13-тӥ толшоре
13-тӥ толшоре — Григориан дырпусъя — арлэн 13-тӥ нуналыз. Выль арозь 352 нунал кылемын (касьян аре — 353 нунал).
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
Нунал тодметъёс
- Маланьлэн нуналыз яке байлыко ӝыт. Туннэ тунасько но ӝӧквыл тыр сиён-юон окто. Озьы, пе, быдэс ар ӵоже ванё-буро улод. Та бордысь ик "Маланьлэн сюаназ мында" ӟуч визькыл кылдэмын.
- Туннэ лымыяз ке — емыш удалтоз.
- Куазь туннэ шуныт ке — гужемзэ зоро луоз..
Нимнуналзэс пусъё
- Вусирис, Гавдентий, Гаий, Геласий, Досифей, Ириней, Мартина, Мелания, Михаил, Нема, Олимпиодор, Пётр, Саламин.
Праздникъёс но буре ваён нуналъёс
Россия — Россиысь печатьлэн нуналыз.
Швеция — сьӧлыктэм Кнудлэн нуналыз.
Литва — Эриклыкез утисьёслэн нуналзы (1991).
Индия — Лори фестиваль — толлэн тулыс пала берытсконэз.
Монголия — Конституцилэн нуналыз.
Таиланд — Авиацилэн нуналыз.
Луэм учыръёс
Удмуртиын
- 1835 — Сарапул карын усьтэмын Ватка губерниысь нырысетӥез публичной библиотека.
- 1870 — Сарапулын усьтӥськиз земской библиотека.
- 1882 — Ватка губерниысь Сарапул утемысь Черново гуртын земской школа усьтӥськиз.
- 1944 — Ижевск-Балезино чугун сюрес усьтэмын.
- 1991 — «Известия Удмуртской Республики» — Удмурт Элькунысь ӟуч кылын потӥсь валтӥсь газетлэн нырысетӥ номерез потӥз.
- 1999 — Эгра ёросысь Культура юрт кылдытэмын.
Россиын но дуннеын
- 532 — Константинопольын Византилэн историяз тужгес бадӟым бугыръяськонъёс кутскизы.
- 1703 — «Ведомости» нимо ӟуч кылын нырысетӥ печатной газет потыны кутскиз.
- 1813 — Кутузов кивалтэм улсын ӟуч ожгарчиос Неман вамен выжизы.
- 1840 — Америкаысь «Лексингтон» пароход вылын тылпу ӝутскиз; 139 мурт бырыны шедиз.
- 1898 — «Орор» газетын Эмиль Золялэн «J’accuse» шара гожтэтэз печатламын.
- 1874 — Россиын рекрутской система интые огъя воинской повинность кутэмын вал.
- 1915 — Авеццаноысь музъем зурканын 30 000-лэсь трос итальян калык быриз.
- 1934 — СССР-ысь Совнаркомлэн пуктэмезъя «наукаосъя кандидат» cтепень кылдытэмын.
- 1945 — Быдӟым Атыкай ож: Советской Армилэн Восточно-Прусской операциез кутскиз.
- 1990 — Бакуын армян куашкатонъёс кутскизы.
- 1991 — совето армия Вильнюсысь телецентр юртэз штурмен басьтӥз; 15 мурт бырыны шедиз.
- 2020 — пандемия COVID-19: Таиландын нырысетӥез черласькон учыр.
Вордскизы
- 1906 — Апполенария Поздеева, Удмуртиысь дано дышетӥсь, лингвист.
- 1915 — Василий Садовников, Удмуртиысь драматург, актёр но журналист, УАССР-ысь дано артист.
- 1924 — Пётр Любомиров, Удмуртиысь ӟуч кылбурчи, прозаик но журналист.
- 1928 — Юрий Перевощиков, Удмуртиысь экономист.
- 1938 — Зинур Зинатуллин, Удмуртиысь юрист, Удмурт кун университетысь тодосчи.
- 1947 — Владимир Пономарёв, Удмуртиысь тодосчи но политик, Удмуртиысь Быръёнъёсъя Валтӥсь комиссилэн тӧроез (2001—2009).
- 1859 — Поль Пасси, француз кылчи, фонетист.
- 1864 — Вильгельм Вин, Германиысь физик, Нобель премилэн лауреатэз (1911).
- 1931 — Аркадий Вайнер, гожъясьчи.
- 1954 — Алексей Глызин, Россиысь кырӟась.
- 1966 — Ирина Апексимова, Россиысь актриса.
- 1977 — Орландо Блум, Англиысь актёр.