Кияса
| Черкогурт | |||||
| Кияса | |||||
|---|---|---|---|---|---|
 | |||||
|
|||||
| 56°20′38″ с. ш. 53°07′21″ в. д.GЯO | |||||
| Кун | |||||
| Историез но географиез | |||||
| Кылдэмын | 1710 | ||||
| Часовой поясэз | UTC+04:00 | ||||
| Улӥсез | |||||
| Улӥсез | |||||
| Цифровой идентификаторъёс | |||||
| Телефон кодэз | 34133 | ||||
| Почта индекс | 427840 | ||||
|
|
|||||
.png)
.png)
Кияса — Удмуртиысь черкогурт. Кияса ёрослэн шорсюлмыз. Интыяськемын Ижевсклэсь 65 иськеме.
2021-тӥ арын ортчем лыдъян-чотанъя, Киясаын пусъемын 3 187 улӥсь.
Историез
Кияса черкогурт кылдӥз 1710-тӥ арын. Гуртлы ним сётӥллям солэн кылдытӥсезлэсь — Кияса нимо воргоронлэсь.
1859-тӥ арын ортчытэм ревизияя Кияса гуртын улӥз 581 адями, татын ужаз 6 вуко[2].
1926-тӥ арын 4-тӥ шуркынмонэ Кияса луиз ёрослэн центрез. Пыриз Урал улосысь Сарапул округе, бӧрысь — Киров улосэ, нош 1937-тӥ арын 22-тӥ коньывуонысен — Удмуртие.
Инфраструктура
- Черкогуртын 2011-тӥ арын шор ёзо школалэн выль юртэз усьтӥськиз. Со пуктэмын вал «Удмуртиез азинтон» элькун программа улсын[3].
- Кияса нылпи сад
- Кияса ёрос эмъяськонни
Транспорт
Киясаысен автобусэн Ижкаре но Сарапулэ мыныны луэ.
Предприятиос
Киясаын ужало гурт техникаез тупатъянъя «Удмуртская» МТС но «Киясовоагроснаб» огазеяськон. Пусйыны луэ сиён-юон поттонъя огазеяськонъёсты: кетчуп дася «Адмирал» огазеяськон, сӥль сиёнъёс поттэ «Мясной двор» ООО.
Оскон
2014-тӥ арын 14-тӥ куарусёнэ Сарапул но Можга епископ Викторин Киясаысь черк пуктон интые нырысетӥ понэм кӧльыез вӧсяз. 2025-тӥ арлы иворъя, черк быдэсак вуттэмын, отын службаос ортчо[4].
Киясалы матэ пуксемын дун чылкыт ву сётӥсь Аксарино гуртысь ошмес. Татчы Инмарлы оскись трос калык вуылэ.
Учкымон интыосыз
Черкогуртын интыськемын Пётр Кривоноговлы сӥзем музей. Со кылдӥз 1997-тӥ арын. П. Кривоногов — РСФСР-ысь искусство удысысь дано ужась, ожгар суредасьёслэн студизылэн ёзчиез. Быдӟым оже пыриськыса, со ортчиз ож сюресъёстӥ Волоколамскысен Берлинозь. Бӧрысь аслэсьтыз малпанъёссэ кисьтӥз суредъёс пыр. 1948-тӥ арын кылдытэм «Победа» ужез пусъемын СССР-лэн кун премиеныз. Совето Союзысь суредасьёс пӧлысь Пётр Кривоногов вал нырысетӥез, кинэ пусйизы М. Б. Грековлэн зарни медаленыз. Киясаысь музейын утисько Пётр Кривоноговлэн Быдӟым ожлы сӥзем ужъёсыз но мукет суредъёсыз[5].
П. Кривоноговлэн музеез вадьсын ик усьтэмын Быдӟым ож вакытэ фронт мышкын тыршем нылкышноослы но нылпиослы сӥзем синпелет. Скульпторез — Александр Шихов[6].
Со сяна, вань Быдӟым ожысь ожгарчиослы сӥзем синпелет но.
Кияса черкогуртын мыло-кыдо ужа Калык киужъёсъя юрт. Соин кивалтэ Удмуртиысь культура удысысь дано ужась Надежда Викторовна Пахомова. Татын аръёсын утё калык куиськон, кызьпу туйлэсь арбери лэсьтон, удмурт мунё дасян амалъёсты.
Тодмо адямиос
- Коробейников, Афанасий Гурьянович (1898—1972) — Быдӟым Атыкай оже пыриськем мурт, Совето Союзлэн Героез. Вордскиз, улӥз но ватэмын Киясаын.
- Кривоногов, Пётр Александрович (1910—1967) — тодмо суредась-баталист[7].
Валэктонъёс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Списки населенных мест Российской империи. Том VIII. Вятская губерния. Список населенных мест по сведениям 1859—1873 годов.
- ↑ Новая школа на 400 мест открылась в селе Киясово, ИА «Сусанин» (29 гудырикошконэ 2011). Эскеремын: 9 коньывуонэ 2025 арын.
- ↑ Храм Архангела Михаила с. Киясово — описание, фотографии, отзывы, контакты — Православные храмы Удмуртии, UDM.travel. Эскеремын: 9 коньывуонэ 2025 арын.
- ↑ Хайбуллина Г. Р. История Киясовского района Удмуртской Республики // Молодой учёный. — 2014-11-18. — Т. 78, вып. 19. — ISSN 2072-0297.
- ↑ Степан Пермяков Возвращая имена. В Киясово открыли памятник труженикам тыла и детям войны [ӟуч] Эскеремын 2021-08-01 арын
- ↑ Хайбуллина Г. Р. История Киясовского района Удмуртской Республики // Молодой учёный. — 2014-11-18. — Т. 78, вып. 19. — ISSN 2072-0297.