Иж

Википедиысь материал
Эскерем гожтос
Шоркар
Иж
ӟуч Ижевск
Свято-Михайловской собор, тымет но карлэн вылтусыз, вылысен учкыса
Удмуртиысь Драмая ӟуч театрКалыкъёслэн тупаса улонзылы сӥзем монументИжысь пыӵал тӥрлык поттон заводлэн арсеналэз
Иж тыметысь теплоход
Ижкарлэн вылтусыз уйин
Флаг Герб
Флаг Герб
56°51′11″ с. ш. 53°12′44″ в. д.HGЯO
Кун
Федерацилэн асмосэз Удмуртия
Кар округ Ижкар
Община 1,3мил
Пуш люкылон кар 5 ёросъёслы люкиське
Ижкарлэн Тӧроез Чистяков, Дмитрий Александрович[1]
Историез но географиез
Кылдытэмын 1760-тӥ арын
Азьвыл нимъёсыз Завод (Заод), до 21.02.1918Иж завод
до 27.12.1984Ижкар
до 19.06.1987Устинов
Шоркар  1918-т9 арысен
Быдӟалаез 315,15[2] км²
Шор интылэн ӝуждалаез 140 м
Часовой пояс UTC+4:00
Улӥсез
Улӥсез 623 472[3] адями (2021)
Улӥсь калыклэн ӵемлыкез 1978,33 адями/км²
Агломерация Иж
Йӧскалыкъёс ӟучъёс, удмуртъёс, бигеръёс но мукет
Инмарлы оскон православнойёс, мусульманъёс но мукет
Катойконим

ижкарчи ӟуч ижевча́не, ижевча́нин, ижевча́нка

[4]
Официальной кылъёс удмуртский, русский
Лыдпус тодметъёс
Телефон код +7 3412
Почта индекс 426000 — 426999
Код ОКАТО 94401
Код ОКТМО 94701000001
Прочее
Награды Город трудовой доблести

izh.ru

(ӟуч)(англи)(удм.)
Иж (Россия)
Точка
Иж
Red pog.svg
Москва
Иж (Удмуртия)
Точка
Иж
Логотип Викисклада Медиафайлы на Викискладе

Ижкар (ӟуч Иже́вск[6], 1984-тӥ арысен 1987-тӥ арозь — Усти́нов) — улӥсьёслэн лыдзыя Росси Федерациын кызь одӥгетӥез кар луэ; Поволжьеысь но Предуральеысь бадӟым промышленной, вузкарон, научно-образовательный но чеберлыко центр, Удмурт Элькунлэн шоркарез[7]. Ижкар кар округ кылдытэ.

Тодмо луэ пыӵал тӥрлык но машина поттон удысъёсын. Озьы ик Росси Федерацилэн «оружейной столицаез» но «город трудовой славы» нимъёсын пусъемын[8]. 2010-тӥ арын Ижкар Росстройлэн «Россиысь тужгес шулдырез кар (Самый благоустроенный город России)» ӵошатсконлэн I категорияз 3-тӥ инты басьтӥз[9].

Росси Федерацилэн Азьмуртэзлэн 2020-тӥ арын 2-тӥ пӧсьтолэзе гожтэм Косэтэзъя Ижкарлы «Город трудовой доблести» ним сётэмын[10].

Нимыз

Карлэн нимыз Иж шурлэн нимыз бордысь кылдэмын (Пётр Шувалов графлэн кичӧлтэмезъя Оӵ шур вамен ӵыпет ӝутӥзы, собере корт поттон завод лэсьтыны кутскизы; котыраз бӧрсьысь ужасьёслы улон коркаос пуктӥзы, озьы кылдӥз вуоно Ижкар — Ижевской Завод (соин ик али но Иж но Ижевское)[14]. Пӧртэм аръёсы Ижез пӧртэм сямен нималлям. Кылсярысь, Иж завод (1760—1918), Ижевск (1918—1984, 1987— али дырозь), Устинов (1984—1987)[15][16]. Вераськонын ӵемысь ӟуч формаос кутӥськылӥзы: Иж, Ижево; удмурт: Иж, Ижкар ( удм. Ижлэсь но удм. кар — «город на Иже») Ожзавод («военный завод»), Завод; бигер: Иж, Ижау[14][17][18].

Интыяськемез

Кар интыяськемын Восточно-Европейской ӵошаллэн шундыӝужанпал люкетаз, Иж шур дурын (Камлэн бурпал вайшурез). Карлэн валтӥсь вутымез — Иж тымет XVIII даурлэн пумазгес кылдытэмын, вувыллэн быдӟалаез 2 200 га.

