Иж-Вотка восстание

Википедиысь материал

РАН экспертиза

Logo-ran.png
Экспертизаез ортчытӥз
Россиысь Тодосъёсъя Академия
Пыр-поч лыдӟе
Aprove.svg

Экспертиза РАН

Arrow-Right.png
Logo-ran.png
Экспертизаез ортытӥз
Россиысь Тодосъёсъя Академия
Поыр-поч лыдӟе
1918-тӥ арын пуромем Иж-Вотка бугыръяськон
Валтӥсь конфликт: Граждан ож Россиын
Дырыз 1918-тӥ арын 8-тӥ гудырикошконысен — 1918-тӥ арын 14-тӥ шуркынмонозь
Интыез Прикамье
Мугез Ижысь но Вотка заводъёсысь ужасьёслэн эрико вузаськонэз алэмзылы но кулэстэм уждунлы йыркуръяськемзы, ужасьёсты Горд армие кутыны тыршемзы, совето власьтлэн политикаеныз крестьянъёслэн тэрытӥськымтэзы
Йылпумъян Горд армилэн вормемез
Тушмонъёс

Прикамье шаерлэн Ижысь но Воткаысь войскоосыз

РККА-лэн 2-тӥ армиез,
3-й армии РККА-лэн 3-тӥ армиезлэн нимысьтыз частьёсыз

Кивалтӥсьёс

Д. И. Федичкин,
Г. Н. Юрьев

В. М. Азин,
В. И. Шорин,
Р. И. Берзин

Пумит луись кужымъёс

Пӧртэм ивортонъёсъя, 7—8 сюрсысен 12—20 сюрс но 25 сюрс адямиозь [1]

16 полк, 230 пулемёт, 55 орудие, 8 самолёт, 2 бронепоезд. Ваньмыз 17 сюрслэсь ятыр адями[1]

Иж-Вотка восста́ние (совето историографиын озьы ик Иж-Вотка антисоветской мятеж сямен тодмо; ӟуч: Ижевско-Воткинское восстание) — Прикамьеын «Фронтовикъёслэн союззы» огазеяськон кивалтэм улсын большевикъёслы но эсер-максималистъёслы пумит ожтӥрлыкъёсын нюръяськонэ ӝутӥськон (1918-тӥ арын 8-тӥ гудырикошконысен—14-тӥ шуркынмонозь). Бугыръяськонлэн шорсюлмыз Иж но Вотка луизы, ӵапак татын обороная бадӟымесь кун заводъёс интыяськылӥзы. Тужгес зол пуромон вакытаз восстание 1 миллион улӥсен интывылын ӧръяськиз (туала Удмуртилэн бадӟым люкетаз), властьлы пумит ӝутскем армие пыриськемъёслэн лыдзы 25 сюрсозь вуиз[2]. Мукет ивортонъёсъя, 7—8 сюрс адями гинэ пыриськиз[1]. Восстанилэн пусйымон тодметэз: отчы Ижысь но Воткаысь ужасьёс пыриськизы, со дыре ик бадӟым люкетэз мукет ужасьёс нейтралитет возизы[3][4]. Ваньмыз «Большевикъёстэк Советъёс понна» лозунг бордысен кутскиз. Та ужасьёслэн совето властьлы пумит тужгес бадӟымез ӝутӥськонзы луиз[5].

Бугыръяськонлы муг

Ужасьёслэн улон-вылонын югдурзы

Асьсэ семьяосынызы ӵош Ижысь но Воткаысь ужасьёс, та каръёсын улӥсьёс сярысь, 73—74 % вал, урал пролетариатлэн нимысьтыз типез пӧлы пырылӥзы. 1918-тӥ арын куартолэзе Ижысь заводын 26,7 сюрс, Вотка заводын 6,3 сюрс ужасьёс пусъемын вал[4]. Соослэн инъетсы выжызыя кадровой ужасьёс вал, со дыре ик котькуд выль поколение со заводъёсын ик, ӵем дыръя атайёссы сямен со станокъёс сьӧрын ик тыршизы. Палэнысь лыктэмъёсын ӵошатыса, та палъёсысь ужасьёс вылӥ квалификациен но оскымон луэменызы висъяськизы[6].

Иж заводысь пыӵалтӥрлыкъя усточиос. 1880-тӥ аръёс

Котьма ке но, ужасьёс пӧлысь бадӟым люкетэз гуртъёсынызы кусыпъёссэс ӧз ыштылэ. Соос пӧлысь тросэзлэн подсобной хозяйствозы, сад-бакчазы вал, пудо но тылобурдо вордылӥзы. Коньдонэ берыктоно ке, подсобной хозяйстволэсь поттэм табыш Ижысь пыӵалтӥрлык поттон заводын ужасьлэн шоро-куспо уждунэзлэсь 15-27 процентэз люкаськылӥз[6].

«Ожгар коммунизм  [ӟуч] (удм.» политикаен валче большевикъёс эрико вузкаронэз алӥзы, та иж ужасьёс но артысь гуртъёсын улӥсьёс пӧлын йыркуръяськон мылкыдзэс ӝутӥз но восстанилэн огез мугез луиз[7].

