1-тӥ тулыспалэ
1-тӥ тулыспалэ — Григориан дырпусъя — арлэн 32-тӥ нуналыз. Ар пумозь 333 нунал кылемын (касьян аре — 334 нунал).
☀️ Ижкарын Шунды 8 час 12 минутэ ӝужа, пуксе 16 час 41 минутэ. Югыт нуналлэн кыстӥськемез 🕒 8 час 28 минут.
🌕 Тыр толэзь (будэмез 13.55 нунал).
|
|||||||||||||||||||||||||||||||||||||||||||
| 2026-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
Макарийлэн нуналыз. Вань ужъёсты туннэ шутэтскон нуналозь кельтыны дэмлало. Уг яра ӵышкиськыны но сьӧд дӥсен ветлыны.
- Туннэ жобаськиз ке ― Вӧйдыре но сыӵе ик луоз.
- Туннэ куазь шундыё ке ― тулыс вазь вуоз. Кезьыт ке — гужем пӧсь луоз.
Нимнуналзэс пусъё
- Антоний, Арсений, Евфимий, Евфрасия, Макарий, Марк, Мелетий, Николай, Пётр, Савва, Феодор, Феодосия, Януарий.
Праздникъёс но буре ваён нуналъёс
ООН — конфессиос пӧлын ӟеч кусып тупатон дунневыл арня.
Индия — ярдур утисьёслэн нуналзы.
Венгрия — республика ялон нунал.- Лифтовиклэн ӧнер нуналыз.
Луэм учыръёс
Удмуртиын
- 2000 — Глазов ёрос администарцилэн йырыз Глазов ёросысь историяя но шаертодонъя музей комплекс кылдытон сярысь пуктэт юнматӥз, комплекс Коӵышгуртысь «Сепычкар» но Пӧжы (Золотарёво) гуртысь «Истоки» шаертодонъя музейёсты огазеяз, таос ёзъёсыз луизы.
- 1988 — СССР-ысь Наукаосъя академилэн Урал ёзэзлэн президиумезлэн постановлениеныз Историяя, кылъя но литературая Удмурт институт кылдӥз.
- 1931 — СССР-ысь кун банклэн Дэбес ёзэтэз кылдытэмын.
- 1936 — Ижысь машина поттон заводлэн «Стахановец» газетэз потыны кутскиз.
- 1953 — Глаз карын «Родина» кинотеатр усьтэмын.
- 1963
- Ижкарын Индустри ёрос кылдытэмын.
- Можга кар кун подчинение пырись каръёс пӧлы пыртэмын.
Россиын но дуннеын
- 772 — 95-тӥез Римской Папа Адриан I луиз.
- 1587 — англи королева Елизавета I Мария Стюартэз виён сярысь пумкыл гожтӥз.
- 1671 — ӟуч царь Алексей Михайлович узыр луисьтэм семьясь Наталья Нарышкинаен кузпалъяськиз.
- 1699 — Пётр I указэзъя Россиын куронкылъёсты но тупанкылъёсты гербовой бумага вылэ гожъяны кулэ.
- 1720 — Швеция но Пруссия куспын тупанкыл гожтэмын.
- 1732 — Россия но Персия куспын Осман империлы пумит валчеяськыса ожмаськон сярысь Рештской тупанкыл гожтэмын.
- 1810 — Испаниысь Севилья французъёслы сётэмын.
- 1816 — «Союз спасения» — декабристъёслэн нырысетӥез политикаен герӟаськем лушкем дэменлыксы кылдытэмын.
- 1865 — США-ын рабство палэнтэмын.
- 1896 — Туринысь Королевской театрын Пуччинилэн «Богема» операезлэн премьераез ортчиз.
- 1923 ― Петроградын Фонтанка шур дурысь 76 номеро юртын СССР-ын нырысетӥез сберегательной касса усьтэмын.
- 1926 — кылдытэмын Киргиз АССР.
- 1930 ― «Таймс» нырысетӥ кроссворд печатлаз.
- 1931 — Союзкино-лэн Центральной фабрикаез усьтӥськиз (али «Мосфильм»).
- 1942 — Норвегиысь Кивалтэтлэн Тӧроез Квислинг луиз.
- 1945 — Кыкетӥ дунне ож: Эквадор Германилы ож ялӥз.
- 1946 — Венгрия республика шуыса ялэмын.
- 1958 — Египет но Сирия Огазеяськем Араб Республика кылдытӥзы.
- 1969 — СССР но Перу Республика куспын дипломатической кусыпъёс тупатэмын.
- 1980 — СССР но Королевство Лесото дипломатической кусыпъёс тупатӥзы.
- 1994 — Шенген огкыл кужымлыко луиз.
- 2003 — «Колумбия» шаттлын луэм катастрофаын быдэс экипаж, сизьым адями, бырыны шедиз.
- 2012 — Вепс Википедия усьтӥськиз.
Вордӥськизы
- Удмуртиысь тодмо муртъёс
- 1941 — Журавлёв, Виталий Анатольевич (кул. 2007-тӥ арын 27-тӥ толшоре Ижкарын) — совето и росси тодосчи. Физика но математика тодосъёсъя доктор, профессор, РАЕН-ысь академик. 1986-тӥ — 2007-тӥ аръёсы — Удмурт кун университетлэн ректорез. СССР-ысь Кун премилэн наука но техника удысысь лауреатэз. Россиысь Вылӥ аттестационной комиссилэн дунъет сётонъя кенешысьтыз ёзчиез. Удмуртиысь наука удысысь дано ужась, Росси Федерациысь вылӥ тодон-валан сётон удысысь дано ужась.
- 1926 — Геннадий Наумов, Удмуртиысь промышленной юртъёслэн валтӥсь проектировщиксы.
- 1939 — Виктор Ивашкин, удмурт кылбурчи, публицист, журналист.
- 1959 — Анатолий Корепанов, удмурт спортсмен, легкоатлет, тренер-дышетӥсь.
- 1974 ― Алексей Михайлович Агапов, Удмуртиысь сӥё-дано артист.
- 1980 — Андрей Клементьев, удмурт тодосчи.
- Россиысь но дуннеысь тодмо муртъёс
- 1857 — Владимир Бехтерев, ӟуч психиатр, невропатолог, физиолог.
- 1884 — Евгений Замятин, ӟуч гожъясьчи-эмигрант.
- 1931 — Борис Ельцин, Россилэн нырысетӥ президентэз.
- 1942 — Лев Лещенко, эстрадной кырӟась, РСФСР-ысь Калык артист.
- 1951 — Константин Никольский, рок крезьгурчи, кырӟась, гитараен шудӥсь, кырӟанъёслэн авторзы.
- 1954 — Юрий Лоза, кырӟась, кылбурчи но крезьгурчи.
- 1971 — Георгий Черданцев, Россиысь спорт удысысь журналист.
Кулӥзы
- Удмуртиысь тодмо муртъёс
- 1943 — Филипп Александров, удмурт нылпи кылбурчи.
- Россиысь но дуннеысь тодмо муртъёс
- 1733 — Кужмо Август, Саксониысь курфюрст, 1694—1733, Польшаысь король, 1697—1733.
- 1903 — сэр Джордж Стокс, Англиысь математик но физик.
- 1920 — Павел Штернберг, Россиысь астроном но политик.
- 1957 — Фридрих Паулюс, немец генерал-фельдмаршал.
- 1976 — Вернер Карл Гейзенберг, немец физик, Нобель премилэн лауреатэз (1932).