12-тӥ тулыспалэ
12 тулыспал — Григориан дырпусъя — арлэн 43-тӥ нуналыз. Ар пумозь 322 нунал кылемын (касьян аре — 323 нунал).
☀️ Ижкарын Шунды 7 час 47 минутэ ӝужа, пуксе 17 час 6 минутэ. Югыт нуналлэн кыстӥськемез 🕒 9 час 18 минут.
🌕 Тыр толэзь (будэмез 13.92 нунал).
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Туннэ Куинь вӧсьчиослэн нуналзы (Василий Великий, Григорий Богослов, Иоанн Златоуст). Та нуналэ черсӥськыны но, керттӥськыны но уг яра шуо. Туннэ, пе, ӟиллё улӟе, Сизь кокаськыны кутске.
- Толэзь горд пиштэ ке ― куазь зол тӧласькоз. Нош тӧло куазь кот гужемлы шуо.
- Туннэ писпуос гӧртэмын ке ― шунытскоз.
- Шунды пилем пушкы ватӥське ке ― жобалоз.
Нимнуналзэс пусъё
- Василий, Владимир, Григорий, Зинон, Иоанн, Ипполит, Кенсорин, Пелагия, Пётр, Савин, Стефан, Феофил, Хрисия.
Праздникъёс но буре ваён нуналъёс
— Дарвинлэн нуналыз.
ООН — Горд Килэн нуналыз (Ппинал солдатъёсты оже келянлы пумит луон калыккуспо нунал).
Венесуэла — Егитъёслэн нуналзы.
Мьянма — Огазеяько нунал.
США — Эрико кузпалъяськонлэн йӧскалык нуналыз.
Аргентина — Кун карнавал.
Луэм учыръёс
Удмуртиын
- 1949 — Камбарка карын нянь пыжон завод ужаны кутскиз.
- 1962 — Горький чугун сюреслэн Иж люкет бордаз Красноуфимск люкет валчеямын.
- 1990 — ворсамын Ижысь нырысетӥ куараё «Колосс» кинотеатр. Со 1932-тӥ арысен ужаз. Солэн юртэз берен Александро-Невской соборлы пӧрмытэмын.
- 2015 — Ижын подшипник поттон заводлэн азьвыл интыяз ортчиз нырысетӥез удмурт рок-фестиваль.
Россиын но дуннеын
- 1736 — Габсбургъёслэн кельтосчизы Мария Терезия Лотарингиысь Францен кузпалъяськиз.
- 1810 — Наполеон Бонапарт выль уголовнйй кодекс юнматӥз, берло со 1994-тӥ арозь ӧз вошъяськылы.
- 1832 — Эквадор Галапагос шормуӵъёсты киултӥз.
- 1864 — Россиын нырысетӥез зоологической сад усьтэмын.
- 1865 — Дмитрий Менделеев «Спиртлэн вуэн сураськемез сярысь» диссертацизэ утиз. Куд-огез со водка поттонлы инъет луиз шуыса малпа.
- 1898 — Нырысетӥ автокатастрофа: Генри Линдфильд аслаз машинаеныз пальккиськиз.
- 1899 — Испания Герман империлы Каролин но Мариан шормуӵъёсты вузаз.
- 1912 — Синьхай революция: берпум китай император Пу И престолэзлэсь куштӥськиз.
- 1922 — Граждан ож Россиын: Горд Арми, ДВР калык армиен огазеяськыса, Василий Блюхер кивалтэм улсын Волочаевка котырын Викторин Молчановлэсь Тӧдьы армизэ пазьгиз.
- 1924 — Джордж Гершвин нырысьсэ шудӥз «Rhapsody in Blue».
- 1925 — Казах АССР-ын кылдытэмын Каракалпак автономной область.
- 1941 — нырысетӥ учыр, куке висись адямиез пенициллинэн бурмытӥзы.
- 1942 — ГКО-лэн Пуктэтэзъя оже кутэмын В. Г. Грабинлэн 76-мм дивизионн пушкаез ЗИС-3. Со быдэс дуннеын нырысетӥез конвейерной сборкае пуктэм ожтӥрлык луиз.
- 1943 — 37-тӥ но 18-тӥ армиос, Северо-Кавказской фронтлэн (И. И. Масленников) 46-тӥ армиезлэн ог люкетэныз огазеяськыса, но партизанъёслэн юрттэменызы Краснодар карез мозмытӥзы.
- 1945 — Перу Германилы ож ялӥз.
- 1946 — йылпумъяськиз немец вуул лодкаосты быдтонъя «Дэдлайт» операци. Уйпал Ирландилэн но Шотландилэн гавньёсаз 154 субмаринъёс пӧлысь 121 быдтэмын вал, кылемез 33 союзникъёс куспын люкемын.
- 1947 — Совето Союзын Сихотэ-Алинь гурезе метеорит усиз.
- 1961 — Совето Союзын Венера планета пала «Венера-1» автоматической межпланетной станци лэземын.
- 1973 — «Марс-5» аппарат азинлыко потӥз Марслэн орбитаяз.
- 1974 — пытсэтамын Александр Солженицын. Со, шаерзэ вузамез понна янгыше уськытыса, совето гражданстволэсь палэнтэмын вал. 13-тӥ толсуре СССР-ысь ФРГ-е келямын. 14-тӥ тулыспалэ СССР-ысь Кун лушкемлыкез утёнъя Валтӥсь кивалтэтлэн тӧроез «А. И. Солженицынлэсь ужъёссэ библиотекаосысь но книга вузанниосысь быдтон сярысь» Пуктэт кутӥз. Гожъяськисьлэсь архивзэ но ож данъетъёссэ лушкем кунгож сьӧры поттыны юрттӥз США-ысь ожгар атташелэн юрттӥсез Вильям Одом.
- 1992 — Монголилэн Конституциез кужымлыко луиз.
- 1994 — Лиллехаммерын усьтӥськизы XVII тол Олимпи шудонъёс. Шудонъёсты усьтӥз Норвегилэн королез Харальд V.
- 2010 — Канадаысь Ванкуверын усьтӥськизы XXI тол Олимпи шудонъёс.
Вордскизы
Удмуртиысь тодмо муртъёс
- 1927 — Евгений Ончуков, удмурт тодосчи, техника наукаосъя кандидат.
Россиысь но дуннеысь тодмо муртъёс
- 1809
- Чарльз Дарвин, Англиысь натуралист но путешественник, эволюционной теорилэн (дарвинизмлэн) авторез.
- Авраам Линкольн, США-лэн 16-тӥ президентэз.
- 1881 — Анна Павлова, ӟуч балерина.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1804 — Иммануил Кант, немец философ.
- 1954 — Дзига Вертов (зэмос нимыз Давид Кауфман), совето кинорежиссёр, документальной киноез инъясьёс пӧлысь одӥгез.