5-тӥ толсур — Григориан дырпусъя — арлэн 339-тӥ нуналыз (касьян аре — 340-тӥез). Ар пумозь 26 нунал кылемын.
☀️ Ижкарын Шунды 8 час 54 минутэ ӝужа, пуксе 15 час 59 минутэ. Югыт нуналлэн кыстӥськемез 🕒 7 час 4 минут.
🌘 Вуж Толэзь (будэмез 25.24 нунал).
Нунал тодметъёс
- Прокоп нунал (ӟуч: Прокопьев день). Вазен дыръя та нуналэ мадиськон ӝытъёс ортчытъяло вылэм, изён азьын ог-огзылы выжыкыл мадьыло[1].
- Туннэ куазь шуныт ке ― толалтэ лымыё луоз но кема кыстӥськоз.
Нимнуналзэс пусъё
- Алексей, Архип, Афанасий, Борис, Валериан, Василий, Владимир, Герасим, Иван, Илья, Максим, Марк, Михаил, Павел, Петр, Прасковья, Прокопий, Савва, Фаддей, Федор, Филимон, Яков.
Праздникъёс но буре ваён нуналъёс
- ООН
ООН — Экономикаез но мерлыкез азинтӥсь мылкыд карисьёслэн калыккуспо нуналзы (ӟуч: Международный день добровольцев во имя экономического и социального развития).
Йӧскалык праздникъёс
- Россия
Россия:
- Россилэн ожгар данлыко нуналыз. Немец захватчикъёслы пумит Москва понна ожмаськонын совето войскоослэн контрнаступленизылэн кутскон нуналыз.
- Волонтёрлэн нуналыз[2].
Тумошо праздникъёс
- ЮНЕСКО
ЮНЕСКО — Турок кофелэн дунневыл нуналыз.
- Ниндзяослэн нуналзы.
Луэм учыръёс
Удмуртиын
Россиын но дуннеын
Бланкенбург кар. Ведӥн кышноосты сутон. 1555-тӥ ар
- 1456 — музъемзурканэн валче куашкатэмын Неаполь.
- 1484 — папа Иннокентий VIII Германиын ведӥн кышноосты быдтонлы кутскон сётӥз.
- 1894 — Рейхстагез лэсьтон йылпумъямын.
- 1904 — ӟуч-япон ож дыръя Порт-Артурын япон флот ӟуч флотэз пазьгиз.
- 1919 — Петроград Горд Знамялэн орденэныз но революцилэн Дано Горд Знамяеныз пусъемын.
- 1926 — Эйзенштейнлэн «Броненосец „Потёмкин“» фильмезлэн премьераез ортчиз.
- 1929 — Таджик ССР кылдытэмын.
- 1931 — Мускоын Христос Утисьлэн храмез пушкытэмын.
- 1934 — ВЦИК-лэн пуктэмезъя Ватка карлы выль ним сётэмын — Киров.
- 1936 — СССР-лэн сталинской конституциез кутэмын. Соин сэрен:
- Удмурт АССР потӥз Киров шаерлэн пушпӧлысьтыз, но шаер ачиз Киров улослы пӧрмиз.
- Пор автономи улос быдтэм Горький шаерлэн пушпӧлысьтыз поттэмын но Пор АССР-лы пӧрмытэмын.
- Куйбышев шаер Мордва АССР-лы но Куйбышев улослы люкиськиз.
- Комиослэн (Зырянъёслэн) автономи улоссы Уйпал шаерысь потӥз но Коми АССР-лы пӧрмиз.
- 1941 — Муско дорын совето войскоослэн контрнаступленизы кутскиз.
- 1952 — Лондон вылэ «Быдӟым смог» лэзькиз.
- 1957 — ву вылэ васькытэмын «Ленин» нимо атомной ледокол.
- 1978 — СССР-ысь ДОСААФ-лэн Быдэс союзысь космонавтикая комитетэз СССР-лэн Космонавтикая федерациезлы пӧрмытэмын.
- 2009 — Пермьысь «Хромая лошадь» уй клубын тылпу потӥз.
Фёдор Иванович Тютчев, ӟуч кылбурчи
Вордӥськизы
Удмуртиысь тодмо муртъёс
- 1916 — Вероника Дударова, Россиысь нырысетӥ нылкышно-дирижёр, УАССР-ысь калык артист.
- 1935 — Андрей Абрамов, Ижысь боксёр, Европалэн но СССР-лэн чемпионзы.
- 1937 — Виктор Гнездин, Удмуртиысь суредаськись.
- 1946 ― Владимир Арташесович Аветисян, совето вакытысь но Россиысь тодосчи-литературовед, педагог. Кылосбур тодосъёсъя доктор (1987), профессор (1989). Удмурт Элькунысь тодос удысысь дано ужась (2003), Росси Федерациысь вылӥ тодон-валан сётон удысысь дано ужась (2007). Иоганн Гётелэн творчествоезъя одӥгез тужгес бадӟымез ӧнерчи.
- 1952 — Шудегов Виктор Евграфович — росси политик но тодосчи-физик. Росси Федерациысь Федерацияя Кенешысь Наукая, лулчеберетъя, дышетонъя, тазалыкез утёнъя но инкуазез утёнъя комитетлэн тӧроез. Росси Федерациысь Кун Думаысь V но VI ӧтчамысьтыз депутат. Кун Думаысь Дышетонъя комитетлэн тӧроезлэн воштӥсез. 2006-тӥ арысен «Справедливая Россия» партилэн удмурт ёзэзлэн тӧроез.
- 1956 — Екатерина Яковлева, удмурт актриса.
- 1957 — Леонид Лекомцев, удмурт кылбурчи.
- 1964 — Елена Пушина, Ижысь спортсмен (ыбылӥськись).
Россиысь но дуннеысь тодмо муртъёс
Вольфганг Амадей Моцарт, Австриысь крезьгурчи.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1791 — Вольфганг Амадей Моцарт, Австриысь крезьгурчи.
- 1870 — Александр Дюма (атаез), Франциысь гожъяськись.
- 1881 — Николай Пирогов, ӟуч хирург но анатом, естествоиспытатель но дышетӥсь.
- 1911 — Валентин Серов, ӟуч живописец но график.
- 1926 — Клод Моне, Франциысь живописец, импрессионизмез инъясьёс пӧлысь одӥгез.
- 1977 — Александр Василевский, совето ожйыр, Совето Союзлэн Маршалэз, Совето Союзлэн кык полэс Героез.
- 2008 — Алексий II (зэмос нимыз Алексей Михайлович Ридигер), Ӟуч православи черклэн патриархез.
- 2013 — Нельсон Мандела, ЮАР-лэн нырысетӥ сьӧд куо президентэз.
Валэктонъёс
