Инвожо (толэзь)
|
||||||||||||||||||||||||||||||||||||||||||||||||||
| 2025-тӥ ар | ||||||||||||||||||||||||||||||||||||||||||||||||||
Инвожо, ӟуч Ию́нь,(лат. Junius — «Юноналэн толэзез»). Удмурт калыкын ― Инвожо-мумылэн толэзез. Инвожо-мумы ӟуч Мать-Инвожо, Богиня Инвожо, Небесно-Святая мать, Матерь Святых небес — ин мумыос пӧлысь одӥгез, гужем шунды берытскон вакытэ музъем вылэ васькыса, инвожосяськаос но гудырисяськаос вылын улэ, пе. Соин та вакытэ сяська бичанлэсь алыло, «гудыри шуккоз шуыса кышкато». Та дырысен вӧсьёсты лудъёсын ортчытъяны кутско, куала вӧсь воляе потэ, кыре, шуо. Озьы ик та вакытэ, ин кужымъёсты сӥлы карыса, вашкала осконмадьёсты чаклало: нуназе шорын бусыын ужаны шурын пыласькыны уг яра; шур дурын шуметыны, черекъяны, ошмесъёс котырын мисьтаськыны. Инвожо-мумы лекъяськоз, пе, киземъёс вылэ сильтӧлъёс, ыстоз, йӧ куштоз. Та чаклан-кышкатонъёсын ик герӟаськемын гужемлэн нырысетӥ толэзезлэн нимъёсыз но: инвожо толэзь, лек толэзь ӟуч месяц инвожо, грозный месяц. Та дыре гинэ быдэстылӥзы Инвожолы сӥзем нимысьтыз вӧсь гурез — Инву утчан гур ӟуч Напев поиска небесной воды, благодати, со Вӧсь нерге гурлэн ӟуч напева обрядового гостевания огез пӧртэмлыкез луэ. Гурзэ, крезен бичаса, вӧсяськон дыръя шудылӥзы, коркась корка ветлыса кырӟаллязы[1].
Инвожо — Григориан но юлиан дырпусъёсъя арлэн 6-тӥ толэзез. Нуналъёсыз 30. [Музъем]лэн Уйпал полушарияз гужемлэн нырысетӥ толэзез луэ, Лымшор полушариын — толлэн нырысетӥ толэзез.
Туала вапумын, Григориан дырпусъя, Шунды 21-тӥ инвожоозь Ошлэн кизилисузьетаз, 21-тӥ инвожоысен — Кыктоослэназ[2][3].
Инкуазь воштӥськонъёс
Россилэн шор люкетаз нуназе +16 °C котыр возиське. Толэзьлэн кутсконаз ӵемысь гудыръяса зорылэ, куазь сайкыт, тӧло возиське. Куд-ог аръёсы кезьытске, кынтылэ. Толэзь пумынгес зэмос гужемлэн вуэмез шӧдӥськыны кутске. 21-тӥ (22-тӥ) инвожое тужгес кузез нунал лыдъяське — гужем шунды берытскон (17ч23м на широте Москвы)[4].
шор Европаын но куд-ог дыръя куазь шудэ, кылсярысь, 1430-тӥ арын 5-тӥ инвожое Аустбургын кезьыт куазь но усем лымы виноградэз но кизем юосты быдтӥз, 1667-тӥ арын 7-тӥ инвожое лымы Швейцариез согиз[5].
Озьы ке но, та вакыт ― инкуазьлэн тужгес шулдырез но ненегез луэ. Вож турын кускын ӵош ӝужа, возьысын лыз, льӧль, тӧдьы, лемлет сяськаос, пужыятэм кадь пуксемын. Омырын пӧртэм тылобурдоослэн куараоссы чузъясько. Мушъёс умортоысьтызы палдо.
Нимыз сярысь
Рим кылбурчи Овидий аслаз «Фасты» книгаяз Июнь толэзьлэн нимыз сярысь кык пӧртэм валэктон сётэ. Нырысетӥез (туала вакытэ тужгес тупасез), Юноналэсь (mensis Junonis) рим инмумылэн нимыз бордысь кылдэмын. Юнона Юпитерлэн кышноез, семья улонэз, кузпалъяськонэз утись. Соин ик шуо, та толэзе кузпалъяськемъёс шудоесь луо[6]. Кыкетӥез: iuniores латин кылысь берыктыса, «егит калык» шуэмез возьматэ, нош солэсь азьпаласэз, куартолэзь, maiores («пересь») кыллэсь пӧрмемын, кудӥзъя нимамын май (Fasti VI.1-88). Озьы ик вань на таӵе веран, июнь, пе, нырысетӥ рим консуллэн Луций Юний Брутлэн нимызъя озьы шуэмын[7].
