз. Озьы татын Терсинской нимо бигер волость кылдӥз. 1733-тӥ арын Яушевёс иж музъемъёссэс росси дипломатлы (выжыезъя бигер) Алексей Иванович (Кутлу-Мухаммед Мамешевичлы) Тевкелевлы вузазы.

Корт лэсьтон завод[Тупатыны | вики-текстэз тупатыны]

1734-тӥ арын Уралын, Кушва шурлэн бурпал ярдурысьтыз, гурезьысь трос железной руда шедьтэмын вал. Берлогес со гурезез Благодать шуыса нимазы. Рудаез поттон но корт лэсьтон вылысь, гурезь котырысь интыосын казёной заводъёс пуктылӥзы: Кушвинской, Верхнетуринской, Баранчинской но Серебрянской. Но со рудаез переработать карон понна, мукет заводъёс кулэ луизы. Соин сэрен 15 (26) куарусёнэ 1757 арын граф Пётр Иванович Шувалов, со вакыт Гороблагодатской заводъёсын кивалтӥсь, Елизавета Петровна императрицалэсь Прикамьеын эшшо куинь корт лэсьтон завод лэсьтыны лэзет басьтӥз. Одӥгзэ соос пӧлысь (берлогес Камской нимамын), Иж шур дуре ӝутыны вераськемын вал. 10 (21) оштолэзе 1760 арын Алексей Степанович Москвин инженерлэн кивалтэмез улсын, Гороблагодатской заводъёсысь ваем мастеровойёсты но котырысь крестьянъёсты люкаса, Иж завод но котыраз сыӵе нимын ик улон инты ӝутыны кутскизы[22]. Кивалтонъя Иж каргуртэз Казанской губерниысь Хлынов уездлэн пушпӧлаз пыртӥзы[23].

1763-тӥ арын нырысетӥ корт (сталь) поттэмын вал[22]. Иж заводын поттэм сталез Тулаысь пыӵал тӥрлык лэсьтон заводэ, Петербурге, Брянской заводэ, Варшавской арсеналэ но Черноморской адмиралтействое келяллязы.

15 (26) шуркынмонэ 1763 арын, Шувалов кулэм бере, Екатерина II Иж заводэз казна чотэ пыртон сярысь Косэт гожтӥз.

Гужем 1774-тӥ арын Иж заводэз Емельян Пугачёв киултӥз. Ӝутӥськемъёс завод кивалтӥсьёсты виылӥзы, ваньбурез талазы но заводлэсь ог люкетсэ сутӥзы. Каргуртэз мозмытэм бере, заводэз тупатъязы ке но, заказъёс пумен ичиомизы [22].

1780-тӥ арысен Иж каргурт Вятской наместничествоысь Сарапул уездэ пыртэмын (1797-тӥ арысен — Ватка губерния)[23].

Пыӵал тӥрлык поттон завод[Тупатыны | вики-текстэз тупатыны]

XIX даурлэн кутсконаз Наполеоновской Франциен кылдэм югдур Росси кивалтэтэз зол сюлэмшугъяськытӥз но пыӵал тӥрлык поттонлэсь лыдзэ будэтон сярысь малпаськытӥз. Солы луыса, 1806-тӥ ар пумын выль пыӵал поттон удысэз кылдытон сярысь Пуктэт кутэмын вал, нош 20 тулыспалэ (4 южтолэзе) 1807 арын император Александр I Андрей Фёдорович Дерябинлы, Уралысь корт лэсьтон заводъёсын кивалтӥсьлы, Ижысь заводын пыӵал тӥрлык поттонэз радъян сярысь Косэт гожтӥз. Угось Иж завод пыӵал поттонлы котыр ласянь тупа вал[24].

А. Ф. Дерябинлы синпелет Иж тыметлэн ярдур урамаз

10 (22) инвожое 1807 арын Дерябинлэн кивалтэмез улсын корт лэсьтон заводлэн инъет вылаз Ижысь пыӵал поттон завод кылдытэмын[22][16]. Продукцилэсь ӟечлыксэ будэтон вылысь, заводэ сю пала немец, швед но дани оружейникъёс, инструментальщикъёс, дуриськисёс, токарьёс но мукет удысчиос ӧтемын вал[25].

Заводлэн но со котырын пуктӥськись улон юртъёслэн архитектура ласянь планзы, озьы ик Дерябинэн ӧтем Семён Емельянович Дудинлы оскемын вал. Заводын ик Европаысь лыктэм ӧнерчиос ужасьёсты но инженеръёсты дышетылӥзы. Пыӵал тӥрлык поттон валлин, татын мукет ужан тӥрлык поттон но радъямын вал на.

13 (25) толшоре 1808 арын военной министре Алексей Андреевич Аракчеевез юнматӥзы. Солы луыса, Ижысь ужан тӥрлык поттон удыс быдэсак дугдытэмын вал, ворсаськизы нимазъям мастерскойёс, кудъёсаз пыӵалъёслы детальёс поттылӥзы, палэнтэмын кунгожсьӧр кусыпъяськон. Ачиз Дерябин заводэн кивалтонлэсь палэнтэмын вал. Со интые пуктэмын Вильгельм Яковлевич Шейдеман, кудӥз Дерябинлэсь радъям ужзэ быдэсак куашкатӥз[26]. 28 коньывуонэ (9 шуркынмонэ) 1808 арын Ижысь корт поттон но пыӵал тӥрлык лэсьтон заводъёсты Горной департаментлэсь люкыса, Военной министерствое выжтӥзы[22].

Иж заводысь пыӵал тӥрлык лэсьтӥсьёс. 1880-тӥ аръёс

9 (21) коньывуонэ 1865 арын заводэз «Промышленникъёслэн товариществозылы» арендае сётӥзы. 1870-тӥ арын со арендае Л. Э. Нобель но П. А. Бильдерлинг пыриськизы. 1 (13) пӧсьтолэзе 1884 арын выльысь казнае пыртэмын. 1873-тӥ арын заводын сталелитейной производство радъямын. 1881-тӥ арын — прокатной. Со дырысен андан ӵыжатон завод нимаз предприятие луиз. Отын поттэм анданэз но полуфабрикатъёсты пыӵал поттон заводэ сяна, быдэс Россиысь мукет предприятиосы келяллязы.

Тыложъёс ӧвӧлтэм дыръя, пыӵал тӥрлык поттон медаз усьы шуыса, 1885-тӥ арын пӧйшуран пыӵалъёс поттыны кутскизы. 1897-тӥ арын со интые Мосинлэсь винтовкаоссэ тросэн поттон радъямын[25].

Революция но Граждан ож[Тупатыны | вики-текстэз тупатыны]

5 (18) южтолэзе 1917 арын заводлэн активез цех старостаосты Ужась, крестьян но солдат депутатъёслэн Кенешазы огазеяны дэмлаз. Сое ик каткылдытӥсь ёзэтэн ялӥз. 6 (19) южтолэзе 1917 арын нырысьсэ Кенеше 30 ужась мурт, ньылез соос пӧлысь ожгар частьёсысь вуэмъёс, сизьымез ― огшоры улӥсьёс пыризы. 7 (20) южтолэзе 1917 арын цех старостаос ужоскетсылэсь быдэсак палэнэмын вал. Ужась депутатъёслэн Кенешазы 160 муртэ бырйизы. Соос пӧлын большевикъёс, социал-демократъёс (меньшевикъёс) социалистъёс-революционеръёс, эсеръёс-максималистъёс люкаськизы. 1917-тӥ арысен куарусён толэзьысен трос партием Кенешен большевикъёс кивалтыны кутскизы. «Известия Ижевского Совета» газет соин валче быдэсак большевистской луиз.

Базарной ульча (али Горький нимо ульча), 1918-тӥ ар
Ижысь пыӵал тӥрлык поттон завод, 1916-тӥ ар

27 коньывуонэ (9 шуркынмонэ) 1917арын Ижын Совето власть ялэмын вал, нош шуркынмон толэзе Ижысь Советлэн нырысетӥ Уставез кутэмын. 1918-тӥ арын 21-тӥ тулыспалэ Ижысь ужась, крестьян но солдат депутатъёслэн Кенешсы Иж завод каргуртлы кар инлык сётӥз. Со арын ик 28-тӥ куартолэзе большевикъёс Кенешез уллязы но 21-тӥ пӧсьтолэзе солэсь большевик луисьтэм азьветлӥсьёссэ пытсэтазы. Карысь тодмо купецъёсты виылӥзы, ваньбурзэс талазы. 5-тӥ гудырикошконэ Кенешлэн тӧроез И. Д. Пастухов Ижысь тӧрлык соин кылдытэм Военно-революционой комитет киулэ выже шуыса ялӥз. 8-тӥ гудырикошконэ антибольшевистской ӝутӥськон (Ижевско-Воткинской восстание) кутскиз[27]. Военно-революционной комитетлэн ужчиосыз уллямын яке виылэмын вал, нош Кар Кенешлэн тӧрлыкез выльысь берентэмын. Актовой книгаын гожтэмъя, ассэ Пастуховез ӝутӥськемъёсз Кенеш юртын ик визы[28]. 100 нунал ӵоже кыстӥськись Ӝутӥськон дыръя завод каргуртэн Депутатъёслэн Кенешсы кивалтӥз. Кулэ Пуктэтъёс сяна, со ижкарчиос понна «Ижевский защитник» газет поттылӥз[29].

Лек ожмаськонъёс бере 7-тӥ шуркынмонэ 1918-тӥ арын Ижез Горд Арми (В. М. Азинлэн дивизиез) киултӥз [30]. Куинь но ӝыны сюрслэсь ятыр ӧнерлыко заводчиос, ас семьяосынызы понтон выж кузя потыса, Камлэн паллян ярдураз, «Колчаковие» выжизы[31].

Ижысь Кенешез тӧрлыклэсь палэнтыса, Ижын большевистской Ревком ялэмын вал. Солы азьветлӥсе Азин аслэсьтыз политкомиссарзэ Дмитрий Зоринэз юматӥз. Большевикъёслы пумит султэмъёсты, ваньзэс сямен, репрессировать каризы[32].