Йыркуръяськонъёслы мукет мугъёс пӧлын вал: ужтэк кылемъёслэн йылэмзы (1918-тӥ арын куартолэзьлэн кутсконаз 7 сюрслэсь ятыр ужзэс ыштэмъёс пусъемын) но уждунлэн усемез (1913-тӥ арын сярысь ог 40 %). Со сяна, гудырикошконлэн кутсконаз Ижысь большевикъёслы дурбасьтӥсь 8 сюрс ужасьёс кошкизы — таос пӧлысь куд-огез Ватка губерниысь интывылъёсы партийной уже ыстэмын вал, унозэ Горд армие мобилизовать каризы[8].

Ижысь политикая огазеяськонъёс

Февраль революция  [ӟуч] (удм. быдэс Россиын мерлыко но партийной огазеяськонъёслы йырзэс ӝог ӝутыны луонлык сётӥз.

1917-тӥ арын 4-тӥ куартолэзе Россиысь ужасьёслэн социал-демократической партиысь огазеям Ижысь организациын большевикъёс но меньшевикъёс куспын тупаны луонтэм ваче вуон-люкиськон луиз. Со вакытэ карысь большевикъёслэн огазеяськоназы 36 ёзчиос вал. Лачак ужасьёс дурбасьтэмен, Октябрь революцилы  [ӟуч] (удм. отын одӥг но ӝыны сюрслэсь ятыр адямиос пусъемын вал.

1917-тӥ арын гужем шорын Ижын эсер-максималистъёслэн огазеяськонзы кылдӥз[9]. Ӝоген максималистъёслэн движенизы зол паськытаз, нош Иж но Вотка Россиысь максималистъёслэн движенизылэн шорсюлэмзы луизы[6]. Большевикъёслы максималистъёс куддыр дурбасьтылӥзы, но дырын-дырын паллян ласянь лек курлаллязы. 1917-тӥ арын сӥзьыл Ижын Горд гвардилэн  [ӟуч] (удм. отрядэз кылдытэмын вал, отысь ожгарчиос карын но Прикамьеысь завод каргуртъёсын совето властез юнматыны юрттылӥзы[9].

Ижысь ужасьёслэн демонстрацизы

1918-тӥ арын оштолэзе та кык паллян партиос куспын ожтӥрлыкъёсын ваче вуон пуромиз. Озьы ке но бератаз большевикъёс но максималистъёс меньшевикъёслэн но бур эсеръёслэн блоксылы пумит ужан вылысь огазеяськизы[9].

Со дыре ик большевикъёсын лэсьтэм янгышъёс, нырысь ик — гурт удысысь политикаез пыӵатонын, Ижын но артысь гуртъёсын улӥсьёс пӧлын йыркурзэс ӝутӥзы. Большевикъёслэн данзы пумен усьыны ӧдъяз, 1918-тӥ арын оштолэзе—куартолэзе Ижысь огазеяськонэ пырисьёслэн лыдзы 1700-сен 250-озь кулэсмиз. Паллянъёслэн блоксылэн усем данзы вылын ультрареволюционер максималистъёслэн ужъёссы но шӧдскизы. Ижъёс пӧлын йыркуръяськонъёсын валче максималистъёс заводын ужасьёс радын дано луэм меньшевик Сосулинэз виизы[9].

1918-тӥ арын куартолэзе улосысь кичӧлтон-кивалтон меньшевикъёслэн блоксы но бур эсеръёс кие выжиз. Гужем, Мускоын куартолэзь шорын эсеръёслэн ЦК партизылэн ортчем VIII кенешаз ожтӥрлыкен бугыръяськон ӝутон пумысен огкылэ вуэмзы бере, Иже восстаниез радъян вылысь ЦК-лэн ПСР-ысь ёзчиосыз Н. Н. Иванов но И. И. Тетёркин вуизы.

Со дыре большевикъёс кык пол (куартолэзь но инвожо пумын) Ижысь Кенеше быръёнъёсты келязы, та учыръёс бере большевикъёс но максималистъёс, Кузонысь юрттэт басьтыса, Кенешез пазьгизы, карысь власть нырысь большевикъёсын но максималистъёсын тырмем выль исполком кие выжиз, нош отӥяз — большевик С. И. Холмогоров кивалтэм улсын Ижысь ожгар-революционер штаблы. Кенешез пазьгемзы но отӥяз оппозицияя партиысь азьветлӥсьёссэс арест улэ келян учыръёс ижъёс пӧлын йыркуръяськонъёсты кужмоятӥзы[10].

Бур социалистъёслэн позициоссы соос пӧлы карысь «Фронтовикъёслэн союззы» кариськем бере юнмаз. Та огазеяськонэ Нырысетӥ дунневыл ож пыр потэм ветеран солдатъёс но офицеръёс пыриськизы. Соин солдатъёс но унтер-офицеръёс кивалто шуыса лыдъяськиз ке но, «Фронтовикъёслэсь союззэс» эсеръёс но меньшевикъёс сярысь золгес антисоветской позицие султэм офицеръёс валтӥзы. Огазеяськонын ог 4000 ёзчи пусъемын вал, уноезлэн дораз ожтӥрлык утиськиз. Ӵапак со восстаниын валтӥсь кужым луиз[2].

Бугыръяськонлэн кутсконэз

Ижкар

1918-тӥ арын 6-тӥ гудырикошконэ Чехословак корпус но Калык армия омырскем улын Кузонлэн усемез Ижын бугыръяськонъёслы кутскон сётӥз. Совето союзлы пумит кужымъёслэсь урдскемзэс зӥбломытон понна Ижкарын мобилизация ялӥзы. Большевикъёслэн но максималистъёслэн валтӥсь кужымзы фронтэ кошкиз, каре кӧня ке дасо гинэ красноармеецъёс но милиционеръёс кылизы. Та югдурез ик восстаниез радъясьёс уже кутӥзы[9].

