Сарапул

Википедиысь материал
Та кыллэн мукет валатонъёсыз вань, учке Сарапул .
Кар
Сарапул
ӟуч: Сарапул
Red Square (Sarapul)-1.jpg
В центре Сарапула.jpgDom Koresheva.JPG
Пямятник Н.А.Дуровой.jpgТорговые ряды под Вознесенским собором.jpg
Набережная в Сарапуле.jpg
Флагез Гербез
Флагез Гербез
56°28′ с. ш. 53°48′ в. д.GЯO
Кун РоссияFlag of Russia.svg Россия
Федерацилэн асмосэз Удмурт Элькун
Муниципал ёрос Сарапул кар
Тӧро Шестаков Виктор Михайлович
Историез но географиез
Нырысьсэ пумиське 1579-тӥ арын
Азьвыл нимъёсыз Вознесенское черкогурт, Сарапуль
Кар с 1780-тӥ арысен
Быдӟалаез 89 км²
Шор интыезлэн ӝуждалаез 80 м
Часовой поясэз UTC+04:00
Улӥсез
Улӥсез
  • ▼91 115 мурт (2021)
Ӵемлыкез 1083,6 мурт/км²
Йӧскалыкъёс ӟучъёс, удмуртъёс, бигеръёс
Конфессиос православнойёс, мусульманъёс
Катойконим сара́пульчанъёс (сара́пульчанин, сара́пульчанка); шер — сара́пулецъёс
Официальной луись кыл Удмурт кыл но Ӟуч кыл
Цифровой идентификаторъёс
Телефон кодэз +7 34147
Почта индекс 427960–427980
Код ОКАТО 94440000000
Код ОКТМО 94740000001

[http://adm-sarapul.ru

]
Сарапул (Россия)
Точка
Сарапул
Red pog.svg
Москва
Логотип РУВИКИ.Медиа Медиафайлъёс РувикиМедиа пушкын

Сара́пул кар, Сара́пуль[1] (ӟуч: Сарапул) — Удмурт Элькунысь куать городъёс пӧлысь огез, улӥсьёслэн лыдызъя Иж но Вотка быре куинетӥез кар[2]. Сарапул — кар округлэн шорсюлмыз.

Ватка губерниысь уезд кар (1780—1921; 1796-тӥ арозь Ватка наместничество). Пермь губерниысь уезд кар (1921—1923). 1937-тӥ арысен Удмуртие пыриз.

Карын даслэсь ятыр обороная но промышленностья комплексысь предприятиос ужало.

Сарапул озьы ик купеч кар лыдъяське, татын Башенин, Мощевитин, Корешев, Смагин но мукет купечъёс улэм юртъёс (коркаос, дачаос) утиськемын.

Историез

Вашкала вакыт

Сарапуллэн интывылаз калык энеолит но туй вакыт котыре, асьме эралэсь 3-2 сюрс ар азьвыл кыкетӥ люкетаз выжыяськиз. Эшшо XX даурлэн 70-тӥ аръёсаз Нижнекамск экспедициысь ӧнерчиос Кам шурлэн паллян ярдурысьтыз карлы пумит интыяськем, «Сарапул кар» муниципал кылдытэтлэн туала гожъёсыз котырысь поселениосты шедьтӥзы но эскеризы. Карлэн историяя люкетэзлэн интывылаз асьме эралэсь азьвыл 8-3 дауръёсы ананьинской лулчеберетлэн вазь корт вакытысьтыз поселениос яке шедьтосъёс шараямын, унозэ соосты Кам шур ярдурысь яке Бадӟым Сарапулка шурлэн нёжалысьтыз шедьтӥзы. Вань та синпелетъёс гопо я гожо пужыё керамика арбериосын-лэсьтосъёсын, озьы ик та вакытлы тупась тӥрлыкын висъясько. Та интыын асьме эраысь 3-5 дауръёсысь мазунин культураысь  [ӟуч] (удм. городищеос но ватосъёс тодмоесь: городлэн уйпал пумаз — Чупиха вашкала кар но Ленин паркын, Бадӟым Сарапулка шурлэн нёжалаз, финн-угор выжыысь потэм калыкъёслэн ватӥськон интыязы (туала удмуртъёслэн ӵыжы-выжыоссы) — Кладовой Веретия вашкала кар[3].

Ӟуч эксэйлык

Сарапул сярысь вераса кельтэм нырысетӥ гожтосъёс 16-тӥ даурен герӟаськемын. Тужгес но вазь шараям источник Мускоысь сотной подъясьлэн И. И. Яхонтовлэн 1579-тӥ ар понна гожъям книгаез луиз, отын пермь музъемъёсысь крестьянъёслэн Сарапулэ пегӟемзы сярысь шараямын. Сарапуллэн официальной луисьтэм историезлэн кутсконэз XIII даурен герӟаськыны быгатэ.

1596-тӥ арын нырысьсэ Сарапулка шур пусъемын. Мукет ивортонъёсъя, Сарапул сярысь 1569-тӥ арын лыдъян-чотан книгаын нырысьсэ веармын, татын «чорыг кутыло», нош 1616-тӥ арын со «пригородок» вал шуыса[4]. Со аре ик Сарапуль котыртэме сюриз, уноез улӥсьёс жугемын, пленэ кутэмын но соослэн ваньбурзы таламын вал[5], таӵе ик адӟонэ вуизы Прикамье шаерысь мукет поселениос но — Кузон, Уфа, Оса, Кунгур, Стефанов-городище но мукетъёсыз: кузон но уфа бигеръёс, бордазы итӥськем чувашъёс, черемисъёс, вотякъёс но башкиръёс, «быдӟым скопен люкаськыса», Русьлэн уйпал но шундыӝужан палысьтыз гожъёсыз дурын Ӟуч кунлы пумит нимыз понна войнаен ӝутскизы вал.

1621-тӥ арын «Сарапулысь Вознесенское черкогурт» сярысь пусъемын[6]. XVII даурысь актъёсын со гурт котырысь интыос котьку Сарапул уезд нимаськылӥзы. Мадёсъёслы осконо ке, 1657-тӥ арын Сарапул но артысь гуртъёс, Берёзовка черкогуртысь Николай святительлэн мудорзэ ваемзы бере, котыр вӧлмем чума висёнлэсь паймымон сямен утиськыны быгатӥзы. Та абдрамон учыр Россиын огез вашкалаез Сарапулысь Казанской киросэн вамыштон ужрадлы кутскон сётӥз, 1918-тӥ арозь арлы быдэ ортчылӥз. 1707-тӥ арысен со Сарапуль нимо дворцовой черкогурт луиз. Черкогурт нянен вузкаронэн но чорыг кутылонэн валче азинскиз. 1708-тӥ арын «Губерниосты кылдытон но соос борды каръёсты юнматон сярысь указэн» Казанской дворцовой Сарапуль черкогуртын ӝутэм городокез Пенза борды итӥзы, со Кузон губерние пыриз[7].

Ӟуч империя

1738-тӥ арын Сарапул Уфа губерниысь Оса провинция борды юнматэмын вал, со дырысен Арск сюрес  [ӟуч] (удм. вылысь «Сибирь музъемъёсы» нуись огез валтӥсез пункт луиз, сое дворцовой слобода  [ӟуч] (удм. нималлязы[4]. 1773-тӥ арын дворцовой слободаез бунтэн ӝутскем пугачёвъёс куашкатӥзы.

Ватка губернилэн картаез (1822)

1780-тӥ арын слобода уезд карлэсь статуссэ басьтӥз, Ватка губернилэн Сарапул уездысь шорсюлмыз луиз но кужмо архитекторъёслэн валтӥсь планъёссыя азинскыны ӧдъяз[6]. XVIII даурлэн кыкетӥ люкетаз но XIX даурлэн кутсконаз уезд кар губерниысь валтӥсез вузкарон пункт вал. Отын кык монастырь но 21 черк ужаз. Старцево-Горской Иоанно-Предтеченский пиосмурт монастырез 1900-тӥ арын Сарапулысь епископ Никодим (Боков) кылдытӥз. Та монастырьын Сарапулысь епархитэм епископлэн резиденциез интыяськылӥз[8]. Благовещенской нылкышно монастырь «ужез гажась сестраослэн общиназы» сямен 1853-тӥ арын кылдӥз, озьы 1881-тӥ арозь ужаз, соку игуменьяен кивалтоно монашеской обительлы пӧрмиз[8]. Со бордын приходской черк школа усьтэмын вал. Утиськем черкъёс: Покровской (1791), Воскресенской (1821) но Ксения Петербургская нимо (1912). Куд-ог юртъёсты 1812-тӥ арысь Атыкай ож бере ни пленэ кутэм французъёс ӝутӥзы. Сарапул — М. И. Кутузовлэн армияз службазэ нуэм нылмурт кавалеристлэн Надежда Дуровалэн родинаез.

1889-тӥ арын 4-тӥ южтолэзе Ватка епархилы Сарапулын улон вылысь нырысьсэ викарий (Афанасий) юнматэмын вал (азьвыл Сарапул викарийёс Ваткаын улӥзы), таин валче Сарапулысь викариатство ачиз кожегес ужась епархилы пӧрмиз[9]. 1890-тӥ аръёслэн кутсконазы Сарапул кыдёке дано луэм Мултан ужен йырин Россиысь но быдэс дуннеысь саклыкез бордаз кыскиз.