1919-тӥ арын 13-тӥ оштолэзе Ижез Колчаклэн армиез басьтӥз. 6-тӥ инвожое Ижкарез Горд Армилэн дивизиосыз штурмен басьтӥзы[14]. Собере ини татын копак большевик Кенеш кылдытэмын вал.

Совето вакыт[Тупатыны | вики-текстэз тупатыны]

1921-тӥ арын 10-тӥ инвожое Вотской автономной областьлэсь шоркарзэ Глазысь Ижкаре выжтӥзы. 1934-тӥ арын 28-тӥ толшоре Иж УАССР-лэн шоркарез луиз[14][33].

Выписка из протокола ВЦИК-лэн Президиумезлэн 1921-тӥ арын 10-тӥ инвожое ортчем заседаниысьтыз улослэсь шоркарзэ Глазысь Ижкаре выжтон сярысь протоколэз

Шоркар статус басьтэмен но татчы бадӟым прмышленной предприятиосты выжтэмен валче, Ижкарлэн азинсконэз уката юнмаз. 60 ар куспын совето Ижкарын улӥсьёслэн лыдзы 10 поллы йылӥз. Интывылыз будӥз но паськытаз. Кылсярысь, 1940-тӥ арысен 1988-тӥ арозь 17 матысь гуртъёс Ижкарен огазеямын вал.

1930-тӥ аръёслэн кутсконаз Ижкарлэн но быдэс Удмуртилэн азинсконэз чутрак воштӥськиз. Со арын Ижын удмурт гожъяськисьёслэн нырысетӥ конференцизы ортчиз. Соку ик кылдытэмын вал Удмурт кун филармония но театрально-художественной училище. 1931-тӥ арын усьтӥськиз Педагогикая Удмурт институт (али — Удмурт кун университет), Историяя, кылъя но литературая Удмурт институт, Драмая Удмурт кун театр (али — Удмурт Элькунысь Йӧскалык кун театр ). 1935-тӥ арын 18-шуркынмонэ трамвай ветлыны кутскиз. Нырысетӥ маршрутлэн кузьдалаез 5 иськем сяна ӧй вал. Со Ватка пролкаысен кутскыса, Карл Маркс нимо урам кузя Воткинской ж/д линиозь кыстӥськиз.1935-тӥ арозь Ижкар Уралысь тужгес бадӟымез промышленной центр луиз.

1941-тӥ арын Иже кӧня ке оборонной предприятиосты выжтӥзыл. 1942-тӥ арын инвожое Ижевскын механической завод усьтэмын. Быдӟым Атыкай ож вакытэ кар-завод 12 500 000 пала стрелковоой пыӵал тӥрлык поттӥз. Тылож кутскемлэсь азьпал ӝутыны кутскем цирклэн из юртэз 1943-тӥ арын быдэстэмын вал. Быдэс Удмуртиысь нырысетӥез корт конструкциосын лэсьтэм купольной сооружение 1811 муртлы чакламын вал.

1948-тӥ арын мотозаводын Калашниковлэсь «АК» автоматсэ поттыны кутскизы. 1929-тӥ арын татын поттэмын вал Россиысь нырысетӥез мотоцикл, 2009-тӥ арын гужем Ижысь мотоциклистъёс «Иж» мотоцикллэсь 80 ар тырмонзэ пусйизы. 1966-тӥ арын 12-тӥ толсуре конвейерысь нырысетӥ иж автомобиль васькиз. СССР-лэн Вылӥ Президиумезлэн 1978-тӥ арын 11-тӥ толсуре гожтэм Косэтэзъя, Ижкар Октябрь Революци нимо орденэн пусъемын.

1984-тӥ арын 27-тӥ толсуре Ижысь парти тӧрлыклэн кичӧлтэмезъя карлэн нимыз, СССР-ысь обороная министрез Дмитрий Устиновез буре вайыса, Устиновлы воштэмын. Берлогес, 1987-тӥ арын 19-тӥ инвожое, татын улӥсь калыклэн куремезъя Ижкарлы аслаз нимыз берыктэмын вал, нош Устинов ним карысь одӥгезлы ёрослы сётэмын.

Туала вакыт[Тупатыны | вики-текстэз тупатыны]

2000-тӥ арын 11-тӥ тулыспалэ Кун Кенеш но Кивалтэт Свято-Михайловской соборез выльысь усьтон сярысь огъя Пуктэт кутӥзы. 2004-тӥ арын куартолэзе выльдон-тупатъян ужъёс кутскизы. 2007-тӥ арын 5-тӥ гудырикошконэ бадӟым черкысь Михаил Архистратиглы сӥзем валтӥсь престолзэ Патриарх Алексий II вӧсяз, со ик выль черкын нырысетӥ литургиез ортчытӥз. 1997-тӥ арын Ижкар дума Ижкарлэсь гербзэ юнматӥз. Солэн авторъёсыз Сергей Львович Бехтерев но Николай Быков. 2003-тӥ арын куарусён толэзе (1943-тӥ арын пуктэмез интыын) цирклэн выль юртэз усьтӥськиз.

2008-тӥ арын Ижкарын паськыт пусъемын Удмуртилэн Росси кунлэн пушпӧлаз пыремез дырысен 450 ар тырмонэз. 2010-тӥ арын 3-тӥ куарусёнэ Ижкар 250 ар тырмонзэ пусйиз. 2010-тӥ арын сӥё-дано усьтэмын Иж тымет дурысь выльдэм ярдур урам.

2011-тӥ арын шуркынмон толэзе «Ижкар» муниципал кылдытэт но солэн тӧроез А. А. Ушаков 2010-тӥ арын «Россиысь тужгес шулдырез кар (гурт) поселение» огъяросси вожвылъяськонэ пыриськемез понна Росси Федерациысь Улос азинсконъя министерстволэн таукаронэныз пусъемын.

2011-тӥ арын 29-тӥ шуркынмонэ Удмурт Элькунлэн тӧроез Александр Волков Ижкарлы «Ужан данлыкен кар» ним сётон сярысь Косэт гожтӥз.[34].

2020-тӥ арын 8-тӥ пӧсьтолэзе Ижкарлы «Ужан данлыкен кар» ним сётэмын[9].

2022-тӥ арын 26 куарусёнэ 88 номеро школаын трос калык виемын вал[35].

Улӥсез

[Тупатыны | вики-текстэз тупатыны]

Ижкарын улӥсьёслэн лыдзы быдэс Удмуртиын улӥсьёслэн лыдзылэсь 43.23 % -эз луэ. Йылэмез 2473 мурт[36]. Улӥсьёслэн ӵемлыксы — 2016,8 чел/км². Тужгес трос улӥсез вал 1996-тӥ—1998-тӥ аръёсы, соку Ижын 654,5 адями лыдъяськиз[37], со дырысен улӥсьёслэн лыдзы арысь аре синэ.

Ижкарын вордӥськемъёслэн но кулэмъёслэн лыдзы, мурт.
Ижкары улӥсь йӧскалыкъёслэн пӧртэмлыксы ёросъёсъя, 2010-тӥ арын лыдъян-чотан

Иж котырын улӥсьёслэн лыдзы 700 сюрсысен 1 миллионозь лыдъяське.

Численность населения
1760[38]1770[38]1780[38]1807[38]1840[38]1862[38]1897[38]1917[38]1923[39]1926[40]1931[41]
200↗2300↘2000↗4000↗16 000↗22 800↗41 000↘40 000↗51 900↗63 087↗98 205
1933[42]1937[40]1939[43]1956[44]1959[45]1965[38]1967[39]1970[46]1973[39]1974[38]1975[47]
↗127 700↗148 724↗175 567↗252 000↗285 294↗351 000↗376 000↗422 409↗473 000↗500 000↗511 000
1976[48]1979[49]1982[50]1983[38]1985[51]1986[48]1987[52]1989[53]1990[54]1991[48]1992[48]
→511 000↗548 721↗587 000↗600 000↗606 000↘605 000↗631 000↗635 109↗642 000↗647 000↗651 000
1993[48]1994[48]1995[51]1996[51]1997[55]1998[51]1999[56]2000[57]2001[51]2002[58]2003[39]
↗653 000→653 000↗654 000→654 000→654 000→654 000↗655 300↘652 800↘650 300↘632 140↘632 100
2004[59]2005[60]2006[61]2007[62]2008[63]2009[64]2010[65]2011[66]2012[67]2013[68]2014[69]
↘628 000↘623 400↘619 500↘615 700↘613 300↘611 043↗627 734↗627 917↗629 455↗632 913↗637 309
2015[70]2016[71]2017[72]2018[73]2019[74]2020[75]2021[3]
↗642 024↗643 496↗646 277↗648 213↗648 944↘648 146↘623 472
Ижысь ёросъёсын улӥсьёс
Завьяловский район
100 000
200 000
300 000
400 000
500 000
600 000
700 000
1770
1897
1933
1965
1975
1985
1991
1996
2001
2006
2011
2016
2021
Йӧскалыкъёслэн пӧртэмлыксы

Удмуртилэн шоркараз сюлэсь ятыр пӧртэм йӧскалыкъёс уло. 2010-тӥ арын ортчытэм лыдъян-чотанъя, Ижын улӥсьёс пӧлын кык куиньмосэзлэсь ятырез — ӟучъёс (68,8 %), удмуртъёс 14,8 % пала люкасько, лыдзыя куинетӥ интыын — бигеръёс (8,9 %), мукетъёсыз 7,5 % — украинецъёс, белорусъёс, поръёс, башкиръёс, чувашъёс, армянъёс, еврейёс, немецъёс но мукет йӧскалыкъёс.

Ижкар идиш кылын вераськись еврейёслэн Волго-Камской регионысь центры лыдъяське[82]. Еврейёс татын 1830-тӥ аръёсысен уло ини[83]. Ижкарысь еврейёслэн идиш кылазы удмурт но бигер асэстэм кылъёс пумиськыло[84].

Интыысь аскивалтон

[Тупатыны | вики-текстэз тупатыны]

Ижкарлэсь муниципал тӧрлыксэ Кар дума, карлэн тӧроез но «Ижкар» муниципал кылдытэтлэн администрациез быдэсъя. Кар дума — муниципал кылдытэтлэн бырйиськись ёзэсэз луэ. Муниципал быръёнъёсын 42 депутат вить арлы бырйиське.

