ГТРК «Удмуртия» (телевидение)

Удмуртиысь заводъёсын ик лэсьтэмын вал. Ижевскысь Пушкинской урам, 206 адресъя выль ӝутэм телецентр быдэс Россиын укмысэтӥез луиз, нош автономи кунъёс пӧлын — нырысетӥез. Ужаны кутскем дырысеныз но туннэ нуналозь Удмурт телевидение ивор вӧлмытон сӧзнэтын валтӥсез луэ.

Историез

Н.И.Петров, Россиысь Искусствоо удысысь сӥё-дано ужась, Кун прнемилэн лауреатэз ― нырысетӥ кивалтӥсез, А.М.Изергина, УАССР-ысь Культура удысысь сӥё-дано ужась ― нырысетӥ редакторез, Н.В.Иванов, УАССР-ысь Культура удысысь сӥё-дано ужась ― нырысетӥ телеоператор, режиссеръёс: А.Соломонов но А.М.Сергеев, звукорежиссер А.П.Гасников, И.Н.Нурмухаметов, Удмуртиысь Искусство удысысь сӥё-дано ужась, средась но мукетъёсыз.

Телевидение рос-прос ужаны кутскиз 1957-тӥ арын инвожо толэзе. Соку передачаос учкисьёс доры арняяз куинь пол вуылыны кутскизы. Арня ӵоже эфирын 289 час висъяськиз, со пӧлысь вещанилы чакламез ― 19 час гинэ, кылемзэ дырез быдэсак кинофильмъёс тырмытъязы. 1958-тӥ арын вещанилэн дырыз 690 часозь будӥз. Эфире арняяз ньыль пол потаны кутскизы. Та дырлы телестудилэн аслаз «Конвас-автомат» киносъёмочной камераез вал ини. Солы луыса, Удмуртилэн улэм-вылэмез сярысь нырысетӥ тележурналъёс кылдытъян борды басьтӥськизы. Та дыре ик ижкарчиос, Москва-Свердловск радиорелейной линиез усьтэмен, Москва телевиденилэсь передачаоссэ учкыны быгатӥзы ни.

«Наша Удмуртия» но «Ижевские оружейники» фильмъёсты учкыны луонлыксы кылдӥз. Та арын ик нырысетӥез удмурт передача потӥз.

Н.С.Хрущёвлэн Удмурт шаере вуылыны чаклам ивор кылӥськемен валче, телестудилы Монреальыысь адӟытонын возьматэм передвижной телевизионной станци (ПТС-3) басьтэмын вал. Никита Сергеевич татчы ӧз ке но вуылы, выль станциез уже кутон телевиденилэсь ужан луонлыкъёссэ юн паськытатӥз. 1962-тӥ арын Ижевск нырысьсэ Европаысь Прага карысь трансляциез кутӥз.

А.А.Артамонов, С.А.Овчинникова, Г.А.Морозова, В.И.Васильев, Э.А.Борисова но мукетъёс.

«Ижевск вечерний» передача. 22 ар ӵоже со ижкарчиослэн яратоно передачазылы пӧрмиз. Котькуд удмуртарня ӝытазе учкисьёс чидатэк возьмаллязы яратоно передачазылэсь выль выпусксэ. Пӧртэм аръёсы сое дасязы но нуизы пӧртэм журналистъёс: В.Николаев, Н.Жаравина, А.Кузнецов, А.Артамонов, С.Овчинникова, Л.Кузьминых, М.Томшич.

«День республики» программа. Та программа ик инъет луиз берло кема дыр ӵоже мынэм «Песочная,13» но туала «Вести.Удмуртия» программаослы.

«Ижевск вечерний» программа.

Мариq Эл, «В семье единой» программа. Та парограммаын кутскем сямъёсвылэ пыкиськыса, берлогес кылдӥзы «Урал ТВ» но «Финно-угорский мир» передачаос.

Е.Казанцев, .Бабушкин, Я.Львовский но режиссер Н.Аносов – ивор лэсьтон удыслэсь ӟечлыксэ эшшо вылэгес ӝутӥзы. Удмуртъёсыз пӧлысь нырысьсэ эфире потӥз А.Прокопьевалэн удмурт йӧскалык крезьгуро культуралы сӥзем «Марӟан» программаез.

«34-тӥ канал» ― творческой огазеяськон. М.Томшич, С.Овчинникова, Н.Аносов, В.Матвеев, Л.Соротокина ― солэн кичӧлтӥсьёсыз выль передачаосын сузьетъёс дасяны кутскизы. Кӧня ке дыр куспын та авторъёс но режиссёръёс Удмурт телевиденилэн визитной карточкаез луизы. ГТРК «Удмурти»-лэн нырысетӥ сетевой партнёрез луиз НТВ, собере 1998-тӥ арысен кӧня ке ар ӵоже РЕН-ТВ телекомпаниен кусыпъяськиз.