Ижкар Кировлэсь — 426 иськеме, Уфалэсь — 341 иськеме, Самаралэсь — 561 иськеме, Ульяновсклэсь — 576 иськеме, Нижний Новгородлэсь — 786 иськеме, Саратовлэсь — 1026 иськеме, Набережные Челнылэсь — 200 иськеме.

Ижен бадӟым каръёсын кусыпсы (машинаен мынон сюресъёс кузя)[19]
Киров ~ 404 км Сыктывкар ~ 826 км
Глазов ~ 177 км
Нижний Тагил ~ 728 км
Москва ~ 1181 км
Нижний Новгород ~ 779 км
Казань ~ 377 км
Роза ветров
Чайковский ~ 96 км
Воткинск ~ 59 км
Самара ~ 587 км
Ульяновск ~ 572 км
Можга ~ 87 км
Оренбург ~ 746 км

Набережные Челны ~ 183 км
Агрыз ~ 36 км

Магнитогорск ~ 684 км
Уфа ~ 398 км
Сарапул ~ 66 км

Часовой пояс

Кутӥськись дыръя но географи кузьдалая[20] шоро-куспо шундыё лымшор Ижкаре 12:27 часын вуэ.

Куазь

Куазь шоро-куспо континентальной. Гужем татын вакчи но шуныт, толалтэ кема кыстӥське но кезьыт возиське. Ар куспын шоро-куспо температура  +3,0 °C, тӧллэн ӝоглыкез — 3,6 м/с, омырлэн мускытлыкез — 76 %. Тужгес кезьыт куазь пусъемын вал 1978-тӥ арын 31 толсуре, тужгес пӧсез нунал — 2021-тӥ арын  21-тӥ гудырикошконэ, +38,1 °C. Тужгес шуныт куазь возиське пӧсьтолэзе (нимызъя ик валаны луэ) — шоро-куспо температура та толэзе трос аръёс ӵоже чакламъёсъя +18,9 °C. Тужгес кезьытэз толэзь — толшор, шоро-куспо температураез −12,4 °C.

Шорлыдын ар ӵоже 508 мм пала зор-кот усе. Тужгес трос гужем: инвожо толэзе — 62 мм, пӧсьтолэзе — 58 мм гудырикошконэ — 67 мм. Тужгес ӧжыт тол пумын но тулыс, тулыспалэ — 21 мм, южтолэзе — 22 мм но оштолэзе — 26 мм. Ижкарын ӵемге тӧл лымшор но шундыпуксён вискысь пельтэ, чылкак тӧласьконтэм дырыз туж ӧжыт. Сильтӧлъёс туж шер луыло.

Климат Ижевска
Показатель Янв. Фев. Март Апр. Май Июнь Июль Авг. Сен. Окт. Нояб. Дек. Год
Абсолютный максимум, °C 5,4 5,8 14,1 29,2 33,4 35,8 37,0 38,1 33,0 24,1 12,7 4,5 38,5
Средний максимум, °C −8,9 −7,7 −0,7 8,8 18,2 23,2 25,1 21,9 15,2 6,9 −2,4 −7,5 7,7
Средняя температура, °C −12,4 −11,7 −5 3,7 11,7 17,0 19,0 16,0 10,2 3,4 −5,1 −10,6 3,0
Средний минимум, °C −16,1 −15,5 −9,2 −0,6 5,9 11,2 13,4 11,1 6,2 0,4 −7,8 −14 −1,3
Абсолютный минимум, °C −46,8 −40,4 −32,1 −23,9 −11,2 −2,4 4,3 −1,7 −8,5 −21,3 −33,5 −47,5 −47,5
Норма осадков, мм 30 21 22 26 48 62 59 67 55 51 40 30 511
Источник: Погода и климат

Толалтэ музъемлэн кынмон мурдалаез 170 см пала[21].

Музъем выл

Ижкар ӧжытак вырйыло ӵошалын интыяськемын. Ӝужыт интыосыз: Зарека, Гора, Восточный посёлок. Ижкарлэн тужгес ӝужыт люкетэз (208 м) Карлутка но Чемошурка шуръёс вискын кылле (Восточной посёлок).

Карлэн лымшорпал люкетэз — лайыг интыын, интыен-интыен нюр. Тужгес лайыг интыосыз — Иж но Позимь шур нёжалъёсын, тулыс тудву кошкон дыръя вубасьтэ.