" Ижкар" муниципал кылдытэтлэн тӧроез Ижкарлэн вылӥ ужоскето муртэз луэ. Сое вожвылъяськон пыр ортчем ӵектэммуртъёс пӧлысь лушкем куара сётонэн Кар дума быръе. "Ижкар" муниципал кылдытэтлэн тӧроез Кар администрациен кивалтэ. Солэн ужоскето дырыз Кар думалэн дырыныз огкадь луэ.

2010-тӥ арысен 2015-тӥ арын коньывуон толэзёзь Ижкарлэн тӧроез Александр Александрович Ушаков вал. 2015-тӥ арын 8-тӥ коньывуонэ Кар думалэн куатетӥ ӧтчамезлэн нырысетӥ сессияз Ижкарлы тӧрое Юрий Тюринэз бырйизы, кар думалы тӧрое ― Олег Гаринэз[85]. 2018-тӥ арын 18-тӥ коньывуонэ Ижкарлы тӧрое быръемын Олег Бекмеметьев. 2023-тӥ арын 5-тӥ куарусёнысен та ужоскетэ юнматэмын Дмитрий Александрович Чистяков[86].

"Ижкар" муниципал кылдытэтлэн исполнительно-распорядительной ёзэтэз кар администрация луэ. Соинкар администрацилэн тӧроез кивалтэ . Администрацилэсь пушъёзэссэ кар дума юнматэ.

Администрациосъя люкиськемез

[Тупатыны | вики-текстэз тупатыны]
Ижысь ёросъёс
Устинов
24,3 км²
Первомай
49,5 км²
Ленин
134,0 км²
Индустри
35,5 км²
Октябрь
87,8 км²
Дэри ёрос
2202,82 км²
Завьяловский район

Ижкар 5 ёросъёслы люкиське[87][88][89].

Удмурт облисполкомлэн Президиумезлэн 1934-тӥ арын 2-тӥ южтолэзе кутэм Пуктэтэзъя Ижкарын куинь администраци ёросъёс кылдытэмын вал: Азин, Жданов но Пастухов нимо. 1945-тӥ арын эшшо кыкез ватсаськиз: Первомай но Октябрь. 1960-тӥ—1962-тӥ аръёсы Ижысь ёросъёс быдтэмын вал[90].

РСФСР-ысь Вылӥ кенешлэн Президиумезлэн 1962-тӥ арын 23-тӥ куартолэзе юнматэм Косэтэзъя, Ижкар выльысь куинь ёрослы люкемын: Ленин, Октябрь, Первомай. 1963-тӥ арын тулыспалэ Индустри ёрос кылдытэмын. УАССР-ысь Вылӥ Кенешлэн Президиумезлэн 1987-тӥ арын 13-тӥ инвожое юнматэм Пуктэтэзъя кылдытэмын Устинов ёрос[90].

Дышетон

[Тупатыны | вики-текстэз тупатыны]

Вылӥ дышетскон[Тупатыны | вики-текстэз тупатыны]

Основная статья: Удмуртиысь вылӥ дышетсконниос‎‎

Ижкар Удмуртилэн тужгес бадӟымез дышетон но тодос центреныз лыдъяське. Татын 4 кун вылӥ дышетсконниос интыяськемын:

Ижкарын вань на таӵе частной луись вылӥ дышетскон заведениос:

  • Гуманитарной но инженерной технологиосъя Кам институт
  • Калыккуспо Восточно-Европейской университет

Со сяна, карын таӵе вузъёслэн филиалъёссы ужало:

Огъя дышетон[Тупатыны | вики-текстэз тупатыны]

Ижкарын 93 нуназе ужась огъядышетон школа усьтэмын[91], соос пӧлын: 53 шоръёзо (полной) огъядышетон школа, 12 нимаз предметъёсты мур дышетонъя огъядышетон учреждение, 4 гимназия, 12 лицей, 1 основной огъядышетон школа, 10 специальной (коррекционной) школа I—VIII видъем (ляб тазалыкен нылпиослы чаклам дышетон учреждениос), 1 огъя типъем школа-интернат. Озьы ик ужа 4 ӝыт (сменаосъя) огъядышетон школа. 2014-тӥ—2015-тӥ дышетскон аръёсы нуназе школаосын дышетскисьёслэн лыдзы 64 210 мурт вал, со кылем арен ӵошатыса, 1221 муртлы тросгес[92]. Москваысь вис карытэк математикалы дышетон центр Россиысь 500 тужгес ӟеч шкоолаосты пусйиз . Соос 2014-тӥ — 2015-тӥ дышетскон аръёсы тужгес ӟеч показательёс возьматӥзы. Со 500 ӟеч школаос пӧлы Ижкарысь 6 школа пыртэмын: 74-тӥ номеро школа, 86-тӥ номеро гуманитарно-юридической лицей, 30-тӥ номеро лицей, 41-тӥ номеро лицей, 89-тӥ номеро школа но 29-тӥ номеро лицей[93].

Школае мынытозь дышетон[Тупатыны | вики-текстэз тупатыны]

Ижкарын 207 школае мынытозь дышетон юрт ужа[94].

2014-тӥ арын 9 нылпи сад «Россиысь устоез нылпи сад» росси ӵошатсконын вормиз. 131-тӥ но 141-тӥ номеро нылпи садъёслэн ужан амалъёссы ЮНЕСКО-лэн сайтаз поттэмын. 186-тӥ номеро нылпи сад Россиысь 100 устоосыз ныллпи садъёс пӧлы пыртэмын. Удмурт Элькунлэн рейтингаз 3 нылпи сад азьпал радъёсын сылэ.

Лыдӟиськонниос[Тупатыны | вики-текстэз тупатыны]

Удмуртилэн шоркараз 25 кар лыдӟиськонни усьтэмын. Соос пӧлысь тужгес бадӟымъёсыз:

Лулчеберет

[Тупатыны | вики-текстэз тупатыны]
Удмуртиысь Драмая ӟуч кун театр
Удмурт Элькунысь П. И. Чайковский нимо операя но балетъя кун театр
Удмуртиысь кун цирк
М. Т. Калашниковлы сӥзем музей
Калыкъёслэн Эшъяськон юртсы

Театръёс[Тупатыны | вики-текстэз тупатыны]

Основная статья: Удмуртиысь театръёс‎‎

Цирк[Тупатыны | вики-текстэз тупатыны]

  • Удмуртиысь кун цирк

Крезьгур[Тупатыны | вики-текстэз тупатыны]

Музейёс но галереяос[Тупатыны | вики-текстэз тупатыны]

  • Удмурт Элькунысь Кузебай Герд нимо йӧскалык музей
  • Удмурт Элькунысь изобразительной искусствоосъя музей
  • М. Т. Калашников нимо адӟытон-музей комплекс
  • Ижкар Музей (Генерал юрт)[97]
  • Ижмаш музей
  • Геннадий Красильниковлэн музей-юртэз
  • Ижевск станцилэн Чугун сюреслы сӥзем музеез
  • «Галерея» адӟытон центр
  • Арт-центр «Грифон»
  • «ТВорческая дача» галерея
  • Удмурт Элькунысь Тӧрлыклэн представительной ёзэтэзлэн историезлы сӥзем музей, усьтэмын 2010-тӥ арын Кун парламентлэн юртаз[98].

Культура юртъёс[Тупатыны | вики-текстэз тупатыны]

Культура Дворец, Ижкар, Удмурт АССР, марка СССР 1960.
ДК Металлург
  • ДК Аксион
  • ДК Восточный
  • ДК Железнодорожник
  • ДС Интеграл
  • ДК Металлург
  • ДК Мир
  • ДК Строитель
  • Калыкъёслэн Эшъяськон юртсы
  • Калык устолыкъя кун юрт (Дом молодёжи)
  • Нылпиослэн но егитъёслэн устолыкъя юртсы
  • «Ижсталь» йӧ дворец
  • ДНТ Спартак
  • Русский Дом (азьвыл кинотеатр «Ударник»)

Кинотеатръёс[Тупатыны | вики-текстэз тупатыны]

Али ужасьёсыз
  • «Империя грёз» (паськыт Пролка, 53-тӥ номеро юрт, ТРЦ «Сигма»)
  • «Киномакс» (Холмогоров нимо ульча, 11-тӥ номеро юрт, ТРЦ «Талисман»)
  • «Роликс» (Автозаводской ульча, 3-тӥ номеро юрт, ТРК «Столица»)
  • «Россия» (Карл Маркс нимо ульча, 242-тӥ номеро юрт)
  • «Ударник» (Воткинское шоссе, 118-тӥ номеро юрт)
  • «Very Velly» (Петров нимо ульча, 29-тӥ номеро юрт, ТРК «Петровский»)
  • «Алмаз Синема» (Баранов нимо ульча, 87-тӥ номеро юрт, ТРК «Молл Матрица»)
  • «Парковка» (Песочной ульча, 9-тӥ номеро юрт, Киров нимо парк)

Паркъёс[Тупатыны | вики-текстэз тупатыны]

М. Горький нимо шутэтскон парк
С. М. Киров нимо шутэтскон парк
Ижкар зоопарк
  • М. Горький нимо гужем сад
  • С. М. Киров нимо шутэтскон парк
  • Удмуртиысь зоопарк
  • Космонавтъёслы сӥзем парк
  • Вормонлы сӥзем сквер
  • Кызьпу арама (Козий парк)
  • Чияпу сквер (Киров нимо ульча)
  • А. Титовлы сӥзем сквер (Гагарин нимо ульча)
  • Металлургъёслы сӥзем сквер (Школьной ульча)
  • Мылкыдо сквер (Вормонлы 40 ар нимо ульча)
  • Эшъяськон сквер (Ленин нимо ульча)
  • граф П. Шуваловлы сӥзем сквер
  • «Звёздочка» синпелет котырысь сквер (Молодёжной ульча)
  • Драгунов оружейниклы сӥзем парк

Карлудъёс[Тупатыны | вики-текстэз тупатыны]

Ижкарлэн Эспланадаез

Кар шулдыръяськонъёс[Тупатыны | вики-текстэз тупатыны]

Ижкарын сямлы пӧрмемын ини Карлэн нуналыз, Вӧйкелян, «Гордо фестиваль», «Сяська фестиваль», удмурт «Гербер», бигер «Сабантуй» но мукет шулдыръяськонъёс. Арлы быдэ карын куамынлэсь трос калыккуспо но улоскуспо лулчеберето проектъёс быдэсъясько. Тужгес бадӟымъёсыз соос пӧлысь тодмо ӟуч крезьгурчилэн П. И. Чайковскийлэн нимыныз герӟаськемын.

