Совето Союзлэн Героез

Википедиысь материал
Learning.svg

Материалъёс басьтэмын Б.Н. Ельцин нимо библиотекаысь

Arrow-Right.png
Library.png
Та гожтосын Б.Н. Ельцин нимо Президент библиотекалэн фондысьтыз материалъёс кутэмын
Рос-прос учке
Совето Союзлэн Героез
Изображение награды
Кун СССРFlag of the Soviet Union.svg СССР
Тип данъетанлэн вылӥ степенез
Инлык уг сётӥськы
Статистика
Ку кылдытэмын 1934-тӥ арын 16-тӥ оштолэзе
Нырысетӥ пусъён 1934-тӥ арын 20-тӥ оштолэзе
Берпуметӥ пусъён 1991-тӥ арын 24-тӥ толсуре
Кӧня пол пусъемын 12 777[1]
Черодэз
Вылӥ данъет ӧвӧл
Улӥ данъет Социалистической Ужысь Герой[d]
Логотип Викисклада Медиафайлъёс РувикиМедиа пушкын
Быдӟым Атыкай оже пыриськем муртъёс, Совето Союзлэн Геройёсыз Кремльын Оружейной палата азьын . Москва. 1945-тӥ арын 24-тӥ инвожое. Туспуктэмез Б. Ярославцевлэн. Главархив Москвы

Совето Союзлэн Героез — СССР-ысь вылӥ данъет. Со нимын пусйылӥзы ож вакытэ подвиг лэсьтэм яке тупаса улон дыре бадӟым азинсконъёс басьтэм муртъёсты.

Совето Союзлэн Героез ним нырысьсэ юнматэмын 1934-тӥ арын 16-тӥ оштолэзе СССР-ысь ЦИК-лэн Пуктэмезъя. Совето Союзлэн Героезлы ватсаса сётӥськись данъян пус  — «Зарни Кизили» медаль юнматэмын 1939-тӥ арын 1-тӥ гудырикошконэ СССР-ысь Вылӥ Кенешлэн Президиумезлэн Косэтэныз. Данъян пуслэсь эскиззэ кылдытӥз архитектор Мирон Иванович Мержанов[2].

Совето Союзлэн Героез дано нимын бепуметӥзэ пусъемын 1991-тӥ арын 24-тӥ толсуре. 1992-тӥ арын 20-тӥ южтолэзьысен кутскыса, вылӥ азинлыкъёс понна со выллем ик Росси Федерацилэн Героез ним сётӥське.

Кылдэмез сярысь

[Тупатыны | вики-текстэз тупатыны]

1934-тӥ арын 14-тӥ оштолэзе валтӥсь газетъёслэн нырысетӥ бамъёсаз Совето кунлэн кивалтӥсьёсызлэсь (И. Сталинлэсь, В. Молотовлэсь, К. Ворошиловлэсь, В. Куйбышевлэсь но А. Ждановлэсь) шугадӟонэ шедем «Челюскин»[ru] пароходысь экипажез но пассажиръёсты утёнэ пыриськем 7 полярной лётчикъёслы шара телеграмма печатламын вал[3]:

Данъяськиськом Челюскинецъёсты мозмытонъя геройлыко уженыды. Данъяськиськом сильтӧлэз вормем кужмыныды. Озьы ик шумпотӥськом кунмылэсь тужгес ӟеч осконъёссэ зэматыны быгатэменыды. Тӥ асьме кунмылэн дано пиосыз.

СССР-ысь Шор Исполнительной Комитетлы геройлыко подвиг быдэстэмзы понна вылӥ данъетэн — «Совето Союзлэн Героез» нимын пусъён сярысь кичӧлтонэн вазиськиськом:

  1. таӵе лётчикъёслы: Ляпидевский Анатолий Васильевичлы, Леваневский Сигизмунд Александровичлы, Молоков Василий Сергеевичлы, Каманин Николай Петровичлы, Слепнёв Маврикий Трофимовичлы, Водопьянов Михаил Васильевичлы, Доронин Иван Васильевичлы, челлюскинецъёсты мӧзмытонэ пыриськемзы понна «Совето Союзлэн Героез» ним сётоно,
  2. вылӥ верам лётчикъёсты но соослы юрттӥсь бортмеханикъёсты Ленин орденэн пусъёно но арскын басьтоно уждун тыр огполскын уксё премия сётоно.
— Правда, 1934. 14-тӥ оштолэзь.

