Пичи Пурга ёрос

**Пичи Пурга ёрос**
Герб	Флаг
Центр	Пичи Пурга
Улӥсьёс
- ваньмыз	33 661
- плотность	27,5 адями/км²
Территория
- ваньмыз	1223 км²

Пичи Пурга ёрос — лымшор ёрос. Площадез — 1223,2 км². Центрез — Пичи Пурга черкогурт.

Пичи Пурга ёрослэн гожъёсыз герӟасько Яган, Кечол, Лудӟи, Постолка, Оӵ, Бобинка.

Пичи Пурга ёрос кылдытэмын Валтӥсь исполнительной комитетлэн Президиумезлэн постановлениезъя 1929-тӥ арын 15-тӥ июле. Ёросэ пыртэмын вал 12 сельсоветъёс, ваньзэ-ӧвӧлзэ — 168 гурт. Туннэ нуналлы Пичи Пурга районэ пыре 80 гурт.

Ёрослэн тӧроез 2016-тӥ арысен — Колодкина Светлана Ивановна.

Калыкез

Ёросын улӥсьёс пӧлысь тросэз (78,1 %) удмуртъёс, ӟучъёс — 17,8 %, бигеръёс — 2,4 %, поръёс — 0,5 %, мукет выжыысь калыкъёс — 1,2 %.

Ёросын улӥсез 33 сюрс 58 адями (2010-тӥ арын ортчем лыдъян-чотанъя).

Территориослы люкиськон

Файл:Map of Malaya Purga Districts udm.svg

Пичи Пурга ёросысь гурт поселениослэн центръёссы карта вылын

Муниципал кылдытэтъёс

Пичи Пурга ёрос люкиське 15 муниципал кылдытэтъёслы. Ваньзы луо гурт поселениос.

№	Гурт поселение	Центрез	Улон интыосызлэн лыдзы	Улӥсьёсыз^[1] (2017)	Площадез^[2], км²
1	Аксакшур гурт поселение	Аксакшур гурт	4	1085	65,49
2	Баграш-Бигра гурт поселение	Баграш-Бигра гурт	6	1467	35,00
3	Брангурт гурт поселение	Яган-Докъя черкогурт	5	2407	159,50
4	Вуж Мӧнья гурт поселение	Вуж Мӧнья гурт	5	2043	58,13
5	Иваново-Самарск гурт поселение	Улӥ Посьтол гурт	2	900	40,78
6	Ильинск гурт поселение	Уча черкогурт	5	1721	54,88
7	Кечол гурт поселение	Кечол черкогурт	6	2309	115,92
8	Норъя гурт поселение	Норъя черкогурт	5	1456	93,99
9	Пичи Пурга гурт поселение	Пичи Пурга черкогурт	5	8516	51,21
10	Посьтол гурт поселение	Миндэр гурт	6	1800	131,00
11	Пугачёво гурт поселение	Пугачёво черкогурт	1	2759	40,83
12	Улын Юри гурт поселение	Улын Юри гурт	3	1572	97,78
13	Уром гурт поселение	Уром черкогурт	18	2888	172,14
14	Эдэйгурт гурт поселение	Эдэйгурт	5	1202	82,42
15	Яган гурт поселение	Яган черкогурт	3	1536	24,11

Гуртъёс

Валтӥсь статья: Пичи Пурга ёросысь улон интыос

Пичи Пурга ёросэ пыре 79 улон инты. Соос пӧлын 9 черкогурт, 63 гурт, 6 починка но 1 выселка.

Гурт удыс

Пичи Пурга ёросын ӟеч азинске гурт удыс. 4 сюрс 438 мурт пудо вордонын, ю нянь будэтонын ушъямон тырше. Ю нянь одӥг гектарысь 24,1 центнер басьто. 30 мурт пусъемын «Удмурт Республикаысь гурт удысын дано ужась» нимен. Тужгес но азьмынӥсь гурт хозяйствоос: «1-тӥ Май», «Родина», «Молния», «Юж-Пурга», «Надежда».

Социальной удыс но культура

Ёросын ужа 39 школа, пиналъёслы визь-нод сётэ 996 дышетӥсь: со пӧлысь 96 процентэз вылӥ образованиен. Пичи Пургаын 33 нылпи сад. Пичи Пурга калык кемалась данэ потэмын киужъёсыныз. Вуж Мӧнья гуртын ушъямон ужа Киужъёсъя юрт (кивалтӥсез Николай Тарасов). Отын дасям арбериос быдэс дуннее вӧлмизы ини. Пичипургаос туж ярато кырӟаны-вераны. Ёросын 32 пала культурая юрт. Дуннеысь пӧртэм кунъёсы вӧлмиз ини Пичи Пурга ёросысь кык ансамбльёслэн данзы: «Зарни шеп» (кивалтӥсез Феодосья Тубылова) но «Арганчи» (кивалтӥсез Екатерина Антонова). Нош «Анатолий Перевозчиков, Владимир Возняков, Любовь Тихонова но мукетъёсыз.