Удмурт кун университет

Википедиысь материал
Удмурт кун университет
(УдГУ)
Удмурт кун университет
Удмуртский государственный университет.jpg
Девиз «УдГУ-ын мон ваньзэ быгатӥсько»
Кылдон арез 1931
Ректор Мерзлякова Галина Витальевна
Интыяськемез Флаг России Россия, Удмурт Элькун, Ижевск
Юридический адрес почта адресэз: Университет урам, 1-тӥ номеро юрт, Ижкар, Удмурт элькун, Россия, 426034
Сайт udsu.ru
Логотип Викисклада Медиафайлъёс РувикиМедиа пушкын

Удмурт кун университе́т (УдГУ) — Ижкарысь вылӥ дышетсконни, Удмурт Элькунысь тужгес бадӟымез дышетон центр[К 1][R 1]. Университын 13 институт но 72 кафедра ужа[1]. Кылдытэмын 1931-тӥ арын. 1972-тӥ арозь Педагогикая Удмурт кун институт шуыса нимаськиз (УГПИ).

Историез

[Тупатыны | вики-текстэз тупатыны]

Педагогикая Удмурт кун институт (УГПИ) кылдытэмын 1931-тӥ арын 10-тӥ оштолэзе[R 2]. Со вакытэ институтэн кивалтӥзы Г. П. Макаров (1933-тӥ — 1937-тӥ аръёсы) но М. А. Родин (1938-тӥ — 1944-тӥ аръёсы). Нырысь-валысь пединститутын 4 факультет гинэ вал: историяя, кылъя но литературая, естественнонаучной но физико-математической.

Быдӟым Атыкай ож вакытэ, мукет дышетонниос сямен ик, Удмурт пединститут но быгатэмезъя фронтлы юрттӥськиз. Соку УГПИ-лэн пушпӧлаз пыртэмын вал Курскысь педагогикая институт но Ижысь кунсьӧр кылъёсъя учительской институт.

1948-тӥ арысен 1972-тӥ арозь институтэн кивалтӥз М. П. Бабин. Со дыре ик пуктэмын институтлэн кыкетӥез дышетон юртэз, усьтэмын спортъя но художественно-графической факультетъёс[1].

1958-тӥ арын УГПИ-ез куинетӥ категориысь кыкетӥ категорие выжтӥзы. Озьы дышетоннилэн аспирантура усьтыны луонлыкез кылдӥз. 1971-тӥ арын 5-тӥ южтолэзе СССР-ысь Министръёслэн кенешсы Ижкарын Удмурт кун университет кылдытон сярысь Пуктэт кутӥз[R 3].

1971-тӥ арын 19-тӥ оштолэзе — СССР-ысь Вылӥ но шор дышетонния министерстволэн 323-тӥ номеро Косэтэзъя, УГПИ Удмурт кун университетлы пӧрмытэмын. Солэн нырысетӥ ректорез луиз Б. Н. Шульга. Со аре ик университетлэн 4-тӥ корпусэз но экономико-правовой фкультетэз усьтӥськиз. 1972-тӥ – 1973-тӥ аръёсы кылдытэмын электронно-вычислительной центр, ультразвукъя, электрофизикая, чурыт вылтырлэн физикаезъя, электрометрияя но психологияя лабораторос. Дас ар ӵоже 10 выль кафедра, 20 лаборатория, типография но куинь огъяулонни усьтӥськиз[1].

1972-тӥ арын 29-тӥ толсуре РСФСР-ысь Вылӥ Кенешлэн Президиумезлэн Косэтэзъя, Удмурт кун университетлы РСФСР-ысь Вылӥ но шор дышетонъя министерстволэн СССР-лы 50 ар нимо Удмурт кун университет ним сётэмын[R 4].

1986-тӥ арысен университетэн кивалтыны кутскиз В. А. Журавлёв. Со кивалтэм улсын 15 ар ӵоже факультетъёслэн лыдзы трослы будӥз (1988-тӥ арын 9 гинэ ке вал, 2001-тӥ арын 19 луиз). 1987-тӥ арын студентъёслы сиськонни усьтэмын. 1988-тӥ арын подсобной хозяйстволэн инъетэз вылын Ботанической сад кылдытэмын.