«Совето Союзлэн Героез» ним сярысь Положение

[Тупатыны | вики-текстэз тупатыны]

1934-тӥ арын 16-тӥ оштолэзе СССР-ысь ЦИК-лэн Пуктэмезъя Совето Союзлэн Героез ним сётон сярысь тазьы гожтэмын: «Данъетанлэсь вылӥ степеньзэ юнматоно — геройлыко подвиг лэсьтонэн герӟаськем аслыко яке коллективной азинлыкез понна Совето Союзлэн Героез дано ним сётоно»[4]. СССР-ысь ЦИК-лэсь грамотазэ сяна, со вакытэ нокыӵе пусъёс ӧз сётъяллялэ. Совето Союзлэн Геройёсыз кык пол «СССР-лэн орденэныз пусъем муртъёслы чаклам эрикрадъёсын» пайдаясько, шуыса пусъемын[5].

Вылӥ верам 11 лётчик Совето Союзлэн Героез нимын но огдыре Ленин орденэн пусъемын. 1936-тӥ арын 29-тӥ пӧсьтолэзьысен Совето Союзлэн Героез ним сярысь Положениын, дано нимын пусъем муртъёс одно ик Ленин орденэн пусйиськыны кулэ шуыса гожтэмын (грамота сяна).

СССР -лэн Вылӥ Кенешезлэн Президиумезлэн 1939-тӥ арын 1-тӥ гудырикошконэ гожтэм Косэтэзъя Совето Союзысь Геройёс понна нимысьтыз висъясь пус кылдытэмын — «Совето Союзлэн Героез» медаль. Солы луыса, «Зарни Кизили» медален трос пол данъяны луонлык кылдӥз. Совето Союзлэн кык полэс Героезлы кыкетсэ «Зарни Кизили» медаль сётъяллязы но данъям муртлэн вордӥськем палъёсаз солэн тусыныз туй узвесьлэсь бюст пуктылӥзы. Совето Союзлэн куинь полэс Героезлы куинетсэ «Зарни Кизили» медаль сётъязы но туй узвесьлэсь лэсьтэм бюстсэ Мускоысь Советъёслэн Дворец[ru] азязы пуктылӥзы. Ленин орденъёсты 2-тӥзэ но 3-тӥзэ медален пусйыку, Ленин орденэн пусъён чакламын ӧй вал. Одӥг муртэз 4-тӥзэ данъян сярысь номыр гожтымтэ. «Зарни Кизили» медальлэн нимыз но вылтусыз 1939-тӥ арын 16-тӥ коньывуонэ гожтэм Косэтъя юнматэмын.

Нырысетӥ, кыкетӥ но куинетӥзэ данъетаку, медальёслэн нумерацизы нимаз вал. Мускоын Советъёслэн бадӟым Дворецсы войнаен валче лэсьтыса быдтэмын ӧй вал, соин куинь полэс Геройёслэсь бюстъёссэс Кремле пуктылӥзы.

1967-тӥ арын 6-тӥ куарусёнэ гожтэм Косэтъя Совето Союзлэн Геройёсыз понна кун ласянь кӧня ке капчиятонъёс юнматэмын вал.

СССР-ысь Вылӥ Кенешлэн Президиумезлэн 1973-тӥ арын 14-тӥ куартолэзе гожтэм Косэтэныз юнматэм (Ведомости Верховного Совета СССР, 1973 г., № 20, ст. 268) Положениын тазьы гожтэмын:

  1. Совето Союзлэн Героез ним данъетанлэн вылӥ степенез луэ но Совето кун но мерлык понна быдэстэм геройлыко подвиген герӟаськем аслыко яке валче азинлыкъёс понна сётӥське .
  2. Совето Союзлэн Героез ним СССР-ысь Вылӥ Кенешлэн Президиуменыз сётӥське.
  3. Совето Союзлэн Героезлы сётӥсько:
    • СССР-лэн вылӥ данъетэз — Ленин орден;
    • нимысьтыз данъян пус — «Зарни Кизили» медаль;
    • СССР-ысь вылӥ Кенешлэн Президиумезлэн грамотаез
  4. Кыкетӥзэ геройлыко подвиг лэсьтэм Совето Союзлэн Героез, кыкетӥзэ Совето Союзлэн Героез нимын пусйиське, Ленин орден но кыкетӥез «Зарни Кизили» медаль сётӥське, солэн вордӥськем интыяз туй узвесьлэсь бюстэз пуктӥське. Со сярысь пусйиське СССР-ысь Вылӥ Кенешлэн Президиумезлэн данъетан сярысь косэтаз.
  5. «Зарни Кизили» медален кык пол данъетам Совето Союзлэн Героез выльысь быдэстэм геройлыко подвигъёсыз понна выльысь Ленин орденэн но «Зарни Кизили» медален пусйиськыны быгатэ.
  6. Совето Союзлэсь Геройзэ Ленин орденэн но «Зарни Кизили» медален пусйыку, солы СССР-ысь Вылӥ Кенешлэн Президиумезлэн грамотаез сётӥське.
  7. Совето Союзлэн Героезлы Социалистической Ужысь Герой ним сётыку, солэн вордӥськем интыяз туй узвесь бюстэз пуктӥське. Со сярысь СССР-ысь Вылӥ Кенешлэн Президиумезлэн Социалистической Ужысь Герой ним сётон сярысь Косэтаз пусйиське.
  8. Совето Союзлэн Геройёсыз катрадлыкен кылдытэм капчиятонъёсын пайдаясько.
  9. Совето Союзлэн Героезлэн «Зарни Кизили» медалез гадьлэн паллян палаз СССР-лэн орденъёсыз но медальёсыз улэ бырттӥське.
  10. Совето Союзлэн героез нимлэсь палэнтыны быгатэ ССС-ысь Вылӥ Кенешлэн Президиумез гинэ.

Лыдпусъёс но зэмослыкъёс

[Тупатыны | вики-текстэз тупатыны]
Россия (2009): Совето Союзлэн Героез нимез кылдытэм дырысен 75 ар тырмонлы сӥзем почта марка (ЦФА [АО «Марка»] № 1375)

Совето Союзлэн Героез нимын пусъёмъёс пӧлын нырысетӥосыз вал шуге-леке шедем «Челюскин» пароходысь экипажез но пассажиръёсты утем (1934-тӥ арын 20-тӥ оштолэзе) полярной лётчикъёс: Анатолий Ляпидевский («Зарни Кизили» медаль, 1-тӥ номер), Сигизмунд Леваневский (2; медаль «Зарни Кизили» медаль, 4-тӥ номер), Василий Молоков (3), Николай Каманин (4; «Зарни Кизили» медаль, 2-тӥ номер), Маврикий Слепнёв (5), Михаил Водопьянов (6), Иван Доронин («Зарни Кизили» медаль, 7-тӥ номер).

1934-тӥ арын 28-тӥ куарусёнэ Совето Союзлэн Героез ним сётэмын («Зарни Кизили» медаль, № 8-тӥ номер) М. М. Громовлы, 12 сюрс иськемлэсь вылӥетӥ кыдёке лобанъя дунне рекорд пуктэмез понна.

Воинской подвигъёс понна Совето Союзлэн Героез дано нимын нырысьсэ пусъемын 1936-тӥ арын 31-тӥ толсуре Горд Армиысь 17 командиръёс — Испаниын Граждан оже пыриськем муртъёс[6]. Танкистъёсты Д. Д. Погодинэз, П. М. Арманэз, С. К. Осадчийез (кулэмез бере), Н. А. Селицкийез, П. Е. Куприяновез, С. М. Быстровез вератэк, соос ваньзы ик лётчикъёс вал. Испаниын ожмаськон аръёсы (1936—1939) 60 мурт Герой нимын пусъемын[7].