XIX даур пумын Сарапул пыдкутчан но кулэсь арбериос лэсьтон промышленностья Россиысь огез бадӟымез центр вал[10]. Сарапул — дано «ӟукыртӥсь» сапегъёслэн родиназы. Ог ньыльмос люкетэз купечъёс судоходствоен выризы. Бадӟым судноез лэсьтон понна трос коньдон кулэ луылӥз, соин ик судовщикъёс пӧлы карысь тужгес узыр купечъёс но мещанъёс пырылӥзы. Сарапул карысь купечъёслэн тыршемзыя, нырысь ик кар йыр Павел Андреевич Башенин сюлмаськемен, город пыртӥ чугун сюрес лэземын вал. Купечъёслы луыса, карын Алексеевское зэмос училище усьтӥськиз.

Сарапул озьы ик Мощевитинъёслэн кирпич поттон заводъёсынызы тодмо.

1910-тӥ арын татын кылдӥз Волго-Вятской ёросысь пу дасясь предприятиос пӧлысь огез кужмоез завод — Сарапулысь нюлэс завод.

Совето вакыт

ВЦИК-лэн 1921-тӥ арын 5-тӥ толшоре юнматэм постановлениеныз Сарапул уезд Сарапулэн валче Пермь губерние сётэмын вал. 1923-тӥ арысен 1934-тӥ арозь Сарапул Урал улосэ пырылӥз, Сарапул округлэн шорсюлмыз вал. 1934-тӥ арысен 1937-тӥ арозь нырысь Киров шаере, отӥяз Киров улосэ пырылӥз. 1937-тӥ арын город Удмурт АССР борды итэмын вал, улослэн политикая но экономикая центрез Сарапулысен Иже выжиз[6].

Сарапул округ

1931-тӥ—1937-тӥ аръёсы Белорус культурая институтэз (али — Белоруссиысь Наукаосъя йӧскалык академия) кылдытыны ӵектӥсь но солэн нырысетӥ тӧроез Степан Некрашевич Сарапулын ссылкаын улӥз.

УАССР-ысь ЦИК-лэн Президиумезлэн 1938-тӥ арын 22-тӥ оштолэзе юнматэм постановлениеныз но РСФСР-ысь Вылӥ Кенешлэн Президиумезлэн 1939-тӥ арын 7-тӥ южтолэзе юнматэм указэн Сарапул элькунлэсь кылзӥськись ас кожаз ужась административной единица луиз[11].

1942-тӥ арын Сарапулын кулӥз татчы эвакуациен келям филолог-медиевист но кылысь кылэ берыктӥсь, тодосчи Борис Ярхо. Озьы ик Сарапулын 1981-тӥ арын 17-тӥ толсуре 12 номеро школаез заложнике кутӥзы, СССР-ысь со нырысетӥез сыӵе учыр вал. Заложникъёсты мозмытонэ СССР-ысь КГБ-лэн «Альфа» группаысьтыз нимысьтыз подразделениосыз пыриськизы[12].

1949-тӥ арын Сарапуллэн гожаз Симониха кар типъем каргурт пыриз [11].

XX дауре Сарапуллэн экономикаез машина лэсьтонъя но радиоэлектроникая кӧня ке кужмо предприятиос бордысь потылӥз, соос ожгар но огъя промышленностья вуз поттылӥзы. 1968-тӥ арын усьтэм «Элеконд» промышленной компания али но электроконденсаторъёс бича.

Куазь

Куазь шоро-куспо континентальной.

Ар куспын шоро-куспо лыдпусъёс:

  • температура — +3,5 °C;
  • тӧллэн ӝоглыкез — 2,9 м/с (2,4 м/с пӧсьтолэзе но гудырикошконэ, 3,1 м/с толшоре но куартолэзе);
  • омырлэн мускытэз — 75 % (60 %-сен куартолэзе, 85 %-озь шуркынмонэ)[13].
Куазь. Сарапул (1981-тӥ—2010-тӥ аръёсысь норма)
Показатель Янв. Фев. Март Апр. Май Июнь Июль Авг. Сен. Окт. Нояб. Дек. Год
Абсолютной максимум, °C 4,3 5,6 15,6 30,0 35,3 36,9 37,0 38,6 31,9 23,9 14,2 4,5 38,6
Шорлыко максимум, °C −8,4 −7,2 0,2 10,0 19,6 23,5 25,5 22,8 16,5 7,8 −1,3 −7 9,4
Шорлыко температура, °C −11,8 −11 −4,3 4,7 13,0 17,4 19,6 17,0 11,2 4,2 −3,9 −9,9 3,5
Шорлыко минимум, °C −15,2 −14,6 −8 0,4 7,4 12,0 14,3 12,3 7,3 1,4 −6,3 −12,9 −1,3
Абсолютной минимум, °C −47,4 −42,7 −30,9 −21,4 −11,3 −2,2 3,1 0,8 −4,6 −20,9 −32,3 −48,3 −48,3
Зор-кот усён нормаез, мм 43 29 27 31 51 65 60 72 56 56 49 41 580
Источник: Погода и климат [ӟуч], www.pogodaiklimat.ru. Эскеремын: 12 пӧсьтолэзе 2025 арын.

Этимология

Сарапул ним нырысьсэ 1579-тӥ арын татысь интыен я шурен герӟаса пусъемын, со вылын Вознесенское черкогурт сылӥз — вуоно кар. Чуваш кылысь берыктыса, сарапул — чув. стерлядь (буквально — «ӵуж, чебер чорыг») шуэм луэ, со та палъёсысь Кам шурын лачак уялляз[14].

Сарапулысь Кам шурлэн ярдураз стерлядь выллем фонтан лэсьтэмын

Интыяськемез

Кар Камлэн бур палысьтыз ӝужыт ярдураз, Удмуртилэн лымшор но шундыӝужан люкетаз, Ижлэсь 62 иськемлы но Мусколэсь 1143 иськемлы палэнэ интыяськемын. Элькунлэн шоркареныз Сарапулэз Р322 трасса герӟа.

Быдэс Удмуртия сямен ик, кар калыккуспо стандартъя пусъем Samara Time Zone (SAMT) часъёсъя зонае пыре, UTC +4:00 висъяське.

Улӥсез

Улӥсь калыклэн лыдыз
1856[15]18971913[16]192019231926[17]
7700↗21 398↗22 200↗24 311↘19 928↗25 000
1931[18]1939[19]1959[20]1967[21]1970[22]1973[23]
↗29 600↗42 000↗68 741↗91 000↗97 020↗101 000
1975[24]1976[25]1979[26]1982[27]1985[28]1986[29]
↗105 000→105 000↗106 649↗108 000↗109 000→109 000
1987[30]1989[31]1990[32]1991[33]1992[34]1993[35]
↗111 000↘110 381↗111 000→111 000→111 000→111 000
1994[36]1995[37]1996[38]1997[39]1998[40]1999[41]
↘110 000↘109 000↘108 000→108 000↘107 000↘106 800
2000[42]2001[43]2002[44]2003[45]2004[46]2005[47]
↘105 700↘104 200↘103 141↘103 100↘102 100↘101 000
2007[48]2008[49]2009[50]2010[51]2011[52]2012
↘99 800↘99 400↘98 830↗101 381↗101 400↘100 589
201320142015[53]2016[54]2017[55]2018[56]
↘100 153↘99 869↘99 213↘98 569↘97 910↘97 305
2019[57]2020[58]2021
↘96 361↘95 355↘91 115
25 000
50 000
75 000
100 000
125 000
150 000
1856
1926
1970
1982
1990
1995
2000
2005
2011
2016
2021


2020-тӥ арын ортчытэм калыкез лыдъян-чотанъя, 2021-тӥ арын 1-тӥ коньывуонэ улӥсьёслэн лыдзыя кар 184-тӥ интыын вал, 1118 каръёс пӧлысь. Росси Федерациысь каръёсын лыдмет[59].

Пусъёсыз

Сарапуллэн кунпусэз (ӟуч: герб) 1781-тӥ арын 28-тӥ куартолэзе Ватка наместничествоысь мукет кунпусъёсын ӵош юнматэмын.

Щитлэн вылӥ люкетаз Ватка герб интыямын, улӥ люкетаз «ӝужыт гурезьысь азвесь бусыын пулэсь ӝутэм кар, солэн юртэз та интыын учкымон луэ».

Кунпуслэн авторез — герольдмейстер Волков.

2008-тӥ арын 29-тӥ куартолэзе Сарапул кар думалэн 20-495 номеро пуктэтэзъя али кутӥськись куншет (ӟуч: флаг) юнматэмын вал[60].

Сарапул карлэн нырысетӥ куншетэз 2008-тӥ арын 21-тӥ тулыспалэ Сарапул кар думалэн 5-442 номеро пуктэтэзъя юнматэмын вал. Куншет сярысь ивортонын верамын:

«Куншет прямоугольник выллем бӧзлэсь лэсьтэмын, солэн пасьталаез но кузьдалаез 1:2 соотношениез чакласа быдэстэмын. Куншет валлин кык огкадь люкетлы висъямын: азвесь (вылӥ) но лазурь (улӥ). Люкетъёс шонер гожен висъямын. Куншетлэн шораз — Сарапул карлэн Екатерина II  [ӟуч] (удм. императрицалэн указэныз юнматэм историысь гербез»

2008-тӥ арын 29-тӥ куартолэзе, Сарапул кар думалэн 20-495 номеро пуктэтэзъя[60], карлэн куншетэз сярысь ивортон выльдэмын вал:

«Сарапул карлэн куншетэз прямоугольник выллем бӧзлэсь лэсьтэмын, пасьталаез но кузьдалаез 2:3 соотношениез чакласа быдэстэмын, чагыр но лыз люкетлы висъямын, куншет шорын кыкна палласянь валтӥсь пус — Сарапул карлэн кунпусэз — суредамын. Куншетлэн валтӥсь пусэз — Сарапул карлэн историысь кунпусэз — суредлэн быдӟалаезлэсь пасьталаез куншет бӧзлэсь 1/3 люкетэз луыны кулэ».

