Коробейников, Афанасий Гурьянович

Афанасий Гурьянович Коробейников
Афанасий Гурьянович Коробейников
Вордӥськем дырыз	27-тӥ толшоре 1898
Вордӥськем интыез	Кияса, Сарапул утем, Ватка губерния, Росси империя[d];
Кулэм дырыз	12-тӥ шуркынмонэ 1972 (74 года)
Кулэм интыез	Кияса, Удмурт Автономной Советской Социалистической Республика, РСФСР, СССР;
Кунмуртлыкез	СССР
Кыӵе войскоез	артиллерия[d]
Служить карон аръёсыз	1918—1920; 1942—1945
Званиез
Ожмаськонъёс/ожъёс	Россиысь Граждан ож[d]; Быдӟым Атыкай ож;

Афана́сий Гурья́нович Коробе́йников (1898-тӥ арын 27-тӥ толшоре Удмуртиысь Кияса черкогуртын — 1972-тӥ арын 12-тӥ шуркынмонэ, Кияса черкогуртын) — старшой сержант, Быдӟым Атыкай оже пыриськем мурт, Совето Союзлэн Героез (1945).

Улон сюресэз

Афанасий Коробейников вордӥськиз 1898-тӥ арын 27-тӥ толшоре Удмуртиысь Кияса ёросын Кияса черкогуртын. Пичиысен атаезтэк кылиз. Улӥз но ужаз Сарапулын. 1918-тӥ — 1920-тӥ аръёсы Горд Армиын служить кариз. Граждан оже пыриськиз, «Свободная Россия» бронепоездысь ожтӥрлыкен командовать кариз. Армиысь бертыса, потребкооперациын ужаз. 1942-тӥ арын оштолэзе Коробейниковез выльысь армие басьтӥзы. 1943-тӥ арын куарусёнысен Быдӟым Атыкай оже пыриськиз. Воронеж, 2-тӥ но 1-тӥ Украин фронтъёсын ожмаськиз. Украин ССР-ез немец захватчикъёслэсь мозмытонэ пыриськиз]^[1].

1944-тӥ арын южтолэзёзь старшой сержант Афанасий Коробейников 2-тӥ Украин фронтысь 52-тӥ армилэн 373-тӥ стрелковой дивизилэн 1239-тӥ стрелковой полклэн орудиеныз командовать кариз ни. Уманско-Ботошанской операциез ортчытыку, геройлыко ожмаськеменыз висъяськиз. 1944-тӥ арын 8-тӥ южтолэзьысен-10-тӥозь Коробейников Поповка но Рыжовка гуртъёс котырын но Умань карлы матын мынӥсь ожъёсы пыриськиз. Куинь нунал куспын со ачиз 1 танкез, 1 75-миллиметровой орудиез, расчётъёсыныз валче 4 пулемётэз но 50-лэсь уно немец солдат-офицерез быдтӥз. 14-тӥ южтолэзьысен-19-тӥозь Коробейников ваньмызлэсь азьпал Лымшор Буг но Днестр шуръёсты выжиз. Со нуналъёсы ожъёсын со 1 танкез, 3 артиллерийской орудиез, взвод мында тушмонэз быдтӥз. Позициосты немецлэсь киултыса, асьме валтӥсь кужымъёс вуытозь, соосты возьыны быгатӥз^[1].

СССР-ысь Вылӥ Кенешлэн Президиумезлэн 1945-тӥ арын 24-тӥ южтолэзе гожтэм Косэтэзъя, «воинской долгзэ быдэстыку сэзь но геройлыко луэмез понна» старшой сержант Афанасий Коробейников Совето Союзлэн Героез дано нимын пусъемын, Ленин орденэн но «Зарни Кизили» медален данъетамын (5007-тӥ номер)^[1].

Берлогес Коробейников Молдаван ССР-ез, Румыниез, Польшаез но Чехословакиез мозмытонэ но Германиын мынӥсь ожъёсы пыриськиз. Война бырем бере Кияса гуртаз берытскиз. Улонысь кошкиз 1972-тӥ арын 12-тӥ шуркынмонэ, Ватэмын Кияса черкогуртысь шайвылын^[1].

Озьы ик пусъемын Слава 2-тӥ но 3-тӥ степенй орденъёсын но куинь медален^[1].

Валэктонъёс

↑ ¹ ² ³ ⁴ ⁵ Афанасий Гурьянович Коробейников [ӟуч] «Герои страны» сайт.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
ГСС, ГРФ, ПКОС — наши земляки. — Ижевск, 1995.
Кулёмин И. Г. Героев наших имена. — Ижевск, 1975.

[wh-1] ¹ ² ³ ⁴ ⁵ Афанасий Гурьянович Коробейников [ӟуч] «Герои страны» сайт.

[1]