22-тӥ куартолэзь — Григориан дырпусъя — арлэн 142-тӥ нуналыз (касьян аре — 143-тӥез). Ар пумозь 223 нунал кылемын.
☀️ Ижкарын Шунды 4 час 0 минутэ ӝужа, пуксе 20 час 53 минутэ. Югыт нуналлэн кыстӥськемез 🕒 16 час 53 минут.
🌘 Вуж Толэзь (будэмез 24.33 нунал).
- Гужемез вайись Никола (ӟуч Никола Вешний). Турын та нуналысен урыз-урыз будыны кутске. Николаозь шурын но тыметъёсын пыласькыны уг лэзё. Макем трос калыкез , пе, та нуналэ куноятод, сокем бусьтыр аред луоз, шуо.
- Туннэ куазь шундыё ке ― гужем пӧсь луоз.
- Уйин гудыръяз ке ― нуназе куазь шулдыр луоз.
- Та нуналозь палэзьпу сяськаяськиз ке ― сӥзьыл вакчи луоз.
- Николай, Северин, Сергей, Денис.
Брангурт песяйёс фестивальын, 2011-тӥ ар
- Россия
Россия — бассейн индустрилэн нуналыз.
Йемен — Йӧскалыклэн огъя луон нуналыз[1] (Йемен Республикалэн кылдон нуналыз).
Пашковлэн юртэз, XVIII даурлэн пумыз
- 1756 — Петербургын сенат косэтъя Волковской но Смоленской шайвылъёс усьтэмын — туала вакытэ Петербургысь тодмо некропольёс.
- 1769 — Москва Кремльысь Спасской башняе час гырлы кисьтэмын.
- 1762 — Римын 30 ар ӵоже Треви фонтанэз лэсьтон быдэстэмын.
- 1785 — Москваын Пашковлэн Юртэз[ru] пуктыны кутскемын, али дыре отын Росси кун библиотека интыяськемын.
- 1807 — адмирал Д. Н. Сенявин кивалтэм улсын Росси империлэн Ожгар-Зарезь Флотэз, Дарданелльской ожын турок корабльёсты пазьгиз.
- 1846 — Нью-Йоркын «Associated Press» иворъёсын агентство кылдытэмын.
- 1856 — Москваын Третьяковской галерея усьтэмын. Та нуналэ ӟуч ужбергатӥсь но меценат П. М. Третьяков[ru] аслаз коллекцияз кык картина басьтӥз — «Искушение» Н. Г. Шильдерлэсь но «Стычка с финляндскими контрабандистами» В. Г. Худяковлэсь.
- 1862 — Росси империын Шундыпуксёнпал Кавказ гурезь выжые кубань казакъёсты но мукет калыкъёсты улыны интыян сярысь Пуктэт юнматэмын.
- 1892 — Нью-Лондонысь эмчи Вашингтон Шеффилд (Washington Sheffield) зубной пасталы тюбик кылдытӥз.
- 1906 — Райт вынъёс асьсэ лобан аппаратсылы патент басьтӥзы.
- 1911 — Парижын Калыккуспо кинологической федерация кылдытэмын.
- 1916 — Петербургысь Николаевской кавалерийской училище азьын М. Ю. Лермонтовлы синпелет пуктэмын (скульпторез Б. М. Микешин).
- 1921 — Чикагоысь кар кивалтэт ульчае вакчи юбкаен но гольык киын потэм нылкышноос вылэ 10-ысен 100 долларозь штраф поныны косӥз.
- 1926 — Муссолини Италиын чеберлыкъя ӵошатсконъёсты, аморальной луо шуыса, ортчытъянлэсь алӥз.
- 1940 — СССР-ысь Вылӥ Кенеш «Серп и Молот» зарни медаль — Социалистической Ужысь Герой данъян ним кылдытон сярысь Косэт гожтӥз.
- 1939 — Гитлерен Муссолини «Андан пакт» гожтӥзы.
- 1972 — Ричард Никсон американ президентъёс пӧлысь кыкетӥез, кин Муское вуылӥз.
- 1977 — 1883-тӥ арысен усьтэм Париж — Стамбул тодмо «Восточной экспресс» берпум рейссэ быдэстӥз.
- 1990 ― трос аръёс ӵоже пумитъяськыса улэмзы бере, Уйпал но Лымшор Йемен огъя Йемен Республикае огазеяськизы.
- 2014 — Таиландын военной переворот[ru] ортчытэмын.
- 1923 — Николай Ушаков, Удмуртиысь математик, дано дышетӥсь.
- 1927 — Николай (паспортэзъя Николай Яковлевич Шкрумко), Ӟуч Православной Черклэн епископез, 1993-тӥ арысен Ижысь но Удмуртиысь архиепископ (2007-тӥ арысен митрополит).
- 1937 — Адольф Широбоков, удмурт инженер-конструктор.
- 1948 — Владимир Злобин, Удмуртиысь журналист.
- 1968 — Татьяна Юрьевна Чуракова, Россиысь кун уж быдэсъясь, политик. Удмурт Элькун кивалтэтлэн тӧроезлэн нырысетӥ воштӥсез (2024-тӥ арысен). Удмурт Элькун кивалтэтлэн тӧроезлэн воштӥсез (2021-тӥ арысен — 2024-тӥ арозь). Удмурт Элькунысь мер, семья но демографи ужпумъёсъя министр (2017-тӥ арысен — 2021-тӥ арозь). Удмурт Элькунысь кун но муниципал службаысь дано ужась.
- 1813 — Рихард Вагнер[ru], немец крезьгурчи.
- 1859 — Артур Конан Дойль, тодмо англи гожъясьчи, Шерлок Холмсэз кылдытӥсь.
- 1914 — Николай Макаров, СССР-ысь пыӵал тӥрлык кылдытӥсь конструктор, Социалистической Ужысь Герой.
- 1924 — Шарль Азнавур, Франциысь армян выжыё актёр но кырӟась.
- 1970 — Наоми Кэмпбелл, Великобританиысь модали но актриса.
- 1972 — Евгений Ревенко, Россиысь тележурналист.
- 1974 — Арсений Яценюк, Украинаысь политик.
- 1976 — Сергей Жуков, крезьгурчи, «Руки Вверх!» поп-группае пыриськись.
- 1980 — Андрей Чадов, Россиысь актёр.
- 1986 — Татьяна Волосожар, Россиысь фигурист, кык полэс олимпи чемпион.
- 1987 — Новак Джокович, Сербиысь теннисэн шудӥсь.
_The_Saviour_tower_(6078983317).jpg)
ООН — Биологи пӧртэмлыклэн калыккуспо нуналыз.