Устолыкъя огъяросси фестиваль «На Родине П. И. Чайковского — „Зарни Пилем“»

2010-тӥ арысен Ижкарын «Артпарад» ортче. Со «Селигер» форумлэн улосын пӧртэм удысъёсъя ортчись отборочной турез луэ. 2013-тӥ арын Ижкарын нырысьсэ ортчиз лулчеберетэн но спортэн огазеям "Чылкыт Омыр" I гужем фестиваль. Ужрадэ Россиысь тодмо рок-крезьгурчиос пыриськизы.

2012-тӥ арын инвожо толэзе туала лулчеберетлы сӥзем «Открытый город» II фестиваль ортчиз. Отын куать площадкаослэн ужзы радъямын вал — Шор но вож сценаос, Джаз площадка, ӝӧквыл шудонъёсъя площадка, шатёрын но инкуазез утёнлы сӥзем площадкаос[99].

2013-тӥ арысен арлы быдэ ортче «Читай, Ижевск!» книгалы сӥзем кар фестиваль.

Нумизматикаын[Тупатыны | вики-текстэз тупатыны]

10 манетъем памятной коньдон (2022)

2022-тӥ арын 6-тӥ куартолэзе Россиысь Банк "Ужан данлыкен кар" сериысь "Ижкар" 10 манетъем коньдон поттӥз[100].

Спорт

[Тупатыны | вики-текстэз тупатыны]

Ижкарын 26 нылпи спорт школа ужа, 9-эз соос пӧлысь — олимпи резервъя школаен лыдъяське. Ужало стадионъёс, Спорт дворецъёс но мугорез кыдатонъя но тазатонъя комплексъёс. Тужгес вашкалаосыз стадионъёс: «Зенит» (1933-тӥ арын усьтэмын) но «Динамо» (1936-тӥ арын усьтэмын)[101]. Толалтэ Динамо стадионын йӧ каток ужа.

«Зенит» стадион
«Динамо» стадион

Ваньмыз-ӧвӧлыз 858 спорт сооружениосы нылпиос но егитъёс ветло. 2008-тӥ арын выль спорт огазеяськонъёс пусъемын: Дартс ассоциация, Туала пятиборьелэн федерациез, еосын бигер нюръяськонъя йӧскалык федерация. 1969-тӥ арысен арлы быдэ биатлонъя Ижевская винтовка ӵошатскон ортчылэ.

Карын бадӟым спорт объектъёс вань. Кылсярысь, Г. А. Кулаковалы сӥзем куасэн нискыланъя комплекс но А. М. Демидов нимо спортивно-стрелковой (биатлон) кун комплекс. «Нечкино» но «Чекерил» горнолыжной курортъёс пуктэмын.

2012-тӥ арын 30-тӥ толсуре «Олимпиец» липем каток лэсьтэмын. 2013-тӥ арын 30-тӥ толшоре  М. Т. Калашников нимо техникая кун университетлэн «Буревестник» оздоровительной комплексаз 25 метръем уян бассейн усьтэмын[102]

2013-тӥ арын 23-тӥ южтолэзьысен 29-тӥ южтолэзёзь Ижкарын Ӧлексыослэн I Огъяросси тол спартакиадазы ортчиз.

2014-тӥ арын 26-тӥ тулыспалэ Удмурт Элькунлэн Тӧроезлэн Резиденцияз Сочиын ортчем XXII тол Олимпиадае пыриськем Удмуртиысь сапортсменъёсты сӥлы карон ужрад ортчиз.

Экономика

[Тупатыны | вики-текстэз тупатыны]
В. В. Путин Калашников концернын ужасьёсын пумиськон дыръя
Ижсталь заводлэн промплощадкаез

Банкъёс[Тупатыны | вики-текстэз тупатыны]

Ижкарын Россиысь но кунсьӧрысь коммерческой банкъёслэн ёзэтъёссы усьтэмын. Кылсярысь, Сбербанк, Альфа-банк, Росбанк, Ак Барс банк, Промсвязьбанк но ВТБ.

Промышленность[Тупатыны | вики-текстэз тупатыны]

Основная статья: Ижкар (промышленность)‎‎

Ижкар Удмуртилэн но Ураллэн промышленностья азинскем центрез луэ. Быдэс кунын но дуннеын тужгес тодмо луэ вылӥ ӟечлыко корт поттэменыз, машина но пӧртэм приборъёс лэсьтонын азинскеменыз, пыӵал тӥрлык но сиён-юон поттэменыз.

Ижкарлэн азинсконаз промышленной производство экономика но мерлык ласянь инъетэз луэ. Промышленной предприятиос — карлэн коньдэтаз валтӥсь выт тырисьёс.

2014-тӥ арын Ижкарын поттэм вузъёс 123,2 млрд манет тыр луизы[103]. Соос пӧлын шӧдскымон инты басьто: «Транспорт тӥрлык но оборудовани поттон» (23,6 %), «Машина но оборудовани поттон» (21,9 %), «Электрооборудование, электронной но оптической оборудование» (21,9 %), «Металлургической производство но дась корт арбери поттон» (16,3 %), «Мукет производство» (6,7 %), «Сиён-юон поттон» (5,7 %), «Пулэсь лэсьтӥськон но пу дасян » (2,0 %), «Корт луисьтэм минеральной продуктъёс поттон» (1,9 %)[104].

2013-тӥ — 2014-тӥ аръёсы ужтэк кылемъёслэн лыдзы, мукет аръёсын ӵошатыса, тужгес ӧжыт вал. 2015-тӥ арын 1-тӥ толшоре басьтэм тодэтъёсъя 0,71 % пусъемын[105].

2014-тӥ арын 315,3 сюрс м² улон юрт пуктэмын. Солэн бадӟым люкетэз трос квартираем юртъёс — 87,9 процент. 50 процент палаез Ижкарын пуктэмын.

2015-тӥ арын 25-тӥ куарусёнысен «АВТОВАЗ» — LADA Ижевск ОАО-лэн производственной площадкаяз LADA Vesta машина поттон радъямын[106].

Машина поттон но металлургия удысысь ужъюртъёс
Герӟет
  • «Ростелеком» ОАО-лэн Удмурт Элькунысь филиалэз — Удмуртиысь связья комплексной оператор.
Поттӥсь промышленность
  • «Удмуртнефть» ПАО — геологоразведка, углеводородлэсь кылдон интыоссэ эскерон носое поттонэз радъян
  • «Удмуртторф» АО — торфяной поттонъя ужъюртр
  • «Белкамнефть» АО — мувӧй поттонъя ужъюрт
Хими промышленность
  • «Ижысь пластмасса поттон завод» АО
Лэсьтӥськонъя ужъюртъёс но заводъёс
  • Ижысь керамика материалъёс поттонъя завод
  • Кортбетон поттонъя завод
Сиён-юон поттон
  • «МИЛКОМ» АО
  • Нянь поттонъя Удмурт компания
  • Ижысь сур пӧзьотон «Гамбринус» завод
  • Удмурт хладокомбинат
  • Бабино мясокомбинат
  • «Восточный» мясокомбинат
Капчи промышленность
  • «Сактон» ЗАО  — трикотажной фабрика
  • Ижысь вуриськон «Зангари» фирма

Вузпӧр[Тупатыны | вики-текстэз тупатыны]

2001-тӥ — 2014-тӥ аръёсы Ижкарын нимаз вузкарон

Туала дыре Ижкарлэн вузкарон вотэсаз 2300 нимаз вузаськонъя ужъюрт, 438 мерлыко сиськонни, 4 универсальной нимаз вузаськонъя рынок, 776 стационарной луисьтэм вузаськон инты пусъемын.

Карын вань сиён-юонэн вузкаронъя вотэсъёс супермаркетъёс но гипермаркетъёс, компьютеръёс но соослы сӥ-ёзъёс вузанниос, мерлыко сиськонниос, торгово-развлекательной комплексъёс но бизнес-центръёс. Фармаимпекс аптека вотэслэн шор офисэз Ижкарын интыяськемын. Ижкар вузпӧрын таӵе тодмо брендъёс но вань: «Auchan», «Карусель», «Эльдорадо», «Корпорация Центр», «М.Видео», «Уютерра», «Стройландия»[107], «DNS», «Metro», «Пятёрочка», «Магнит», «Лента» но мукет. Соосын валче карын мерлыко удысъя 31 вузаськонни («ИжТрейдинг», «Три банана», «БасКо», «Сквозняк», «Социальный»).

Туризм[Тупатыны | вики-текстэз тупатыны]

Основная статья: Туризм Удмуртиын

2018-тӥ арын  «Ижевск. Знакомый незнакомец» турист маршрут «Карысь тужгес устоез маршрут» номинациын Гран-при басьтӥз (100 сюрслэсь трос улӥсез)[108].

2019-тӥ арын Ижкарын «Арлэн маршрутэз» VI Огъяросси турист премилэн финалэз ортчиз[109]. «Удмурт Элькунлы синмаськыны. 6 кикутон» турмаршрут «Устоез культурно-познавательной маршрут» номинациын Гран-при басьтӥз[110].

Мерлыко кар транспорт[Тупатыны | вики-текстэз тупатыны]

Валтӥсь статьяос: Ижкар трамвай, Ижкар автобус и Ижкар троллейбус

Карын 11 трамвай, 8 троллейбус но 38 автобус маршрут усьтэмын. Нуон-ваёнъя валтӥсез ужъюрт - «Ижгорэлектротранс»[111], со трамвайёсты но троллейбусъёсты возе, калыкез нуон-ваён транспортъя Ижысь производственной огазеяськон (ИПОПАТ) автобусъёсты возе. Со сяна, вань на кӧня ке частной предприятиос но маршрутной такси. 30-лэсь ятыр сад-бакчаосы нуллӥсь автобус маршрутъёс арлы быдэ тулысысен сӥзьылозь ветло. Озьы ик 30 пала такси служба ужа.