Ижысь пыӵалтӥрлык лэсьтон но андан ӵыжатон заводъёс, ог 1916-тӥ аръёс

7-тӥ гудырикошконэ ӵукна большевикъёс митинг люказы, ужасьёсты кылзӥськыны но фронтэ мыныны косӥзы. «Фронтовикъёслэн союззы» большевикъёс азе ужасьёсын дурбасьтэм 10 пунктлэсь куронъёс пуктӥзы, соос пӧлын заводысь вань мобилизованнойёслы пыӵалтӥрлык но обмундирование сётыны но ваньзэс ӵош келяны тужгес кулэез вал[11].

Большевикъёс вань куронъёсын тэрытӥськизы, пыӵалтӥрлык Огырчи станциын сётэмын луоз, шуизы. Но карысь кошкыны мылкыд карисьтэм фронтовикъёслы та ӧз яра. Талы пумит соос большевикъёсын пыӵалтӥрлык али люкылон сярысь палэнтэм куронэз быдэстыны косыса ультиматум ялӥзы. Та учыр бере митинг кутскиз, большевикъёс сое буйгатыны медо вал, но ужасьёс ӧз пазьгиське. «Фронтовикъёслэн союззылэн» Солдатов тӧроезлэн ӵектэмезъя, ужасьёс Казанской ульчаетӥ шествиен потӥзы. Со нуналэ ӝыт Солдатов но «Фронтовикъёслэн союзысьтызы» уноез ёзчиос ӝегатэмын шуыса, иворъёс вӧлмизы[12].

8-тӥ гудырикошконэ вазь ӵукна завод гудок чузъяськиз, со восстанилы сигнал сётэм луиз. Карын митингъёс кутскизы. Огаз валъёсын куинь милиционеръёс вуизы, соос пӧлын Ижысь милицилэн кивалтӥсезлэн воштӥсез Большаков но вал. Митинге люкаськемъёс вылаз омырскизы. Инме ыбылэмез бере, Большаков мозмытскыны быгатӥз, кыксэ милиционеръёсты валъёс вылысь кыскизы, соослэсь пыӵалтӥрлыксэс талазы но соосты жугизы[13]. 9 часын ӵукна калык завод склад пала вамыштӥз, татын дась винтовкаосын патронъёс утиськизы. Складэз утись пленэ сюрем австриецъёс киысь ожтӥрлык таламын вал, бугыръяськонэ ӝутскемъёс пыӵалтӥрлыкез куспазы люкылыны ӧдъязы[14][11].

«Фронтовикъёслэн союзысьтызы» офицеръёс восстание ӝутскемъёслэсь отын ик отрядъёс кылдытӥзы, соос заводэз но карлэсь Заречной паласьтыз оглюкетсэ киултӥзы, Иж шур сьӧрысь карлэн Нагорной люкетаз дугдэм кӧня ке кузя красноармеецъёс вылэ урдскизы.

Гордъёслэн оборонаенызы ожгар комиссар П. Н. Лихвинцев кивалтӥз. Ижысь большевикъёслэн ваньмыз-ӧвӧлэз таӵе кужымзы вал: куамын солдатъёс ожгар отделэ юнматэмын, витьтонэз — Кенешын, ог сю адями мукет объектъёсты утиз[15].

Восстание ӝутскемъёслэн кужымзы трослы бадӟымгес вал. 8-тӥ гудырикошконэ соослэн радазы 6000 пала мурт пусъемын вал, пӧлазы ог 300 офицеръёс, 3000 фронтовикъёс но 3000 ужасьёс[16]. Мукет ивортонъёсъя, офицеръёс кӧня ке дасо кузя гинэ вал[17].

Нунал ӵоже гордъёс пулемёт тылын бугыръяськисьёсты Иж шур вамен Советъёслэн юртазы мынонлэсь дугдытыны тыршизы, но уйлы пумит властьлы пумит ӝутскемъёс Гольяны станциысь Иже кӧня ке ящик патронъёс вуттӥзы но дӥсьтыса наступление потӥзы[12][18]. Карез утьыны уз луы шуыса валаса, гордъёс чигназы. 8-тӥ гудырикошкон йылпумъяськыку, Иж быдэсак бугыръяськисьёс ки улын вал ни[19].

Ижысь пегӟыкузы, большевикъёс ожтӥрлыкен складэз пуштытыса ӧз вуттэ, таин валче восстание ӝутскемъёс ки улэ ог кык миллион патронъёс, 12 ящик гранатаос, 11 «Ма́ксим» пулемётъёс сюризы[15].

Вотка

8-тӥ гудырикошконэ Иже фронтовикъёслэн Воткае ожтӥрлык ӝоггес келяны курись делегацизы вуиз. Та куронзылы пумит Ижын 250 адямилэсь рота кылдытэмын вал, котькуд ожгарчи быдэн кык винтовка нуыны кулэ вал. Ротаен азьвыл полковник Власов кивалтӥз. 17-тӥ гудырикошконэ восстание ӝутскемъёс Вотка доры вуизы[20].

