Никольская, Глафира Николаевна

Глафира Николаевна Никольская
Вордӥськем дырыз	20-тӥ инвожое 1929({{padleft:1929|4|0}}-{{padleft:6|2|0}}-{{padleft:20|2|0}}) (97 лет)
Вордӥськем интыез	Шляпино[d], Ляльшурское сельское поселение[d], Шаркан ёрос, Удмурт автономной область, Нижний Новгород улос, РСФСР, СССР
Кун	СССР  Россия
Тодос удысэз	дышетон
Учёной степенез	педагогика наукаосъя доктор
Учёной званиез	профессор
Данъетъёсыз

Глафи́ра Никола́евна Нико́льская (ворд. 20-тӥ инвожое 1929, Шляпино^[d], Нижний Новгород улос) — совето но росии тодосчи, дышетӥсь, кылысь кылэ берыктӥсь, педагогика наукаосъя доктор, профессор. Учебникъёслэн, удмурт кылэз дышетон методикая пособиослэн авторзы. РСФСР-ысь калыкез югдытон удысысь отличник, Удмурт АССР-ысь наука удысысь дано ужась (1992), Росси Федерациысь наука удысысь дано ужась (1996).

Улон сюресэз

Вордӥськиз 1929-тӥ арын 20-тӥ инвожое Удмурт АССР-ысь Шаркан ёросысь Шляпа гуртын.

1947-тӥ арын, Якшур-Бӧдьяысь училищеез йылпумъямез бере, Ляльшур школаын дышетӥз. Педагогикая удмурт институтысь историяя факультетэ дышетскыны пыриз, но, ӝыны ар ортчыса, кылосбуръя факультетэ выжиз. Дышетсконаз вис карылӥз: кадръёс тырмымтэен, школае нылпиосты визьноданы берытскылӥз. Институтэз йылпумъяса, Ижкарысь педагогикая училищеын ӟуч но удмурт кылъёслы, литературалы дышетӥз.

1958-тӥ арын Педагогика наукаосъя академиысь йӧскалык школаосъя НИИ-ын аспирантураез йылпумъяз (али — РФ-ысь Дышетонэз азинтонъя федерал институт), со аре ик Ф. Ф. Советкин кивалтэм улсын «Удмурт школаысь 5-тӥ классын ӟуч орфографилы дышетонъя методика» темая кандидат ужзэ утиз. Аспирантура бере 3 ар ӵоже Удмурт пединститутын бадӟымез дышетӥсь луыса ужаз, удмурт кылэз дышетон методикая пособие гожтӥз.

1960-тӥ арын РСФСР-ысь Югдытонъя министерстволэн Мускоысь йӧскалык школаосъя НИИ-яз бадӟымез наукая ужась вал, Крайний Север, Сибирь но Дальний Восток палась выжы калыкъёслэн школаоссыя секторен кивалтӥз. 1983-тӥ арын «РСФСР-ысь финн-угор калыкъёслэн школаосазы ӟуч орфографиез дышетон методикалэн теорияя инъетэз» темая доктор диссертацизэ утиз.

1960-тӥ аръёс пумысен 1980-тӥ аръёс кутсконозь «Просвещение» издательствоын Г. Н. Никольскаяен но мукет авторъёсын гожтэм учебникъёс ялан печатласькизы: Россиысь йӧскалык (ӟуч луисьтэм) школаосысь 4-тӥ—10-тӥ классъёслы ӟуч кылъя программаос но йӧскалык школаосысь 5-тӥ—7-тӥ но 10-тӥ—11-тӥ классъёслы ӟуч кылъя учебникъёс.

1991-тӥ арысен анай кылъёсъя но кык кылын вераськонъя огъя ужпумъёсъя лабораториен кивалтӥз, нош 1994-тӥ арысен лабораториысь наукая валтӥсь ужась вал. 2002-тӥ арысен Россиысь дышетонъя академилэн Дышетон пуштросъя-радлыкъя но амалъёсъя институтысьтыз наукая валтӥсь ужась вал. Тыршытозяз Г. Н. Никольская йӧскалык школаосын кӧня ке кылэз огдыре дышетонын пуромем ужпумъёсъя наукая но методикая выль ӧр кылдытӥз.

1990-тӥ аръёслэн кутсконысенызы Глафира Никольская М. С. Щепкин нимо вылӥ театр училищеысь сцена вылын вераськонъя кафедраысь профессор сямен удмурт кыллы но литературалы, сцена вылын вольыт вераськыны дышетылӥз. Студентъёсын пуктоно постановкаосты удмурт кылэ берыкъяз.

Данъетъёсыз но дано нимъёсыз

• РСФСР-ысь югдытон удысысь отличник (1976);
• РСФСР-ысь калыкез югдытон удысысь отличник (1980);
• УАССР-ысь наука удысысь дано ужась (1992);
• Росси Федерациысь наука удысысь дано ужась (1996);
• Дышетон но наука удысын трос лэсьтэмез понна Бурятия Республикаысь правительстволэн П. Р. Атутов академик нимо премиез (1999).

Ужан вакытыз ӵоже Глафира Никольская Удмурт кун университетысь удмурт кылосбуръя факультетысь экзаменъёсъя кун комиссилэн тӧроез, УдГУ-ысь «Огъя педагогика, педагогикая но дышетонъя история» ӧнеръя доктор но кандидат диссертациосты утёнъя диссертацияя кенешлэн тӧроез вал. 1963-тӥ—1965-тӥ аръёсы Мускоысь ужась депутатъёслэн Ленин ёросысь депутат кенешазы бырйиськылӥз, 1991-тӥ—2004-тӥ аръёсы Мускоысь удмуртъёслэн «Герд» йӧскалык огазеяськонзылэн тӧроез вал.

Библиография

Г. Никольская наукая но методикая 200 ужъёслэн авторзы луэ, соос пӧлын: 10 монографиос, ӟуч но финн-угор кылсемья йӧскалык школаослы ӟуч кылъя 26 учебникъёс, удмурт кылъя 14 учебникъёс, кылэз дышетӥсьёс понна методикая 22 пособиос но статьяос.

• Захаров В. Н., Никольская Г. Н., Толстых Г. Н. Русский язык в удмуртской школе. — Ижевск: Удмуртия, 1973. — 299 с.
• Никольская Г. Н. Уроки русского языка в 7 классе. — Л.: Просвещение, 1990. — 289 с.
• Никольская Г. Н. и др. Методика обучения русскому языку в 4—10 классах школ народов финно-угорской группы. — Л.: Просвещение, 1985. — 351 с.
• Н. З. Бакеева, А. Т. Басиева, Т. Г. Гаврилова, Г. Н. Никольская. Русский язык: Учебник для 5—6 классов национальных школ. — Л.: Просвещение, 1988. — 462 с. — ISBN 5-09-000035-2.
• Никольская Г. Н. Призвание. — Ижевск: Удмуртия, 2006. — 240 с. — ISBN 5-7659-0312-6.

Валэктонъёс

Чӧлсконъёс

• Выставка «Выдающийся ученый-педагог: к юбилею Г. Н. Никольской» [ӟуч]