Мерлыко транспортын ветлон дунлэн будэмез:

Дырыз Наличной
расчёт 		Безналичной
расчёт
01.01.2001 2,5
01.08.2004 5
01.01.2006 6
01.01.2007 7
01.04.2008 8
01.07.2008 9
01.01.2009 10
01.01.2010 11
01.01.2011 12
01.06.2011 13
01.07.2012 14
01.01.2013 15
01.07.2013 16
01.11.2015 20
01.11.2020 25 23
04.12.2021 27 25
10.01.2023 29 28

Чугун сюрес транспорт[Тупатыны | вики-текстэз тупатыны]

Озьы ик учке: Ижевск станция

Ижкарез Агрызэн герӟась нырысетӥез чугун сюрес лэсьтэмын вал 1916-тӥ арын, 1990-тӥ арын электрифицировать каремын. Нырысетки пятилетка аръёсы Ижкар — Ува чугун сюрес лэсьтэмын[112].

Ижкар станци вокзалысен пӧртэм грузъёсты но калыкез нуон-ваён радъямын. Карын кык чугун сюрес станци ужа — Заводской но Позимь. Кыкез но карлэн промышленной люкетаз интыяськемын, соос пыр товарной но калыкез нуись-ваись поездъёс ортчыло. Ачиз Ижкар Горьковской чугун сюреслэн Иж ёзэтэзлэн центреныз лыдъяське — «Россиысь чугун сюресъёс» ОАО-лэн филиалэз. Ижкар вокзаллэн тяговой люкетэз вань направлениосъя мынӥсь составъёсты чакла. Тепловозной тяга: Ува, Балезино, Воткинск но Набережные Челны пала мынӥсьёссэ. Электровозноез Казане но Екатеринбурге мынӥсьёссэ.

1993-тӥ арысен Ижкарысь Москва пала мынӥсь «Италмас» фирменной поезд лэземын[113].

Автомобиль транспорт[Тупатыны | вики-текстэз тупатыны]

Ижкарысен кутско яке Ижкар пыр пыр ортчо таӵе маршрутъёс:[114]

Маршрутлэн кулэлыкез Номерез Кутсконэз Пумыз Валэктон
Европа E 22 Flag of the United Kingdom.svg Холихед Flag of Russia.svg Ишим Ижысь кольцевой автомобиль сюрес кузя (ИКАД)
Федерал М7 Москва Пермь Ижысь кольцевой автомобиль сюрес кузя (ИКАД)
Улос 94Р5 Ижевск Сарапул
Улос 94Р1 Ижевск Воткинск
Улос 94Р9 Ижевск Ува
Улос 94А1 Ижевск Аэропорт
Ижысь кольцевой автомобиль сюрес (Ижкарлэн окружной сюресэз) 94Р16 Западной полукольцо Восточной полукольцо М7 люкет восточной обход

Ижкарын пригородной но междугородной валтӥсь транспорт автобус луэ. Ар ӵоже дугдылытэк ветлӥсь 40 пала но тулыс-гужем ветлӥсь 30 маршрут ужа. Элькунысь ёрос центръёсы но бускель каръёсы мынон-ветлон радъямын.

Со сяна, Ижкар таӵе каръёсын автобус маршрутъёсын герӟаське: Казань, Уфа, Пермь, Екатеринбург, Оренбург, Челябинск, Самара, Чебоксары но мукет. Карын автовокзал но автостанция ужа: Шор автовокзал но Южной автостанция.

Авиаци транспорт[Тупатыны | вики-текстэз тупатыны]

Валтӥсь статьяос: Ижевск аэропорт и Пирогово (аэродром)

Ижкарын сыӵе нимо ик аэропорт ужа. Быдэс Удмуртиын со одӥг гинэ луэ. Интыяськемын Ижкар сьӧрын, Дэри черкогурт котырын. «Ижавиа» аэропортлэн валтӥсез авиакомпаниез луэ. Солэн яланлыко рейсъёсыныз Москваозь, Санкт-Петербургозь но Екатеринбургозь вуыны луэ. Гужем вакытэ Сочи, Анапае нго Крыме рейсъёс радъясько. 2013-тӥ арлэн кутсконаз Ижкар улос авиациез азинтон лыдметэ пыртэмын. Солы луыса, Ижкарысь Кирове но Самарае Dexter авиатакси лэземын. Азьланяз Ижкар аэропортэз выльдыны чакламын.

Аэропорт сяна, Ижкарын грунтовой взлётно-посадочной полосаен пичияк аэродром вань на. Со Дэри ёросысь Пироггурт котырын интыяськемын. Аэродром пичи самолётъёслы но вертолётъёслы пуксьылыны чакламын. Али дыре отын Ижысь аэроклуб ужа.

Ву вылтӥ ветлӥсь транспорт[Тупатыны | вики-текстэз тупатыны]

Гужем вакытэ Иж тымет кузя «Ижкар пристань — Воложка» маршрутъя ву транспорт ветлэ, сое «Ижгорэлектротранс» возе[111]. Али дыре отын кык "Москва" но одӥг "Москвич" типъем теплоходъёс ветло. Ижкар пристань тыметлэн ӵыпетэз вӧзын, Дерябин нимо проездын интыяськемын. Воложка микрорайонэ вуытозь, теплоходъёс «Соловьёвские дачи» но «Юровский мыс» пристаньёсы дугдылэ.

  • Ижкарысь НефАЗ-5299 автобус

    Ижкарысь НефАЗ-5299 автобус

  • Ленин урам кузя ветлӥсь трамвай

    Ленин урам кузя ветлӥсь трамвай

  • "Москва" теплоход

    "Москва" теплоход

Архитектура но учкымон интыос

[Тупатыны | вики-текстэз тупатыны]

Ижкарын 300-лэсь трос исторя но лулчеберет кылёслэн лэсьтосъёсыз утисько. Соос пӧлысь 166 — архитектура лэсьтосъёс, 4 — археологи синпелетъёс, 81 — монументальной искусствоя лэсьтос, 60 палаез буре ваён пулъёс], 55-ез соос пӧлысь Быдӟым Атыкай ожен герӟаськемын.

Ваньмаз сямен, истори синпелетъёс вылын QR-кодэн иворлыко табличкаос юнматылэмын.

Карысь музейёс: Изобразительной искусствоосъя Удмурт кун музей, Кузебай Герд нимо Удмурт йӧскалык музей, Завод кивалтӥсьёслэн юртсы, Уксё возён магазей, М. Т. Калашников нимо пыӵал тӥрлыклэн музеез, Авиацилы но инсьӧртодослы сӥзем Гагарин нимо музей, Туалет-музей.

2013-тӥ арын Администраци юрт вӧзысь «Я люблю Ижевск» арт-объектэз усьтон ужрад ортчиз[115].

Калыкъёслэн эшъяськонзылы сӥзем монумент[Тупатыны | вики-текстэз тупатыны]

Калыкъёслэн эшъяськонзылы сӥзем монумент — Ижкарлэн учкымон интыосыз пӧлысь валтӥсез. Со Удмуртилэн Росси кунлэн пушпӧлаз ас мылкыд каремезъя пыронэзлы сӥземын. 14 этажъем юрт ӝужда кык стелаос кык калыклэсь — ӟучъёслэсь но удмуртъёслэсь тупаса улэмзэс возьмато.

  • Ижкарысь учкымон интыос
  • Ижкар арсенал

    Ижкар арсенал

  • Александро-Невской собор

    Александро-Невской собор

  • Свято-Михайловской собор

    Свято-Михайловской собор

  • Калыкъёслэн эшъяськонзы монумент

    Калыкъёслэн эшъяськонзы монумент

  • Ожтӥрлык поттон заводлэн валтӥсь корпусэз

    Ожтӥрлык поттон заводлэн валтӥсь корпусэз

  • М. Горький нимо гужем садысь ротонда

    М. Горький нимо гужем садысь ротонда

  • С. М. Киров нимо шутэтскон парк

    С. М. Киров нимо шутэтскон парк

  • 1915-тӥ арын ӝутэм водонапорной башня

    1915-тӥ арын ӝутэм водонапорной башня

  • Я люблю Ижевск.jpg

    Кар администраци азьысь «Я люблю Ижевск» арт-объект

Ивор вӧлмытӥсь ёзэтъёс

[Тупатыны | вики-текстэз тупатыны]

Ижкарын телевизионной вещание 1956-тӥ арын кутскиз. 4-тӥ шуркынмонэ эфире потӥз нырысетӥез передача, со ик Ижкар телевиденилэн кылдон нуналыныз лыдъяське. 1957-тӥ арысен арняяз куинь пол потыны кутскиз. Али дыре Ижкарын стационарной ТВ-ен «Гарант-Телесети» ООО кивалтэ, со улсын куамыно пала аналоговой но трос цифровых телеканалъёс ужало. Озьы ик трос каналъем кабельной цифровой телевидение вылэ инъяськись компаниос ужало, кылсярысь, ЗАО ЭР-Телеком-Холдинг, но интерактивной цифровой телевидени вылэ — ОАО Ростелеком. Карын ог 20 пала иворлыко газет потэ, вань ивор вӧлмытӥсь ёзъёслэн кар но кун интернет-порталъёссы[116], 10 журнал, соос пӧлын литературно-художественной («Луч», «Италмас», «Инвожо», «Кизили»). 2016-тӥ арын Ижкар думалэн но «Город ИЖЕВСК» МО-лэн тӧроезлэн решениезъя 50 000 экземпляр тиражен «Столица Ижевск» официальной муниципал газет потыны кутскиз. Солэн нырысетӥ номерез потӥз 2016-тӥ арын 10-тӥ оштолэзе. Газет дунтэк вӧлмытӥське карлэн мерлыко ужъюртъёсаз, ёрос администрациосын но школаосын. 2014-тӥ арын 1-тӥ гудырикошконысен пусъем тодэтъёсъя радиоэфирын FM-тулкымъёс вылын 18 радиостанци но вакчи тулкымъёс вылын 3 радиостанци ужа.

