29-тӥ толсур — Григориан дырпусъя — арлэн 363-тӥ нуналыз (касьян аре — 364-тӥез). Ар пумозь 2 нунал кылемын.
☀️ Ижкарын Шунды 9 час 2 минутэ ӝужа, пуксе 15 час 51 минутэ. Югыт нуналлэн кыстӥськемез 🕒 6 час 48 минут.
🌖 Синӥсь Толэзь (будэмез 19.71 нунал).
Нунал тодметъёс
- Агейлэн нуналыз. Азьланяз кусыпъёс медаз сӧриське шуыса, та нуналэз семьен ӵош ортчытыны дэмлало. Туннэ коньдон пуйыез буш возьыны уг яра, кӧня ке копейкаез ке но мед луоз, пе. Уг яра сапег кышъяны, гуртысь уллялозы яке уж дурын шуг-секытъёс кылдозы шуо.
- Та нуналлы кезьытскиз ке — Крешенняозь ик кезьыт улоз.
- Туннэ нуналъя оштолэзьлэсь кыӵе луонзэ чаклало.
Нимнуналзэс пусъё
- Агей, Александр, Аркадий, Владимир, Илья, Макар, Марин, Павел, Пётр, София/Софья, Федосей, Феофания.
Праздникъёс но буре ваён нуналъёс
Йӧскалык праздникъёс
Луэм учыръёс
Удмуртиын
- 1918 — Сарапулын йылпумъяськиз Быдэс Россиысь удмурт нылкышноослэн I-тӥ конференцизы.
- 1971 — Ижысь Шор площадьын Центральной универсальной магазин — ЦУМ усьтӥськиз.
- 1971 — Сарапул карын электротехникая техникум усьтэмын.
- 1979 — Ижын Пионеръёслэн юртсылэн выльдэм юртэз усьтӥськиз.
- 1999 — Ижысь цирклэн азьвыл юртэз куашкатэмын.
- 2012 — Удмуртиын нырысетӥез McDonald’s усьтӥськиз.
Россиын
Дуннеын
- 1610 — Кровавая Графиня, пинал нылъёсты курадӟытыса виылэмез понна, кулытозяз Чахтице замоке пытсамын.
- 1845 — Техас США-лэн 28-тӥ штатэз луиз.
- 1857 — Кыкетӥ опиумной ож: Англиысь но Франциысь ожгарчиос Кантонэз басьтӥзы.
- 1860 — Блэквеллын ву вылэ лэземын HMS Warrior — быдэс дуннеын нырысетӥ цельнометаллической броненосец.
- 1930 — Мухаммад Икбал Британ Индилэн уйпал но шундыпуксён палаз мусульманской кун кылдытыны ӵектӥз.
- 1989 — Вацлав Гавел луиз Чехословакилэн президентэз.
- 1996 — Гватемалаын 36 ар ӵоже кыстӥськем граждан ож ваче уръяськемен йылпумъяськиз.
Вордӥськизы
- Удмуртиысь тодмо муртъёс
- 1952 — Богомольный, Евгений Исаакович (кул. 2019-тӥ арын 14-тӥ оштолэзе) — «Удмуртнефть» акционер огазеяськонлэн валтӥсь директорез. Ижкар Думаысь депутат. Удмурт Элькунысь Кун Кенешысь депутат. Удмурт Элькунлэн Президентэзлэн мувӧй поттон комплексысь юанъёсъя советникез. Росси Федерациысь Кун Думаысь депутат.
- 1950 — Курченко, Надежда Владимировна (кул. 1970-тӥ арын 15-тӥ коньывуонэ Батумиысь Сухуме лобӟись Ан-24 самолётын) — «Аэрофлотлэн» бортпроводницаез, Сухум авиацияя отряд. Самолётэз асьсэ ки улэ кутыны турттӥсь террористъёсты дугдытонъяз бырыны шедиз. СССР-ысь Президиумлэн Вылӥ Советэзлэн Указэзъя дӥсьтӥсь луэмез но адямиосты утемен понна Горд Знамялэн орденэныз пусъемын (кулэмез бӧрсьы).
- 1918 — Иван Фонарёв, Вотка ёросысь Быдӟым Атыкай оже пыриськись, Совето Союзлэн Героез.
- 1922 — Анатолий Золотарёв, Удмуртиысь тодосчи-агроном, Быдӟым Атыкай оже пыриськись.
- 1953 — Иван Рысин, Удмуртиысь географ-геоморфолог, Удмурт кун университетысь профессор.
- Россиысь но дуннеысь тодмо муртъёс
- 1709 — Елизавета Петровна, ӟуч императрица (1741—1762).
- 1721 — Маркиза де Помпадур, Людовик XV-лэн фавориткаез.
- 1967 — Эндрю Пол (Энди) Вачовски, Америкаысь кинорежиссёр.
Кулӥзы
- Удмуртиысь тодмо муртъёс
- 2024 — Валентин Кельмаков, филологи тодосъя доктор, финн-угор но огъя кылтодонъя кафедраысь профессор.
- Россиысь но дуннеысь тодмо муртъёс
- 1731 — Брук Тейлор, Англиысь математик.
- 1986 — Андрей Тарковский, совето кинорежиссёр, сценарист.
Ирландия — Конституцилэн нуналыз.