Хасан ты дурын япон интервентъёсты пазьгем понна, геройлыко, сэзь ожмаськемзы но командованилэсь заданиоссэ ӟеч быдэсъмзы понна 1938-тӥ арын гудырикошкон толэзе Совето Союзлэн Героез нимын 26 мурт пусъемын.

Арлэсь ӧжыт дыр ортчыса, нырысьсэ выль данъян пусэн — «Зарни Кизили» медален данъетан ужрад ортчиз: сое 1939-тӥ арын куартолэзьысен куарусён толэзёзь Халхин-Гол шур дурын ожъёсын геройлыко ожмаськем 70 мурт басьтӥз. Со вакытэ ик кунын нырысьсэ Совето Союзлэн Героез нимын кык полэс пусъён учыръёс кылдӥзы.

1939-тӥ —1940-тӥ аръёсы совето-финн ожмаськон бере Совето Союзлэн Геройёсызлэн лыдзы 412 адямилы йылӥз: стрелковой войскоосысь 154 ожгарчи, 75 авиатор, 75 танкист, 64 артиллерист, 19 моряк, 13 пограничник, инженерной войскоосысь 10 ожгарчи, Граждан воздушной флотысь одӥг кавалерист но одӥг лётчик.

1941-тӥ арлэн кутсконаз 626 мурт дано нимын пусъемын, соос пӧлын — куинь кышномурт, витез кык полэс пусъемъёс.

Совето Союзлэн Героезлэн «Зарни Кизили» медален пусъемъёслэн лыдзы тужгес трос луиз Быдӟым Атыкай ож вакытэ: ваньзэ пусъем муртъёсты басьтыса, 91,2 %-эз. Быдӟым Атыкай ож дыръя подвигъёссы понна 11 657 мурт (3051-ез— кулэмез бере), соос пӧлын кык полэс Геройёс  — 108 (тямысэз— кулэмзы бере). Быдӟым Атыкай оже пыриськем Геройёс пӧлын— 90 нылкышно (49 — кулэмзы бере) пусъемын.

1946-тӥ арын 1-тӥ шуркынмонозь Совето Союзлэн Героез дано ним 12 208 муртлы сётэмын[8].

Совето Союзлэн Геройёсыз пӧлын — ожмаськонэ пыриськем нылпиос но быдэ вуымтэос:

СССР-лэн мукет кунъёсаз улӥсь муртъёс но Совето Союзлэн Героез нимын пусъемын. Тылож вакытэ Геройлэн нимыз союзной армиыосысь 13 муртлы сётэмын, ваньмызлэсь трос поляк но чех ожгарчиос, ньылез «Нормандия — Неман» француз авиаполкысь лётчикъёслы сётэмын. Нырысетӥез кунсьӧр ожгарчи, кудӥз пусъемын Совето Союзлэн Героез нимын — со 1-тӥ чех отдельной пехотной батальонлэн ротаезлэн командирез надпоручик Отакар Ярош, Соколово котырын ожъёс мыныку, геройлыко бырыны шедиз ( Герой нимын пусъемын кулэмез бере 1943-тӥ арын 17-тӥ оштолэзе).

Совето Союзлэн Геройёсыз тужгес трос вал 167-тӥ стрелковой Сумско-Киевской кык полэс Краснознамённой дивизиын: 108 мурт.

Тросэз геройёс ог-огеныз ӵыжы-выжы яке воксё одӥг семьяысь луо[9]:

  • Зоя но Александр Космодемьянскийёс;
  • лётчикъёс атаез но нылыз Савицкийёс (кыксы ик кык полэс пусъемын)
  • лётчик-испытательёс вын-агайёс Владимир но Константин Коккинаки;
  • 18-тӥ армилэн командующиез генерал-полковник К. Н. Леселидзе но солэн выныз подполковник В. Н. Леселидзе — 619-тӥ армейской миномётной полклэн командирез;
  • танкист-вынъёс танковой войскоослэн генерал-майорез М. Г. Вайнруб но гв. подполковник Е. Г. Вайнруб;
  • лётчикъёс ст. лейтенант Д. Б. Глинка (Совето Союзлэн кык полэс героез) но лейтенант Б. Б. Глинка;
  • сьӧрлось авиацилэн штурманъёсыз-вынъёс гв. капитанъёсыз Николай но Михаил Паничкины;
  • танкист полковник А. И. Лизюков но артиллерист полковник П. И. Лизюков;
  • артиллеристъёс гв. рядовой Я. Е. Луканин но гв. мл. сержант Д. Е. Луканин;
  • зарезь лётчикъёс капитан С. Г. Курзенков но лейтенант А. Г. Курзенков;
  • партизанъёс Евгений но Геннадий Игнатовъёс;
  • лётчикъёс Владимир но Тамара Константиновъёс (вынын сузэрен);
  • эскадрильялэн штурманэз гв. ст. лейтенант Е. В. Рябова но солэн кузпалыз — командир авиационной эскадрильялэн командирез ст. лейтенант Г. Ф. Сивков (Совето Союзлэн кык полэс Героез);
  • авиаторъёслэн ст. лейтенантъёслэн Н. В. Поповалэн но С. И. Харламовлэн семьязы.

Афганистанын боевой действиос мыныку, Совето Союзлэн Героез нимын 85 мурт пусъемын, 28-ез кулэмзы бере.

СССР вакытэ Совето Союзлэн Героез ним 12 777 муртлы сётэмын (лыдэ басьтэмын ӧвӧл: 72 мурт званиезлэсь палэнтэмын, 13-езлы мугзэ вератэк косэт гожтэмын ӧвӧл), соос пӧлын кык пол пусъемъёс — 154 (укмысэз — кулэмзы бере, куинь пол пусъемъёс — куинь мурт, ньыль пол — кык мурт. Совето Союзлэн Геройёсыз пӧлын — 95 нылкышно, 40 — сьӧрлось кунъёсын улӥсьёс. Берпуметӥз Герой нимын пусъем кунсьӧр мурт — Абдул Ахад Моманд.

Совето Союзлэн Героезлэн берпуметӥез «Зарни Кизили» медалез (11664-тӥ номер, 500 метр ву улын кема ужанъя водолазной экспериментэ пыриськемез понна), сётэмын 1991-тӥ арын 24-тӥ толсуре младшой научной сотрудниклы — вуулын уянъя ӧнерчилы, 3-тӥ рангъем капитанлы Леонид Михайлович Солодковлы.

СССР куашкам бере «Совето Союзлэн Героез» ним быдтэмын вал. Со интые 1992-тӥ арын 20-тӥ южтолэзе «Росси Федерацилэн Героез» ним кылдытэмын. Озьы ик геройлыко подвигъёс понна сётӥське. Юридик ласянь Совето Союзлэн Геройёсыз Росси Федерацилэн Геройёсызлэн кадь ик эрикрадъёсын пайдаясько.

Ньылез Совето Союзлэн Героез озьы ик Росси Федерацилэн Геройёсыз луизы: космонавтъёс Сергей Крикалёв но Валерий Поляков, тодосчи-полярник Артур Чилингаров но Росси Армиысь полковник Николай Саинович Майданов (кулэмез бере).

Нырысьёсыз пӧлын[Тупатыны | вики-текстэз тупатыны]

Совето Союзлэн Геройёсыз — «Северный полюс-1» экспедицие пыриськем муртъёс (паллянысен буре): И. Т. Спирин, М. И. Шевелёв, М. С. Бабушкин, О. Ю. Шмидт, М. В. Водопьянов, А. Д. Алексеев, В. С. Молоков (1937)

Тодэтъёс хронологиез чакласа сётэмын.