Историез

Валтӥсь статья: Ижкарлэн историез

Нырысь лыктэмъёс

Туала Ижкар интыын нырысь улон интыос III—V дауръёсы кылдӥллям. Та вакытэн ик тодосчиос герӟало кык юнматэм каръёсты (городище), кудъёсызлэн кылем-мылемъёссы Карлутка шур дурын шедьтэмын вал. Али татын санаторий «Металлург» интыяськемын. Со улон интыос Мазунинской культураен герӟасько но туж юн тупало шор дауръёслэн кутсконэзлы: кор борддоръёсын юнматэм пу лэсьтосъёс одӥг ласянь гудэм сюен но вукыремъёсын котыртэмын вылэм, мукет палтӥз шур дуре вуттӥсь меӵ ярдуръёын[22].

Кыкетӥез тодмо археологи синпелет — Ижысь шайгу, (азьвыл со инты "Вшивой горка" нимаське вал ) али со интыын Нылпи устолыкъя юрт но Милиционной урамысь пу коркаос сыло, Подборенка шурлэн Иж тыметэ усён интыяз. 1957-тӥ арын В. Ф. Генинглэн археологической группаез та интыысь IV—V дауръёсы ватэмъёсты шедьтӥз. Берло та эскерон-копан ужъёсты Т. И. Останина азьланьтӥз[23].

Бигер вакыт

Озьы ик Иж музъемъёс Казан ханстволэн пушпӧлаз пыртэмын вал. Нош 1552-тӥ арын ӟуч войсколэн Казанез киултэмез бере Казан ханство куашказ. 1558-тӥ арлэн кутсконаз йылпумъяськиз удмурт шаерез Ӟуч эксэйлыклэн пушпӧлаз пыртон ужрад . 1582-тӥ арын Иван Грозной Иж нёжалъёсысь музъемъёсты Багиш Яушев бигер князьлы сётӥз. Озьы татын Терсинской нимо бигер волость кылдӥз. 1733-тӥ арын Яушевёс иж музъемъёссэс росси дипломатлы (выжыезъя бигер) Алексей Иванович (Кутлу-Мухаммед Мамешевичлы) Тевкелевлы вузазы.

Корт лэсьтон завод

1734-тӥ арын Уралын, Кушва шурлэн бурпал ярдурысьтыз, гурезьысь трос железной руда шедьтэмын вал. Берлогес со гурезез Благодать шуыса нимазы. Рудаез поттон но корт лэсьтон вылысь, гурезь котырысь интыосын казёной заводъёс пуктылӥзы: Кушвинской, Верхнетуринской, Баранчинской но Серебрянской. Но со рудаез переработать карон понна, мукет заводъёс кулэ луизы. Соин сэрен15 (26) куарусёнэ 1757 арын граф Пётр Иванович Шувалов, со вакыт Гороблагодатской заводъёсын кивалтӥсь, Елизавета Петровна императрицалэсь Прикамьеын эшшо куинь корт лэсьтон завод лэсьтыны лэзет басьтӥз. Одӥгзэ соос пӧлысь (берлогес Камской нимамын), Иж шур дуре ӝутыны вераськемын вал. 10 (1760 арын Алексей Степанович Москвин инженерлэн кивалтэмез улсын, Гороблагодатской заводъёсысь ваем мастеровойёсты но котырысь крестьянъёсты люкаса, Иж завод но котыраз сыӵе нимын ик улон инты ӝутыны кутскизы[24]. Кивалтонъя Иж каргуртэз Казанской губерниысь Хлынов уездлэн пушпӧлаз пыртӥзы[25].

1763-тӥ арын нырысетӥ корт (сталь) поттэмын вал[24]. Иж заводын поттэм сталез Тулаысь пыӵал тӥрлык лэсьтон заводэ, Петербурге, Брянской заводэ, Варшавской арсеналэ но Черноморской адмиралтействое келяллязы.

15 (26) шуркынмонэ 1763 арын, Шувалов кулэм бере, Екатерина II Иж заводэз казна чотэ пыртон сярысь Косэт гожтӥз.

Гужем 1774-тӥ арын Иж заводэз Емельян Пугачёв киултӥз. Ӝутӥськемъёс завод кивалтӥсьёсты виылӥзы, ваньбурез талазы но заводлэсь ог люкетсэ сутӥзы. Каргуртэз мозмытэм бере, заводэз тупатъязы ке но, заказъёс пумен ичиомизы [24].

