Юкаменск ёрос

ёрос
Юкаменский район
удм. Юкаменск ёрос
Флаг Герб
57°55′52″ с. ш. 51°55′19″ в. д.
Кун	Россия Россия
Пыре	Удмуртия
Адм. центрез	Юкаменск черкогурт
Глава района	Бельтюков Константин Николаевич
Глава администрации	упразднён
Историез но географиез
Кылдытэмын	1929 ар 15-тӥ пӧсьтолэзе
Быдӟалаез	1016,09 км² (21-тӥ интыын)
Часовой пояс	MSK+1 (UTC+4)
Улӥсез
Улӥсез	↘7574 мурт (2021) (0,53 %, 24-тӥ интыын)
Ӵемлыкез	7,45 мурт/км² (17-тӥ интыын)
Йӧскалыкъёс	Удмуртъёс, Бигеръёс, Ӟучъёс, Бесерманъёс
Официальной луись кылъёс	Ӟуч кыл, Удмурт кыл
Лыдпусо идентификаторъёс
Телефон код	34161
Сайтэз
Медиафайлъёс РувикиМедиа пушкын

Юкаменск ёрос Удмуртилэн уй палаз интыяськемын. Центрез — Юкаменск черкогурт. Мукет улон интыос пӧлысь тужгес тодмо луо Ёжгурт, Палагай, Пышкизь, Ӵаӵӵагурт.

Бускель ёросъёсыз: Яр, Глаз, Красногорье но Киров улосысь Фалёнки ёрос.

Ёрослэн музъем вылтӥз бызё Ватка, Люкмы, Сада шуръёс.

Юкамен ёросын улӥсьёслэн лыдзы ог 11 800 адями.

Ёрослэн кылдэмез

Юкаменск ёрос кылдытэмын 15-тӥ июле 1929-тӥ арын. Отчы пыризы Глаз уездысь Юкаменск, Ёжевской но Курьинской волостьёсысь 17 сельсоветъёс. 1931-тӥ арын быдтэмын вал Святогорск ёрос, отчы пырись сельсоветъёс выжтэмын Юкаменск ёросэ. 1935-тӥ арын та ёрос нош ик люкемын кыклы: Юкаменск но Святогорской. 1963-тӥ-1967-тӥ аръёсы Юкаменск ёрос пыртэмын вал гурт удысъя Глаз ёросэ. 3-тӥ январе 1967-тӥ арын Юкаменск ёрос выльысь кылдытэмын вал.

Юкаменск ёросын 10 сюрс 455 улӥсез. Удмурт Республикалэн 25 ёросъёсыз пӧлысь калыклэн лыдызъя Юкаменск ёрос 24-тӥ интыын. Удмуртъёс - 48,2%, ӟучъёс - 16,1%, бигеръёс - 19,5%, бесерманъёс - 15,1% (2002-тӥ арлы).

Кивалтон ёзъёс

Юкаменск ёросын кун власть быдэсъяське, ёрослэн Уставез вылэ пыкъяськыса. "Юкаменск ёрос" муниципал кылдытэтлэн тӧроез Борис Васильевич Востриков. Ёрос администрацилэн тӧроез Ирина Аверьянова Ипатова. Закон кылдытъян ужез быдэсто ёрос кенеше пырись 22 депутатъёс. Бырйисько 5 арлы, берлоез кенеш быръемын 8-тӥ октябре 2006-тӥ арын.

2005-тӥ арын Юкаменск ёрослэн радлыкез воштэмын. Отчы пыре 8 поселение: Вылӥ Уни, Засековской, Ертем, Ёжево, Пышкет, Палагай, Шамардан, Юкаменск.

Экономика но культура

Юкаменск ёросысь "Агрохимия" огазеяськон гыбед поттэ, "Монолит" предприятие - кирпич. Вань етӥн сэстон заводзы. Юкаменск ёросын нюлэс, пу арбериос дасяло. 27 гурт предприятиос но 76 пала фермер огазеяськонъёс. Будэто картошка, ю нянь, етӥн, бакча емыш. Потто сӥль но йӧл-вӧй. Юкаменск ёрос Ижкарен герӟаське Юкаменск - Глаз - Ижкар автомобиль сюресэн.

Культура но дышетон удыс ёросын 17 школа. Со пӧлысь 10-эз шор ёзо школа, 7-ез - начальной тодон-валан сётонъя но 13 нылпи сад. Ёросын ужа Нылпи творчествоя юрт, спортъя но искусствоосъя школаос. Ёросын культурая 19 юрт, 17 библиотека, 2 музей, ёрос больница но амбулатория. ёросын 31 синпелет, со пӧлысь 15-ез археологилэн узырлыкез лыдъяське. Ёросын потэ "Знамя Октября" газет.

Ёросысь тодмо муртъёс

• Гришкина Маргарита Владимировна — совето но росси историк, история наукаосъя доктор, РАЕ-ысь профессор, Удмурт АССР-ысь но Росси Федерациысь наука удысысь дано ужась, Кузебай Герд нимо йӧскалык премилэн лауреатэз. Удмуртиысь историяя ӧнерчи.

Чӧлсконъёс

• Юкамен ёрос Кун Кенешлэн сайтаз (Ӟ)
• Юкамен ёросысь муниципальной образованиос (Ӟ)
• Удмуртиысь ёросъёс (Ӟ)