Воткаын большевикъёс карез утьыны дасяськизы, но иж рота Воткаез мукет палтӥз котыртӥз но воксё витьымтэ интыысь урдскиз. Со сяна, ож кутскем бере вотка фронтовикъёс, револьверъёсты но винтовкаосты кутыса, красноармеецъёс вылэ мышкысен омырскиз. Ульчаын ожмаськон куинь час кыстӥськиз. Гордъёс пазьгемын вал, соос Дэбес но Шаркан черкогуртъёс пала пегӟизы. Воткаын ожгар комендантлы азьвыл капитан Г. Н. Юрьев юнматэмын вал. Воткаын социал-демократъёс но социал-революционеръёс асьсэ правительствозэс кылдытыны ӧдъязы[20].

Восстание ӝутэмъёслэн шаерзы

Властез радъян

Ижын вормемзы бере восстание ӝутскемъёс азьын кивалтонэз радъян ужпум султӥз. Калыклы нырысетӥ вазиськонын ик ялэмын вал, Ижкар Россиын одӥг гинэ но законъя вылӥ властен лыдъя Самараын огдырлы интыяськем Россиысь Учредительной собранилэсь комитетсэ  [ӟуч] (удм.. Интыысь Кенеш «классовой ужась огазеяськонэн гинэ» ялэмын вал. Таин валче властез Советлэсь выль кылдытэм структурае — Учредительной собранилэн Комитетэзлы — законъя ӟечкын сётыны малпамын вал. Со понна Ижкар Кенешлэн исполкомаз 1918-тӥ арын 10-тӥ гудырикошконэ интыысь вуоно КОМУЧ-лэсь ёзчиоссэ пыртӥзы. Учредительной собранилэсь комитетсэ радъяны оскизы Ижкарын улӥсь Россиысь Учредительной собранилэн ёзчиезлы, Ватка губернилэсь быръем муртлы Василий Иванович Бузановлы[21].

Ижысь Кенешлэн исполкомез но президиумез выльдӥзы, бератаз Кенеше но быръёнъёс ортчытӥзы. Большевикъёсты но, эсер-максималистъёсты но, анархистъёсты быръёнъёсы пыриськыны ӧз лэзе[22]. Кенеш, зэм, вакчи дыр ӵоже гинэ ужаз: 1918-тӥ арын 17-тӥ гудырикошконэ ик, Воткаын восстание пыриськисьёс вормон нуналэ, Ижысь Кенеш кивалтон биньгозызэ выль органлы сётӥз — Учредительной собранилэн ёзчиоссылэн Прикамьеысь комитетсылы, таиз Ижын 1918-тӥ арын 7-тӥ шуркынмонозь кивалтӥз[21].

Прикамьеысь КОМУЧ 27-тӥ гудырикошконысен 1-тӥ куарусёнозь быдэсак кылдӥз, отчы эсер партилэсь Учредительной собрание быръем куинь депутат пыриз: В. И. Бузанов (эсеръёслэн партизылэн интыысь комитетсылэн йырыз), А. Д. Корякин, Н. И. Евсеев. 1918-тӥ арын 9-тӥ куарусёнэ пӧлазы эшшо одӥг ёзчиез — К. С. Шулаковез — юнматэмзы бере, «вылӥ четвёрка» кылдӥз. Прикамьеысь КОМУЧ Самараысь КОМУЧ-ез валтӥсь органэн лыдъялляз, нош ассэ — солэн интыысь структураен. 9-тӥ куарусёнэ Прикамьеысь КОМУЧ восстание пыриськемъёсын киултэм интывылын кивалтонэз радъянъя административной реформа ортчытэм бере, Совето власть Прикамье палан быдэсак быдтэмын вал[23][21].

«Меӵак демократия» шӧлкын Воткаын кивалтон ёзэз кылдытон ортчиз — «Вотка карын улӥсьёслэн митингазы» постановление кутэмын: «Советъёслэн политикая властьсы быриз», «Россиын та дырлы законъя одӥг гинэ власть луэ — огдырлы Самарын интыяськись Россиысь Учредительной собранилэн Комитетэз», «Ижын но Воткаын но соос котырын, Учредительной собраниен кусып тупатытозь, вань кивалтон огдырлы Учредительной собранилэн ёзчиосыз Н. И. Евсеев, А. Д. Корякин но В. И. Бузанов кие выже, соос Учредительной собранилэсь Прикамьеысь интывыл комитетсэ кылдытыны быгато, Учредительной собранилэн Комитетэз азьын котькуд вамышсы понна кылкуто»[21].

Сарапулын интыысь Ужась депутатъёслэн Кенешсылэн исполкомезлэн постановлениеныз большевикъёсын кылдытэм органъёс озьы ик быдтэмын вал, «вылӥ граждан властен» ялэмын «ужзэ быдэсъясь органлэн карысь мерлыко управлениез — кар управа». Управа бордын, интыысь аскивалтонлэн коалициялэн кутсконэз сямен, Думалэн кык ёзчиосыныз, Шор фабрично-заводской ужасьёслэн комитетысьтызы кык ёзчиосын но уезд земстволэн одӥг оскем муртэныз «коньдонъя комиссия» кылдытэмын вал[21].

Прикамьеысь КОМУЧ-лэн политикая курсэз Сарапулысь КОМУЧ-лэсь программаеныз огкылысь ӧръяськиз. Прикамьеысь власть кун расходъёсты эскерылӥз, интыысь кивалтон ёзъёсты юнматъяз. Воткае но Сарапулэ уезд комиссаръёслэн правоосынызы нимысьтыз уполономоченнойёс юнматэмын вал. «Учредительной собрание улсын калык властез кылдытон», «комиссародержавиез куштон», нош бератаз — «союзникъёслы оскымон» но «германо-большевизмен нюръяськон» лозунгъёс программаен ялэмын вал[21].

