Шуркынмон

Шуркынмон ӟуч Ноя́брь (лат. Novem — укмыс) — Григориан дырпусъя дас одӥгетӥез толэзь. Вашкала Римын укмысэтӥез, Юлий Цезарьлэн воштӥськонъёсыз дорозь ар южтолэзьысен кутске вал. 30 нуналъм толэзьёс пӧлысь одӥгез. Уйпал полушариын сӥзьыллэн берпуметӥ толэзез, лымшор полушариын ― тулыслэн берпуметӥ толэзез.

← → Шуркынмон
Вн Пкс Вирн Па УдмА Кӧсн Ан           1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
2025-тӥ ар

Шуркынмон толэзь

Нимыз сярысь

Вашкалаос ноябрь толэзез, кур усён вакытэн герӟаса, *listopadъ (ср. бел. лістапад; укр. листопад; чеш. listopad; пол. listopad) шуыса нимазы.

Инкуазь воштӥськонъёс

Россилэн шор люкетаз шоро-куспо температура 0 °C котырын возиське. Со сӥзьылызь толэ выжон толэзь. Толэзьлэн кыкетӥ ӝыныяз кезьытске но толлэн кутсконэныз лыдъяське. Шуркынмон толэзе ӵемысь лымыя, толэзь пумын музъем быдэсак лымыен шобырске. Шуркынмон - сӥзьылэз келясь, толэз вуттӥсь толэзь. Писпуосысь куаръёс усьылыса быремын, омырын мускыт но пыкмем зын. Дырын-дырын кынтылэ, я зоре, я лымыя, пыд улын - дэриен суро лымы. Инбам ӵемысь пурысь пилемъёсын золтӥськемын, шунды шергес пота.

Кылбурет но устолык

• Кутянова, Людмила Дмитриевна/ Шуркынмон

Визькылъёс но калык чакланъёс

• Ноябре ӧд ке кынмы, январе но уд чонгыра.
• Кыӵе куазь луоз шуркынмонэ, оштолэзе но сыӵе ик луоз.
• Куазь сайкыт но кӧс улэ ке, ӝоген кынтоз.
• Куазь кема но зол кынтылыса улӥз ке, тол кезьыт луоз.
• Шуркынмонлэн кутсконаз ик лымы усиз ке, тулыс вазь вуоз.
• Трос лымы усиз - ю-нянь удалтоз.
• Шуркынмонэ ӵукна зоре, ӝытпал лымы букосъёс люкасько.
• Шуркынмон толэзе но писпуос куаръёссэс куштыны уг дырто ке, тол кема кыстӥськоз.
• Чибиньёс лобало на ке, тол небыт ортчоз.
• Кырӵӧжъёс толлы кылизы ке, тол шуныт луоз.

Валэктонъёс

Чӧлсконъёс

• Ноябрь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.