Совето Союзлэн Нырысетӥез Героез («Зарни Кизили» медальлэн номерезъя)
лётчик А. В. Ляпидевский (20.04.1934).
Нырысетӥез кунсьӧр мурт — Совето Союзлэн Героез
Республиканской Испанилэн ВВС-ысьтыз 1-тӥ интернациональной авиационной бомбардировочной эскадрильялэн лётчикез В. С. Горанов (31.12.1936)[10].
Нырысетӥез нылкышно — Советсо Союзлэн Героез
лётчица В. С. Гризодубова (02.11.1938).
Быдӟым Атыкай ож вакытэ Совето Союзлэн Героез нимын пусъем нырысетӥез кышномурт
Зоя Анатольевна Космодемьянская, дано нимын пусъемын 1942-тӥ арын 16-тӥ тулыспалэ (кулэмез бере).
Нырысетӥез но одӥгез гинэ кунсьӧр нылкышно — Совето Союзлэн Героез
Кживонь Анеля (11.11.1943, кулэмез бере), Польской Войскоысь рядовой.
Тужгес пиналэз Совето Союзлэн Героез
партизан В. А. Котик (27.06.1958) — подвигзэ быдэстыкуз солы 14 арес гинэ вал.
Тужгес арлыдоез Совето Союзлэн Героез
отставкаысь армилэн генералэз И. В. Тюленев (21.02.1978) — пусйыку солы 86 арес вал.
Тужгес пересез (вордӥськем дырызъя) Совето Союзлэн Героез
Матвей Кузьмич Кузьмин, колхозник; бырыны шедиз 1942-тӥ арын 14-тӥ тулыспалэ.
Тужгес егитэз (вордӥськем дырызъя) Совето Союзлэн Героез
Дмитрий Алексеевич Комарь, 1991-тӥ арын августовской путч дыръя Белой Домез утьыкузы куинь быремъёс пӧлысь одӥгез.

Совето Союзлэн Геройёсыз пӧлысь тужгес кема улӥз Василий Мичурин (105 аресозь), со ик ваньмызлэсь кема со нимез нуллӥз (81 ар); тужгес вакчи улонэз вал Валентин Котиклэн (14 арес).

Совето Союзлэн Геройёсыз огдыре ик Социалистической Ужысь Геройёс[Тупатыны | вики-текстэз тупатыны]

Совето Союзлэн Геройёсыз пӧлысь дас одӥгез Социалистической Ужысь Герой нимын пусъемын:

  1. Брежнев, Леонид Ильич
  2. Ворошилов, Климент Ефремович
  3. Головченко, Василий Иванович
  4. Гризодубова, Валентина Степановна
  5. Машеров, Пётр Миронович
  6. Орловский, Кирилл Прокофьевич
  7. Сталин, Иосиф Виссарионович
  8. Трайнин, Пётр Афанасьевич
  9. Третьяк, Иван Моисеевич
  10. Устинов, Дмитрий Фёдорович
  11. Хрущёв, Никита Сергеевич

Со сяна, Л. И. Брежнев Совето Союзлэн ньыль полэс Героез вал, К. Е. Ворошилов — Совето Союзлэн кык полэс Героез, Д. Ф. Устинов — Социалистической Ужысь кык полэс Герой, Н. С. Хрущёв — Социалистической Ужысь куинь полэс Герой.

Совето Союзлэн Геройёсыз — Слава орденлэн быдэсак кавалеръёсыз[Тупатыны | вики-текстэз тупатыны]

Совето Союзлэн Геройёсыз пӧлысь ньылез Слава орденлэн быдэсак кавалеръёсыз луо:

  • Алёшин, Андрей Васильевич
  • Драченко, Иван Григорьевич
  • Дубинда, Павел Христофорович
  • Кузнецов, Николай Иванович

Трос пол данъетамъёс[Тупатыны | вики-текстэз тупатыны]

Нырысетӥосыз Совето Союзлэн кык полэс Геройёсыз
майор С. И. Грицевец (22.02.1939; 29.08.1939)
майор Г. П. Кравченко (22.02.1939; 29.08.1939)
комкор Я. В. Смушкевич (21.06.1937; 17.11.1939)

С. И. Грицевецлы нимысьтыз данъян пусэз — «Зарни Кизили» медалез басьтыны ӧз кылды, малы ке шуоно, со юнматэмын вал 1939-тӥ арын 16-тӥ коньывуонэ, солэн авиакатастроыфаын быремез бере толэзь ортчыса[11].

Нырысетӥез но одӥгез гинэ нылкышно — Совето Союзлэн кык полэс Героез
лётчик-космонавт С. Е. Савицкая (27.08.1982; 29.07.1984)

Совето Союзлэн Героез нимын 154 мурт кык пол пусъемын.