1780-тӥ арысен Иж каргурт Вятской наместничествоысь Сарапул уездэ пыртэмын (1797-тӥ арысен — Вятской губерния)[25].

Пыӵал тӥрлык поттон завод

А. Ф. Дерябинлы синпелет Иж тыметлэн ярдур урамаз

XIX даурлэн кутсконаз Наполеоновской Франциен кылдэм югдур Росси кивалтэтэз зол сюлэмшугъяськытӥз но пыӵал тӥрлык поттонлэсь лыдзэ будэтон сярысь малпаськытӥз. Соин сэрен 1806-тӥ ар пумын выль пыӵал поттон удысэз кылдытон сярысь Пуктэт кутэмын вал, нош 20 тулыспалэ (1807 арын император Александр I Андрей Фёдорович Дерябинлы, Уралысь корт лэсьтон заводъёсын кивалтӥсьлы, Ижысь заводын пыӵал тӥрлык поттонэз радъян сярысь Косэт гожтӥз. Угось Иж завод пыӵал поттонлы котыр ласянь тупа вал[26].

10 (1807 арын Дерябинлэн кивалтэмез улсын корт лэсьтон заводлэн инъет вылаз Ижысь пыӵал поттон завод кылдытэмын[24][17]. Продукцилэсь ӟечлыксэ будэтон вылысь, заводэ сю пала немец, швед но дани оружейникъёс, инструментальщикъёс, дуриськисёс, токарьёс но мукет удысчиос ӧтемын вал[27].

Заводлэн но со котырын пуктӥськись улон юртъёслэн архитектура ласянь планзы, озьы ик Дерябинэн ӧтем Семён Емельянович Дудинлы оскемын вал. Заводын ик Европаысь лыктэм ӧнерчиос ужасьёсты но инженеръёсты дышетылӥзы. Пыӵал тӥрлык поттон валлин, татын мукет ужан тӥрлык поттон но радъямын вал на.

13 (1808 арын военной министре Алексей Андреевич Аракчеевез юнматӥзы. Солы луыса, быдэсак дугдытэмын вал Ижысь ужан тӥрлык поттон удыс, ворсаськизы нимазъям мастерскойёс, кудъёсаз пыӵалъёслы детальёс поттылӥзы, палэнтэмын кунгожсьӧр кусыпъяськон. Ачиз Дерябин заводэн кивалтонлэсь палэнтэмын вал. Со интые пуктэмын Вильгельм Яковлевич Шейдеман, кудӥз Дерябинлэсь радъям ужзэ быдэсак куашкатӥз9 шуркынмонэ) 1808 арын Ижысь корт поттон но пыӵал тӥрлык лэсьтон заводъёс Горной департаментлэсь люкыса, Военное министерствое выжтэмын вал[24].

Иж заводысь пыӵал тӥрлык лэсьтӥсьёс. 1880-тӥ аръёс

9 (21) коньывуонэ 1865 арын завод «Промышленникъёслэн товариществозылы» арендае сётэмын вал. 1870-тӥ арын со арендае пыриськизы Л. Э. Нобель но П. А. Бильдерлинг. 1 (1884 арын выльысь казнае пыртэмын. 1873-тӥ арын заводын сталелитейной производство радъямын. 1881-тӥ арын  — прокатной. Со дырысен сталеплавильный завод нимаз предприятие луиз. Отын поттэм сталез но полуфабрикатъёсты пыӵал поттон заводэ сяна, быдэс Россиысь мукет предприятиосы келяллязы.

1885-тӥ арын, войнатэм аръёсы, пыӵал тӥрлык поттон медаз усьы шуыса, пӧйшуран пыӵалъёс поттыны кутскизы. 1897-тӥ арын со интые тросэн поттыны кутскизы Мосинлэсь винтовкаоссэ[27].