Администрациосъя люкиськемез

Кар микрорайонъёслы люкылэмын: ПМК, Гудок, Гудок-2, Учхоз, Старцъёслэн гурезьзы, Центр, УППВОС, Дачной, Песьянка, Рынок, Поворот, Пыдкутчан фабрика, ж/д Вокзал, Южный посёлок, Западный посёлок, Дубровка, Дубровка-2, Элеконд, Элеконд-2, Новосельской, Янтарной, КХП, Радужный, Птицефабрика, Крупозавод, Котово.

Экономика

Сарапул Удмуртилэн промышленностья огез валтӥсь центрез луэ. Экономикалэсь инъетсэ кылдытӥсь база трос пумо удысъёсъя азинскись промышленность луэ, татын карысь экономикая мыло-кыдо вань ужась калык пӧлысь 60 % тырше. Карлэсь индустри улон-вылонзэ машиностроительной комплексысь предприятиос лэсьто, татын промышленностьын ужась вань калык пӧлысь 60 % тырше. Обрабатывающей производстволэн быдӟалаез 8844 млн манет тыр люкаськиз. Ӟеч азинскемын сиён-юон промышленность (31 %), татын кунысь огез кужмоез пызь изонъя комбинат ужа. Сиён-юон промышленность удысын тыршись интыысь ужбергатӥсьёслэсь вузъёссэс, карын но ёросын улӥсьёс сяна, элькунысь но артысь улосъёсысь калык яратэ. Мускоысь «Удмуртия» вузкарон юртын Сарапулын лэсьтэм арбериосты вӧлмытъязы. Азьвыл сямен ик карын куэн, пуэн вырон, пыдкутчан лэсьтон удысъёс азинскемын. Сарапулын 350 пичи предприятиос но 4 сюрс нимысьтыз ужбергатӥсьёс пусъемын, 1 сюрслэсь ятыр вузкарон, калыкез сюдон но бытовой услугаос сётон объектъёс ужало.

«Сарапул радиозавод» ОАО-лэн Первомайской ульча ласянь пыронэз
Сарапулысь ликёро-водочной заводлэн XIX даурысь коллективез

Карез котыр ласянь гурт удысысь вылӥ ӟечлыко музъемъёс котырто, соос интыен-интыен нюлэсъёсын вошъясько. Предуралье, кытын Сарапул интыяськемын, умой куазен но мукет условиосын висъяське, соос гурт удысэз азинтыны луонлык кылдыто, тужгес но со ӧръёсты, кудъёсыз карез сюдо — йӧллы пудо вордон, парсь куайытон, бакча емыш будэтон но мукет бакча но бусы культураосты утялтон.

2022-тӥ арын 1-тӥ толшоре ивортонъёсъя, карысь шоро-куспо уждун 39 296,6 манет луиз. Карын 9 банкъёс ужало: «АК Барс» ОАО, «БыстроБанк» ПАО, «Датабанк» ПАО, «Россельхозбанк» ОАО, «Сбербанк России» ПАО, «Уралсиб» ОАО, «ВТБ» ПАО, «Почта Банк» АО, «Промсвязьба́нк» ПАО.

Карлэн 16 машинаен 3 тылпу кысон депоосыз.

2021-тӥ арын обрабатывающей производствоысь келям вузъёслэн быдӟалазы (бадӟым но шуро-куспо организациосъя) 32,7 млрд манет тыр люкаськиз.

Карысь валтӥсь промышленной предприятиос:

  • Сарапулысь электрогенераторной завод — авиацилы электрооборудование кылдытон но поттон;
  • Сарапул радиозавод — радиоаппаратура поттон;
  • «Элеконд» — электроинструментъёс, алюминь оксид-электролитр, тантал но ниобий конденсаторъёс поттон;
  • Сарапулысь ликёро-водочной завод — заводлэн валтӥсь данъяськонэз — аслаз лабораториез, кытын кудӟытӥсь юонлы аспӧртэм рецептъёс кылдыто;
  • «МИЛКОМ» АО-лэн «Сарапул-молоко» производствоя площадкаез — Удмуртиын огназ ультрапастеризованной йӧл поттон вылысь Tetra Pak туала линиен радъям производство;
  • Сарапулысь «Восточный» ООО мясокомбинат — пудо будэтон, сое вандон но сӥль поттон быдэс технологияя циклэн ужась предприятие;
  • «Сарапулысь нянь пыжон продуктъёсъя комбинат» ООО — Удмуртиысь сиён-юонъя но переработкая промышленностьысь огез кужмоез предприятие, вылӥ ӟечлыко пызь поттэ, со нянь пыжонын гинэ уг — макарон, пельнянь, ческыт сиён лэсьтонын кутӥське;
  • «Сарапулысь нянь пыжон комбинат» ООО —Удмуртия, Башкирия, Татарстан, Пермь улосъёсы пӧртэм пумо нянь но ческыт сиён вуттэ;
  • «Сарапулысь кондитерской фабрика» ООО — Удмурт Элькунысь огназ кондитерской фабрика;
  • «Сарапулысь дрожжепивзавод» ЗАО — куать пумо сур пӧзьтэ.

Сарапул кар округын 2017-тӥ арысен[61] мер но экономика удысъёсты азьпалтыса азинтӥсь «Сарапул» интывыл радъямын, татын ужбергатон удыс нимысьтыз эрикрадлыкъя ужа.

Вӧсьбур

2013-тӥ арын 25-тӥ толсуре Ӟуч православной черкысь Дун-чылкыт Синодлэн бакель сётэмезъя, Сарапулысь епархия выльысь кылдытэмын.

Карын 8 православной черкъёс ужало:

  • Покров кафедральной собор, 1788-тӥ арын кылдэмын;
  • Воскресенской черк, 1817-тӥ арын ӝутэмын;
  • Ксения Петербургская нимо черк, Свято-Никольской (Австрийской) черкын интыяськемын, 1912-тӥ арын ӝутэмын;
  • Николай Святительлы но Чудотворецлы, архиепископ Мир Ликийскийлы сӥзем черк, 2005-тӥ ар;
  • Серафим Саровскийлэн черкез, 2013-тӥ арын 6-тӥ коньывуонэ вӧсямын;
  • Инмар Анайлэн «Скоропослушница» мудорезлы сӥзем черк, 2016-тӥ арын 5-тӥ шуркынмонэ вӧсямын;
  • Инмар Анайлэн «Живоносный источник» мудорезлы сӥзем черк, 2018-тӥ арын 12-тӥ оштолэзе вӧсямын;
  • Ӟуч черкысь Новомученикъёслы но исповедникъёслы сӥзем черк, 2018-тӥ арын 24-тӥ оштолэзе вӧсямын.

Кык тюрьма черкъёс:

  • Россиысь УФСИН-лэн ФКУ ИК-5 бордысь Серафим Саровскийлэн черкез, азьвыл Иоанно-Предтеченский Старцевогорской пиосмурт монастырьын интыяськемын;
  • УФСИН-лэн ФКУ ИК-12 бордын Курадӟытыса вием Дун-чылкыт Анастасия Узорешительницалэн черкез, 2016-тӥ арын 2-тӥ инвожое вӧсямын.

Инмар Анайлэн «Скоропослушница» мудорезлы сӥзем черклэн бурд улаз нылкышно монашеской община ужа. 2015-тӥ арын 10-тӥ южтолэзе Сарапул епархилэн епархиальной кенешаз Благовещенской нылкышно монастырез выльысь ӝутон сярысь огкылэ вуизы. Послушание чот та уж монахиня Ангелиналы (Лихачёвалы) оскемын вал[62].

Революция бере Сарапулын кык монастырьёс пытсамын вал: пиосмурт — Иоанно-Предтеченский, нылкышно — Благовещенской, духовной училище но 21 храм пӧлысь 20-ез:

  • Алексеевской реальной училище бордысь Алексеевской черк (1883);
  • Сарапулысь Благовещенской огъя улоно нылкышно монастырьысь Благовещенской собор (1881);
  • Владимирской часовня (1895);
  • Вознесенской собор (1579; 1765—1802);
  • Георгиевской черк (1841);
  • Сарапулысь Старцевогорской Иоанно-Предтеченский монастырь бордысь Иоанно-Предтеченский собор (1894);
  • Духовной училище бордысь Николаевской черк(1897);
  • Никольской Единоверческой черк (1848);
  • Покров черк бордысь Никольской часовня (1903);
  • Петропавловской черк (1822);
  • Покров черк (1792), XX даур пумын выльысь ӝутэмын, 2012-тӥ арын выльдэм но Сарапуллы епархилэсь статуссэ берыктэм бере — Покров кафедральной собор;
  • Свято-Никольской (Австрийской) черк (1912);
  • Свято-Троицкой черк (до 1780—1861);
  • Архиерейской юртысь Успенской Крестовоздвиженской черк (1889);
  • Ваньмыз понна куректӥсь но шумпотӥсь Инмар Анайлы сӥзем черк (1892);
  • Укмыс Апостолъёслэн черксы (1900);
  • Тюрьма замок бордысь Дун-чылкыт благоверной князь Александр Невскийлэн черкез (1868);
  • Н. В. Смагинлэн приютэз бордысь Дун-чылкыт Анна Пророчица нимо черк (1913);
  • Сарапулысь Благовещенской огъя улоно нылкышно монастырь бордысь Курадӟытыса вием вӧсьлыко Александралэн черкез (1899);
  • Сарапулысь Старцевогорской Иоанно-Предтеченский монастырь бордысь Пресвятой Богородицалэн выльысь улӟемезлы сӥзем черк (1911) .

