1 толшор — Григориан дырпусъя — арлэн 1-тӥ нуналыз. Ар пумозь 364 нунал кылемын (касьян аре 365 нунал).
☀️ Ижкарын Шунды 9 час 0 минутэ ӝужа, пуксе 15 час 53 минутэ. Югыт нуналлэн кыстӥськемез 🕒 6 час 52 минут.
🌔 Йылӥсь Толэзь (будэмез 12.08 нунал).
Нунал тодметъёс
- Вонифатийлэн нуналыз. Арлэн нырысь нуналаз урамын нырысь воргоронэн пумиськон — узырлыклы, нылкышноен — семья йылонлы. Та нуналэ, пе, гуртысь номыре но куштыны уг яра. Куштэм арбериен ӵош коркась шудбурдэ келялод, шуо.
- Туннэ куазь тӧло луиз ке — пушмульы удалтоз.
- Та уй кизилиё ке — кӧжы, губи но емыш удалтоз.
- Туннэ лымыяз ке — тулыс тудвуо, нош гужем зоро луоз.
Нимнуналзэс пусъё
- Аглаида, Арис, Вонифатий, Григорий, Илья, Евтихий|Олтуфий, Полиевкт, Пров, Сусанна, Тимофей, Трифон, Фессалоника.
Праздникъёс но буре ваён нуналъёс
- Выль ар яке Толсур.
- Тупаса улонлэн дунне нуналыз (Тупаса улон сярысь вӧсяськон нунал).
- Мер ваньбурлэн нуналыз.
Йӧскалык праздникъёс
Куба — Мозмытон нунал.
Камерун — Эриклык басьтон нунал.
Литва — Кункышетлэн нуналыз.
Словакия — Элькунлэн кылдон нуналыз.
Чехия — Эриклык басьтон нунал.
Луэм учыръёс
Удмуртиын
- 1922 — Глазкарын метеорологической станция усьтэмын.
- 1932 — Вотской АО Удмурт АО шуыса нимамын.
- 1932 — ВЦИК-лэн Президиумезлэн пуктэмезъя Кияса но Каракулино ёросъёс Сарапул ёросэ пыртэмын. Озьы, Сарапул ёрос огазеяз туала Удмуртилэсь лымшор но шундыӝужанпал люкетъёссэ.
- 1934 — Удмурт Элькунын Дышетӥсьёслэсь тодон-валанзэс будэтонъя но паськытатонъя институт усьтэмын.
- 1937 — Можга ёросын «Льносембаза» кылдытэмын.
- 1938 — Глазкарын мер юрттэт сётонъя кар ёзэт кылдытэмын.
- 1941 — Глазкарын вузкаронъя но кооперация школа усьтэмын.
- 1960 — Воткаын, Можгаын но Сарапулын школа-интернатъёс усьтэмын.
- 1968 — Удмурт Элькунын выльысь радъямын пионеръёслы «Дась лу!» газетэз поттон.
- 1971 — Ижкарын А. С. Пушкин но Л. Н. Толстой нимо кык выль лыдӟиськонниос усьтэмын.
- 1986 — Сарапул карын ӝог эм юрттэт сётон станци ужаны кутскиз.
- 1991 — Дэбес черкогуртын Сибирь трактлэн историезлы сӥзем музей усьтӥськиз.
- 1993 — Удмуртиысь Федерал почта герӟетъя кивалтонни кылдытэмын.
- 1997 — Глазкарысь «Красное знамя» кар газетлэн «Калина красная» приложениезлэн нырысь номерез поттэмын.
Россиын
- 1700 — Россиын Выль арез нырысьсэ толалтэ пумитазы.
- 1810 — Россиын Кун кенеш кылдытэмын.
- 1924 — «Красная звезда» газетлэн нырысь номерез потӥз.
- 1944 — СССР-лэн гимнэз нырысьсэ кырӟамын Александр Александровлэн крезьгурезъя.
- 1998 — Россиын коньдон реформа (1998) ортчытэмын.
Дуннеын
Вордӥськизы
- Удмуртиысь тодмо муртъёс
- 1950 — Валиахметов, Игорь Нариманович — росси инженер-технолог, «Ижысь радиозавод» АО-лэн валтӥсь директорез (1992—2016), Удмуртиысь промышленность удысысь дано ужась, дано железнодорожник, Россиысь ракета но инсьӧр промышленностьысь дано ужась, Ижкарлэн дано муртэз.
- 1951 — Аброськин Николай Павлович — совето но росси ожгарчи но кун ужась, армиысь генерал (2003), техника наукаосъя кандидат, Россиысь Спецстрой федерал службаен кивалтӥсь.
- 1972 — Фёдоров Юрий Викторович — росси инженер, ужбергатӥсь но политик, Россиысь Федерацияя Кенешлэн ёзчиез (2017-тӥ арысен).
- 1919 — Иван Вечтомов, Удмуртиысь Быдӟым Атыкай оже пыриськись, Совето Союзлэн Героез.
- 1933 — Роза Яшина, удмурт литературовед, кылчи, гожъясьчи.
- 1936 — Павел Аккузин, ыж вордон, парсь вордон но селекция удысысь удмурт тодосчи.
- 1945 — Нэлли Лигенко, Удмуртиысь историк.
- 1946 — Валерий Войтович, Удмуртиысь юрист, Удмурт кун университетысь профессор.
- 1947 — Валерий Диденко, Удмуртиысь инженер-механик, Ижысь техникая кун университетысь профессор.
- 1953 — Юрий Горбунов, Удмуртиысь эмчи, Ижысь медициная кун академиысь профессор.
- 1957 — Азат Абашев, Удмуртиысь физической культурая дышетӥсь.
- 1959 — Сергей Васильев, 1999-тӥ арысен 2009-тӥ арозь Удмуртиысь печатья но информацияя министр, Флор Васильевлэн пиез.
- 1986 — Дмитрий Япаров, Удмуртиысь куасэн ворттылонъя спортсмен, спортъя дано мастер.
- Россиысь но дуннеысь тодмо муртъёс
- 1823 — Шандор Петёфи, венгер кылбурчи.
- 1854 — Джеймс Джордж Фрэзер, Великобританиысь тодосчи.
- 1863 — Пьер де Кубертен, барон, туала олимпи движениез инъясь.
- 1893 — Иван Панфилов, генерал-майор, Совето Союзлэн Героез.
- 1909 — Степан Бандера, Украин националистъёслэн организацизылэн тӧроез.
- 1914 — Фарид Яруллин, бигер композитор.
- 1919 — Джером Дэвид Сэлинджер, Америкаысь гожъясьчи.
- 1948 — Павел Грачёв, армилэн генералэз, Россиысь утиськонъя министр 1992—1996 аръёсын, Совето Союзлэн Героез.
- 1956 — Кристин Лагард, Калыккуспо валютной фондлэн директорез.
- 1961 — Сергей Глазьев, Россиысь политик.
Кулӥзы
- Удмуртиысь тодмо муртъёс
- Россиысь но дуннеысь тодмо муртъёс
- 1573 — Малюта Скуратов, ӟуч боярин, Иван Грозныйлэн гажано опричникез.
- 1748 — Иоганн Бернулли, Швейцариысь математик но механик.
- 1862 — Михаил Остроградский, Россиысь украин математик но механик.
- 1894 — Генрих Герц, Германиысь физик.