Интыысь аскивалтон

9-тӥ куартолэзе юнматэм 4 номеро постановления Прикамьеысь КОМУЧ шор но интыысь кивалтонэз радъянъя вӧл-вӧл программа шараяз. «Советъёслэн но соослэн Комитетъёссылэн политикая властьсы» быдтэмын. «Советъёс ас мылкыд каремзыя кылдытэм пролетарийёслэн но ужась крестьянстволэн классовой огазеяськонъёссы сямен гинэ ужаны быгато» шуыса, пусъемын вал. «Огъя, меӵак, огкадь но лушкем быръён право вылэ пыкиськыса радъям» кар но земской аскивалтон ёзъёслы «вань правооссэс» берыктӥзы. Таос 1917-тӥ арысь Огдырлы кылдытэм правительстволэн законъёсызъя ужазы.

Советъёсты земствоосын но кар управаосын воштонэз «ужъёсты сётон» но совето коньдон ужпумъёслы ревизия ортчытон амалэн пумен радъяны чакламын вал. Со дыре ик «Огдырлы кылдытэм правительстволэн волостьысь но уездысь земство сярысь положениезъя, волостьысь но уездысь гласнойёсты шонер быръёнъёс дасян борды» кутсконо вал. Озьы ик земской аскивалтонлы «ужъёсты сётон» сямен музъемъя но сиён-юонъя комитетъёс быдтэмын вал.

Постановление таӵе вазиськонэн йылпумъяськылӥз: «вань калыкез, вань улэп кужымъёссэ, вань интеллигенциез ӧтиськом аскивалтон ёзъёслы секыт но кылкутымон ужазы юрттыны; февраль революциысь та быдӟа вормонэн басьтэм интыысь аскивалтон ёзъёс котыре юн кульчоен огазеяськыса, сое интыысь мерлыко улонлэн зэмос центрез карыны, малы ке шуоно интыысь улон ёзъёслэн аскивалтонъя юн инъетсы вылын гинэ Россиысь курадӟытэм дуно родинамес выльысь улӟытыны луоз, со инъет вылын гинэ Учредительной Собранилэн шор властез али дырын ӝутскыны быгатоз но азьланяз вань калыкен быръем парламентъёс ужалозы». Таин валче интыысь аскивалтон кун кивалтонлэн вуоно вертикаляз нырысетӥ интыын адӟытэмын вал[21].

Ожгар власть

Восстание ӝутэмъёслэн шаеразы, граждан власть сямен ик, кужмо ожгар власть нырысь «Фронтовикъёслэн союззылэн» штабез киын вал, нош отӥяз, Калык армия кылдэм бере, солэн штабез кие выжиз[24]. 1918-тӥ арын 7-тӥ куарусёнэ КОМУЧ ожгар но граждан властез люконъя кулэлык понна дурбасьтӥз, озьы Прикамьеысь Калык армилэсь штабзэ кылдытыны лэзиз, Главнокомандующие полковник Федичкинэз юнматӥз. Вотка Калык армиен капитан, заводысь комитетлэн ёзчиез Г. Н. Юрьев кивалтӥз, 1918-тӥ арын 20-тӥ коньывуонысен, Федичкинэз отставкае келямзы бере, Прикамьелэн Главкомез луиз. Вакчи дыр куспын пыӵалтӥрлыкен узырмытэм но интыысь улӥсьёс пӧлысь быръем бадӟым опытэн но нимо-дано командиръёсын кивалтоно ожмаськыны быгатӥсь ожгар кужымъёс кылдытэмын вал. Приказъёсты кутон радлыкъя соосты нырысь ик одно куинь муртэн юнматыны чакламын вал: Прикамьеысь Калык армилэн Главнокомандующиеныз, Фронтовикъёслэн союззылэн оскем муртъёсыныз но интыысь ужась депутатъёслэн Кенешсылэн ёзчиеныз. Сарапулын интыысь властьлэсь решениоссэ фабрично-заводской комитетлэн делегатъёсыз юнматъязы[21].

Директорияя кариськон

23-тӥ куарусёнэ Уфа Директория  [ӟуч] (удм. кылдэм бере, Прикамьеысь КОМУЧ, интыосысь мукет большевикъёслы пумит кылдытэм но Директорилэсь кылзӥськись правительствоос сямен ик, быдтэмын вал. 14-тӥ коньывуонэ Евсеев Прикамьеын граждан властез Директорилэн чрезвычайной уполномоченноез сямен быдэсак ас кияз кырмиз, нош В. И. Бузановез, А. Д. Корякинэз но К. С. Шулаковез воштӥсьёсыз кариз. Ижкар борды юнматэм завод посёлокъёсын граждан власть Евсеевлэн нимысьтыз оскем муртъёсыз кие сётэмын вал[25].