Озьы ик мечеть (1909) но синагога (1915) ворсамын вал.

2009-тӥ арын Сарапулысь Казанской киросэн вамыштон сям выльысь тодэ ваемын.

  • Вознесенской собор

    Вознесенской собор

  • Покров черк (Трудлэн но Интернациональной ульчаослэн сэрергазы)

    Покров черк (Трудлэн но Интернациональной ульчаослэн сэрергазы)

  • Святитель Николай Чудотворецлэн черкез (Раскольниковлэн ульчаысьтыз 83а юрт)

    Святитель Николай Чудотворецлэн черкез (Раскольниковлэн ульчаысьтыз 83а юрт)

  • Дун-чылкыт Блаженная Ксения Петербургская нимо черк (Горькийлэн ульчаысьтыз 74-тӥ юрт)

    Дун-чылкыт Блаженная Ксения Петербургская нимо черк (Горькийлэн ульчаысьтыз 74-тӥ юрт)

Дышетон

Карысь дышетонэз школа азьын визьноданъя, школаын визь сётонъя, школалэсь нимаз нодъясь учреждениос радъяло, озьы ик творчествоя центръёс но кӧня ке вузъёс ужало. 32 нылпи сад ужа. Школаос пӧлын шор ёзооссэ висъяны кулэ — соос 11, озьы ик 2 лицей, 2 покчи школаос, 2 нимысьтыз (коррекционной) школаос, лингвистикая гимназия но прогимназия, ляб кылӥсьёслы школа-интернат но санаторной школа-интернат, ӝыт дышетскон школа. Сиротаос понна нылпи юрт ужа. Школалэсь нимаз ужась учреждениос пӧлысь пусйыны луоно: экологияя центр, пиналъёслы центр, егит морякъёслы «Норд» школа, Нылпи парк, 1 номеро ДШИ, 2 (крезьгуро), 3 (суредаськонъя) но Техника творчествоя нылпи центр. Пиналъёслэсь спорт улонзэс 5 ДЮСШ (№ 1, «Теннис», «Энергия», «Сокол» но «Сарапул») радъяло.

Шоро-куспо нимысьтыз дышетонэз радъяло: Сарапулысь сиён-юон промышленностья техникум, Сарапулысь машиностроениея но ивортодэт технологиосъя техникум, медициная но педагогикая колледжъёс, Сарапулысь инвалидъёслы колледж но 2 ПТУ. Карын вылӥ образование Сарапулысь политехникая институтын басьтыны луонлык сётӥське, со Ижысь М. Т. Калашников нимо техникая кун университетлэн ёзэз луэ. Кунысь мукет вузъёсысь ёзэтъёссылэн но карын ӧсъёссы усьтэмын: Социальной но гуманитарной тодон-валанъя институт, Гурт удысъя удмурт кун университет, Евразийской усьтэм институт, Гуманитария но инженерия технологиосъя Кам институт, Мускоысь технологиосъя но кивалтонъя кун университет, Мускоысь технологияя кун академия но Мускоысь экономикая, статистикая но информатикая кун университет, Удмурт Элькунысь Калыкез утёнъя но тылпулэсь утиськонъя институт.

Школа азьын визьнодан

  1. Нылпи сад № 1;
  2. Нылпи сад № 2;
  3. Нылпи сад № 3;
  4. Нылпи сад № 4;
  5. Нылпи сад № 7;
  6. Нылпи сад № 8;
  7. Нылпи сад № 9;
  8. Нылпи сад № 10;
  9. Нылпи сад № 11;
  10. Нылпи сад № 12;
  11. Нылпи сад № 13;
  12. Нылпи сад № 14;
  13. Нылпи сад № 15;
  14. Нылпи сад № 16;
  15. Нылпи сад № 17;
  16. Нылпи сад № 19;
  17. Нылпи сад № 20;
  18. Нылпи сад № 21;
  19. Нылпи сад № 22;
  20. Нылпи сад № 24;
  21. Нылпи сад № 26;
  22. Нылпи сад № 27;
  23. Нылпи сад № 30;
  24. Нылпи сад № 32;
  25. Нылпи сад № 33;
  26. Нылпи сад № 34;
  27. Нылпи сад № 35;
  28. Нылпи сад № 37 «Ручеёк»;
  29. Нылпи сад № 40;
  30. Нылпи сад № 41 «Берёзка»;
  31. Нылпи сад № 42 «Ветерок»;
  32. Нылпи сад № 43;
  33. Нылпи сад № 46.

Шоро-куспо дышетон

  • Ӝыт (сменаен) дышетсконъя 1 номеро огъя дышетонъя школа;
  • 1 номеро огъя дышетонъя школа;
  • 2 номеро огъя дышетонъя школа (суредаськон но эстетика ӧръя быдэс нунал ужа);
  • 4 номеро нимысьтыз (коррекционной) VIII пумо огъя дышетонъя школа;
  • 5 номеро нимысьтыз (коррекционной) VIII пумо огъя дышетонъя школа;
  • 7 номеро огъя дышетонъя школа;
  • 8 номеро покчиосты огъя дышетонъя школа;
  • 9 номеро покчиосты огъя дышетонъя школа;
  • 10 номеро прогимназия;
  • 12 номеро Л. А. Лапин нимо шор ёзо школа;
  • 13 номеро А. Л. Широких нимо шор ёзо школа;
  • 15 номеро шор ёзо школа;
  • 17 номеро шор ёзо школа;
  • 18 номеро лицей;
  • 20 номеро Л. Л. Верховцева нимо лингвистикая гимназия;
  • 21 номеро шор ёзо школа;
  • 23 номеро шор ёзо школа;
  • 24 номеро шор ёзо школа;
  • 25 номеро шор ёзо школа;
  • 26 номеро лицей;
  • 19 номеро шор ёзо школа-интернат.

Ватсаса тодон-валан сётон

  • 1 номеро Г. А. Бобровский нимо искусствоосъя нылпи школа;
  • 2 номеро искусствоосъя нылпи школа;
  • 3 номеро искусствоосъя нылпи школа. 1973-тӥ арын Сарапулысь суредаськонъя школа сямен усьтэмын[63];
  • Вице-адмирал В. Г. Стариков нимо нылпиослы «Норд» зарезь центр;
  • Нылпиослы но егитъёслы спортъя школа;
  • Нылпиослы но егитъёслы центр;
  • Техника творчествоя нылпиослы (егитъёслы) центр.

Шоро-куспо нимысьтыз дышетон

  • Индустриальной техникум;
  • Сӧсыръёслы колледж. 1943-тӥ арын инвалидъёслы школа-интернат сямен усьтэмын, бератаз — инвалидъёслы училище-интернат, 1996-тӥ арысен — колледж[64];
  • Социально-педагогической технологиосъя но сервисъя колледж;
  • Машиностроениея но ивортодэт технологиосъя техникум;
  • ФСИН-лэн 150 номеро профессиональной дышетон учреждениез.

Вылӥ дышетон

  • Ижысь М. Т. Калашников нимо техникая кун университетлэн ёзэз.

Инфраструктура

  • Округысь ФМБА приволжск эмцентр;
  • Кар эмъяськонни;
  • Тазалыкез юнматонъя «Сокол» центр;
  • Ёросысь «Рябинушка» нылпи санаторий;
  • Радиозаводлэн лулчеберетъя дворецэз;
  • «Электрон» лулчеберетъя дворец — Йӧскалык культураосты улӟытонъя но утёнъя центр;
  • «Заря» лулчеберетъя юрт;
  • Егитъёслэн центрзы;
  • Историяя, архитектурая но художествоя музей-заповедник;
  • Драмая театр;
  • А. С. Пушкина нимо кар сад.

Экологияя югдур

Омырез кырсёмытӥсьёс пӧлысь валтӥсьёсыз коммунальной возёсъя предприятиос луо — 43,9 процентэз, машиностроениея но металлообработкая предприятиос — 20,9 процентэз но сиён-юон поттӥсь предприятиос —10 процент котыр. Омырлэсь кырсёмемзэ возьматӥсь лыдпусъёсъя, Сарапул Ижкарлэсь но Глазкарлэсь чылкытгес. Радиацияя но электромагнитной югдур эсэпез котырын. Секыт югдур вуосын кылдэ, тужгес но — Бадӟым Сарапулка но Кам шуръёсын. Кам шур III степенё кырсёмытэм вуос пӧлы пыре (7 баллъем шкалая). Вуосты валтӥсь кырсёмытӥсьёс мясокомбинат, тылобурдо вордон фабрика, радиозавод но куэн выронъя завод луо. Карлэн лымшор но шундыпуксён палаз улон-вылонысь кутӥськем но чурыт кылем-мылемъёслэсь жуг-жаг куянъёс музъем улысь вуосты интыен-интыен саптало.