Совето Союзлэн куинь полэс Геройёсыз
Авиацилэн маршалэз А. И. Покрышкин (24.05.1943; 24.08.1943; 19.08.1944)
Авиацилэн маршалэз И. Н. Кожедуб (04.02.1944; 19.08.1944; 18.08.1945)
Совето Союзлэн маршалэз С. М. Будённый (01.02.1958; 24.04.1963; 22.02 1968)
Совето Союзлэн ньыль полэс Геройёсыз
Совето Союзлэн маршалэз Г. К. Жуков (29.08.1939; 29.07.1944; 01.06.1945; 01.12.1956)
Совето Союзлэн маршалэз Л. И. Брежнев (18.12.1966; 18.12.1976; 19.12.1978; 18.12.1981)

Л. И. Брежнев озьы ик Социалистической Ужысь Герой вал на (17.06.1961).

Совето Союзлэн Геройёсыз — Георгиевской крестлэн быдэсак кавалеръёсыз[Тупатыны | вики-текстэз тупатыны]

  • К. И. Недорубов.
  • И. В. Тюленев.
  • М. Е. Козырь.
  • Г. А. Агеев.
  • И. С. Лазаренко.
  • М. М. Мещеряков.
  • С. М. Будённый.

Совето Союзлэн Героез нимлэсь палэнтэмъёс

[Тупатыны | вики-текстэз тупатыны]

72 мурт пӧртэм мугъёсъя Совето Союзлэн Героез нимлэсь палэнтэмын вал (тросэз йыружъёс понна). 13 муртлы юнме шорысь Совето Союзлэн Героез ним сётон сярысь Косэт гожтэмын вал. 61 муртлы Герой нимыз выльысь берентэмын. 16 мурт Герой званилэсь палэнтэм бере, ыбыса виемын. (12-ез соос пӧлысь реабилитировать каремын но званизы берентэмын).

Сьӧрлось кунъёслэн та выллем данъетъёссы

[Тупатыны | вики-текстэз тупатыны]

Совето Союзын выллем, асьсэ йӧскалык тодметъёсты лыдэ басьтыса, кунлэн вылӥ данъетэз чотын Герой ним тросаз социализмо но азинскись кунъёсын юнматэмын вал (ӵемысь ас азинсконазы СССР-лэсь адӟем карисьёсаз), озьы ик Израильын (1949-тӥ арын).

ГДР-лэн Героез Held der DDR.png Афганистан Демократической Республикалэн Героез Hero DRA.png
Болгария Народной Республикалэн Героез Hero of the People's Republic of Bulgaria medal.png Вьетнамысь Ожтӥрлыко Калык кужымъёслэн Геройзы
ЧССР-лэн Героез Gold Star Hero CSSR.png Куба Элькунлэн Героез Hero of Cuba for template.png
Венгерской Народной Республикалэн Героез HUN Gold Star of the Hero of the HPR.svg КНР-лэн Героез Gthumb.svg
Монгольской Народной Республикалэн Героез Монгольской Народной Республикалэн Героез КНДР-лэн Героез Hero of the Democratic People's Republic of Korea.svg
Румыния Социалистической Республикалэн Героез Румыния Социалистической Республикалэн Героез  
Сирийской Арабской Республикалэн Героез
 Hero.republic.Syria.png
Албанилэн Калык Героез Titulli "Hero i Popullit".svg Мозамбиклэн Героез Gthumb.svg
 
Югославилэн Калык Героез
 Йӧскалык геройлэн орденэз Непаллэн Героез Gthumb.svg
Лаосской Народно-Демократической Республикалэн Героез Gthumb.svg  
Израильлэн Героез
 Hero Of Israel.svg

СССР куашкам бере, Россиын «Росси Федерацилэн Героез» ним кылдытэмын, вылӥ ӟечлыко ужъёс понна сётӥське; озьы ик Герой ним (Йӧскалык Герой) куд-ог постсоветской кунъёсын, признать карымытэ яке оглюкетсэ признать карем кунъёсын юнматэмын.