Самаралэн кивалтэтэзлэсь вылӥ луэмзэ пусъён кык центръёс куспын меӵак кусыпъёс тупатыны кулэ луэмез возьматӥз. Куарусён пумын Ижкаре Самараысь КОМУЧ-лэн делегатъёсыз — эсеръёс Шмелёв но Шелумов — вуизы. Соос коньдон вайизы но азьланяз юрттэт сётыны дась луэмзэс возьматӥзы. Городын кӧня ке нунал улыса, Шмелёв Уфае кошкиз, нош Шелумов Самараысь уполномоченнойлэн правоосыныз каре кылиз. Солэн кивалтэмез улсын кылдытэмын вал фронтэ потэм нимысьтыз «Учредительной собранилэн ротаез» (ачиз со ӝоген ожын быриз). Куарусён толэзьысен Уфаен Самараен кусыпъёс юнмазы. Прикамьеысь «Ижевский защитник» но «Воткинская жизнь» газетъёслэн бамъёсазы Уфаысь Кун Кенешлэн ужамез сярысь ивортонъёс, Уфаысь Директорилэн грамотаосыз но приказъёсыз печатласькизы. Озьы ке но Омскын 1918-тӥ арын 18-тӥ шуркынмонэ ортчем переворот сярысь иворлы, восстаниез ӝутэмъёсты вормемзы бере ини, интыысь кивалтӥсьёс Самараысь КОМУЧ-ысь ӵош ужась эшъёссы сямен ӧз вазиське. Прикамьеысь Калык армилэн штабез «Колчакен союзэ» мынон сярысь огкылэ вуиз, солэсь властьсэ, «демократилэн нормаосызлы» пумит луись ке но, одно ик кулэ но кулэ луись шуыса лыдъяз. Верховной Правителез данъямез Прикамьелэсь Тӧдьы движениен кусыпсэ юнматӥз, нош иж но вотка частьёс восстаниез пазьгемзы бере Ӟуч армие пыризы но 1922-тӥ арозь ожмаськонъёсы пыриськизы[21].

Восстаниын вормем властьлэн нырысетӥ вамышъёсыз

Выль иж властьлэн одӥгез нырысетӥез кутэм ужрадэз — большевикъёсын азьвыл алэм эрико вузкаронэз радъяны луонлык сётон вал. Осадаын улонлы, адямиез кужмысь быдтонлы пум понӥзы[26].

Кивалтӥсьёс понна Иж заводын ожгар вуз поттон валтӥсь интыын луиз, со восстаниез ӝутэмъёслэсь армизэс кылдытон понна кулэ вал. Заводын ужез радъян вылысь кӧня ке ужрадъёс кутэмын вал. 8-тӥ—10-тӥ гудырикошкон понна, завод ужамтэ нуналъёс понна, уждун тыремын луоз шуыса, ялӥзы. Тупатэм вылӥ нормаез быдтӥзы, нормалэсь трос вуз поттэм понна ватсаса уждун тырон каризы. Агитацияя амалъёс но кутэмын вал: восстанилэсь кужымзэ но вормонъёссэ юнматон вылысь ужасьёсты ӟечгес тыршыны ӧтизы[27].

Большевикъёслэсь ужан политиказы улсын ортчытэм троссэ мертэтъёссэс выль кивалтӥсьёс ӧз воштэ, ужасьёслэсь мылкыдъёссэс лыдэ басьтыса. Азьвыл уждун тырон ставкаос кельтэмын вал, совето властьлэсь ужан условиос, социальной гарантиос сярысь азьвыл декретъёссэ озьы ик кельтӥзы. Восстаниез ӝутэм властьлэн тросаз кивалтоно ужрадъёсаз огкадь карон шӧдӥськиз. Озьы, кылсярысь, Прикамьеысь КОМУЧ постановление кутӥз, офицеръёс но, солдатъёс но, ужасьёс но огкадь уждун басьтыны кулэ шуыса[28].

Восстание пыриськемъёслэсь армизэс кылдытон

Восстаниез ӝутэм кивалтӥсьёс бугыръяськонъёслэн нырысетӥ нуналъёсысеныз ик ялан ужась армия кылдытон пумысен ужрадъёс кутыны кутскизы. 10-тӥ гудырикошконэ Советлэн исполкомез аслэсьтыз калык армизэ кылдытон сярысь огкылысь вуиз. Солы инъет полковник Федичкинлэн 9-тӥ гудырикошконэ красноармеецъёслэсь контратаказэс пазьгон понна кылдытэм 300 адямиен отрядэз луиз[2]. 14-тӥ—19-тӥ гудырикошконэ отрядэ пыриськисьёслэн лыдзы ас мылкыд каремъя бордазы итӥськемъёсын ӵош 800 адямиозь йылӥз, кӧня ке ротаос кылдытэмын вал. Войскоос красноармеецъёслэсь талам 32 пулемётъёсын юнматэмын вал. Иж завод уй-нунал куспын восстание пыриськисьёслэсь кылдӥсь армие 2500-озь винтовка ысъялляз[29]. Обороная штабе Цыганов, Солдатов капитанъёс но Зебзиев поручик быръемын вал[17].

Ижысь Фронтовикъёслэн огазеяськонзы. 1918-тӥ ар

Калык армилэн штабезлэн косэмезъя, 24-тӥ гудырикошконэ ыбылӥськонъя рота быдэн 2 ёзэтъёсысь 4 взводъёсын валтӥсь тактикая единица чотын пуктэмын вал. Котькуд ротаын 100—250 ожгарчиос вал. Ижкарысь ожгар частьёслэн огъя лыдзы та вакытэ 6 сюрс 300 адямиозь вуиз, соос пӧлын 300 офицер, 3 сюрс фронтовик но 3 сюрс пала ужась-доброволецъёс вал[29]. Ачиз армия ополочение выллем вал, малы ке шуоно отын званиос ӧй вал, сое тревога дыръя гинэ люкаллязы[5].