Сарапулысь Кам шур

Транспорт

Чугун сюрес транспорт

Карын Сарапул чугун сюрес вокзал интыяськемын. Чугун сюрес станция Горьковской чугун сюреслэн Ижысь ёзэныз одӥгысь ужа.

Сарапулысь чугун сюрес вокзал

Кар транспорт

Калыкез кар пушкытӥ автобусъёс но таксиос ворттылыто. 1930-тӥ арын ик карын автобус движение усьтэмын вал. 2018-тӥ арысь ивортонъёсъя, Сарапулын 18 автобус маршрутъёс кылдытэмын, отын 7 перевозчик луись компаниос ужало.

Лулчеберет

Лулчеберет удысын муниципал учреждениос тыршо, соос пӧлын: централизованной лыдӟетъюрт сӧзнэт (8 лыдӟетъюрт), клуб сямен ужась 3 учреждение, искусствоосъя 3 нылпи школа, драмая театр, музей-заповедник, «А. С. Пушкин нимо кар сад» огазеям паркъёс[65]. Сарапулын озьы ик пӧртэм учреждениос но предприятиос бордын музейёс ужало.

  • Сарапулысь историяя, архитектурая но художествоя музей-заповедник 1909-тӥ арын калык ӵектэмъя но земской Управа юрттэмъя кылдытэмын вал. Музеез усьтон бордын вырисьёс — соос пӧлын тодосчи-энтомолог Л. К. Круликовский, этнограф но журналист Н. Е. Ончуков, этнограф но писатель Н. Н. Блинов — коллекцилы инъет луись аспӧртэм арбериосты люказы. Археологияя коллекциез эскерон вылысь тодмо финн тодосчи-археолог Тальгрен ӧтемын вал. Нырысь-валысь музей нылкышно гимназилэн юртаз интыяськылӥз, нош 1921-тӥ арын музей нимаз кирпичлэсь кык этажъем юртэ выжиз, отын али но карлэн валтӥсь музеез ужа. Быдӟым Атыкай ож аръёсы музей Ленинградысь таӵе каръёсысь дворец-музейёслэсь коллекциоссэс утись луиз: Петергоф, Царское село, Ломоносов, Павловск, Гатчина. Война ортчем бере музей зол азинскиз, таин валче нимъёссэ вошъяз, ёзъёссэ усьтӥз. Музей комплексэ пыро: историяя но шаертодонъя (валтӥсь) музей, художествоя но адӟытонъя «Башенинлэн дачаез» нимо комплекс но академик Н. В. Мельников нимо музей-юрт, «Мощевитинлэн дачаез — Крезьгуръя нылпи центр»[66].
    • Историяя но шаертодонъя музей (Шор Прикамьелэн историезъя но лулчеберетэзъя музей) — вашкалаез гинэ ӧвӧл — со Удмуртиысь огез тунсыкоез но дунъяноез музей. Солэн 21 коллекциосыз, огъя лыдыз — 200 сюрслэсь ятыр утёно единица.
    • Суредаськонъя но адӟытонъя «Башенинлэн дачаез» — кар йырлэн, купечлэн П. А. Башенинлэн азьвыл кар сьӧрысь юртаз, чебер вашкала парк котырын интыяськемын . Экспозиция коркалэн но отын улӥсьёслэн аспӧртэмлыко историенызы тодматэ, озьы ик XIX даурлэн пумысьтыз—XX даурлэн кутсконысьтыз тодмо суредасьёслэсь живописья коллекцизэс возьматэ.
    • Академик Н. В. Мельниковлэн музей-юртэз — тодосчи-горняклэн историезъя но биографиезъя Россиысь одӥг гинэ музей, музей комплексэ 1987-тӥ арын пыриз. Экспозиция 2 этажъем пу юртэ интыямын, отын XX даурлэн нырысетӥ четвертяз Мельниковъёслэн семьязы улӥз. Дышем сямъя академик Н. В. Мельниковлэн музей-юртаз калык йылолъёс но шулдыръяськонъёс радъяськыло: Ымусьтон, Вӧйдыр, Паска, Троича но мукетъёсыз.
    • «Мощевитинлэн дачаез — Крезьгуръя нылпи центр» — интерактивной музей площадка, Мощевитин купечлэн кар сьӧрысь улоно юртаз интыяськемын, татын дышем калык йылолъёсъя шудон но тодон-валанэз будэтон программаос радъяськыло.
  • Радиозаводлэн уж данлыклы сӥзем музеез 1977-тӥ арын 30-тӥ толсуре усьтэмын. Музейлэн экспозициез атыкай радиостроенилэн зарни фондэз луэм аспӧртэм экспонатъёсты адӟытэ: ЭЧС-3 но СИ-235 приёмникъёс бордысен кутскыса, тодмо «Урал» завод маркалэн быдэс сериен киужъёссэ. Музейын «Арбалет», «Акведук» но мукет радио герӟетъя комплексъёс люкамын[67].

Учкымон интыос

Йыбырттон но калык сооружениос

  • Воскресенской черк (1817-тӥ ар), Сарапулысь Ижболдин купечъёслэн коньдонэнызы пуктэмын, азьвыл шайвыл бордысь черк лыдъяськылӥз. Вазь классицизм амалэн лэсьтэм черк аспӧртэм планировкаеныз висъяське. 1995-тӥ арын историысь но лулчеберетысь федерал инлыкен утёно объектъёс пӧлы пыртэмын[68];
  • Азьвыл Окружной судлэн юртэз (1850-тӥ аръёс; али— карлэн администрациез) — Сарапул шорысь ньыль этажъем юрт;
  • Тылпу кысон каланчалэн юртэз (1887-тӥ ар) — Удмуртиысь огназ, Ураллэн архитектурая утиськем кӧня ке синпелетъёсыз пӧлысь огез. Архитекторез — Чарушин И. А.[68]. 2018-тӥ арын тулыспалэ юрт борды историяя объектэз возьматӥсь но Брайльлэн шрифтэныз гожтэм кутылымон барельефез юнматӥзы но усьтӥзы, сое Златоустысь кибашлыос лэсьтӥзы. Та панно рельефен быдэстэм суредлэсь пӧрмытэмын — адӟисьтэм муртъёслы «Город на ощупь» проектъя дас ньыль уж пӧлысь огез улонэ пыӵамез луэ[69];
  • Вольф кондитерлэн юртэз (1896-тӥ ар) — улыно-вылыно особняк, вылтусын пирожнойлы укша;
  • Мощевитинлэн юртэз (1904-тӥ ар) — кирпичлэсь улыно-вылыно юрт, элькун инлыкен лулчеберетъя утёно синпелет;
  • Корешёв купечлэн юртэз (1907-тӥ ар) — юнматымтэ ивортонъёсъя, петербург архитекторъёслэн проектсыя пуктэмын, дворецлы укша. Вылтуссэ лэсьтонын18 даурысь барокко архитектуралэн амалъёсыз кутэмын[68];
  • Башенинлэн дачаез (1909-тӥ ар) — башняен тунсыко юрт, Ярославльысь архитекторлэн П. А. Трубниковлэн ӵектосэзъя пуктэмын, та дыре Сарапулысь музей-заповедниклэн филиалэз луэ[68];
  • Смагин купечлэн юртэз (1910-тӥ аръёс) — И. А. Чарушинлэн проектэзъя Сарапул карлэн йырызлы Смагин Николай Васильевичлы модерн амалэн лэсьтэм ӝужыт но бадӟым из юрт[68];
  • Ву кыскон станция (1910; али — ресторан комплекс) — модерн амалъя пуктэм юрт, элькун инлыкен лулчеберетъя утёно объект. Карысь тужгес тодмоез учкымон инты.
  • Сарапул типография (1866) — Удмуртиысь нырысетӥез типография. Революцилэсь азьвыл вакытэ типографилэн берпуметӥ кузёез карысь тодмо купеч Л. Ф. Пешехонов вал. Раскольниковлэн ульчаысьтыз 152-тӥ юртъер «Пошехоновлэн юртэз» историысь нимзэ нуллэ.

Синпелетъёс

  • Надежда Дуровалы синпелет 2013-тӥ арын инвожое сарапул городничийлэн, гусар нылмуртлэн атаезлэн куке-соку улэм юрт бервылаз усьтэмын. Алкид вал вылын пукись кавалерист нылмуртэ возьматӥсь скульптурая композицилэн авторез РФ-ысь дано суредась Владимир Суровцев луэ[70]. Ринат Валиуллин скульпторен быдэстэм Надежда Дуровалы мукетыз синпелет 2013-тӥ арын куартолэзе Сарапулысь музей-заповедниклэн валтӥсь юртэз дорын усьтэмын вал[71];
  • «ОВ-3705» паровоз, со 1919-тӥ арын Петроградысь но Мускоысь сютэм улӥсь ужасьёслы ог 80 сюрс пуд нянь вуттӥз, 1974-тӥ арын Сарапулысь вокзал котырысь площадьын юнматэмын[72];
  • МиГ-21 самолёт, Сарапулысь электрогенераторной заводэз кылдытӥсьёслы но ветеранъёслы сӥземын, солэн историез 1942-тӥ арын регулировкая коробкаос но авиагенераторъёс поттон бордысен кутскиз, 2012-тӥ арын заводэ пырон азьысь площаде юнматэмын[73].

