Кривоногов, Пётр Александрович

Пётр Александрович Кривоногов
Вордӥськем нуналыз	8‑тӥ (21-тӥ) куарусёнэ 1910
Вордӥськем интыез	Кияса, Сарапул утем, Ватка губерния, Росси империя[d]
Кулэм нуналыз	22-тӥ гудырикошконэ 1967({{padleft:1967|4|0}}-{{padleft:8|2|0}}-{{padleft:22|2|0}}) (56 лет)
Кулэм интыез	Муско, СССР
Кун	СССР
Жанр	баталия
Дышетскемез	Санкт-Петербургысь И. Репин нимо суреданъя академия[d]
Стилез	социалистической реализм
Данъетъёсыз
Дано нимъёсыз
Премиосыз
Медиафайлъёс РувикиМедиа пушкын

Пётр Александрович Кривоно́гов (8‑тӥ (21-тӥ) куарусёнэ 1910, Кияса, Ватка губерния — 22-тӥ гудырикошконэ 1967, Муско) — совето живописец-баталист. РСФСР-ысь искусство удысысь дано ужась (1955). Сталин нимо премилэн лауреатэз (1949).

Улон сюресэз

Пӧртэм ивортонъёсын вордскем нуналыз пӧртэм сямен пусъемын:

• БСЭ-ын — 1911-тӥ арын 4-тӥ (17-тӥ) коньывуонэ;
• азьвыл совето энциклопедиосын — 1911-тӥ арын 8-тӥ (21-тӥ) куарусёнэ.

Берло архив эскеронъёсъя, П. А. Кривоногов 1910-тӥ арын 8-тӥ (21-тӥ) куарусёнэ вордӥськиз. Вордскем интыез — Ватка губернияысь Кияса черкогурт (туала Удмуртиялэн интывылаз).

Граждан ож вакытэ атаез быриз, озьы Пётр 12 аресаз батраке сюриз, отӥяз кураськылӥз. 1924-тӥ арын сӥзьыл Иваново улосысь Кинешма каре шедиз, татын сое нылпи юртэ келязы (бӧрысь Кинешемаысь А. Н. Островский нимо гимназия луиз). 1930-тӥ арын, сизьым аръем школаез йылпумъямез бере, Кривоноговез Ленинградысь Суреданъя академия бордысь искусствоосъя рабфаке кутӥзы, отӥяз Россиысь Суреданъя академиысь живописья, скульптурая но архитектурая институтэ пыриз, солэн дышетӥсьёсыз И. И. Бродский, П. А. Шиллинговский, К. Ф. Юон вал. Академиез йылпумъяса, отличиен диплом басьтӥз, нош А. С. Серафимовичлэн книгаезъя суредам Тамань армилэн походэзлы сӥзем диплом ужез Академилэн музейысьтыз ялан экспозицияз кылиз.

1939-тӥ арын армие басьтэмын, 1940-тӥ арын М. Б. Греков нимо Красноармейской студие кутэмын вал. Быдӟым Атыкай ож пыр Мускоысен Берлинозь войскоосын ӵош вуиз. 1945-тӥ арысен ВКП(б)-лэн ёзчиез. Майор.

1967-тӥ арын 22-тӥ гудырикошконэ Кривоногов улонысь кошкиз. Мускоысь Пятницкой шайвыл ватэмын.

Данъетъёсыз но премиосыз

• Горд Кизили орден. Зарисовкаос но картинаос лэсьтылӥз;
• Сталин нимо кыкетӥ степенё премия (1949) — «Вормон» (ӟуч: «Победа») картинаез понна (1948) , Мускоысь РФ-ысь Ожгар кужымъёслэн Шор музеязы утиське;
• Суредан искусствоысь ожгар темалы сӥзем устоез произведениез понна М. Б. Греков нимо зарни медаль. Та данъетэн сӥлы карем нырысетӥез живописец (1967-тӥ арын кылдытэмын вал);
• РСФСР-ысь искусство удысысь дано ужась (1955).

Буре ваён

1997-тӥ арын 8-тӥ гудырикошконэ Кияса черкогуртын П. Кривоноговлы музей усьтӥськиз, экспозициысь валтӥсь люкетэз солэн ужъёсызлы сӥземын.

Ужъёсыз

Суредасьлэн тужгес дано луэм произведениосыз пӧлын:

«Вормон» (1948). СССР-ысь 1988-тӥ арысь почта марка

• «Речицаын сьӧсьяськонъёс» (ӟуч: «Зверства в Речице»), 1942;
• «Волоколамскын» (ӟуч: «В Волоколамске»), 1942;
• «Корсунь-Шевченковской ожмаськон» (ӟуч: «Корсунь-Шевченковское побоище»), 1944;
• «Берлинын фашист войскоослэн капитуляцизы» (ӟуч: «Капитуляция фашистских войск в Берлине»), 1946;
• «Вормон» (1948);
• «Курской дугаын» (ӟуч: «На Курской дуге»), 1949;
• «Совето Конница Муско котырысь ожмаськонъёсын» (ӟуч: «Советская Конница в боях под Москвой»), 1949;
• «Брест крепостез утисьёс» (ӟуч: «Защитники Брестской крепости»), 1951;
• «Ожмаськон» (ӟуч: «Поединок»), 1964;
• «Смоленскез утён. 1812 год» (ӟуч: «Оборона Смоленска. 1812 год»), 1966;
• «Рейхстагез утён» (ӟуч: «Штурм Рейхстага»), 1966;
• «Крепостьлэн комиссарез» (ӟуч: «Комиссар крепости»), 1967;
• «Азин комдив» (ӟуч: «Комдив Азин»), 1967.

Валэктонъёс

Чӧлсконъёс

• Киясовский районный музей Кривоногова Петра Александровича [ӟуч]

• Кривоногов Пётр Александрович (1911-1967) [ӟуч]