Восстанилэн нырысетӥ нуналаз ик Воткаын озьы ик ожгар частьёс кылдытыны кутскизы. 17-тӥ гудырикошконэ Воткаысь калык армилэн штабез кылдӥз, кивалтӥсез штабс-капитан Г. Н. Юрьев луиз. Воткаысь ожгар кужымъёслэн командующийзы капитан Нилов луиз, сое 2-тӥ куарусёнэ капитан Журавлёв воштӥз. Со нуналэ ик Воткаын 1-тӥ но 2-тӥ ыбылӥськон ротаос, валъёсын отряд но 2-тӥ орудиослэсь батарея кылдытэмын вал, соосын поручик А. Н. Наугольных, капитан Г. И. Мудрынин, ротмистр М. И. Агафонов но подпоручик Семёнов-Дыговский кивалтӥзы[29].

Восстание кужмоямен но вӧлскемен, армиын воштӥськонъёс ортчизы. Ижысь Калык армиен кивалтӥсь полковник Федичкин Прикамье шаерысь войскоослэн главнокомандующийзы луиз, Иж но Вотка армиосты огазеяз[5], нош Ижысь Калык армилэн штаблы Прикамье шаерысь валтӥсь штаблэсь ужзэ но оскизы. Куарусёнэ—коньывуонэ Калык армиысь ротаосты бадӟымгес ожгар частьёсысен бригадаозь вуттӥзы. Восстание пыриськемъёслэн армизылэн лыдыз 13-тӥ куарусёнлы 15 сюрс пала луиз[29].

31-тӥ гудырикошконэ Сарапулэз киултэмзы бере, бугыръяськисьёс Сарапул Калык армия кылдытыны медо вал. Та ужын вормыны ӧз быгатэ[29].

Эрико вузкарыны лэземзы бере, бугыръяськисьёс асьсэ пала Кам котырысь троссэ крестьянъёсты берыктӥз. Крестьянъёслы Иж заводын ӵыжатэм 60 сюрс пала винтовкаос люкылэмын вал. Кӧня ке крестьян ротаос люкамын вал, отӥяз соосты бадӟымгес отрядъёсы выжтылӥзы[29].

Армиез ожтӥрлыкен юнматон

Иж-Вотка восстанилэн аспӧртэмлыкез — бугыръяськисьёс киын Иж но Вотка заводъёсысь юн производствоя базазы вал.

Ижысь пыӵалтӥрлык лэсьтон заводын уй-нунал куспын 2500-озь винтовкаос бичаллязы. Валтӥсь люкетэз восстание пыриськисьёслэн армизэс юнматыны мынӥз, котыр гуртъёсысь бугыръяськись крестьянъёслы винтовкаосты нянен воштон вылысь шӧдскымон трос вуттылӥзы. Воткаысь завод ачиз ласянь артиллерияя орудиослы снарядъёс лэсьтылӥз (уй-нунал куспын 2000-озь), озьы ик заводын поездъёсты но пароходъёсты бронен шобыръязы. Со сяна, заводъёсын штыкъёс, орудийной замокъёс, пулемётъёслы нимысьтыз тӥрлык, кезьыт пыӵалтӥрлык лэсьтӥзы, котыртэмъёс лэсьтыны бышкись езъёс керттылӥзы[12].

Озьы восстание ӝутӥсь армилэн ыбылӥськон тӥрлыкен шугъяськонъёсыз ӧй вал. Патронъёс висъян ласянь югдур трослы начаргес вал. Восстанилэн кутсконаз ик бугыръяськисьёс ки улэ Ижкарысь складъёсын утиськись ыбылӥськыны чаклам винтовкаослы кык миллионлэсь ятыр патронъёс шедизы. Озьы ке но та тырмыт ӧй вал — властьлы пумит ӝутскем армия нуналаз шорлыдын 50 сюрс пала патрон быдтылӥз. Таин валче Ижысь пыӵалтӥрлык поттон заводын патрон лэсьтонэз радъяны ужпум пуктэмын вал — соослы гильзаос ожмаськон интыосысь выльысь кутон понна бичаллязы, пуляос ыргонлэсь яке латуньлэсь лэсьтӥськизы. Таӵе патронъёс пайдатэм вал, ӵем дыръя осечка сётъяллязы, пыӵалтӥрлыкез сӧрылӥзы[12][30].

Ожмаськон

9-тӥ гудырикошконэ ик Ижысь бугыръяськисьёсты зӥбломытыны выризы. Восстание сярысь иворез кылыса, вотка большевикъёс 180 муртэ отрядэ мобилизовать каризы но Иже келязы, но отряд засадае сюриз но пазьгемын вал[31].

Кыкетӥзэ зӥбломытон уж борды Ижысь ЧК-лэн кивалтӥсез А. С. Бабушкин басьтӥськиз. 8-тӥ гудырикошконэ ӝыт со милиционеръёслэсь пичи отрядэн Ижысь пегӟиз но Огырчи станциозь вуиз. Татын со 1 пулемёт бордын пыӵалтӥрлыкен 40 адямиен отряд люказ но 11-тӥ гудырикошконэ кык чугун сюрес платформаосын Иж пала вырӟиз. Озьы ке но городлэсь дас иськемын большевикъёс засадае шедизы. Отряд пазьгемын вал, нош ачиз Бабушкин пленэ сюриз[32][33].