Инкуазь объектъёс

Ивор вӧлмытӥсь ёзэтъёс

Газетъёс, интернет-изданиос
  • «Красное Прикамье» газет (1919-тӥ арысен потэ);
  • Арнялы быдэ потӥсь общественно-политической «Наше Время Удмуртия» газет (2013-тӥ арын 28-тӥ южтолэзе пусъемын);
  • «Фортуна» газет (1998-тӥ арысен потэ);
  • «Сарапул» газет;
  • «Вечерний Сарапул» журнал;
  • Сарапул Live Интернет портал;
  • 1913-тӥ арын 1-тӥ толшорысен «Кама» газет потыны кутскиз.
Телеканалъёс
  • Нырысетӥ канал;
  • Россия 1 / Удмуртия ГТРК;
  • ТНТ / Пятый океан;
  • Витетӥ канал / Мынам Удмуртие;
  • ТВ Центр;
  • СТС / Твой любимый.
Радиостанциос
  • Европа Плюс (90,3 МГц);
  • Новое радио (93,0 МГц);
  • Радио Ваня (94,2 МГц);
  • DFM (94,8 МГц);
  • Комсомольская правда радио (96,4 МГц);
  • Радио России / Удмуртия ГТРК (96,8 МГц);
  • Шансон радио (98,1 МГц);
  • Comedy Radio (98,9 МГц);
  • Мынам Удмуртие радио (99,4 МГц);
  • Русское Радио (100,3 МГц);
  • Хит FM (101,6 МГц);
  • Ретро FM (102,1 МГц);
  • Радио Дача (102,6 МГц);
  • Авторадио (104,0 МГц);
  • Наше радио (105,9 МГц);
  • Юмор FM (106,3 МГц)4
  • Смородина радио (106,8 МГц);
  • ENERGY радио (107,4 МГц);
  • Дорожное радио (107,8 МГц).
Интернет провайдеръёс
  • Ростелеком Волга;
  • Ойл-Телеком;
  • MTC;
  • МегаФон;
  • Билайн;
  • Теле2;
  • Велес.

Карлэн йыръёсыз

  • 1996-тӥ арысен 2001-тӥ арозь — Берг Роберт Эдмундович;
  • 2001-тӥ арысен 2015-тӥ арозь — Наумов Анатолий Фёдорович;
  • 2015-тӥ арын 22-тӥ куарусёнысен 2020-тӥ арозь — Ессен Александр Александрович;
  • 2020-тӥ арын 19-тӥ шуркынмонысен — Шестаков Виктор Михайлович.

Карлэн дано муртъёсыз

  • Абросимов Геннадий Егорович (1939—2021) — «Радиотехника» СУПП ООО-лэн валтӥсь директорез;
  • Азин Владимир Мартинович (1895—1920) — Граждан ожысь герой;
  • Барабанщиков Николай Федорович (1839—1896) — купеч;
  • Башенин Павел Андреевич (1868—1910) — купеч, мерлыко ужась;
  • Бельтюков Владимир Васильевич (1947) — Удмурт Элькунысь коньдон ужпумъёсъя министр;
  • Берг Роберт Эдмундович (1948—2015) — Сарапул карлэн йырыз;
  • Блинов Николай Николаевич (1839—1917) — писатель, дышетӥсь, баӵко;
  • Бобровский Георгий Аркадьевич (1915—1988) — 1 номеро крезьгуръя школалэн директорез;
  • Богданович Евгений Васильевич (1829—1914) — росси генерал;
  • Бодалев Иван Иванович (1831—1905) — купеч;
  • Бодалев Сергей Иванович (1860—1926) — купеч;
  • Боталов Михаил Аркадьевич (1882 — ?) — мещанин;
  • Васильев Аркадий Ефимович (1854—1899);
  • Ведерников Василий Федорович (1853 — ?) — купеч;
  • Витте Сергей Юльевич (1849—1915) — 1892-тӥ—1903-тӥ аръёсысь эксэй правительствоысь коньдон ужпумъёсъя министр, 1905-тӥ—1906-тӥ аръёсысь правительстволэн йырыз;
  • Вихерт Евгений Леонгардович (1927—2009) — РФ-ысь дано эмъясь, хирург;
  • Волков Владимир Флорианович (1918—1982) — радиозаводысь валтӥсь инженер;
  • Вольф Вильгельм Фридрихович (1866 — ?) — купеч;
  • Дедюхин Иван Алексеевич (1858—1895) — купеч;
  • Дедюхин Степан Никифорович (1835 — ?) — купеч;
  • Деньгин Сергей Александрович (1914—1992) — С. Орджоникидзе нимо Сарапул радиозаводысь ужась;
  • Дрягин Александр Алексеевич (1863 — ?) — купеч;
  • Дуров Андрей Васильевич (1752—1826) — Сарапулысь нырысетӥ городничий;
  • Дурова Надежда Андреевна (1783—1866) — 1812-тӥ арысь Атыкай ожысь героиня, гожъяськись;
  • Зарницын Николай Васильевич (1864 — ?) — купеч;
  • Зубарев Алексей Александрович (1856 — ?) — купеч;
  • Ижболдин Дмитрий Григорьевич (1818—1896) — купеч;
  • Ижболдина Ольга Ивановна (1836—1913) — благотворительница;
  • Ильин Иван Павлович (1925—2005) — пыдкутчан лэсьтон фабрикаысь цехен кивалтӥсь;
  • Ильинский Егор Васильевич (1852—1899) — купеч;
  • Кайсин Илья Васильевич (1852 — ?) — купеч;
  • Капачинский Дмитрий Григорьевич (1862 — ?) — купеч;
  • Карпов Степан Егорович (1850 — ?) — купеч;
  • Койсин Петр Васильевич (1843—1899) — купеч;
  • Колчин Иван Савельевич (1822—1877) — купеч;
  • Корешев Павел Тимофеевич (улон аръёсыз тодмо ӧвӧл);
  • Коротков Герман Владимирович (1925—2005) — Совето Союзысь Герой;
  • Котков Иван Григорьевич (1859 — ?) — купеч;
  • Красноперов Алексей Григорьевич (1850—1895) — купеч;
  • Кузнецов Владимир Иванович (1952) — «Сарапул водоканал» муниципал унитарной предприятилэн директорез;
  • Курбатов Устин Саввич (1827—1885) — купеч;
  • Курочкин Николай Петрович (1852 — ?);
  • Лебедев Михаил Петрович (1920—1992) — Социалистической Ужысь Герой;
  • Левиатов Юлий Георгиевич (1915—2005) — Сарапулысь электрогенераторной заводлэн директорез;
  • Леонтьев Александр Афанасьевич (1856 — ?) — купеч;
  • Леонтьев Михаил Афанасьевич (1860—1895) — купеч;
  • Ловцов Александр Гаврилович (1826—1901) — купеч;
  • Лоншакова Зоя Алексеевна (1907—1995) — РСФСР-ысь но УАССР-ысь дано эмъясь, хирург, онколог;
  • Малюк Михаил Семенович (1952—2019) — РФ-ысь Пенсиосъя фондлэн УР-ысь Сарапулысь но Сарапул ёросысь управлениезлэн кивалтӥсез;
  • Мельников Николай Васильевич (1909—1980) — гурезь ужъёсъя тодосчи, академик;
  • Могилевский Геннадий Фаддеевич (1939) — УФСИН-лэн ИК-5 кивалтӥсь;
  • Мусинов Сергей Васильевич (1953) — «Сарапулысь электрогенераторной завод» ОАО-лэн валтӥсь директорез;
  • Наумов Алексей Яковлевич (1868 — ?);
  • Наумов Анатолий Федорович (1957) — «Элеконд» ОАО-лэн валтӥсь директорез;
  • Обергюхтин (Оберюхтин) Егор Сидорович (1837 — ?) — купеч;
  • Оленева Глафира Александровна (1910—1993) — УАССР-ысь дано дышетӥсь;
  • Остроумов Вячеслав Григорьевич (1928—2014) — баӵко;
  • Пальшин Александр Алексеевич (1869 — ?);
  • Пальшина — Придатко Антонина Тихоновна (1897—1992) — Нырысетӥ дунневыл оже пыриськем мурт;
  • Пеганова Татьяна Борисовна (28.10.1948) — дышетӥсь, «Память Сарапула» издатпроектлэн координаторез;
  • Перечнев Александр Иванович (? — 1972) — пыдкутчан вурон фабрикаысь технической контролья кивалтӥсь;
  • Петров Иван Степанович (1852 — ?);
  • Пивоваров Евгений Николаевич (1927—1981) — Социалистической Ужысь Герой;
  • Победоносцев Константин Петрович (1827—1907) — кун ужась;
  • Погадаев Василий Павлович (1929—2016) — Сарапул карысь ветеранъёслэн огазеяськонзылэн дано тӧроез;
  • Полусмак Александр Михайлович (1942—2021) — «Сарапул радиозавод — Холдинг» ОАО-лэн валтӥсь директорез;
  • Пономарев Василий Григорьевич (1837—1902) — купеч;
  • Пономарев Николай Ильич (1841 — ?) — купеч;
  • Попов Иван Захарович (1850—1892) — купеч;
  • Прасолов Алексей Михайлович (1950) — «Россиысь Спецстрой бордын ужась 8 номеро интывылъя нимысьтыз лэсьтӥськонъя управление» ФГУП-ен кивалтӥсь;
  • Прокошев Иван Андреевич (1862 — ?) — запасысь рядовой;
  • Ральников Алексей Митрофанович (1822—1901) — купеч;
  • Решетов Александр Александрович (1920—1988) — журналист, историк-шаерчи;
  • Романенко Иван Андреевич (1928—2002) — Социалистической Ужысь Герой;
  • Савченко Митрофан Васильевич (1915—1997) — РСФСР-ысь но УАССР-ысь дано дышетӥсь;
  • Сверцев Григорий Александрович (1865 — ?) — купеч;
  • Севрюков Сергей Михайлович (1873 — ?) — мещанин;
  • Седельников Иван Семенович (1896—1918) — Сарапулысь большевикъёслэн огазеяськонэнызы нырысетӥ кивалтӥсь;
  • Седова Галина Георгиевна (1924—2025) — МСЧ ЭГПО-ысь валтӥсь эмчи;
  • Смагин Николай Васильевич (1850—1918) — купеч;
  • Смирнов Иван Осипович (1903—1989) — пыдкутчан вурон фабрикалэн директорез;
  • Созник Александр Семенович (1910—1999) — Быдӟым Атыкай ож вакытэ ВКП(б)-лэн Сарапул горкомезлэн нырысетӥ секретарез;
  • Стариков Валентин Георгиевич (1913—1979) — Совето Союзысь Герой;
  • Сторонкин Евгений Петрович (1938) — «Сарапулысь электрогенераторной завод» ОАО-лэн валтӥсь директорез;
  • Ступникова Мария Григорьевна (1927—2018) — кожкомбинатысь ужась;
  • Тимин Дмитрий Иванович (1903—1986) — С. Орджоникидзе нимо Сарапул радиозаводысь валтӥсь инженер;
  • Толстой Дмитрий Андреевич (1823—1889) — граф, Калыкез югдытон министерствоысь зэмос лушкем советник;
  • Треллер Владимир Александрович (1946) — «Сокол» тазалыкез юнматонъя центр" муниципал автономной учрежденилэн директорез;
  • Трифонов Михаил Васильевич (1862 — ?);
  • Троицкий Степан Александрович (1847 — ?) — купеч;
  • Трушков Николай Васильевич (1946—2007) — Удмурт Элькунысь дано эмъясь;
  • Тюсина Надежда Алексеевна (1925—2004) — пыдкутчан вурон фабрикаысь раскройщица;
  • Уланов Виктор Александрович (1948) — «КБЭ XXI века» АО-лэн валтӥсь директорез;
  • Файтельсон Яков Михайлович (1915—2017) — ТЭЦ-лэн директорез;
  • Федорченко — Шемякина Лидия Николаевна (1921—2010) — дышетӥсь, писатель;
  • Флоров Александр Матвеевич (1860 — ?);
  • Цуцкарев Егор Иванович (1862 — ?) — купеч;
  • Цыгвинцева Лидия Ивановна (1927—1996) — Социалистической Ужысь Герой;
  • Шадрин Василий Дмитриевич (1843—1894);
  • Шадрин Иван Федорович (1923—2015) — ликёроводочной заводлэн директорез;
  • Шарин Василий Дмитриевич (1843—1894);
  • Шитов Алексей Трофимович (1840—1909) — купеч;
  • Шкаранда Никита Федоров (1820—?) — подпоручик, сӧсыръёслэн командаенызы кивалтӥсь;
  • Шубин Борис Федорович (1920—1943) — Быдӟым Атыкай оже пыриськем мурт, лётчик;
  • Юхнин Виктор Михайлович (1923—1989) — Совето Союзысь Герой[74].