Революция но Граждан ож

Горький нимо ульча), 1918-тӥ ар
Ижысь пыӵал тӥрлык поттон завод, 1916-тӥ ар

5 (1917 арын заводлэн активез цех старостаосты Ужась, крестьян но солдат депутатъёслэн Кенешазы огазеяны дэмлаз. Сое ик каткылдытӥсь ёзэтэн ялӥз. 6 (1917 арын нырысьсэ Кенеше 30 ужась мурт, ньылез соос пӧлысь ожгар частьёсысь вуэмъёс, сизьымез ― огшоры улӥсьёс пыризы. 7 (1917 арын цех старостаос ужоскетсылэсь быдэсак палэнскизы. Ужась депутатъёслэн Кенешазы 160 мурт бырьемын вал. Соос пӧлын большевикъёс, социал-демократъёс (меньшевикъёс) социалистъёс-революционеръёс, эсеръёс-максималистъёс люкаськизы. 1917-тӥ арысен куарусён толэзьысен трос партием Кенешен большевикъёс кивалтыны кутскизы. «Известия Ижевского Совета» газет соин валче быдэсак большевистской луиз.

27 коньывуонэ (9 шуркынмонэ) 1917арын Ижын Совето власть ялэмын вал, нош шуркынмон толэзе Ижысь Советлэн нырысетӥ Уставез кутэмын. 1918-тӥ арын 21-тӥ тулыспалэ Ижысь ужась, крестьян но солдат депутатъёслэн Кенешсы Иж завод каргуртлы кар инлык сётӥз. Со арын ик 28-тӥ куартолэзе большевикъёс Кенешез уллязы но 21-тӥ пӧсьтолэзе солэсь большевик луисьтэм азьветлӥсьёссэ пытсэтазы. Карысь тодмо купецъёсты виылӥзы, ваньбурзэс талазы. 5-тӥ гудырикошконэ Кенешлэн тӧроез И.Д.Пастухов Ижысь тӧрлык соин кылдытэм Военно-революционой комитет киулэ выже шуыса ялӥз. 8-тӥ гудырикошконэ антибольшевистской ӝутӥськон (Ижевско-Воткинской восстание) кутскиз[29]. Военно-революционной комитетлэн ужчисыз уллямын яке виылэмын вал, нош Кар Кенешлэн тӧрлыкез выльысь берентэмын. Актовой книгаын гожтэмъя, ачиз Иван Пастухов ӝутӥськемъёсын Кенеш юртын ик виемын вал[30]. 100 нунал ӵоже кыстӥськись Ӝутӥськон дыръя завод каргуртэн Депутатъёслэн Кенешсы кивалтӥз. Кулэ Пуктэтъёс сяна, ижкарчиос понна со «Ижевский защитник» газет поттылӥз[31].

Лек ожмаськонъёс бере 7-тӥ шуркынмонэ 1918-тӥ арын Ижез Горд Арми (В.М.Азинлэн дивизиез) киултӥз [32]. Куинь но ӝыны сюрслэсь ятыр ӧнерлыко заводчиос ас семьяосынызы понтон выж кузя потыса, Камлэн паллян ярдураз, «Колчаковие» выжизы[33].

Ижысь Кенешез нош ик Тӧрлыклэсь палэнтыса, ижын большевистской Ревком ялэмын. Солы азьветлӥсе Азин аслэсьтыз полит комиссарзэ Дмитрий Зоринэз юматӥз. Большевикъёслы пумит султэмъёс, ваньмыз сямен, репрессировать каремын[34].

1919-тӥ арын 9-тӥ оштолэзе пыӵал тӥрлык поттон заводэз эвакуировать карыны кутскизы. 14-тӥ Ижез Колчаклэн армиез басьтӥз. 6-тӥ инвожое Горд Армилэн дивизиосыз Ижкарез штурмен басьтӥзы[15]. Собере ини татын копак большевик Кенеш кылдытэмын вал.

Совето вакыт

Выписка из протокола ВЦИК-лэн Президиумезлэн 1921-тӥ арын 10-тӥ инвожое ортчем заседаниысьтыз улослэсь шоркарзэ Глазысь Ижкаре выжтон сярысь протоколэз

1921-тӥ арын 10-тӥ инвожое Вотской автономной областьлэн шоркарез Глазысь Ижкаре выжтэмын вал. 1934-тӥ арын 28-тӥ толшоре Иж УАССР-лэн шоркарез луиз[15][35].

Шоркар статус басьтэмен но татчы бадӟым прмышленной предприятиосты выжтэмен валче, Ижкарлэн азинсконэз уката юнмаз. 60 ар куспын совето Ижкарын улӥсьёслэн лыдзы 10 поллы йылӥз. Интывылэз будӥз но паськытаз. Кылсярысь, 1940-тӥ арысен 1988-тӥ арозь 17 матысь гуртъёс Ижкарен огазеямын вал[36].