Июньлэн исторической европейской нимъёсыз Brachmonat вашкала грек кыл бордысь кылдэмын, малы ке шуоно, трёхпольной системая, та толэзе пар улэ кельтэм бусыез утялто (Brachfeld)[7]. Вашкала ӟуч дырпусын (христианствое выжытозь) июнь толэзез изок шуо вылэм (славян сямен «ӟоз» шуэмез возьматэ[8]), калык пӧлын — разноцвет, скопидом, хлеборост, светозар нимыз вӧлмемын.
Черк книгаосын июнь толэзьлэн нимыз — иуний, асьме доры Византиысь выжемын[7].
Римско-католической черкъёсын июнь толэзь Утисьлы сӥземын: котькытын «сердцу Иисуса» службаос мыныло[7].
Мукет кылъёсын
Европаысь тросаз кылъёсын июньлэн нимыз латин сямъёслы тупа. Озьы ке но, пӧртымлыкъёсыз пумиськыло.
Фин кылын kesäkuu шуыса нимаське, «гужем толэзь» шуыса берыктӥське; нырысь-валысь kesanto финн кыллэсь — пар улэ кельтэм бусы, кудзэ июнь толэзе гыро[9]. «Июнь» «шуныт вакыт» шуэмез возьматӥсь «kesä» кыллэсь пӧрмемын, лым шор но шундыӝужанпал финн диалектъёсын «пар» шуэмез возьматэ. Пар улэ кельтэм бусыез июне гыро. Suvi кыл лымшор но шундыӝужанпал диалектъёсын арлэн шуныт вакытэз шуэмез возьматэ[10]. Июньлэн латин нимыз Junius, Юнона рим инмумылэн ниыз бордысь потэмын.
Июнь кыл куд-ог славян кылъёсын шорт буян понна та вакытэ бичась «червец» нымы-кибылэн нимызъя пӧрмытэмын: украин — червень, белорус — чэрвень, поляк — czerwiec, чех — červen.
Хорват кылын — lipanj, «беризь толэзь».
Турок кылын ― Haziran,hazıran сири кыллэсь — «пӧсь».
Литва кылын birželis пӧрмемын beržasкыллэсь — «кызьпу»[11].
Туала китай но япон кылъёсын июнь кыл «куатетӥ толэзь» шуэмез возьматэ.
Кылбурет но искусство
- Инвожо толэзь[12]. ― Людмила Кутянова
- Инвожо толэзь. ― Надежда Ефремова
- Инвожо толэзь, инвожо сяська. ― Эдуард Иванов.
Визькылъёс но калык чакланъёс
- Шуныт инвожолы чорыг но шум потэ.
- Инвожое котькуд куак улын изьыны луоно.
- Инвожое сиён ӧжыт ке но, улыны шулдыр: сяськаяло сяськаос, кырӟало уӵыос.
- Инвожое нырысь емышез сьӧд бекчее вато, кыкетӥзэ кудые поно.
- Инвожо — кузь турынлэн но турнан вакытлэн дырыз.
Валэктонъёс
- ↑ Т.Владыкина. Инвожо-мумы — Мать-Инвожо
- ↑ За год Солнце проходит не через 12, а через 13 созвездий. Новый знак зодиака — «Змееносец»
- ↑ Климишин И. А.часть=. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
- ↑ Восход и заход солнца и луны — продолжительность светового дня.
- ↑ Е. П. Борисенков, В. М. Пасецкий «Тысячелетняя летопись необычайных явлений природы», — М: Мысль, 1988, Стр. 291, 338. ISBN 5-244-00212-0
- ↑ Napier, James Folk Lore or Superstitious Beliefs in the West of Scotland within This Century (1879). Whitefish, MT: Kessinger Publishing. p. 51. ISBN 978-0-7661-7907-3.
- ↑ 1 2 3 4 Июнь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ В. Д. Грошев «Календарь российского земледельца (народные обычаи и приметы)», — М: МСХА, 1991, С. 33. ISBN 5-7230-0074-8
- ↑ Финские названия месяцев на finnish.ru Эскеремын 2011-10-29 аре
- ↑ Onko kesä kaikilla?(финн)
- ↑ Балтийские и славянские названия месяцев Архивная копия от 4 шуркынмонэ 2011 на Wayback Machine
- ↑ Инвожо толэзь
Литература
- Арлэн нылпиосыз: Дышетӥсьёслы пособие. ― Ижевск: Удмуртия, 1991. ― 208 с.
- Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |