30-тӥ оштолэзь — Григориан дырпусъя — арлэн 120-тӥ нуналыз (касьян аре — 121-тӥез). Ар пумозь 245 нунал кылемын.
☀️ Ижкарын Шунды 4 час 44 минутэ ӝужа, пуксе 20 час 9 минутэ. Югыт нуналлэн кыстӥськемез 🕒 15 час 24 минут.
🌒 Егит Толэзь (будэмез 2.33 нунал).
- Зосим-пчельник. Тазалыко луон понна, туннэ ӵукна ик пичи пуньыен ке но чечы веръялтоно.
- Туннэ нянь пыжыны уг яра, толэзь ӵоже висьыса улод, шуо.
- Туннэ ӵукна ик шундыё ке ― гужем но шундыё пӧсь луоз.
- Мушъёс емышо писпуос котырын бергало ке ― емыш удалтоз.
- Авделай, Агапит, Адриан, Азат, Акакий, Александр, Анания, Аскитрея, Симеон, Усфазан, Фусик, Хусдазад.
П. Чайковскийлэн музей-юртэз, Воткинск
- ЮНЕСКО
ЮНЕСКО — Джазлэн калыккуспо нуналыз.
- Россия
Россия — Тылпу кысӥсьёслэн нуналзы.(1649).
Вьетнам — Вормон нунал (1975).- Иран
Иран — Персидской заливлэн йӧскалык нуналыз.
- Мексика
Мексика — Нылпилэн нуналыз.
Швеция — Корольлэн нуналыз (Карл XVI Густав (вордӥськемын 1946), Швецилэн королез (с 1973).
- 1932 — Пудэм черкогуртысь вить борддоръем коркан медицинской пунктлэн инъет вылаз эмъяськонни кылдытэмын.
- 1940 — Воткалан П. И. Чайковскийлэн музей-юртэз пырась-потасьёслы усьтӥськиз.
- 1964 — Асангуртысь зооветеринарной техникум Совхоз-техникумлы пӧрмытэмын.
- 1977 — Сарапулын Г. К. Орджоникидзе нимо радиозаводлэн Культура дворецез усьтӥськиз.
2-4-0 типъем паровоз, 1927-тӥ ар
- 1472 — Муско Кремльын Успенский собор ӝутыны кутскемын.
- 1649 — Алексей Михайлович эксэй «Граждан благочиние сярысь Наказ» юнматӥз. Отын Мускоын но мукет каръёсын Тылпу кысонъя служба кылдытон сярысь гожтэмын.
- 1722 — «New England Courant» газетын нырысьсэ бильярд шудон сярысь верамын.
- 1743 — Оренбург кар инъямын.
- 1782 — Уфа но Оренбург улосъёслэсь кылдытэм Уфимской наместничество усьтэмын.
- 1789 — Нью-Йоркысь Федерал-холлын США-лэн нырысетӥ президентэзлэн Джордж Вашингтонлэн инаугурациез ортчиз.
- 1790 — Шведъёсын ожмаськонын Керникоски котырын ӟуч императорской арми пазьгемын.
- 1800 — император Павел I кунгож сьӧрысь книгаосты ваёнлы пумит луон сярысь Косэт гожтӥз. Отын пусъемын: «Так как чрез ввозимые из-за границы разные книги, наносится разврат веры, гражданского закона и благонравия, то отныне, впредь до указа, повелеваем запретить впуск из-за границы всякого рода книг, на каком бы языке оные ни были, без изъятия, в государство наше, равномерно и музыкальную индустрию».
- 1812 — Луизиана США-лэн 18-тӥ штатэз луиз.
- 1854 — Бразилиын нырысьсэ чугун сюрес усьтэмын.
- 1902 — Опера-Комикын Клод Дебюссилэн «Пеллеас но Мелизанда» операез пуктэмын.
- 1905 — росси император Николай II эрико вӧсьбур сярысь Косэт гожтӥз.
- 1909 ― Санкт-Петербургын Россиын нырысетӥез скаут организаци кылдытэмын.
- 1916 — Германия нырысетӥез кун, кудӥз гужем дыръя улыны кутскиз.
- 1927 — «Красный путиловец» заводын поттэм 2-4-0 типъем нырысетӥ паровоз М сюрес вылэ потӥз.
- 1944 — СССР-ын ужась егит калыклы школаос усьтон сярысь пуктэт кутэмын.
- 1945
- Берлин операци: совето войскоос Рейхстагез штурмен басьтыны кутскизы.
- Совето войскос Равенсбрюк нылкышно концлагерез мозмытӥзы.
- Адольф Гитлерлэн быронэз.
- 1960 — Тюмень тайгаысь мувӧй шедьтэмын.
- 1961 — Леонид Рогозов хирург аслыз ачиз аппендицитэз вандон операци лэсьтӥз.Операци азинлыко ортчиз.
- 1971 — Москваын Кун цирк усьтэмын (Цирк на Ленинских горах).
- 1984 — Афган ож: 682-тӥ мотострелковой полклэн 1-тӥ батальонэз бырыны шедиз.
- 1990 — Россиын вераськыны кутскиз нырысетӥез негосударственой коммерческой радиостанция ― «Европа Плюс».
- 1988 — Канадаысь 20 аресъем кырӟась Селин Дион «Евровидениын» Дублинын вормисе потӥз.
- 1993 — Гамбургын матч мыныку, синмаськем Штеффи Граф дуннеысь нырысетӥ ракеткаез Моника Селешез пуртэн сӧсыртӥз.
- 2008 — Екатеринбург котырысь шедьтэм лысьӧмъёс Николай II-лэн нылпиосызлэн луо шуыса оскытӥзы росси тодосчиос. Алексей Николаевич но Анастасия Николаевна 1918-тӥ арын виемын вал.
- 1777 — Карл Фридрих Гаусс, немец математик, астроном но физик.
- 1870 — Франц Легар (Franz Lehár), венгер крезьгурчи но дирижёр.
- 1883 — Ярослав Гашек, Чехиысь гожъяськись-сатирик.
- 1893 — Иоахим фон Риббентроп, Германиысь кунгожсьӧр ужъёсъя министр (1938—1945).
- 1956 — Ларс фон Триер, Даниысь кинорежиссёр, сценарист, актёр но продюсер.
- 1962 — Николай Фоменко, Россиысь крезьгурчи, кырӟась, актёр, радио- но телепередачаосты нуись.
- 1967 — Филипп Киркоров, эстрада кырӟась, Россиысь калык артист.
- 1974 — Андрей Губин, Россиысь кырӟась.
- 1642 — Дмитрий Пожарский, ӟуч йӧскалык герой, ожгар но политика удысъёсын ужась.
- 1792 — Джон Монтегю, Сэндвич 4-тӥ граф.
- 1849 — Карл Росси, Россиысь итальян выжыысь архитектор.
- 1883 — Эдуард Мане, Франциысь суредась, импрессионизмез инъясьёс пӧлысь одӥгез.
- 1945
- Адольф Гитлер, фашизмо Германилэн диктаторез (1933-тӥ арысен).
- Ева Браун, Адольф Гитлерлэн кышноез.