1930-тӥ аръёслэн кутсконаз Ижкарлэн но быдэс Удмуртилэн азинсконэз чутрак воштӥськиз. Та арын Ижын удмурт гожъяськисьёслэн нырысетӥ конференцизы ортчиз. Соку ик кылдытэмын вал Удмурт кун филармония но театрально-художественной училище. 1931-тӥ арын усьтӥськиз Педагогикая Удмурт институт (али — Удмурт кун университет), Историяя, кылъя но литературая Удмурт институт, Драмая Удмурт кун театр (али — Удмурт Элькунысь Йӧскалык кун театр ). 1935-тӥ арын 18-шуркынмонэ трамвай ветлыны кутскиз.

1941-тӥ арын Иже кӧня ке оборонной предприятиос выжтэмын вал. 1942-тӥ арын инвожое Ижевскын механической завод усьтэмын. Быдӟым Атыкай ож вакытэ кар-завод 12 500 000 пала стрелковоой пыӵал тӥрлык поттӥз. 1943-тӥ арын цирклэн 1811 адями тэрымон выль из юртэз ӝутэмын.

1948-тӥ арын мотозаводын Калашников нимо «АК» автомат поттыны кутскизы. Нырысетӥез росси мотоцикл поттэмын вал Ижкарын 1929-тӥ арын, 2009-тӥ арын гужем Ижысь мотоциклистъёс «Иж» мотоцикллэсь 80 ар тырмонзэ пусйизы[37]. 1966-тӥ арын 12-тӥ толсуре конвейерысь нырысетӥ иж автомобиль васькиз. СССР-лэн Вылӥ Президиумезлэн 1978-тӥ арын 11-тӥ толсуре гожтэм Косэтэзъя, Ижкар Октябрь Революци нимо орденэн пусъемын.

1984-тӥ арын 27-тӥ толсуре Ижысь парти тӧрлыклэн кичӧлтэмезъя карлэн нимыз СССР-ысь обороная министрез Дмитрий Устиновез буре вайыса, Устиновлы воштэмын. Берлогес, 1987-тӥ арын 19-тӥ инвожое, татын улӥсь калыклэн куремезъя Ижкарлы аслаз нимыз берыктэмын вал, нош карысь одӥгезлы ёрослы Устинов ним сётэмын.

Туала вакыт

2000-тӥ арын 11-тӥ тулыспалэ Кун Кенеш но Кивалтэт Свято-Михайловской соборез выльысь усьтон сярысь огъя Пуктэт кутӥзы. 2004-тӥ арын куартолэзе выльдон-тупатъян ужъёс кутскизы. 2007-тӥ арын 5-тӥ гудырикошконэ бадӟым черкысь Михаил Архистратиглы сӥзем валтӥсь престолзэ Патриарх Алексий II вӧсяз, со ик выль черкын нырысетӥ литургиез ортчытӥз. 1997-тӥ арын Ижкар дума Ижкарлэсь гербзэ юнматӥз. Солэн авторъёсыз Сергей Львович Бехтерев но Николай Быков. 2003-тӥ арын куарусён толэзе (1943-тӥ арын пуктэмез интыын) цирклэн выль юртэз усьтӥськиз.

2010-тӥ арын 3-тӥ куарусёнэ Ижкар 250 ар тырмонзэ пусйиз. 2010-тӥ арын сӥё-дано усьтэмын Иж тымет дурысь выльдэм ярдур урам.

2011-тӥ арын 29-тӥ шуркынмонэ Удмурт Элькунлэн тӧроез Александ Волков Ижкарлы «Город трудовой славы» ним сётон сярысь Косэт гожтӥз. [38].

2015-тӥ арын 8-тӥ коньвыуонэ «Ижкар» муниципал кылдытэтлэн тӧроез Юрий Александрович Тюрин луиз. Со азьпалан та ужоскетэз быдэсъяз Александр Александрович Ушаков. Кар думалэн нырысетӥ тӧроез Олег Гарин луиз[39]. 2018-тӥ арын 19-тӥ коньывуонэ «Ижкар» муниципал кылдытэтлэн тӧроез луиз Олег Николаевич Бекмеметьев. 2023-тӥ арысен 5-тӥ куарусёнысен та ужоскетэ быръемын Дмитрий Александрович Чистяков

2020-тӥ арын 8-тӥ пӧсьтолэзе Ижкарлы "Город трудовой доблести" ним сётэмын[10].

значимость факта?].