Тунсыко фактъёс

  • РСФСР-ын нырысетӥ кунпуш авиалиниосын ялан рейсъёс 1920-тӥ арын толшоре Сарапул — Екатеринбург — Сарапул «Илья Муромец» секыт самолётэн лобан бордысен кутскизы[75];
  • Сарапулын нырысетӥ совето «КОМТА» самолётлы тӥрлык лэсьтэмын вал (бичан но лобаса эскерон Мускоын радъяськиз);
  • Ож кутсконын нырысь Петергофысен Горькие, нош отӥяз кунэ пыдлогес — Новосибирске но Сарапулэ утён вылысь музей коллекциосын кӧня ке эшелонъёс келямын вал. Соос пӧлын петровский нимо арбериос но, мукет сямен вераса, Монплезир, Марли, Эрмитаж дворецъёсысь экспонатъёс, со сяна, дворцовой басмаос, живопись, Особой кладовоысь тӥрлык;
  • 1941-тӥ арын Сарапулэ Ленинградысь СССР-ысь Наукаосъя академилэн Религилэн историезъя музейлэн коллекциосыз эвакуациен келямын вал, отын Ӟуч православной черклэсь талам вань паймымон обросъёсыз но святойёслэн лысьӧмъёссы утиськизы;
  • СССР-ысь калык артист Лев Дуров сарапул городничиез аслаз выжыеныз лыдъялляз[76];
  • Сарапулын А. Панкратов-Чёрный, Б. Брондуков, Е. Стычкин, А. Булдаков но Н. Аринбасарова шудэм улсын «Трам-тарарам, или Бухты-барахты» фильмлы съёмкаос ортчытӥзы;
  • Сарапул котырын «Волга, Волга» фильмез пуктӥзы, режиссёрез — Григорий Александров, рольёсын шудӥзы: Любовь Орлова, Игорь Ильинский. Мосфильм, 1938-тӥ ар;
  • Сарапулысь Благовещенской монастырьлэн интывылаз нырысетӥ куараен совето «Путёвка в жизнь» фильмлы сценаос пуктӥзы, режиссёрез — Николай Экк, рольёсын шудӥзы: Виктор Лазарев, Владимир Уральский, Регина Янушкевич, Рина Зелёная, Георгий Жжёнов, Василий Качалов. Межрабпомфильм, 1931-тӥ ар;
  • Вашкала дырысен Сарапуллэн лымшор ярдураз улӥсьёс тудву вакытэ, Кам но Бадӟым Сарапулка ӝутскемен, туж курадӟылӥзы, ву улэ кошкем Венециын сямен, пыжъёсын гинэ ветлыны быгатылӥзы. XX даурлэн нырысетӥ дас араз Камалэн набережноез ву гылтэмлэсь юнматэмын вал, быдэс каретӥ вуэз ӧръясь канаваос гудылӥзы, карлэн улӥ люкетысьтыз вань тыос но нюр интыос, озьы ик пӧлазы вуись пичи шуръёс куасьтэмын но сюен согемын вал. Бадӟым Сарапулка шурлэн улӥ люкетыз выль ӧръя лэземын вал;
  • Сарапуллы сӥзьыса, астероид 26851 Sarapul нимамын;
  • Сарапул идиш кылын вераськись еврейёслэн улоно огез центрез вал[77][78]. Вераськоназы удмурт но бигер кылъёс пыртылӥзы;
  • Сарапулын Альберт Эйнштейнлэн синмаськоно нылмуртэз Конёнкова Маргарита Ивановна вордӥськиз[79];
  • Сарапулын вордӥськиз совето но росси ӟуч кылбурчи, прозаик, кылысь кылэ берыктӥсь.Алексей Смольников, СССР-ысь выжы калыкъёслэсь уно произведениоссэс ӟуче берыктӥз, соос пӧлын К. Гердлэсь ужъёссэ но.

