20-тӥ инвожое
20-тӥ инвожо — Григориан дырпусъя — арлэн 171-тӥ нуналыз (касьян аре — 172-тӥез). Ар пумозь 194 нунал кылемын.
☀️ Ижкарын Шунды 3 час 31 минутэ ӝужа, пуксе 21 час 22 минутэ. Югыт нуналлэн кыстӥськемез 🕒 17 час 50 минут.
🌗 Берпуметӥ ньыльмосэз (будэмез 23.80 нунал).
|
||||||||||||||||||||||||||||||||||||||||||||||||||
| 2025-тӥ ар | ||||||||||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Гужем шунды берытскон нунал (ӟуч: День летнего солнцестояния), арлэн тужгес кузез нуналыз[1]. Ӟуч дырпусъя туннэ Федот Урожайник. Туннэ нуналъя учко, пе, кыӵе будоз ӟег. Зориз ке ― узгес удалты, шулдыр шундыё ке ― удалтоз. Та нуналысен, вунылъёслэсь кӧбератэк, шуръёсын пыласькыны луэ ини, шуо[2].
- Туннэ гудыръяз ке ― арня пумозь зорыса улоз.
- Туннэ ӵукна бус вӧлскиз ке ― нуназе пилемо улоз.
Нимнуналзэс пусъё
- Валерия, Мария, Анимаиса.
Праздникъёс но буре ваён нуналъёс
ООН — Улон интыысьтызы кӧчем муртъёслэн дунневыл нуналзы (2001).
— Зоопаркъёсысь слонъёсты утён дунневыл нунал (2009).
Йӧскалык праздникъёс
Россия — ВМФ-ысь минно-торпедной службаын ужась ӧнерчиослэн нуналзы[3] (1997).
Азербайджан — Газ удысын ужасьёслэн нуналзы (2006).
Аргентина — Йӧскалык флаглэн нуналыз (1938).
Тумошо праздникъёс
- Теннисэн шудонлэн калыккуспо нуналыз;
Луэм учыръёс
Удмуртиын
- 1947 — Ижын крезьгур ласянь пӧросо нылпиосты утён-вордон юрт радъямын.
- 1958 — Ижысь Советской урамын В. И. Ленинлы сӥзем синпелет усьтэмын.
- 1994 — Удмурт Элькунын миграциосъя служба кылдытэмын.
Россиын но дуннеын
- 840 — викингъёс нырысьсэ Сена шур кузя Руанозь вуизы.
- 1578 — англи эскерчи Мартин Фробишер Гренландиез «Шундыпуксёнпал Англия» шуыса нимаз но сое Англилэн интывылыныз ялӥз.
- 1799 — Российско-Американской компания кылдытэмын.
- 1803 — Санкт-Петербургысь Кадет корпуслэн садаз быдэс Россиын нырысьсэ омыре воздушной шар ӝутскиз.
- 1837 — Великобританилэн королеваез луиз Виктория I.
- 1840 — Сэмюэл Морзе телеграфлы патент басьтӥз.
- 1863 — Шундыпуксёнпал Виргиния США-лэн 35-тӥ штатэз луиз.
- 1880 — Фёдор Достоевский 45 минут ӵоже Пушкин сярысь мадиз.
- 1881 — Нижний Новгородын нырысьсэ Россиын кыскемын телефон связь.
- 1893 — Д. И. Менделеевен инъям Мертаськонъя валтӥсь инэг усьтэмын.
- 1895 — усьтэмын Балтийской но Уйпал зарезьёсты валчеясь Кильской канал. Солэн кузьдалаез 98 иськем, пасьталаез 102 м, мурдалаез 11,3 м.
- 1913 — Россиын нырысьсэ юнматэмын спорт но физической азинсконъя кылкутӥсь — генерал Воейков.
- 1933 — СССР-лэн генеральной прокуратураез кылдытэмын.
- 1939 — Ленинградын пытсэтамын режиссёр Всеволод Мейерхольд.
- 1943 — Уйпал Канадаын шедьтэмын дуннеысь тужгес бадӟымез кратер Ӥӟуч: Новый Квебекский кратер).
- 1945 ― Берлинысь Москвае вуттэмын Вормон Знамя, кудӥз азьвылгес Рейхстаг липет йылэ юнматэмын вал.
- 1950 — «Правда» газетын Сталинлэн «Марксизм но кылтодон» статьяез печатламын.
- 1954 — Дунай шур вамен Болгария но Румыния куспын «Эшъяськон Выж» усьтэмын.
- 1963 — Вашингтон но Муско куспын «пӧсь линия» кылдытэмын.
- 1968 — кылдытэмын А. А. Вишневский нимо Куинетӥ Шор Военной Клинический Госпиталь.
- 1972 — ЦК КПСС но СССР-ысь Министръёслэн Кенешсы «Шор ёзо образование выжон но огъя дышетон школаослэн азинскемзы сярысь» пуктэт кутӥз.
- 1996 — Россиысь МЧС-лэн кинологической службаез кылдытэмын[4].
- 1990 — ФРГ-лэн парламентэз Боннысь шоркарез Берлинэ выжтон сярысь пуктэт кутӥз.
- 2003 — Викимедиа фонд кылдытэмын.
Вордскизы
Удмуртиысь тодмо муртъёс
- 1927 — Алексей Ключанский, Чупчи механикая заводын ужась, уран поттонъя ӧнерчи.
- 1929 — Глафира Никольская, удмурт кылчи.
- 1947 — Валерий Майер, Удмуртиысь дышетӥсь, Глазысь педагогикая кун институтлэн профессорез.
Россиысь но дуннеысь тодмо муртъёс
- 1928 — Жан-Мари Ле Пен, Франциысь политик-националист, Европарламентлэн депутатэз.
- 1932 — Роберт Рождественский, кылбурчи но кылысь кылэ берыктӥсь, СССР-лэн Кун премиезлэн лауреатэз.
- 1934 — Юрий Визбор, совето кылбурчи, аc кырӟанъёсcэ быдэсъясь, актёр, журналист, гожъяськись, сценарий гожъясь.
- 1937 — Николай Дроздов, Россиысь тодосчи-зоолог, «В мире животных» телепрограммалэн авторез.
- 1967 — Николь Кидман, Австралиысь «Оскар», BAFTA, Зарни глобус но мукет данъетъёсын пусъем актриса.
- 1968 — Роберт Родригес, Америкаысь кинорежиссёр.
- 1982 — Алексей но Василий Березуцкийёс, Россиысь футболэн шудӥсьёс.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1759 — Мавра Шувалова (в. 1708), росси императрицалэн Елизавета Петровналэн матысь юлтошез, статс-дама.
- 1895 — Томас Генри Гексли, Англиысь биолог-дарвинист, Лондонысь королевской обществолэн президентэз.
- 1933 — Клара Цеткин, немец но калыккуспо коммунистической движенилэн огмуртэз, нылкышно правоос понна нюръяськись.
- 1976 — Виталий Доронин (в. 1909), театрын но киноын шудӥсь актёр, РСФСР-ысь калык артист.