Связь

[Тупатыны | вики-текстэз тупатыны]
  • Стационарной связь
    • ОАО «Ростелеком», Удмурт Элькунысь филиалэз
    • МАРК (ООО «Ижевск. НЭТ»)
    • «Девятый узел» (ООО «Ижсвязьинвест», 2011-тӥ арын куартолэзе «Вымпелкомен» басьтэмын)
    • ЗАО «ЭР-Телеком Холдинг» Ижкарысь филиалэз
    • МТС (Комстар-Регионы, ТМ «Стрим» нимын тодмо)
    • ООО «ИжЛайн»
    • ООО «Ижевские сетевые технологии»
    • ООО «РадиоЛинк»
    • ЗАО «НМС»
    • «ПРОСТОР-Телеком» (ЗАО «Квантум»)
    • «Энфорта» (ООО «Престиж-интернет»)
    • ОАО «Гарант»
    • ООО «Злато Телеком»
  • Сотовой связь
    • «МТС»
    • «МегаФон»
    • «Билайн»
    • «TELE2»
    • «Skylink»
    • Yota

Ижкарлэн тӧроосыз

[Тупатыны | вики-текстэз тупатыны]
  • Салтыков, Анатолий Иванович (1994—2001)
  • Балакин, Виктор Васильевич (2001—2010)
  • Ушаков, Александр Александрович (2010—2015)
  • Тюрин, Юрий Александрович (2015—2018)
  • Бекмеметьев, Олег Николаевич (2018—2023)
  • Чистяков, Дмитрий Александрович (2023-тӥ арысен али дырозь)

Города-побратимы и партнёры Ижевска

[Тупатыны | вики-текстэз тупатыны]

1991-тӥ арысен Ижкар Эшъяськем каръёслэн Калыккуспо ассоциациязы пыриз но куд-ог каръёсын эшлыко кусыпъёс сярысь тупанкылъёс гожтӥз[117]:

  • Флаг Венгрии Татабанья, Венгрия — 1992-тӥ арын 10-тӥтолсурысен
  • Болгарилэн флагез Ямбол, Болгария — 1999-тӥ арын 28-тӥ толсурысен
  • Флаг Китайской Народной Республики Синин, Китай — 2002-тӥ арын 13-тӥ куартолэзьысен
  • Польшалэн флагез Бендзин, Польша — 2004-тӥ арын 11-тӥ инвожоысен
  • Аргентиналэн флагез Кордова, Аргентина — 2006-тӥ арын 13-тӥ инвожоысен
  • Венесуэлалэн флагез Маракай, Венесуэла — 2006-тӥ арын 25-тӥ пӧсьтолэзьысен
  • Флаг Китайской Народной Республики Ухань, Китай Калык Республика[118][119]
  • Флаг Белоруссии Брест, Белоруссия — 2016-тӥ арын 2-тӥ шуркынмонысен[120]
  • Флаг России Каспийск, Россия — 2022-тӥ арын 11-тӥ инвожоысен[121]

Партнёр кусыпъёс[Тупатыны | вики-текстэз тупатыны]

Ижкар мыло-кыдо пыриське росси но калыккуспо огазеяськонъёслэн ужъёсаз[122].

2015-тӥ арын тулыспалэ Поволжьеысь каръёслэн ассоциациязы (АГП) пыриз[118][123].

Вӧсьбур

[Тупатыны | вики-текстэз тупатыны]

Ӟуч православи черк[Тупатыны | вики-текстэз тупатыны]

1930-тӥ аръёсы карысь тросэз черкъёс пытсаськизы. Со юртъёс кушкатэмын яке мукет кулэяськонъёслы тупатэмын вал. Али дыре карысь православи приходъёс Ижкар но Удмурт епархилэн Ижкар благочинияз пыро. Карын митрополит Викторинлэн (Костенкова) резмиденциез интыяськемын. 1990-тӥ аръёсысен карысь православи дэменлыкез улӟытон кутскиз.

Суредэз Нимыз Администраци
ёрос		 Улоно ёрос Пуктӥськон Валэктон
Ilyinskaya Church in Izhevsk.png Илья пророклэн черкез. Ижкарысь нырысетӥез храм[124] 1880-тӥ 1886-тӥ аръёс вискын Черк интыын лыдӟиськоннилэн юртэз но Ленинлы синпелет пуктэмын. Быдтэмын 1936-тӥ арын.
Saint Michael the Archangel Church (Izhevsk)-21.jpg Свято-Михайловской собор Октябрь Шор 2004-тӥ — 2007-тӥ 1929-тӥ арын пытсамын;
1937-тӥ арын куашкатэмын
Saint Alexander Nevsky Cathedral (Izhevsk).jpg Александро-Невской собор Первомай Шор 1818-тӥ — 1823-тӥ 1929-тӥ арын пытсамын;
1990-тӥ арын епархилы берыктэмын
Holy Trinity Church (Izhevsk)-7.jpg Троицкой собор Индустри шор 1812-тӥ — 1814-тӥ 1937-тӥ арын пытсамын;
1946-тӥ арын епархилы берыктэмын
Храм Казанской иконы Божией матери (Ижевск).jpeg Инмар Анайлэн Казанской мудорезлы сӥзем черк Октябрь Шор 1996-тӥ — 2001-тӥ
Крестовоздвиженская часовня 2.jpg Крестовоздвиженской часовня Октябрь Шор 1879-тӥ ар
Church of the Dormition of the Theotokos (Izhevsk)-2.jpg Успенской черк Ленин Строитель 1910-тӥ но 1916-тӥ аръёс вискын та одӥгез гинэ черк, кудӥз Совето вакытэ пытсамын ӧй вал.
Church of Holy tsar's strastoterpts (Izhevsk).jpg Святой Царственной Страстотерпецъёслэн черксы Индустри Уйпал 2004-тӥ — 2005-тӥ
Храм Серафима Саровского в Ижевске-1.jpg Серафим Саровскийлы сӥзем черк Устинов Аэропорт 2008-тӥ — 2013-тӥ
Храм Иверской иконы Божией Матери-1.jpg Инмар Анайлэн Иверской мудорезлы сӥзем черк Первомай Аэропорт 2008-тӥ — 2014-тӥ
Saint Alexius of Moscow church (Izhevsk)-3.jpg Святитель Алексийлэн черкез Ленин Привокзальной 2009-тӥ ар котырын
Church of the New Martyrs and Confessors of Russia (Izhevsk)-2.jpg Россиысь Святой Новомученикъёслэн но Исповедникъёслэн черксы Ленин Беризь арама 2004-тӥ — 2006-тӥ

Старообрядчество[Тупатыны | вики-текстэз тупатыны]

Иж заводэ нырысь улыны лыктэмъёс пӧлын трос старообрядецъёс вал, но соос 1909-тӥ арын гинэ асьсэлэсь черксэс ӝутыны быгатӥзы (1840-тӥ арёсы каргуртын адскисьтэм пичи вӧсяськон интызы ― моленнойзы вал). 1935-тӥ арын сое пытсазы, ар ортчыса куашкатӥзы. Быдӟым Атыкай ож бере старообрядецъёс моленной юрт гинэ усьтыны быгатӥзы, отчы 40 ар пала вӧсяськыны ветлылӥзы. Горд кирпичлэсь лэсьтэм 1000 муртэз тэрытӥсь Покровской черк 1991-тӥ—1998-тӥ аръёсы гинэ ӝутэмын[125].

  • Покровской черк
Ислам

Революцилэсь азьпал Ижкарын Бигер посёлок вылэм. Отын 1856-тӥ арын, Ожтӥрлык поттон заводлэн уксёеныз мечеть ӝутэмын вал. Кыкетӥзэ ӝутӥзы 1916-тӥ арын асьсэос юн оскись мусульманъёс. 1930-тӥ аръёсы кыкез ик куашкатэмын вал. Али дыре Ижкарын Удмуртиысь мусульманъёслэн улос управленизы интыяськемын, куинь мечеть ужа, одӥгез соос пӧлысь соборной нимаське (Удмуртиысь валтӥсь мечеть).

  • Ижкарысь соборной мечеть
  • Иман Нуры нимо мечеть
  • Шор мечеть

Протестантизм[Тупатыны | вики-текстэз тупатыны]

  • «Филадельфия» черк [126]
  • Евангельской христиан-баптистъёслэн черксы

Мукет конфессиос[Тупатыны | вики-текстэз тупатыны]

  • Кришнаитъёслэн дэменлыксы
  • Карма Кагью школалэн буддийской центрез[127]
  • Апостолькой армян черк
  • Апостольской армян черк

    Апостольской армян черк

  • Церковь Филадельфия (Ижевск).jpg

    Филадельфия черк

  • Ижкарысь соборной мечетьлэн вуж юртэз

    Ижкарысь соборной мечетьлэн вуж юртэз

  • Шор мечеть

    Шор мечеть

  • Покровской черк

    Покровской черк

Синпелетъёс

[Тупатыны | вики-текстэз тупатыны]
  • Ожгар но ужан данлыклы сӥзем монумент

    Ожгар но ужан данлыклы сӥзем монумент

  • Радиаци катастрофаын быремъёслы сӥзем синпелет

    Радиаци катастрофаын быремъёслы сӥзем синпелет

  • Быдӟым Атыкай ож аръёсы Ижкарысь госпитальёсын кулэмъёслы сӥзем мемориал

    Быдӟым Атыкай ож аръёсы Ижкарысь госпитальёсын кулэмъёслы сӥзем мемориал

  • Локальной тыложъёсын быремъёслы синпелет

    Локальной тыложъёсын быремъёслы синпелет

  • «Октябрь революцилэн орденэз» нимо синпелет

    «Октябрь революцилэн орденэз» нимо синпелет

  • В. И. Ленинлы синпелет

    В. И. Ленинлы синпелет

  • С. М. Кировлы синпелет

    С. М. Кировлы синпелет

  • Трокай Борисовлы синпелет

    Трокай Борисовлы синпелет

  • Кузебай Гердлы синпелет

    Кузебай Гердлы синпелет

  • Пушкинлы синпелет

    Пушкинлы синпелет

  • Михайловской колонна

    Михайловской колонна

  • Ижкарысь ожтӥрлык лэсьтӥсьёслы синпелет

    Ижкарысь ожтӥрлык лэсьтӥсьёслы синпелет

  • А. Ф. Дерябинлы синпелет

    А. Ф. Дерябинлы синпелет

  • Ижкарысь металлургъёслы синпелет

    Ижкарысь металлургъёслы синпелет

  • Крокодиллы синпелет

    Крокодиллы синпелет

  • Звёздочка пуны-космонавтлы синпелет

    Звёздочка пуны-космонавтлы синпелет

  • Царь-пушкалэн пичиятэм тусыз

    Царь-пушкалэн пичиятэм тусыз

  • Калыкъёслэн эшъяськонзылы сӥзем монумент

    Калыкъёслэн эшъяськонзылы сӥзем монумент

Тодмо ижкарчиос

[Тупатыны | вики-текстэз тупатыны]
Озьы ик учке: Ижкарлэн дано муртъёсыз

Галерея

[Тупатыны | вики-текстэз тупатыны]
  • Дудин зодчийлэн ярдур урамез

    Дудин зодчийлэн ярдур урамез

  • Шор площадьысь кырӟась фонтан

    Шор площадьысь кырӟась фонтан

  • Дудинлэн ярдур урамысьтыз адскись интыос:Калыкъёслэн эшъяськонзылы сӥзем монумент, Горький нимо гужем сад, И. И. Бодалёвлэн сур пӧзьтон заводэз