Улӥсез

Ижкарын вордӥськемъёслэн но кулэмъёслэн лыдзы, мурт.
Ижкары улӥсь йӧскалыкъёслэн пӧртэмлыксы ёросъёсъя, 2010-тӥ арын лыдъян-чотан

Ижкарын улӥсьёслэн лыдзы Удмуртиын улӥсьёслэн лыдзылэсь 43.23 % -эз луэ. Йылэмез 2473 мурт[41]. Улӥсьёслэн ӵемлыксы — 2016,8 чел/км². Тужгес трос улӥсез вал 1996—1998-тӥ аръёсы, соку Ижын 654,5 адями вал[42], со дырысен улӥсьёслэн лыдзы арысь аре синэ.

Иж котырын улӥсьёслэн лыдзы 700 сюрсысен 1 миллионозь лыдъяське[источник не указан 2133 дня]К:Рувики:Нет источников с куарусёнэ 2018К:Рувики:Статьи без источников (страна: Q159)Q192287ИжQ7930989ИжQ5119ИжК:Рувики:Статьи с утверждениями без источников более 14 дней.

Численность населения
1760[43]1770[43]1780[43]1807[43]1840[43]1862[43]1897[43]1917[43]1923[44]1926[45]1931[46]
20023002000400016 00022 80041 00040 00051 90063 08798 205
1933[47]1937[45]1939[48]1956[49]1959[50]1965[43]1967[44]1970[51]1973[44]1974[43]1975[52]
127 700148 724175 567252 000285 294351 000376 000422 409473 000500 000511 000
1976[53]1979[54]1982[55]1983[43]1985[56]1986[53]1987[57]1989[58]1990[59]1991[53]1992[53]
511 000548 721587 000600 000606 000605 000631 000635 109642 000647 000651 000
1993[53]1994[53]1995[56]1996[56]1997[60]1998[56]1999[61]2000[62]2001[56]2002[63]2003[44]
653 000653 000654 000654 000654 000654 000655 300652 800650 300632 140632 100
2004[64]2005[65]2006[66]2007[67]2008[68]2009[69]2010[70]2011[71]2012[72]2013[73]2014[74]
628 000623 400619 500615 700613 300611 043627 734627 917629 455632 913637 309
2015[75]2016[76]2017[77]2018[78]2019[79]2020[80]2021[3]
642 024643 496646 277648 213648 944648 146623 472
Ижысь ёросъёсын улӥсьёс
Устиновский
  1. Н/Д[81]
Первомайский
  1. Н/Д[82]
Ленинский
  1. Н/Д[83]
Индустриальный
  1. Н/Д[84]
Октябрьский
  1. Н/Д[85]
Завьяловский район
  1. Н/Д[86]
Завьяловский район
100 000
200 000
300 000
400 000
500 000
600 000
700 000
1770
1897
1933
1965
1975
1985
1991
1996
2001
2006
2011
2016
2021
Йӧскалыкъёслэн пӧртэмлыксы

Удмуртилэн шоркараз сюлэсь ятыр пӧртэм йӧскалыкъёс уло. 2010-тӥ арын ортчытэм лыдъян-чотанъя, Ижын улӥсьёс пӧлын кык куиньмосэзлэсь ятырез  — армянъёс, еврейёс, немецъёс но мукет йӧскалыкъёс[87].

Пусйыны кулэ, Ижкар идиш кылын вераськись еврейёслэн Волго-Камской регионысь центры лыдъяське[88]. Еврейёс татын 1830-тӥ аръёсысен уло ини[89][90][91]. Ижкарысь еврейёслэн идиш кылазы удмурт но бигер асэстэм кылъёс пумисько[92][93].

Администрациосъя люкиськемез

Ижысь ёросъёс
Устинов
24,3 км²
Первомай
49,5 км²
Ленин
134,0 км²
Индустри
35,5 км²
Октябрь
87,8 км²
Дэри ёрос
2202,82 км²
Завьяловский район

Ижкар 5 ёросъёслы люкиське[94][95][96][97][98].

Удмурт облисполкомлэн Президиумезлэн 1934-тӥ арын 2-тӥ южтолэзе кутэм Пуктэтэзъя Ижкарын куинь администраци ёрос кылдытэмын вал: Азинский, Жданов но Пастухов. 1945-тӥ арын эшшо кыкез ватсаськиз: Первомай но Октябрь. 1960—1962-тӥ аръёсы Ижын ёросъёс быдтэмын вал[99].