1992-тӥ арын усьтэмын 5-тӥ номеро дышетон корпус (Спорт Дворец), 1997-тӥ арын — 6-тӥ дышетон корпус. 1996-тӥ арын УдГУ Интернет дунне вотэсэ потӥз. 1990-тӥ аръёслэн пумысеныз кутскыса, факультетъёсты институтъёслы пӧрмытъяны кутскизы[1].

2002-тӥ арын 20-тӥ куарусёнысен университет «Вылӥ ӧнер образование басьтонъя „Удмурт кун университет“ кун дышетонни» шуыса нимаськиз.

2007-тӥ арысен 2012-тӥ арозь университетэн С.Д. Бунтов кивалтӥз. Со ужан вакытэ университетлэн материально-технической базаез юнмаз, усьтӥськизы выль удысъёс. 2011-тӥ арын вуз дышетонъя дырзэ пусйымтэ лицензия басьтӥз, соку ик «М. С. Гуцериев нимо мувӧйя но газъя институтлэн» корпусэз усьтӥськиз[1]. 23-тӥ южтолэзьысен университет «Вылӥ ӧнер образование басьтонъя „Удмурт кун университет“ бюджетной федерал кун дышетонни» шуыса нимаськыны кутскиз.

2012-тӥ арысен вузлэн ректорез Г.В. Мерзлякова. 2013-тӥ арын В. А. Журавлёв нимо Учебно-научной лыдӟиськонни усьтӥськиз. 2016-тӥ арын 19-тӥ оштолэзьысен университет «Вылӥ образование басьтонъя „Удмурт кун университет“ бюджетной федерал кун дышетонни» шуыса нимаське. 2021-тӥ арысен стратегической академической лидерствоя «Приоритет-2030» федерал программае пыриське[1].

Удмурт кун университет  — Удмуртиысь тужгес бадӟымез вылӥ дышетонни. Татын 13 институт но 72 кафедра ужа. Вань Ӧнер басьтонъя паськыт профильем колледжез но Ватсаса дышетонъя институтэз. Университетын дас вить сюрслэсь трос студентъёс вылӥ образовани басьтон программая, сюрс вить сюлэсь тросэз — шор ӧнер басьтон программая но 130 пала аспирантъёс дышетско. Соос пӧлысь сизьым сюрс тямыс сюэз — бюджет интыосын. Университетын 700 пала дышетӥсьёс тыршо. Соос пӧлысь 73%-эз тодосъёсъя докторъёс но кандидатъёс луо[1]. Студентъёсты дышетон куинь уровенья радъямын: бакалавриат, специалитет но магистратура. Дышетоннилэн 7 корпусэз но 4 огъяулонниез вань

Сӧзнэтэз

[Тупатыны | вики-текстэз тупатыны]
  • Историяя но социологияя институт
  • Кылъя но литературая институт
  • Удмурт кылосбуръя, финно-угроведениея но журналистикая институт
  • Физической культурая но спортъя институт
  • Педагогикая, психологияя но мерлыко технологиосъя институт
  • Устолыкъёсъя но дизайнъя институт
  • Мерлыко коммуникациосъя институт
  • Правоя, мерлыко кивалтонъя но кышкыттэмлыкъя институт
  • Экономикая но кивалтонъя институт
  • Естественной тодосъёсъя институт
  • Математикая, иворлыко технологиосъя но физикая институт
  • Калыкез утёнъя институт
  • М. С. Гуцериев нимо мувӧйя но газъя институт[R 2]

Филиалъёсыз[Тупатыны | вики-текстэз тупатыны]

Филиалъёсыз сяна, УдГУ-лэн Нефтекамскын представительствоез вань на. Со Удмурт кун университетлэсь бускель Башкортостан улосын тунсыкъёссэ возьматэ но дышетоннилэн пӧртэм удысъёсызлы но ӧнеръёслы реклама лэсьтэ[2].

