24-тӥ толсуре
24-тӥ толсур — Григориан дырпусъя — арлэн 358-тӥ нуналыз (касьян аре — 359-тӥез). Ар пумозь 7 нунал кылемын.
☀️ Ижкарын Шунды 9 час 4 минутэ ӝужа, пуксе 15 час 49 минутэ. Югыт нуналлэн кыстӥськемез 🕒 6 час 45 минут.
🌒 Егит Толэзь (будэмез 4.08 нунал).
|
|||||||||||||||||||||||||||||||||||||||||||
| 2025-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Калык дырпусъя туннэ Никонлэн нуналыз. Та нуналэ яблокпу улын мылпотонъёссэс верало но пичияк вайзэ чигтыса, вуэ пукто. Ымусьтонэ пучыез пезьдӥз ке, мылпотон зэмалоз, шуо, сяськаяз ке — шудо учыр луоз. Та нуналэ выжез ӵужыны, веникез ӧс азе кельтыны уг яра, вегинъё лобало, шуо. Озьы ик акшан бере ужамлэсь но укное учкылэмлэсь алыло.
- Ӝытпал куакаос интыысь интые лобало ке — жобаськыны кутскоз. Нош нырынызы уйпала ке пуко — кезьытскоз.
- Та нуналэ ӟырт кезьыт ке — кематэк уз шунытскы.
- Туннэ куазь шуныт ке — тулыс трос тудву луоз.
Нимнуналзэс пусъё
- Адам, Александр, Никон, Даниил, Емельян, Иван, Леонтий, Николай, Пётр, Терентий.
Праздникъёс но буре ваён нуналъёс
Йӧскалык праздникъёс
Россия — Россиысь ожгар данлыклэн нуналыз — А. В. Суворовалэн ожгарчиосыз Измаил крепостез басьтӥзы (1790).
Украина — Архив удысын тыршисьёслэн ӧнер нуналзы.- Приднестровье — Конституцилэн Нуналыз.
Тумошо праздникъёс
- (ӟуч )
Луэм учыръёс
Удмуртиын
- 1935 — Удмуртиын аэроклуб усьтэмын.
- 1947 — Горький чугун сюреслэн Иж люкетэз кылдытэмын.
- 1980 — Можга ёросысь депутатъёслэн кенешсы Можга карлэсь гербзэ юнматӥз.
- 1992 — Ижкарысь Кар Кенешлэн дасэтӥ сессияз Удмурт Элькунлэн шоркарезлэн уставез кутэмын.
- 1996 — Удмурт кун университетлы 65 ар тырмонэн валче, нырысетӥ корпус азьысь интылы «Университетская площадь» ним сётэмын; Красногеройской ульчалэн ог люкетэз Университетская шуыса нимамын.
- 2002 ― туала куронъёслы тупась «Чекерил» спорт комплекс усьтэмын[1].
Россиын но дуннеын
- 1900 — РСДРП-лэн «Искра» нимо нырысетӥ огъя ӟуч газетэзлэн кунгож сьӧрын нырысь номерез потӥз.
- 1914 — Толсур перемирие Нырысетӥ дунневыл ожез огдырлы дугдытӥз.
- 1918 — А. Н. Пепеляев кивалтэм улсын, Тӧдьыослэн армизы Пермь карез басьтӥз.
- 1942 — РСФСР-ысь Наркомпрослэн «Ё» букваез уже кутон сярысь косэтэз поттэмын.
- 1982 — нырысьсэ инме ӝутскиз тужгес бадӟымез серийной грузовой самолёт.
- 1991 — ООН-ын СССР интые Росси Федераци луиз.
- 2022 — Кемерово-ысь мер приютын пожар дыръя 22 адями бырыны шедиз.
- 1818 — Мариапфарысь приходской черкын нырысьсэ кырӟамын «Stille Nacht» («Чалмыт уй») толсур гимн.
- 1865 — Ку-клукс-клан кылдытэмын.
- 1871 — Каирын Вердилэн «Аида» операезлэн премьераез ортчиз.
- 1924 — Албанилы республика инлык сётэмын.
- 1925 — Алан Милнлэн Винни-Пух сярысь нырысетӥ веросэз поттэмын.
- 1968 — астронавт Уильям Андерс Толэзь орбитаысен Музъем ӝужанэз фотоплёнка вылэ юнматӥз.
Вордскизы
Удмуртиысь тодмо муртъёс
- 1924 — Василий Машагатов, удмурт эмчи-терапевт, Ижысь медициная кун академилэн профессорез, 1971-тӥ арысен 1980-тӥ арозь УАССР-ысь Вылӥ Кенешлэн Тӧроез.
- 1925 — Виктор Лаптев, Удмуртиысь Быдӟым Атыкай оже пыриськем мурть, Удмуртиысь Совето Союзлэн Героез.
- 1929 — Даниил Яшин, удмурт кылбурчи, литературовед, фольклорист, дышетӥсь.
- 1939 — Юрий Горицкий, Удмуртиысь инженер-химик, техника наукаосъя доктор.
Россиысь но дуннеысь тодмо муртъёс
- 1798 — Адам Мицкевич, поляк кылбурчи.
- 1818 — Джеймс Джоуль, Англиысь физик.
- 1901 — Александр Фадеев, совето прозаик, критик, мерлыко ужась.
- 1905 — Говард Хьюз, Америкаысь авиатор.
- 1943 — Тарья Халонен, Финляндилэн 11-тӥ президентэз.
- 1946 — Леонид Филатов, ӟуч актёр, режиссёр, кылбурчи.
- 1957 — Хамид Карзай, Афганистанлэн 4-тӥ президентэз.
- 1961 — Ильхам Гейдарович Алиев, Азербайджанлэн 4-тӥ президентэз.
- 1971 — Рики Мартин, Пуэрто-Рикоысь кырӟась.
- 1981 — Дима Билан, Россиысь кырӟась.
Кулӥзы
Удмуртиысь тодмо муртъёс
- 1990 — Игорь Бехтерев, Удмурт АССР-ысь суредась.
- 1993 — Гай Сабитов, удмурт кылбурчи.
Россиысь но дуннеысь тодмо муртъёс
- 1889 — Сергей Боткин, ӟуч врач-терапевт.