Н. В. Мельников академиклэн мемориал музей-юртэз

Википедиысь материал
Н. В. Мельников академиклэн мемориал музей-юртэз
Музей Мельникова в Сарапуле.jpg
Кылдытэмын 1987
Интыяськемын
Адресэз Сарапул кар, Ефим Колчинлэн ульчаез, 37-тӥ юрт

Н. В. Мельников академиклэн мемориал музей-юртэз (ӟуч: Мемориальный дом-музей академика Н. В. Мельникова) — Н. В. Мельников тодосчилэн улон-вылонэзлы сӥзем Россиысь одӥг гинэ музей, Сарапулысь Историяя но архитектурая чеберлыко музей-заповедниклэн ёзаз пыре.

Историез

1981-тӥ арын куарусёнэ Н. В. Мельниковлэн  [ӟуч] (удм. улонэзлы но творчествоезлы сӥзем музей усьтон сярысь Сарапулысь Калык депутатъёслэн кар кенешысьтызы исполком решение кутӥз[1]. Учкисьёс понна мемориал музей-юрт 1987-тӥ арын 20-тӥ толшоре ӧсъёссэ вӧлъяз, со Сарапулысь Историяя но архитектурая чеберлыко музей-заповедниклэн ёзэз луиз[2]. Со пулэсь улыно-вылыно юртын интыяськиз, татын ХХ даур кутсконын Мельниковъёслэн семьязы улӥз, татын вуоно тодмо тодосчи-горняк Николай Мельников вордӥськиз[3].

Музей-юртэз усьтонлы кичӧлтонэн потӥзы Шор Прикамьелэн историезъя но лулчеберетэзъя музейлэн директорез Виктор Шадрин, Н. В. Мельниковлэн мемориал юртэныз нырысетӥ кивалтӥсь Любовь Глухова-Орлова, музейысь ӧнерчиос, ӵыжы-выжыосыз но академиклэн азьвыл ужъюлтошъёсыз[2]. Соос Мельниковъёслэн коркасьтызы улоно висъетъёслэсь пушсэс выльысь улӟытӥзы[4][5].

Музейысь ӧнерчиос тодосчи улосчиослэсь улонзэс но ужзэс эскеронлы но вӧлмытонлы бадӟым саклык висъяло, озьы ик школаын дышетскисьёс но студентъёс пӧлын профориентацияя уж нуо[4].

2016-тӥ арысен музей котырысьтыз паркез умоятон-азинтон бордын выре но «Тодос парк» проект бордын ужа, ӵапак та парк семьяен шутэтскон интылы пӧрмиз. Озьы ик музейысь ӧнерчиос «Тодосчиослэсь аллеязэс» но «Академ карез» кылдытон бордын тыршо[2].

2019-тӥ арын Н. В. Мельниковлэн музей-юртаз экспозициосын висъетъёс выльдэмын вал[4], нош 2021-тӥ арын музей котырез «Музей квартал» проект улсын утялтӥзы-умоятӥзы[1].

Н. В. Мельниковлэн музей-юртысьтыз экспозиция

Экспозициосыз

Нырысетӥ этажысь экспозиция Мельниковъёслэн юртысьтызы улоно висъетъёсын тодматэ, нош кыкетӥ этажез тодосчилэн ужезлы но улон сюресэзлы сӥземын. Музейысь ӧнерчиос солэсь ужан кабинетсэ выльысь улӟытӥзы, ужкагазъёссэ, туспуктэмъёссэ, арбериоссэ но наукая ужъёссэ люказы[4][5][6].

Музей усьтэм дырысен татын Сарапулысь тодосчиослы сӥзем «Таӵеесь ми Сарапулысь» но «Дӥськутъя пумитало…» адӟытонъёс ужазы[2].

Экскурсантъёс понна «Чеботарь выжыысь академик», «Одӥг тодосчи понна кык тодосчи луымтэ муртъёсты сёто» но «Плазмаез кортнась» экскурсиос радъясько[2].

Валэктонъёс

  1. ↑ 1 2 Надежда Бондаренко (23 января 2022) Дом-музей академика Николая Мельникова в Сарапуле отметит 35-летие [ӟуч] Удмуртская правда. Эскеремын 05.09.2025 арын
  2. ↑ 1 2 3 4 5 Тридцать лет со дня открытия Мемориального дома-музея академика Мельникова [ӟуч] МО «Город Сарапул». Эскеремын 05.09.2025 арын
  3. ↑ Экспозиция мемориального дома-музея академика Н.В. Мельникова [ӟуч] Культура.РФ. Эскеремын 05.09.2025 арын
  4. ↑ 1 2 3 4 Мемориальный дом-музей академика Н. В. Мельникова [ӟуч] Сарапульский историко-архитектурный и художественный музей-заповедник. Эскеремын 05.09.2025 арын
  5. ↑ 1 2 Дом-музей академика Н. В. Мельникова [ӟуч] udm.travel. Эскеремын 05.09.2025 арын
  6. ↑ Дом-музей академика Н. В. Мельникова [ӟуч] Росагротуризм.РФ. Эскеремын 05.09.2025 арын

Чӧлсконъёс

«https://udm.ruwiki.ru/w/index.php?title=Н._В._Мельников_академиклэн_мемориал_музей-юртэз&oldid=507379»-ысь басьтэмын