Куарусён
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
Куарусён ӟуч Сентя́брь (лат. septem — семь) — григориан дырпусын укмысэтӥез толэзь. 30 нуналъем толэзьёс пӧлысь одӥгез.Уйпал полушариын куарусён сӥзьыллэн кутсконэз, нош лымшорын ― тулыслэн кутсконэз луэ. Туала вакытэ 16 куарусёнозь Григориан дырпусъя, шунды Арысланлэн кизилисузьетаз сылэ, 16-тӥ куарусёнысен — Нылмуртлэназ выже[1] (мукет тодэтъёсъя — 17-тӥ куарусёнэ[2]).
Нимыз сярысь
удм. куарусён нимыз кык кылэз огазеяса кылдэмын: «куар» (лист) но «усён» (опадание) ― куар усён вакыт[3]. Озьы ик тае ю пыртон толэзь нимало ― ӟуч сбор зерна, урожая. Сентябрь нимыз лат. septem — сизьым кыл бордысь, малы ке шуоно, Вашкала Рим дырпусъя сизьыметӥез луэ вал (Цезарьлэн реформаез дорозь). Вашкала Русьын но нырысь-валысь озьы ик сизьыметӥез лыдъяськылӥз, нош Ӟуч кунын XV даурысен 1700-тӥ арозь — арлэн нырысетӥ толэзез вал[4][5].
Калыкын та толэзез кемаласен — «хмурень» ― "кунэрес" нимало, малы ке шуоно, та вакыт ӵемысь птльмаскылэ, зорылэ.Таин валче паськыт вӧлмемын вал мукет нимъёсыз но: ӟуч листопроводец, ревун, рябинник, вересень, припасиха ― ваньмыз та кылъёс куарусёнлэсь сямзэ возьмато. Кылсярысь, «вересень» — толэзь, куке нырысьсэ пужмертэ («врасенец» — иней ― гӧртэм).
Вашкала славян калык сентябрь толэзез *versьnь нимам (ӵошатэ бел. верасень; укр. вересень; пол. wrzesień), сӥзьыл пал сяськаясь вереск (векчи сусыпу) будослэн нимыз бордысь (*versъ)[6][7][8].
Инкуазь воштӥськонъёс
Россилэн шор люкетаз куарусён толэзе куазь ӵемысь гужем выллем луэ на. Озьы ке но, омыр шӧдскымон салкымгес луэ ини. Нуналъёс вакчиёмо. Муско котырын шоро-куспо температура +11 °С (ӵошатон понна, гудырикошконэ +16 °С). Толэзь пумын, нунал уен ӵошам бере, куаръёс ӵужектыны кутско, ӵемысь зорылэ. Куд-ог дыръя нуназе +20..+25 ° шунытскылэ на. Сыӵе вакыт — «покчи гужем» толэзьлэн кыкетӥ ӝыныяз тупа. Калыкын шуо: «Куарусён вож гужемез келя, зарни сӥзьылэз пумита». Та вакытэ инкуазь буёлзэ воштэ, вожысь ӵуже выже. Нюр вылын но ву вылын улӥсь тылобурдоос, бадӟым уллёосы люкаськыса, шуныт палъёсы лобо.
Кылбурет но устолык
- Куарусён. А. Ельцов[9].
Визькылъёс но калык чакланъёс
- Куарусёнэ гудыри сӥзьыллэн шуныт луэмез сярысь вера[10].
- Тыпылэн пушмульыез трос ке — тол ӟырт кезьыт луоз[10].
- Куарусён толэзе чонари вотэс будосъёс кузя кыстӥське ке — шуныт куазьлы[10].
- 6-тӥ куарусёнэ зориз ке — сӥзьыл кӧс улоз, вуоно арын ю-нянь удалтоз.
- 9-тӥ куарусёнэ Самсонлэн нуналыз. Туннэ зориз ке — сизьым арня ортчыса но зороз.
- 14-тӥ куарусёнэ Семо нунал. Туннэ куазь шулдыр ке — покчи гужем но шуныт шулдыр луоз.
- Палэзь удалтэмын ке — сӥзьыл кот улоз, удалтымтэ ке — кӧс.
- Пипу куаръёс музэ азьынызы выллань выдо ке — тол ӟырт кезьыт луоз, мыддорин палыныз ке — толалтэ куазь небыт луоз, озьы но тазьы ке ― тол но шорор-куспо луоз.
- Куар писпуысь быдэсак уг ке усьы — тол кезьыт луоз.
- Кызын ӵыжинъёс улӥ вайёсаз будӥзы ке ― кезьытъёс вазь вуозы, вай йылъёсын ке ― кезьытъёс тол пумын гинэ вуозы.
Валэктонъёс
- ↑ За год Солнце проходит не через 12, а через 13 созвездий. Новый знак зодиака — «Змееносец»
- ↑ Климишин И. А.часть=. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
- ↑ ИА «Удмуртия». «Осенние» слова на удмуртском языке: тури, палэзьпу Об этом сообщает "Рамблер". Далее: https://woman.rambler.ru/cooking/47139754/?utm_content=woman_media&utm_medium=read_more&utm_source=copylink
- ↑ Сентябрь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ Сентябрь // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Етимологічний словник украïнськоï мови. — Киïв: Наукова Думка, 1982. — Т. 1. — С. 354. (укр.)
- ↑ Boryś W. Słownik etymologiczny języka polskiego. — Wydawnictwo Literackie. — Kraków, 2005. — С. 712. — ISBN 978-83-08-04191-8. (польск.)
- ↑ Šaur V. Které názvy měsíců jsou již praslovanské?(польск.) // Dzieje Słowian w świetle leksyki. — 2002. — S. 184.
- ↑ Куарусён
- ↑ 1 2 3 Круглый год. Русский земледельческий календарь / Сост., вступ. ст. и примеч. А. Ф. Некрыловой. — М.: Правда, 1991. — 496 с. — 800 000 экз. — ISBN 5-253-00598-6.
Чӧлсконъёс
- Сентябрь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |