Киясаысь П. А. Кривоноговлы сӥзем ёрос музей

Википедиысь материал
Киясаысь Пётр Александрович Кривоноговлы сӥзем ёрос музей
В музее Кривоногова, Киясово.jpeg
Кылдытэмын 8-тӥ гудырикошконэ 1997
Интыяськемын
Адресэз Удмуртия, Кияса черкогурт, Красной ульча, 1-тӥ юрт
Кивалтӥсез Ромашина Вера Алексеевна
Сайтэз kiyasmuseum.ru

П. А. Кривоноговлэн музеез (ӟуч: Музей П. А. Кривоногова) — Удмурт Элькунысь Кияса ёросысь Кияса черкогуртысь музей. Пётр Кривоногов совето суредась-баталистлэн, «Вормон» («Победа») картина авторлэн улонэзлы но творчествоезлы сӥзем Россиысь одӥг гинэ музей.

«Вормон» картина (1948). Мускоысь РФ-ысь Ожгар кужымъёслэн Шор музеязы  [ӟуч] (удм. утиське

Историез

1997-тӥ арын 8-тӥ гудырикошконэ Киясаын черкогуртын вордскем суредась-баталист, Быдӟым Атыкай ож пыр потэм но Волоколамскысен  [ӟуч] (удм. Берлинозь вуэм Пётр Кривоноговлэн улонэзлы но творчествоезлы сӥзем музей усьтӥськиз[1][2]. 2001-тӥ арысен нимаз ужась юридической огазеяськон луэ.

Музей Кияса черкогуртлэн шораз кык этажъем кирпич юртлэн нырысетӥ этажаз интыяськемын. Юрт вылын суредасез буре ваён пул юнматэмын[3]

Юрт 2015-тӥ арын выльдэмын вал: липетсэ, укнооссэ, выжъёссэ но шуныт сётӥсь гумыоссэ вошъязы. Тупатъян ужъёс 14 млн манет тыр усизы[4].

2015-тӥ арысь ивортонъёсъя, музее арлы быдэ 1500 пала адямиос вуыло[4].

Экспозициосыз

Киясаысь П. Кривоногов нимо ёрос музейын суредасьлэн 105 ужъёсыз утисько, таос пӧлысь 46-ез — фронтысь 1942-тӥ—1945-тӥ аръёсысь карандашен, эгырен но акварелен быдэстэм ужъёсыз, озьы ик эскизъёс, картинаос но 150-лэсь ятыр туспуктэмъёс. 2015-тӥ арын 22 ужъёсыз выльдэмын вал. Ваньмыз соос музейысь ялан ужась экспозицие поттэмын[5].

Ялан ужась экспозициосты радъям сяна, музейысь ӧнерчиос толэзьлы быдэ огдырлы чаклам адӟытонъёсты, озьы ик отчы-татчы нуллонооссэ но дасяло. Экскурсиос, лекциос, урокъёс ортчытъяло[5].

2010-тӥ арын, суредасьлы 100 ар тырмонлы, наукая но практикая «Кривоногов П. А. — Вормонэз гожтӥсь» конференция радъяськиз, ужрадэ солэн Елена Андреевна пал кылем кышноез но Оксана Петровна нылыз пыриськизы[3].

Валэктонъёс

  1. ↑ Киясовский районный музей Кривоногова Петра Александровича [ӟуч] Культура.РФ. Эскеремын 09.09.2025 арын
  2. ↑ Киясовский районный музей Кривоногова Петра Александровича [ӟуч] visitudmurtia.org. Эскеремын 09.09.2025 арын
  3. ↑ 1 2 Киясовский районный музей Кривоногова Петра Александровича. Достопримечательности Киясовского района.
  4. ↑ 1 2 Кристина Романова. Пётр Кривоногов. Возвращение на родину // Известия Удмуртской Республики. — 2015. — 24 сентября. — С. 10.
  5. ↑ 1 2 Киясовский районный музей Кривоногова Петра Александровича [ӟуч] idemvmuzei.ru. Эскеремын 09.09.2025 арын

Чӧлсконъёс

«https://udm.ruwiki.ru/w/index.php?title=Киясаысь_П._А._Кривоноговлы_сӥзем_ёрос_музей&oldid=507469»-ысь басьтэмын