Абхазилэн героез Hero Of Abkhazia.svg Казахстанлэн Калык Героез Звезда Народного героя.svg
Атыкай ожлэн Героез (Азербайджан) Атыкай ожысь Герой Киргиз Элькунлэн Героез Hero of the Kirghiz Republic.png
Азербайджанлэн Йӧскалык Героез Азербайджанлэн Йӧскалык Героез Луганской Народной Республикалэн Героез Hero of the Luhansk People's Republic medal.png
 
Арменилэн Йӧскалык Героез]
 Арменилэн Йӧскалык Героез Росси Федерацилэн Героез Росси Федерацилэн Героез
Арцахлэн Героез Таджикистанлэн Героез Кахрамони Точикистон
Белоруссилэн Героез Hero of the Belarus medal.png Туркменистанлэн Героез Туркменистанлэн Героез
 
Грузилэн Йӧскалык Героез]
 Грузиысь Йӧскалык геройлэн орденэз Узбекистанлэн Героез Узбекистанлэн Героез
Донецкой Народной Республикалэн Героез Hero of the Donetsk People's Republic medal.png Украиналэн «Зарни Кизили» орденэн пусъем Героез Украиналэн Героез

Валэктонъёс

[Тупатыны | вики-текстэз тупатыны]
  1. ↑ Статистическая справка подготовлена А. А. Симоновым при помощи В. П. Воробьёва Статистика по Героям Советского Союза(ӟуч) Эскеремын 2012-03-09 аре Следует учитывать, что в это число не входят: 72 человека, которым было законно присвоено звание Героя Советского Союза и впоследствии за порочащие проступки (в подавляющем числе за преступления) они были лишены звания Героя; 13 человек, по которым Указ о присвоении отменён (необоснованное представление к присвоению звания), 26 присвоений звания Героя Советского Союза так называемым двойникам (лицам, дважды включённым в Указы); исключены также награждения званием 12 городов и 1 крепости.
  2. ↑ По проекту политзаключённого Эскеремын 2010-05-30 аре
  3. ↑ Сталин И. В. Сочинения. — Т. 18. — Тверь: Информационно-издательский центр «Союз», 2006. — С. 58.
  4. ↑ Об установлении высшей степени отличия — звания Героя Советского Союза Архивная копия от 26 тулыспалэ 2019 на Wayback Machine // Известия ЦИК Союза ССР и ВЦИК. — № 91 от 17 апреля 1934 г.
  5. ↑ Постановление ЦИК Союза ССР от 16.04.1934 г. // Известия. — 1934. — 91 4 (№ 79). — С. 1.
  6. ↑ Постановление ЦИК СССР от 31.12.1936 о присвоении звания Героя Советского Союза лётчикам и танкистам РККА
  7. ↑ Гражданская война в Испании (1936-1939)(ӟуч)
  8. ↑ Справка о количестве награждений орденами и медалями СССР за время войны
  9. ↑ Артамонов Д. Н., Бабаков А. А., Борисов Н. В. и др. Герои Советского Союза: Историко-статистический очерк / Под ред. И. Н. Шкадова. — М.: Воениздат, 1984. — С. 250—251. — 288 с.
  10. ↑ Герои-интернационалисты / Сост. В. В. Тян. — М.: Просвещение, 1991. — 143 с. — ISBN 5-09-001213-X.
  11. ↑ Грицевец Сергей Иванович — warheroes.ru

Литература

[Тупатыны | вики-текстэз тупатыны]
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Кавалеры ордена Славы трёх степеней: Краткий биографический словарь / Пред. ред. коллегии Д. С. Сухоруков. — М.: Воениздат, 2000. — 703 с. — 10 000 экз. — ISBN 5-203-01883-9.
  • Герои Советского Союза: Историко-статистический очерк / Под ред. И. Н. Шкадова. — М.: Воениздат, 1984. — 288 с.
  • Бортаковский Т. В. Расстрелянные Герои Советского Союза. — М.: Вече, 2012. — 400 с. — ISBN 978-5-9533-6190-3

Чӧлсконъёс

[Тупатыны | вики-текстэз тупатыны]

«https://udm.ruwiki.ru/w/index.php?title=Совето_Союзлэн_Героез&oldid=309626»-ысь басьтэмын