Вын луись каръёс

Валэктонъёс

  1. ↑ Сарапуль // Малый энциклопедический словарь Брокгауза и Ефрона. — 2-е изд., вновь перераб. и значит. доп. Т. 1-2. — СПб., 1907—1909.
  2. ↑ Агеенко Ф. Л. Словарь собственных имён русского язык. — М.: Мир и Образование, 2020. — 880 с. — ISBN 978-5-94666-846-0.
  3. ↑ Решетников Н. Л.. Ранний Сарапул: археологические и исторические аспекты. Реалии и перспективы изучения. Новая страница [ӟуч], cultura.adm-sarapul.ru. Эскеремын: 12 гудырикошконэ 2025 арын.
  4. ↑ 1 2 Сарапул // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  5. ↑ РБС/ВТ/Строганов, Никита Григорьевич // Русский биографический словарь : в 25 томах. — СПб.—М., 1896—1918.
  6. ↑ 1 2 3 Безносова, Дерендяева, Королёва, 1995, с. 176—177.
  7. ↑ Пётр I. Указ об учреждении губерний и о росписании к ним городов [ӟуч], docs.historyrussia.org. Эскеремын: 12 гудырикошконэ 2025 арын.
  8. ↑ 1 2 Православные русские обители : Полное иллюстрированное описание всех православных русских монастырей в Российской империи и на Афоне / Поповицкий Е. А.. — СПб.: издатель Сойкин П. П., 1909. — 712 с.
  9. ↑  С. В. Булгаков. Настольная книга для священно-церковнослужителей. — Киев:  , 1913. — 1399 с.
  10. ↑ Алексей Соломатин. Сарапул с высоты птичьего полёта весной [ӟуч], susanin.news. Эскеремын: 12 гудырикошконэ 2025 арын.
  11. ↑ 1 2 Безносова, Дерендяева, Королёва, 1995, с. 177.
  12. ↑ Анна Комиссарова. «Не примете ультиматум — расстреляем всех». 38 лет назад в СССР впервые захватили в заложники детей. Их судьбу решали 14 генералов [ӟуч], lenta.ru. Эскеремын: 12 гудырикошконэ 2025 арын.
  13. ↑ Научно-прикладной cправочник «Климат России» [ӟуч], aisori-m.meteo.ru. Эскеремын: 12 гудырикошконэ 2025 арын.
  14. ↑ Что посетить в Удмуртии? Сарапул [ӟуч], visitudmurtia.org. Эскеремын: 12 гудырикошконэ 2025 арын.
  15. ↑ http://www.MojGorod.ru/udmurtsk_r/sarapul/index.html
  16. ↑ http://www.MojGorod.ru/udmurtsk_r/sarapul/index.html
  17. ↑ http://www.gks.ru/free_doc/doc_2011/year/year2011.rar
  18. ↑ http://www.MojGorod.ru/udmurtsk_r/sarapul/index.html
  19. ↑ http://www.gks.ru/free_doc/doc_2011/year/year2011.rar
  20. ↑ http://demoscope.ru/weekly/ssp/rus59_reg2.php
  21. ↑ http://www.MojGorod.ru/udmurtsk_r/sarapul/index.html
  22. ↑ http://demoscope.ru/weekly/ssp/rus70_reg2.php
  23. ↑ http://www.MojGorod.ru/udmurtsk_r/sarapul/index.html
  24. ↑ http://istmat.info/files/uploads/41385/rossiyskiy_statisticheskiy_ezhegodnik_1998_g.pdf
  25. ↑ http://istmat.info/files/uploads/18276/stat._ezh._rf_1994_demografiya.pdf
  26. ↑ http://demoscope.ru/weekly/ssp/rus79_reg2.php
  27. ↑ http://istmat.info/files/uploads/15623/narodnoe_hozyaystvo_sssr_1922-1982.pdf
  28. ↑ http://istmat.info/files/uploads/21317/nx_5.pdf
  29. ↑ http://istmat.info/files/uploads/18276/stat._ezh._rf_1994_demografiya.pdf
  30. ↑ https://www.webcitation.org/6ibsmTCzx
  31. ↑ http://demoscope.ru/weekly/ssp/rus89_reg2.php
  32. ↑ http://istmat.info/files/uploads/43527/rossiyskiy_statisticheskiy_ezhegodnik_2002.pdf
  33. ↑ http://istmat.info/files/uploads/21317/nx_5.pdf
  34. ↑ http://istmat.info/files/uploads/18276/stat._ezh._rf_1994_demografiya.pdf
  35. ↑ http://istmat.info/files/uploads/18276/stat._ezh._rf_1994_demografiya.pdf
  36. ↑ http://istmat.info/files/uploads/18276/stat._ezh._rf_1994_demografiya.pdf
  37. ↑ http://istmat.info/files/uploads/21317/nx_5.pdf
  38. ↑ http://istmat.info/files/uploads/21317/nx_5.pdf
  39. ↑ http://istmat.info/files/uploads/45329/4naselenie.pdf
  40. ↑ http://istmat.info/files/uploads/21317/nx_5.pdf
  41. ↑ http://istmat.info/files/uploads/45390/07naselenie.pdf
  42. ↑ http://istmat.info/files/uploads/45859/07_naselenie.pdf
  43. ↑ http://istmat.info/files/uploads/21317/nx_5.pdf
  44. ↑ http://www.perepis2002.ru/ct/doc/1_TOM_01_04.xls
  45. ↑ http://www.MojGorod.ru/udmurtsk_r/sarapul/index.html
  46. ↑ http://istmat.info/files/uploads/46358/r_05.doc
  47. ↑ http://www.gks.ru/doc_2005/year05.zip
  48. ↑ http://www.MojGorod.ru/udmurtsk_r/sarapul/index.html
  49. ↑ http://www.MojGorod.ru/udmurtsk_r/sarapul/index.html
  50. ↑ http://www.gks.ru/bgd/regl/B09_109/IssWWW.exe/Stg/d01/tabl-21-09.xls
  51. ↑ http://www.gks.ru/free_doc/new_site/perepis2010/itogi/tom1/pub-01-05.xls
  52. ↑ http://www.gks.ru/bgd/regl/b11_04/IssWWW.exe/Stg/d04/3-p03.htm
  53. ↑ http://www.gks.ru/free_doc/doc_2015/bul_dr/mun_obr2015.rar
  54. ↑ http://www.gks.ru/free_doc/doc_2016/bul_dr/mun_obr2016.rar
  55. ↑ http://www.gks.ru/free_doc/doc_2017/bul_dr/mun_obr2017.rar
  56. ↑ http://www.gks.ru/free_doc/doc_2018/bul_dr/mun_obr2018.rar
  57. ↑ http://www.gks.ru/free_doc/doc_2019/bul_dr/mun_obr2019.rar
  58. ↑ https://rosstat.gov.ru/storage/mediabank/CcG8qBhP/mun_obr2020.rar
  59. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более (XLSX).
  60. ↑ 1 2 «Об утверждении положения «О флаге муниципального образования «Города Сарапул» [ӟуч], sarapul-docs.ru. Эскеремын: 12 гудырикошконэ 2025 арын.
  61. ↑ О создании территории опережающего социально-экономического развития «Сарапул» (Удмуртская Республика) [ӟуч], government.ru. Эскеремын: 12 гудырикошконэ 2025 арын.
  62. ↑ Благовещенская женская монашеская община при Архиерейском подворье Храма в честь иконы Пресвятой Богородицы «Скоропослушница» города Сарапула [ӟуч], bmsarapul.pravorg.ru. Эскеремын: 12 гудырикошконэ 2025 арын.
  63. ↑ Календарь знаменательных и памятных дат г. Сарапула. Детская школа искусств № 3 [ӟуч], sarlib.ru. Эскеремын: 12 гудырикошконэ 2025 арын.
  64. ↑ Календарь знаменательных и памятных дат г. Сарапула. Среднее специальное образование [ӟуч], sarlib.ru. Эскеремын: 12 гудырикошконэ 2025 арын.
  65. ↑ Культура и молодёжная политика [ӟуч], cultura.adm-sarapul.ru. Эскеремын: 12 гудырикошконэ 2025 арын.
  66. ↑ История [ӟуч], museumsarapul.ru. Эскеремын: 12 гудырикошконэ 2025 арын.
  67. ↑ Информационно-выставочный комплекс ОАО «Сарапульский радиозавод» [ӟуч], udm.travel. Эскеремын: 12 гудырикошконэ 2025 арын.
  68. ↑ 1 2 3 4 5 В Удмуртии идут работы по сохранению культурного наследия республики [ӟуч], adm-sarapul.ru. Эскеремын: 12 гудырикошконэ 2025 арын.
  69. ↑ Сарапул на ощупь [ӟуч], hraniteli-nasledia.com. Эскеремын: 12 гудырикошконэ 2025 арын.
  70. ↑ Памятник Надежде Дуровой [ӟуч], udm.travel. Эскеремын: 12 гудырикошконэ 2025 арын.
  71. ↑ В Сарапуле открыт памятник героине Отечественной войны 1812 года Надежде Дуровой [ӟуч], ruskline.ru. Эскеремын: 12 гудырикошконэ 2025 арын.
  72. ↑ Паровоз Ов−3705 [ӟуч], pro-sarapul.ru. Эскеремын: 12 гудырикошконэ 2025 арын.
  73. ↑ Самолёт МИГ-21 [ӟуч], pro-sarapul.ru. Эскеремын: 12 гудырикошконэ 2025 арын.
  74. ↑ Список почетных граждан [ӟуч], sarlib.ru. Эскеремын: 12 гудырикошконэ 2025 арын.
  75. ↑ «Илья Муромец» в небе филателии [ӟуч], rusmarka.ru. Эскеремын: 12 гудырикошконэ 2025 арын.
  76. ↑ Лев Дуров: У меня рост победителя [ӟуч], levdurov.ru. Эскеремын: 12 гудырикошконэ 2025 арын.
  77. ↑ Алтынцев А. В.. Чувство любви в понимании евреев-ашкенази Удмуртии и Татарстана [ӟуч], snioo.ru. Эскеремын: 12 гудырикошконэ 2025 арын.
  78. ↑ Пюрияйнен Д. М.. Население уездного города Сарапула во второй половине XIX — начале XX в.: социокультурный аспект [ӟуч], elibrary.udsu.ru. Эскеремын: 12 гудырикошконэ 2025 арын.
  79. ↑ Маргарита Коненкова: советская шпионка, которую любил Эйнштейн [ӟуч], news.rambler.ru. Эскеремын: 12 гудырикошконэ 2025 арын.
  80. ↑ Сарапул и Елабуга стали городами-побратимами [ӟуч], ГУП УР «Телерадиовещательная компания «Удмуртия», udmgossovet.ru. Эскеремын: 12 гудырикошконэ 2025 арын.

Литература

Чӧлсконъёс

«https://udm.ruwiki.ru/w/index.php?title=Сарапул&oldid=507214»-ысь басьтэмын