11-тӥ тулыспалэ
11-тӥ тулыспалэ — Григориан дырпусъя — арлэн 42-тӥ нуналыз. Ар пумозь 323 нунал кылемын (касьян аре — 324 нунал).
☀️ Ижкарын Шунды 7 час 50 минутэ ӝужа, пуксе 17 час 4 минутэ. Югыт нуналлэн кыстӥськемез 🕒 9 час 13 минут.
🌔 Йылӥсь Толэзь (будэмез 12.92 нунал).
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Лаврентийлэн нуналыз. Куазь та нуналэ пӧечи шуо, пумен шунытэныз шумпоттоз но отын ик ӟырт кезьытэн шуккоз.
- Туннэ гурын пу ляб ӝуа ке ― ӝогнен шунытскоз.
- Нюлэс куашетэ ке ― шунытскоз.
Нимнуналзэс пусъё
- Авив, Афраат, Варсимей, Герасим, Дмитрий, Иван, Игнатий, Иона, Иперихий, Константин, Лаврентий, Леонтий, Лука, Мокий, Паригорий, Питирим, Роман, Сильван, Фафуил, Филофей, Юлиан, Яков.
Праздникъёс но буре ваён нуналъёс
ООН — Наукаысь нылкышноослэн калыккуспо нуналзы.
Камерун — Егитръёслэн нуналзы.
Либерия — Ожгаркужымъёслэн нуналзы.
США — Изобретательлэн йӧскалык нуналыз.
Япония — Кунлэн кылдон нуналыз.
Луэм учыръёс
Удмуртиын
- 1927 — Вотка карын фабрично-заводской школа усьтӥськиз.
- 1994 — Пичи Пурга ёросын кылдытэмын интыын аскивалтонлэн ёзэсъёсыз — Пичи Пурга ёросысь Депутатъёслэн кенешсы, Пичи Пурга ёрос Администраци но ёросысь 15 сельсоветъёслэн администрациоссы: Аксакшур, Баграш-Бигра, Эдэйгурт, Брангурт, Иваново-Самарск, Ильинск, Кечол, Пичи Пурга, Улын Юри, Норъя, Посьтол, Пугачёво, Вуж Мӧнья, Уром, Яган.
Россиын но дуннеын
- 660 ар асьме вапумозь — Япон государство кылдытэмын.Японилэн троназ Дзимму император пуксиз.
- 1654 — Риме кошкыны шуыса, швед королева Кристина престоллэсь куштӥськиз.
- 1697 — Пётр I Ӟуч царствоын тамак вузаны лэзиз.
- 1720 — Плотник Ефим Никонов «лушкем судно» лэсьтыны кутскиз Со ик субмаринлэн азьвылчиез луиз.
- 1809 — Роберт Фултон пароходлы патент басьтӥз.
- 1826 — Лондонысь Университетской колледж Лондонской университет шуыса инъямын. Со Лондонын нырысетӥез университет луиз.
- 1889 — Япониын Мэйдзи конституция улонэ пыӵатэмын.
- 1928 — Санкт-Морицын усьтӥськизы II тол Олимпи шудонъёс. Шудонъёсыз усьтӥз Эдмунд Шультес.
- 1943 — Сталин ГКО-лэсь СССР-ын атомной бомба кылдытонъя ужъёсты кутскон сярысь решенизэ юнматӥз.
- 1944 — йылпумъяськиз Ровно-Луцкой операци. 1-тӥ Украин фронтлэн 60-тӥ армиысьтыз бурпал флангысь ожгарчиос, лек ожъёс бере городэз но бадӟым чугун сюрес сӧзнэтэз ― Шепетовкаез мозмытӥзы.
- 1963 — The Beatles нырысетӥ альбомзэ Please Please Me гожтӥз.
- 1970 — орбитае поттэмын нырысетӥез искусственной япон спутник «Осуми».
- 1979 — Иранысь революци дыръя Пехлеви династи палэнтэмын.
- 1980 — Владимир Меньшовлэн «Москва слезам не верит» фильмезлэн премьераез ортчиз.
- 1981 — армилэн генералэз Войцех Витольд Ярузельский Поляк Калык Республикаысь Министръёслэн Кенешсылэн тӧроез луиз.
- 1990 — пытсэтын трос ар пукемез бере эрике потӥз апартеидэн нюръяськись Нельсон Мандела.
- 2011 — Египетысь революци: Египетлэн президентэз Хосни Мубарак отставкае кошкиз, военнойёслы тӧрлык сётыса.
- 2016 — гравитаци тулкымъёсты усьтон сярысь ялэмын. Со сярысь Эйнштейн 100 ар талэсь азьло гожъяз вал.
Вордскизы
- 1943 — Игорь Керсантинов, Удмуртиысь архитектор.
- 1847 — Томас Эдисон, Америкаысь изобретатель.
- 1864 — Иосиф Баласса, венгер лингвист, филолог но дышетӥсь.
- 1894 — Виталий Бианки, ӟуч совето гожъяськись.
- 1902 — Любовь Орлова, совето актриса, СССР-ысь Калык артистка.
- 1917 — Сидни Шелдон, Америкаысь гожъяськись но сценарист.
- 1926 — Лесли Нильсен, Америкаысь комедийной актёр.
- 1969 — Дженнифер Энистон, Америкаысь актриса.
Кулӥзы
- 1650 — Рене Декарт, Франциысь философ, математик, физик.
- 1829 — виемын Александр Грибоедов, ӟуч кылбурчи, драматург, дипломат.
- 1868 — Жан Бернар Леон Фуко, Франциысь физик но астроном.
- 1918 — Алексей Каледин, ӟуч армийыр, генерал, Тӧдьы движениен кивалтӥсьёс пӧлысь одӥгез.
- 1948 — Сергей Эйзенштейн, совето кинорежиссёр, сценарист, кино теоретик.
- 2010 — Александр Маккуин, Англиысь дӥськутъя дизайнер.
- 2012 — Уитни Хьюстон, Америкаысь кырӟась, актриса, фотомодель.
- 2013 — Рем Вяхирев, «Газпромлэн» правлениезлэн тӧроез.