31-тӥ толсуре
31 толсур — Григориан дырпусъя — арлэн 365-тӥ нуналыз (касьян аре — 366-тӥез). Арлэн берпуметӥ нуналыз.
☀️ Ижкарын Шунды 9 час 1 минутэ ӝужа, пуксе 15 час 52 минутэ. Югыт нуналлэн кыстӥськемез 🕒 6 час 51 минут.
🌔 Йылӥсь Толэзь (будэмез 11.08 нунал).
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Модестлэн нуналыз. Вашкалаослэн оскемзыя, туннэ Толсур сьӧд кужымъёсты эрике лэзе. Соин ик та нуналэ йылсо арбериосты син азьысь утялтыны, тӥр-пуртэз одно ик ватыны, шобыртыны косо. Туннэ йырсиез ӵышкыны уг яра. Вуоно арын кизер луоз яке усьыса быроз шуыса оскыто. Озьы ик уг яра пунэмен коньдон курыны но, сётыны но.
- Арлэн берпуметӥ нуналаз коӵыш ассэ гань-гань возе ке — вуоно ар капчиен ортчоз. Кинлэн ал вылаз тубиз — солы удалтоз.
- Лымы бадӟым пырыен усиз ке — шунытскоз.
- Куака пӧртэм куараен кесяське ке — куазь воштӥськоз.
- Бусы шорын лымыез ӧжыт ке — ю-нянь уз удалты.
Нимнуналзэс пусъё
- Давид, Иосиф, Михаил, Петр, Иаков, Мелания.
Праздникъёс но буре ваён нуналъёс
- Выль ар азьысь нунал.
Азербайджан — Быдэс дуннеысь азербайджан калыклэн огъя луон нуналыз.
Луэм учыръёс
Удмуртиын
- 1837 — Ватка губерниысь Сарапул утемысь Арзамасцево черкогуртын Покров черк бордын грамоталы дышетон школа усьтӥськиз.
- 1931 — Удмурт улосвылын радиовещания комитет кылдытэмын.
- 1946 — Глазысь дышетӥсьёсты дасянъя институтлы тодмо гожъясьчилэн Короленколэн нимыз сётэмын.
- 1958 — Глазкарын санитарно-эпидемиологической станци кылдытэмын.
- 1996 — Удмурт Кивалтэтлэн пуктэмезъя, Удмурт Элькунын научно-исследовательской институт кылдытэмын.
Россиын
- 1741 — Россиын нимаз формаен но знамяен Лейб-кампания кылдытэмын.
- 1877 — Русско-турецкой ожын росси ожгарчиос, Иосиф Гурко кивалтэм улсын, Ташкессен котырын турокъёслэсь армиизэс пазьгизы.
- 1898 — Петербург но Муско каръёс куспын телефон линия усьтэмын.
- 1917 — В. И. Ленин Финляндилэн кун асэриклыкез сярысь декрет гожтӥз.
- 1918 — совето войскоос Уфаез басьтӥзы.
- 1935 — Балтийской вокзалысь Красное Село дорозь нырысетӥ электропоезд лэземын.
- 1965 — Приморье шаер но Хабаровск шаер Ленин орденэн пусъемын.
- 1968 — Нырысьсэ инбаме ӝутскиз дуннеысь нырысетӥез сверхзвуковой пассажирской самолёт Ту-144.
- 1994 — 131-тӥ мотострелковой бригадаысь ожгарчиос Грозный карез штурмовать карыны кутскимзы.
- 1999 — Россилэн президентэз Борис Ельцин отставкае кошкиз.
Дуннеын
- 406 — вандалъёс, аланъёс, свевъёс но мукет варвар племъяос йӧэн шобырскем Рейн шур вамен потыса, Майнца но Вормс каръёс котырысь узыр рим империлэн Галлия (вуоно Франция) музъем вылаз кӧчиллям.
- 1347 — Европаын бубонной но лёгочной чумаен висён аляз. Тужгес лекез эпидеми ньыль ар ӵоже кыстӥськиз.
- 1918 — Герман арми Вильнюс карез кельтӥз.
Вордскизы
Удмуртиысь тодмо муртъёс
Россиысь но дуннеысь тодмо муртъёс
- 1869 — Анри Матисс, Франциысь художник.
- 1933 — Семён Фарада, СССР-ысь но Россиысь актёр.
- 1937 — Энтони Хопкинс, Великобританиысь актёр.
- 1941 — Алекс Фергюсон, футбольной тренер.
- 1943 — Бен Кингсли, Великобританиысь актёр, «Оскар» но «Зарни глобус» премиослэн лауреатсы.
- 1973 — Николай Цискаридзе, Россиысь балет артист, Россиысь калык артист.
- 1980 — Россиысь кун уж быдэсъясь, журналист но театровед. 2020-тӥ арын 21-тӥ толшорысен Росси Федерациысь лулчеберетъя министр[1].
Кулӥзы
Удмуртиысь тодмо муртъёс
- 1999 — Курягин, Юрий Герасимович, Краснознамённой Уйпал флотысь зарезь пехоталэн офицерез, лейтенант. Росси Федерацилэн Героез (28.03.2000, кулэмез бере).
Россиысь но дуннеысь тодмо муртъёс
- 1872 — Алексис Киви, финн драматург, финн литературной кыллэн инъясез.
- 1911 — Григорий Мясоедов, ӟуч художник-передвижник.
- 1993 — Звиад Гамсахурдия, Грузилэн президентэз.