    Дудинлэн ярдур урамысьтыз адскись интыос:Калыкъёслэн эшъяськонзылы сӥзем монумент, Горький нимо гужем сад, И. И. Бодалёвлэн сур пӧзьтон заводэз

  • Ижкар тымет

    Ижкар тымет

Валэктонъёс

[Тупатыны | вики-текстэз тупатыны]
  1. ↑ Официальный сайт Администрации города Ижевска
  2. ↑ Наш город IZH.RU. Эскеремын 2019-12-12 аре
  3. ↑ 1 2 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более(ӟуч) (XLSX) Эскеремын 2022-09-01 аре
  4. ↑ Городецкая И. Л., Левашов Е. А.  Ижевск // Русские названия жителей: Словарь-справочник. — М.: АСТ, 2003. — С. 117. — 363 с. — 5000 экз. — ISBN 5-17-016914-0.
  5. ↑ archINFORM (нем.) — 1994.
  6. ↑ «Ижкар» кыллэн кылдэмез сярысь учке: Важнейшие удмуртские топонимы
  7. ↑ Васина Т. А. Иже́вск / председ. Ю. С. Осипов и др., отв. ред. С. Л. Кравец. — Большая Российская Энциклопедия (в 30 т.). — М.: Научное издательство «Большая российская энциклопедия», 2008. — Т. 10. Железное дерево - Излучение. — С. 727—729. — 766 с. — 65 000 экз. — ISBN 978-5-85270-341-5. Архивировано 1 инвожое 2019 года.
  8. ↑ Призовой фонд конкурса самых благоустроенных пунктов РФ составил 100 млн(ӟуч) Regnum. Эскеремын 2011-11-30 аре
  9. ↑ 1 2 Указ Президента Российской Федерации от 02.07.2020 № 444 «О присвоении почётного звания Российской Федерации „Город трудовой доблести“»
  10. ↑ Туганаев, 2008, с. 342.
  11. ↑ Атаманов М. Г. Язык земли удмуртской = Удмурт музъемлэн аснимъёсыз: Волгаен Урал ёросвылъёсысь интынимъёслэсь пуштроссэс эскерись кыллюкам : Историко-этимологический словарь топонимов Волго-Уральского региона / рецензенты Н. В. Кондратьева, И. В. Тараканов. — Ижевск : Ижевская республиканская типография, 2015. — С. 38. — 976 с. — 90 экз. — ISBN 978-5-89806-136-4.
  12. ↑ Фертиков, 2009, с. 3.
  13. ↑ 1 2 Атаманов М. Г. История Удмуртии в географических названиях (ӟуч) — Ижевск: Удмуртия, 1997. — С. 215. — 248 с. — 2000 экз. — ISBN 5-7659-0731-8
  14. ↑ 1 2 3 Туганаев, 2008, с. 345.
  15. ↑ Фертиков, 2009, с. 4.
  16. ↑ 1 2 Исторический очерк Администрации города Ижевска.
  17. ↑ Поспелов Е. М. Ижевск // Географические названия России : топонимический словарь : более 4000 единиц. — М. : АСТ, Астрель, 2008. — С. 201. — 1500 экз. — ISBN 978-5-17-054966-5.
  18. ↑ Расчёт расстояний между городами АвтоТрансИнфо. Эскеремын 2010-02-05 аре
  19. ↑ Время в Ижевске, Удмуртская Республика, Россия. Сколько сейчас времени в Ижевске(ӟуч) dateandtime.info. Эскеремын 2017-10-18 аре
  20. ↑ Перечень основных грунтов и их характерные особенности. Глубина промерзания. Мосгеопроект. Эскеремын 2010-05-12 аре
  21. ↑ Могильник на Вшивой горке | Ижевск и Удмуртия loveudm.ru. Эскеремын 2016-01-15 аре
  22. ↑ 1 2 3 4 5 Туганаев, 2008, с. 344.
  23. ↑ 1 2 Безносова, Дерендяева, Королёва, 1995, с. 171—172.
  24. ↑ Сергей Селивановский Первые иностранцы на Ижевском оружейном заводе
  25. ↑ 1 2 Дело на 755182 рубля 50 копеек
  26. ↑ Сергей селивановский Первые иностранцы на Ижевском оружейном заводе
  27. ↑ Дмитриев, Куликов, 1992, с. 45.
  28. ↑ А.Коробейников. Ижевско-Воткинское восстание: правда победителей
  29. ↑ А.Коробейников. Ижевско-Воткинское восстание: правота побеждённых
  30. ↑ Дмитриев, Куликов, 1992, с. 145—146.
  31. ↑ А.Коробейников. УЧАСТНИКИ ВОССТАНИЯ
  32. ↑ А.Коробейников. Ижевские повстанцы и «Красный террор» : (протоколы ЧК 1918—1919 гг.)
  33. ↑ Безносова, Дерендяева, Королёва, 1995, с. 172.
  34. ↑ Награды города Ижевска Официальный сайт Ижевска. Эскеремын 2012-03-14 аре
  35. ↑ СК: расстрел в ижевской школе устроил ее выпускник
  36. ↑ Демографическая ситуация www.izh.ru. Эскеремын 2019-12-12 аре
  37. ↑ Народная энциклопедия "Мой город". Ижевск (Удмуртская Республика) www.mojgorod.ru. Эскеремын 2019-12-12 аре
  38. ↑ 1 2 3 4 5 6 7 8 9 10 11 Население в Ижевске(ӟуч) Эскеремын 2013-08-14 аре
  39. ↑ 1 2 3 4 Народная энциклопедия «Мой город». Ижевск
  40. ↑ 1 2 Всесоюзная перепись населения 1937 года: Общие итоги. Сборник документов и материалов / Сост. В.Б.Жиромская, Ю.А.Поляков. — М.: «Российская политическая энциклопедия» (РОССПЭН), 2007. — 320 с.; ISBN 5-8243-0337-1.
  41. ↑ Административно-территориальное деление Союза ССР : [Районы и города СССР на 1931 год]. — Москва: Власть советов, 1931. — XXX, 311 с.
  42. ↑ Административно-территориальное деление Союза ССР. На 15 июля 1934 года.
  43. ↑ Всесоюзная перепись населения 1939 года. Численность городского населения СССР по городским поселениям и внутригородским районам(ӟуч)
  44. ↑ Народное хозяйство СССР в 1956 г. (Статистический сборник). Государственное статистическое издательство. Москва. 1956(ӟуч)
  45. ↑ Всесоюзная перепись населения 1959 года. Численность городского населения РСФСР, её территориальных единиц, городских поселений и городских районов по полу(ӟуч) Демоскоп Weekly. Эскеремын 2013-09-25 аре
  46. ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу.(ӟуч) Демоскоп Weekly. Эскеремын 2013-09-25 аре
  47. ↑ Российский статистический ежегодник, 1998 год
  48. ↑ 1 2 3 4 5 6 Российский статистический ежегодник. 1994(ӟуч)
  49. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу.(ӟуч) Демоскоп Weekly. Эскеремын 2013-09-25 аре
  50. ↑ Народное хозяйство СССР 1922-1982 (Юбилейный статистический ежегодник)
  51. ↑ 1 2 3 4 5 Российский статистический ежегодник. Госкомстат, Москва, 2001(ӟуч)
  52. ↑ Народное хозяйство СССР за 70 лет : юбилейный статистический ежегодник : [арх. 28 инвожое 2016] / Государственный комитет СССР по статистике. — Москва : Финансы и статистика, 1987. — 766 с.
  53. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу(ӟуч)
  54. ↑ Российский статистический ежегодник. 2002. — М.: Госкомстат России, 2002. — 690 с. — ISBN 5-89476-123-9
  55. ↑ Российский статистический ежегодник. 1997 год(ӟуч)
  56. ↑ Российский статистический ежегодник. 1999 год(ӟуч)
  57. ↑ Российский статистический ежегодник. 2000 год(ӟуч) Эскеремын 2016-06-13 аре
  58. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более(ӟуч)
  59. ↑ Российский статистический ежегодник. 2004 год(ӟуч) Эскеремын 2016-06-09 аре
  60. ↑ Российский статистический ежегодник, 2005 год(ӟуч) Эскеремын 2016-05-09 аре
  61. ↑ Российский статистический ежегодник, 2006 год(ӟуч)
  62. ↑ Российский статистический ежегодник, 2007 год(ӟуч) Эскеремын 2016-05-11 аре
  63. ↑ Российский статистический ежегодник, 2008 год(ӟуч) Эскеремын 2016-05-12 аре
  64. ↑ Численность постоянного населения Российской Федерации по городам, поселкам городского типа и районам на 1 января 2009 года(ӟуч) Эскеремын 2014-01-02 аре
  65. ↑ Перепись населения 2010. Численность населения России, федеральных округов, субъектов Российской Федерации, городских округов, муниципальных районов, городских и сельских поселений(ӟуч) Федеральная служба государственной статистики. Эскеремын 2013 аре
  66. ↑ База данных "регионы Приволжского округа". Численность постоянного населения
  67. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года(ӟуч) Эскеремын 2014-05-31 аре
  68. ↑ Численность населения Российской Федерации по муниципальным образованиям на 1 января 2013 года(ӟуч) Федеральная служба государственной статистики Росстат. — Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов. Эскеремын 2013-11-16 аре
  69. ↑ Таблица 33. Численность населения Российской Федерации по муниципальным образованиям на 1 января 2014 года(ӟуч) Эскеремын 2014-08-02 аре
  70. ↑ Численность населения Российской Федерации по муниципальным образованиям на 1 января 2015 года(ӟуч) Эскеремын 2015-08-06 аре
  71. ↑ Численность населения Российской Федерации по муниципальным образованиям на 1 января 2016 года(ӟуч) Эскеремын 2021-05-15 аре
  72. ↑ Численность населения Российской Федерации по муниципальным образованиям на 1 января 2017 года(ӟуч) Эскеремын 2017-07-31 аре
  73. ↑ Численность населения Российской Федерации по муниципальным образованиям на 1 января 2018 года(ӟуч) Эскеремын 2018-07-25 аре
  74. ↑ Численность населения Российской Федерации по муниципальным образованиям на 1 января 2019 года(ӟуч) Эскеремын 2019-07-31 аре
  75. ↑ Численность населения Российской Федерации по муниципальным образованиям на 1 января 2020 года(ӟуч) Эскеремын 2020-10-17 аре
  76. ↑ Устинов ёрос (Ижевск) > Данные не обнаружены. Возможно, страница переименовывалась. Проверьте справочник
  77. ↑ Первомай ёрос (Ижевск) > Данные не обнаружены. Возможно, страница переименовывалась. Проверьте справочник
  78. ↑ Ленин ёрос (Ижевск) > Данные не обнаружены. Возможно, страница переименовывалась. Проверьте справочник
  79. ↑ Индустри ёрос (Ижевск) > Данные не обнаружены. Возможно, страница переименовывалась. Проверьте справочник
  80. ↑ Октябрь ёрос (Ижевск) > Данные не обнаружены. Возможно, страница переименовывалась. Проверьте справочник
  81. ↑ Дэри ёрос (Удмуртия) > Данные не обнаружены. Возможно, страница переименовывалась. Проверьте справочник
  82. ↑ Altyntsev A.V., «The Concept of Love in Ashkenazim of Udmurtia and Tatarstan», Nauka Udmurtii. 2013. № 4 (66), p. 131. (Алтынцев А. В., «Чувство любви в понимании евреев-ашкенази Удмуртии и Татарстана». Архивная копия от 21 южтолэзе 2017 на Wayback Machine Наука Удмуртии. 2013. № 4. С. 131: Комментарии.)
  83. ↑ В ОКРЕСТНОСТЯХ ХАИМГРАДА lechaim.ru. Эскеремын 2019-12-12 аре
  84. ↑ Altyntsev A.V., «The Concept of Love in Ashkenazim of Udmurtia and Tatarstan», Nauka Udmurtii. 2013. № 4 (66), p. 132. (Алтынцев А. В., «Чувство любви в понимании евреев-ашкенази Удмуртии и Татарстана». Архивная копия от 21 южтолэзе 2017 на Wayback Machine Наука Удмуртии. 2013. № 4. С. 132: Комментарии.)
  85. ↑ В столице Удмуртии прошла первая сессия Городской думы города Ижевска www.izh.ru. Эскеремын 2015-10-19 аре
  86. ↑ Официальный сайт города Ижевска. Главой Ижевска избран Дмитрий Чистяков
  87. ↑ Об административно-территориальном устройстве Удмуртской Республики (с изменениями на 5 марта 2018 года), Закон Удмуртской Республики от 19 октября 2006 года №46-РЗ docs.cntd.ru. Эскеремын 2019-12-12 аре
  88. ↑ Конституция Удмуртской Республики (с изменениями на 3 октября 2019 года), Конституция Удмуртской Республики от 07 декабря 1994 года №663-XII, Закон Удмуртской Республики от 07 декабря 1994 года №663-XII docs.cntd.ru. Эскеремын 2019-12-12 аре
  89. ↑ Код ОКАТО 94 401
  90. ↑ 1 2 Безносова, Дерендяева, Королёва, 1995, с. 172—174.
  91. ↑ Школы города www.izh.ru. Эскеремын 2019-12-12 аре
  92. ↑ Отчеты Управления образования за 2014 год www.izh.ru. Эскеремын 2019-12-12 аре
  93. ↑ Шесть ижевских школ вошли в топ-500 лучших школ России(ӟуч) izhlife.ru. Эскеремын 2019-12-12 аре
  94. ↑ Управление дошкольного образования и воспитания www.izh.ru. Эскеремын 2015-10-19 аре
  95. ↑ О театре / Театр Молодой Человек mchelovek.ru. Эскеремын 2019-12-12 аре
  96. ↑ молодежный театр Эскеремын 2019-12-12 аре
  97. ↑ Музей Ижевска muzeiizhevska.ru. Эскеремын 2019-12-12 аре
  98. ↑ Музей истории представительных органов власти Удмуртской Республики Официальный сайт Государственного Совета Удмуртской республики.
  99. ↑ Фестиваль современной культуры «Открытый город»
  100. ↑ Ижевск | Банк России
  101. ↑ Туганаев, 2008, с. 153.
  102. ↑ ИА «Сусанин» Новый 25-метровый бассейн открыли в Ижевске(ӟуч) ИА СУСАНИН. Эскеремын 2019-12-12 аре
  103. ↑ Социально-экономическое развитие www.izh.ru. Эскеремын 2019-12-12 аре
  104. ↑ Производство товаров и услуг www.izh.ru. Эскеремын 2019-12-12 аре
  105. ↑ Рынок труда www.izh.ru. Эскеремын 2019-12-12 аре
  106. ↑ Десять дней до старта Весты – 10 фактов об автомобиле www.autostat.ru. Эскеремын 2015-11-17 аре
  107. ↑ Стройландия открыла магазин в Ижевске Oren.ru. Эскеремын 2019-12-12 аре
  108. ↑ Всероссийская премия туристических маршрутов. Russian Travel Tour Awards. Стали известны имена лауреатов Всероссийской туристской премии «Маршрут года» 2018
  109. ↑ Победителей Всероссийской премии «Маршрут года» назвали в Ижевске(рус.)
  110. ↑ Всероссийская премия туристических маршрутов. Russian Travel Tour Awards. Объявлены победители Всероссийской туристской премии «Маршрут года» 2019
  111. ↑ 1 2 ИжГЭТ xn--c1aff6b0c.xn--p1ai. Эскеремын 2019-12-12 аре
  112. ↑ Перевощиков, 1995, с. 192–194.
  113. ↑ Перевощиков, 1995, с. 193.
  114. ↑ Об утверждении перечня автомобильных дорог общего пользования регионального или межмуниципального значения, относящихся к государственной собственности Удмуртской Республики (с изменениями на 10 февраля 2018 года), Распоряжение Правительства Удмуртской Республики от 23 мая 2011 года №388-р docs.cntd.ru. Эскеремын 2019-12-12 аре
  115. ↑ Анастасия Романова Вместо надписи «Я люблю Ижевск» могли поставить часы портал IzhLife.ru.
  116. ↑ Информационно-развлекательный портал IzhPromo"
  117. ↑ Города-побратимы и деловые партнёры города Ижевска Официальный сайт администрации г. Ижевска. Эскеремын 2010-10-25 аре
  118. ↑ 1 2 Международные и региональные связи www.izh.ru. Эскеремын 2016-08-05 аре
  119. ↑ Город Ухань, Китайская Народная Республика www.izh.ru. Эскеремын 2016-08-05 аре
  120. ↑ Главы Бреста и Ижевска подписали Соглашение об установлении побратимских связей
  121. ↑ Леся Сивкова Ижевск и Каспийск стали городами-побратимами(ӟуч) Эскеремын 2022-06-12 аре
  122. ↑ Информационно-аналитическоe управление Аппарата Главы муниципального образования "Город Ижевск" и Городской думы города Ижевска Города-побратимы и деловые партнёры Ижевска
  123. ↑ Ассоциация городов поволжья - Главная agpsamara.ru. Эскеремын 2016-08-05 аре
  124. ↑ ЦГА УР. Фонд 20. Пророко-Ильинская единоверческая церковь г. Ижевска Удмуртской АССР ЦГА УР. Эскеремын 2010-04-24 аре
  125. ↑ Ижевск rpsc.ru. Эскеремын 2019-12-12 аре
  126. ↑ В Ижевске состоится торжественное освящение храма церкви «Филадельфия» Эскеремын 2013-01-20 аре
  127. ↑ ИА «Сусанин» В канун Нового года в Ижевске зарегистрирован Буддийский центр Алмазного Пути школы Карма Кагью(ӟуч) ИА СУСАНИН. Эскеремын 2019-12-12 аре

Литература

[Тупатыны | вики-текстэз тупатыны]
  • Коробейников А. В. Истоки мятежа на берегах Ижа: кто и зачем организовал восстание августа-ноября 1918 г. Ижевск: Иднакар; Институт компьютерных исследований. 2018. 156 с. ISBN 978-5-4344-0527-0
  • Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
  • Перевощиков А. П. Ижевск : Экономико-географический и социальный очерк / рецензент А. К. Осипов. — 3-е изд., перераб. и доп. — Ижевск : Издательство «Удмуртия», 1995. — 352 с. — 15 000 экз. — ISBN 5-7659-0597-8.
  • Шумилов Е. Ф. История Ижевска: Краткий очерк. — Ижевск: Удмуртия, 2018. — 384 с. — ISBN 978-5-7659-0997-3.
  • Дмитриев П. Н., Куликов К. И. Мятеж в Ижевско-Воткинском районе. — Ижевск: Удмуртия, 1992. — 392 с. — ISBN 5-7659-0388-6.
  • Ижевск и его окрестности / сост. Фертиков А. В.. — Ижевск: Удмуртия, 2009. — 78 с. — 4000 экз. — ISBN 978-5-7659-0530-2.
  • Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — 744 с. — 2000 экз. — ISBN 5-7659-0425-4.

Чӧлсконъёс

[Тупатыны | вики-текстэз тупатыны]

(ӟуч) Удмурт кыл но шаер тодон каталог: Иж

«https://udm.ruwiki.ru/w/index.php?title=Ижкар&oldid=331956»-ысь басьтэмын