А.М.Сергеев, ачиз телевидениын 40 ар тыршемез бере «Школа телевизионного мастерства» (ШТМ) усьтӥз. Татын двшетскемъёс берло асьсэос авторской передачаос дасян бордын ужалязы. Школаын бадӟым опытэн журналистъёс но режиссёръёс дышетэм сяна, дышетыны вуылӥзы Москваысь Телевидения но радиовещания тодонлыкез будэтонъя институтысь тодосчиос. Людмила Михайловна Прокашевалэн юрттэмезъя, удмурт телевидениын пӧртэм аръёсы ужам тодмо журналистъёслы сӥзьыса, та ньылетӥез Буре выаён пул луиз. Нырысетӥез юнматэмын Пушкинской урамын (Пушкинская, 206), 1956-1980 аръёсы Ижевск телестудилэн интыяськем юртаз. Кыкетӥез ― Удмуртиысь нырысетӥ сӥё-дано журналистлэн Галина Морозовалэн улэм юртаз, Пушкинской урамын. Куинетӥез ― Альфред Артамоновлэн улон но ужан юртаз (Холмогорова, 12).

2005-2007-тӥ аръёсы быдэсак воштэмын вужмем оборудовани. Выльзэ инъям-тупатъям бере, «Радио России»-лэн но «Маяк»-лэн трансляциосаз пыриськыны луонлык кылдӥз. 2008-тӥ арын огъя локальной сеть кылдытэм бере, ГТРК «Удмурти»-лэн передачаосыз шаерысьтымы пыдло интыяськем гуртъёсы но шугъяськытэк вуыны кутскизы.

Удмурт передачаос

Удмурт телепередачаослэн историзы кутскиз «Литературные кружки УГПИ» передача. Сое кылдытон бордын ужазы К.Михайлов но режиссёр А.Сергеев. Удмурт кылын дасям передачаослэн лыдзы пумен будыны кутскиз. Тросэз соос сӥземын вал тодмо удмурт гожъяськисьёслэн, суредасьёслэн, крезьгурчиослэн творчествоенызы тодматонлы. Озьы ик телевидение пыр возьматъязы Удмурт театрын мынӥсь спектакльёсты. Со дыре удмурт ӧнерчиослэн тырмымтэенызы сэрен, удмурт кылын мынӥсь передачаос эфире шергес потазы.

Иворъёсын удмурт программаослы кутскон сётӥз толэзьлы быдэ потӥсь «Дунне та нуналъёсы» («Мир в эти дни») передача. Со 1960-тӥ арысен потыны кутскиз. «Арня куспын» («Новости недели») программа. Берлогес «Нунал бӧрсьы нунал» («День за днём») нимаськиз. «Шаер» («Родной край»), «Шаермылэн вамышъёсыз» («Шаги родного края»), «Улон-вылон» («Житьё-бытьё»). Озьы ик ялан потазы нимысьтыз егитъёслы но нылпиослы сӥзем передачаос: «Визьмын, кужмын, эшъёсын» («Знание, ум ение, дружба»), «Ми будӥськом» («Мы растём»), «Чингыли» («Колокольчик»), «Рос-прос» («Знай и умей»). Ӵемысь та передачаосын, кырӟан но выжыкыл-кылбур кылзэм сяна, журналистъёс тодматылӥзы пӧртэм ӧръёсын висъяськем сэзь но визьмо нылпиосын. Телевиденилэн соцслужбаезлэн эскеронъёсызъя, тужгес кельшымонъёсыз пӧлы пыртэмын: «Шаер» ― иворъёсын программа, «Улон-вылон» ― информационно-публистической программа, «Марӟан» ― крезьгуро программа, «Такъян» ― нылкышноослы сӥзем проблемно-публицистической программа но егитъёслы сӥзем «Питран» программа. Берлогес тужгес яратоноез но аспӧртэмез луиз «Мылысь-кыдысь» передача. Сое дасян бордын кема аръёс ӵоже ужазы В.Сидоров, А.Федотова но режиссёр Н.Эскандеров. Йӧскалык вещаниез азинтон пумысь учкисьёслэсь куронъёссэс лыдэ басьтыса, «Хаерле кич!» («Добрый вечер!») программа. Кызьы шуизО.К.Шибанов, УАССР-ысь телевидения но радиовещания кункомитетлэн кивалтӥсез, берло ГТРК «Удмуртия»-лэн генеральной директорез, удмурт калыклэн ӧвӧл мукет интыез, мукет шаерез, кытын кылдытӥськозы но азинскозы удмурт передачаос.