Калыккуспо уж

[Тупатыны | вики-текстэз тупатыны]

Удмурт кун университет кунсьӧр вузъёсын но огазеяськонъёсын калыккуспо ужез азинтэ; Университетъёслэн Европа, Еврази но Финн-угор ассоциациоссылэн ёзчиез луэ.

Тодос но дышетон удысын тупатэм калыккуспо тупанкылъёс улсын Удмурт кун университет кунсьӧр вузъёсын, кунсьӧр огазеяськонъёсын но сьӧрлось кунъёслэн посольствоосынызы валчеяськыса ужа. Кыкнапалласянь юнматэм тупанкылъёс улсын Испаниысь, Финляндиысь, Кореяысь, Чехиысь, Германиысь, Польшаысь, Италиысь вузъёсысь студентъёсын вошъяськон программаосъя дышетон радъямын[R 2].

УдГУ-ысь калыккуспо кусыпъёсъя кивалтонни пӧртэм калыккуспо проектъёс улсын ужзэ радъя, кылсярысь, TEMPUS, Erasmus Mundus Triple I, Erasmus Mundus Aurora[R 2].

Удмурт университетэ, ӟуч кылэз дышетон понна, арлы быдэ кык сюлэсь трос кунгож сьӧрысь студентъёс, дышетӥсьёс но тодосчиос вуыло.

2002-тӥ арысен УдГУ Тестирования кун сӧзнэтэ пыриське. Вань мылкыд карисьёс ӟуч кылъя тестированиез (ТРКИ) вить уровеньёс пӧлысь одӥгзэ бырйыса ортчыны быгато. Солэн йылпумъянъёсызъя кун сертификат сётӥське. Озьы ик УдГУ-ын ялан ортчытъясько "РФ кунмуртэз" инлык басьтон понна но ужась мигранъёс понна чаклам ӟуч кылъя тестированиос.

Галерея

[Тупатыны | вики-текстэз тупатыны]
  • 1-тӥ номеро дышетон корпус

    1-тӥ номеро дышетон корпус

  • 4-тӥ но 6-тӥ номеро дышетон корпус

    4-тӥ но 6-тӥ номеро дышетон корпус

  • А. С. Пушкинлы синпелет

    А. С. Пушкинлы синпелет

  • Университет площадь

    Университет площадь

  • А. С. Пушкин нимо сквер

    А. С. Пушкин нимо сквер

  • 7-тӥ номеро дышетон корпус

    7-тӥ номеро дышетон корпус

  • 6-тӥ номеро дышетон корпус

    6-тӥ номеро дышетон корпус

  • М. В. Ломоносовлы синпелет

    М. В. Ломоносовлы синпелет

Озьы ик учке

[Тупатыны | вики-текстэз тупатыны]

Валэктонъёс

[Тупатыны | вики-текстэз тупатыны]

Комментарийёс

  1. ↑ 2006-тӥ арын студентъёслэн лыдзыя, мукет вузъёсын ӵошатыса

Источникъёс

  1. ↑ Туганаев, 2008, с. 131.
  2. ↑ 1 2 3 4 Туганаев, 2008, с. 672.
  3. ↑ Ежегодник БСЭ, 1972/М., Советская энциклопедия, — С. 32.
  4. ↑ Удмуртский государственный университет им. 50-летия СССР Министерства высшего и среднего специального образования РСФСР, г.Ижевск Удмуртской АССР, (1972г. Фондовый каталог УР [ӟуч] fc.gasur.ru. Эскеремын 2018-07-27 аре
  1. ↑ 1 2 3 4 5 6 7 Официальный сайт Удмуртского государственного университета. Историческая справка УГПИ-УдГУ
  2. ↑ Официальнфый сайт Удмуртского государственного университета. Об УдГУ. Филиалы и представительства

Литература

[Тупатыны | вики-текстэз тупатыны]

Чӧлсконъёс

[Тупатыны | вики-текстэз тупатыны]
«https://udm.ruwiki.ru/w/index.php?title=Удмурт_кун_университет&oldid=291340»-ысь басьтэмын