РСФСР-ысь Вылӥ кенешлэн Президиумезлэн 1962-тӥ арын 23-тӥ куартолэзе юнматэм Косэтэзъя, Ижкар выльысь куинь ёрослы люкемын: Ленин, Октябрь, Первомай. 1963-тӥ арын тулыспалэ Индустри ёрос кылдытэмын. УАССР-ысь Вылӥ Кенешлэн Президиумезлэн 1987-тӥ арын 13-тӥ инвожое юнматэм Пуктэтэзъя кылдытэмын Устинов ёрос[100][99].

Промышленность

Ижкар — Удмурт Республикалэн шоркарез, Россиысь городъёс пӧлысь тужгес кужмоез. Татын нуналысь нуналэ ужало промышленностья 50-лэсь ятыр бадӟым ужъюртъёс. Котькудӥз ас удысэзъя: машина поттон, пӧртэм тӥрлыкъёс-арбериос дасян, корт ӵыжатон но мукет:

  • 1929-тӥ арын Ижын нырысьсэ пуктӥзы мартен, нош 1934-тӥ арын — ТЭЦ-1.
  • 1930-тӥ арын кутскиз токарно-винторезной станокъёсты дасян. Быдӟым ож кутскытозь, ог 36 пумо станок кылдытэмын вал.
  • 1932-тӥ арын городын бичаны ӧдъязы мотик. АО «Ижмашын», ГП «Механический заводын» лэсьтылӥзы машина, мотоцикл, спортлы но пӧйшуранлы чаклам ыбылӥськон тӥрлык. «Ижсталь» заводын дасяллязы 90 сюрслэсь трос пӧртэм корт арбериос.
  • Бумага поттылӥзы «Буммашын». Та заводлэсь оборудованизэ ас ужазы кутӥзы пӧртэм кунъёс: Болгария, Франция, Чехия, Словакия, Польша, Китай но мукет.
  • «Аксион» огазеяськон нырысь мотик бичалляз, Быдӟым ож вакытэ басьтӥськиз «Максим» пулемётъёсты дасян борды. 1950-тӥ аръёсы удыссэ нош воштӥз — йӧнатӥськонлы, космослы чаклам аппаратъёс, магнитофонлы кассетаос лэсьтылӥз.
  • Ижысь «Радиозавод» но кутскиз ожгар тӥрлык, инэз эскеронъя приборъёс поттыны. 1966-тӥ арын завод огкыл тупатӥз Америкаысь «Моторола» огазеяськонэн. Озьы Радиозавод телефонъёс дасян борды кырмиськиз.
  • 1908-тӥ арын усьтӥськем «Редуктор» ужан ӧрзэ герӟаз редукторъёс, мотоблокъёс бичанэн. Мувӧй кысконъя тӥрлыкъёс поттӥз «Нефтемаш». Химияя промышленностез валтӥз Пластмасс завод.
  • Азинске нюлэс промышленность но капчи промышленность. Кылсярысь, «Гамбринус».

Дышетон

Вылӥ дышетскон

Ижын 4 кун вылӥ дышетсконниос интыяськемын:

  • Удмурт кун университет;
  • Ижысь М. Т. Калашников нимо кун технической университет;
  • Ижысь гурт возёсъя кун академия;
  • Ижысь эмтодос кун академия.

Озьы ик вань 6 кун вузъёслэн филиалъёссы но кунэн кузёяськонтэм 5 вузъёс.

Огъя дышетскон

Удмуртилэн шоркараз 93 нуназе огъя дышетскон школаос ужало, соос пӧлын: 53 шоръёзо школаос, 12 огъя дышетсконниос, кытын мургес дышетоно нимаз предметъёс вань, 4 гимназиос, 12 лицейёс, 1 валтӥсь школа, 10 нимаз (тупатъян) школаос, 1 огъя типъем школа-интернат. Озьы ик вань 4 ӝытазе (сменной) огъя дышетсконниос.

2013-тӥ арын Ижысь школаосын дышетскисьёслэн лыдзы йылӥз 62 989 адямиозь.

Школа дорозь дышетскон

Ижын 207 школаозь дышетсконниос интыяськемын.

Лыдӟиськонниос

Удмуртилэн шоркараз 25кар лыдӟиськонни усьтэмын. Соос пӧлысь тужгес бадӟымъёсыз:

Лулчеберет

Удмуртиысь Драмая ӟуч кун театр
Удмурт Элькунысь П.И.Чайковский нимо операя но балетъя кун театр
Удмуртиысь кун цирк
М. Т. Калашниковлы сӥзем музей