Та учыръёс югдурлэсь вань секытлыксэ возьматӥзы, озьы ик шараязы созэ но: трос кужым но уксё люкатэк, восстаниез зӥбыны уз луы. Кам котырысь Горд армилэн командованиез таӵе югдурлы дась ӧй вал. Сарапулысь штабын интыяськем 2-тӥ армилэн составаз восстаниез ӝог зӥбон понна ожмаськыны быгатӥсь частьёсыз тырмыт ӧй вал[12].

Ижын луэм учыръёс сярысь ивортон басьтыса, 2-тӥ армилэн командованиез Ижез басьтыны косэм кӧня ке отрядъёс дыртыса люказ. Озьы 14-тӥ гудырикошконэ Алексей Чеверёв кивалтэм улсын Горд армилэн 2 сюрс 500 адямиен отрядэз Кузон чугун сюрес паласен Ижез киултыны выриз, но карлэсь 6 иськемын засадае шедиз, со быдэсак быдтэмын вал. 17-тӥ гудырикошконэ 200 кавалеристъёсын но 6 орудиосын кужмоятэм 2000 красноармеецъёсын отряд со палан ик выль наступление потӥз. Озьы ке но восстание ӝутэмъёс татын утиськон укрепление пуктыны вуттӥзы. Умой дасям позициен штурм ӧз пӧрмы, красноармеецъёс чигнано луизы[12].

18-тӥ гудырикошконэ Ижкар вылэ шундыӝужан палласянь, Гольяныысь пристань дорысен наступление кутскиз. 6 сюрс пала адямиен красноармеецъёслэн отрядзы В. А. Антонов-Овсеенко кивалтэм улсын (тросгес латышъёслэсь но матросъёслэсь кылдытэмын, озьы ик составзэ австро-мадьяр интернационалистъёсын пулемётэн командаенызы но кӧня ке орудиосынызы юнматэм) Дэри черкогуртозь но Ижкарлэн лымшор палъёсаз вуиз, городын артобстрел кутскиз. Озьы ке но татын гордъёсты полковниклэн Д. И. Федичкинлэн отрядэз дугдытӥз, отӥяз восстание ӝутэмъёслэн лыдзы трос луэмен, Ижысь вуэм подкреплениен быдэсак котыртӥзы. Красноармеецъёс оборонае выжоно луизы, боеприпасъёссы бырем бере, бугыръяськисьёслы вормыны удалтӥз. Та ожын бугыръяськисьёс орудизэс но кӧня ке пулемётъёссэс киултӥзы[12][34].

20-тӥ гудырикошконэ вотка бугыръяськисьёс Шаркан черкогуртэ пыризы. Со дыре ик восстание ӝутэмъёслэн отрядзы капитан Куракин кивалтэм улсын Гольяны пристанез киултӥз[12].

23-тӥ гудырикошконэ, 3-тӥ армилэн Березин командующиез Воткаез басьтыны косэмен, Галёво пристане Горд армилэн матрос Булкин кивалтэм улсын отрядэз васькиз. Отрядын 3-тӥ броневикъёс но 2-тӥ орудиос бордын 600 пала штык лыдъяськиз (1-тӥ Советской полк), солы Пермь флотилиысь судноос тылыныз юрттылӥзы. Озьы ке но вотка бугыръяськисьёслэн лыдзы бадӟымгес луэмен, гордъёсты котыртӥзы но быдэсак пазьгизы. 29-тӥ гудырикошконэ воткаос, наступление потыса, Бабкалэсь пристаньзэ киултӥзы[12][35].

30-тӥ гудырикошконэ Булкинлэн отрядаз подкрепление вуиз (4 китай ротаос, ваньмыз-ӧвӧлэз 400 штык но 250 матрос). Нимысьтыз Кам бригада нимам выль отрядлы кивалтӥсе 3-тӥ армилэн штабеныз кивалтӥсь Ю. Ю. Аплокез юнматӥзы, ваньмыз-ӧвӧлэз солэн кивалтэмез улсын 3000 пала адями люкаськиз. 10-тӥ куарусёнэ Бабка котырын ожмаськон пуромиз, вотка бугыръяськисьёс Аплоклэсь отрядзэ пазьгизы, озьы 2000 пала адямиез быдтэмын, пленэ кутэмын но дезертир сямен пегӟемын вал[35].

31-тӥ гудырикошконэ капитан Куракинлэн отрядэз Сарапулэ пыриз. Каре интыяськем гордъёслэн кужымъёссы карысь ожмаськытэк кошконо кариськизы. Сарапулэз киултон, кытын РККА-лэн 2-тӥ армиезлэн штабез интыяськылӥз, гордъёс понна витёнтэм шорысь луиз, та Прикамье участокысь фронтын войскоосын кивалтонэз огдырлы сӧриз[12]. Кам вамен выжыса, восстаниез ӝутэмъёс озьы ик Камбарка заводэз басьтӥзы, татын пӧлазы красноармеецъёслэн ротазы[36] но кӧня ке гуртъёс выжизы, кӧня ке гарнизонъёсты кельтыса.

Куарусёнлэн шораз, Огырчи чугун сюреслэсь герӟась станцизэ басьтыса но чугун сюрес кузя наступлениез азьланьтыса, иж отрядъёс Сюга станциозь вамыштӥзы[37].

Куарусён ӵоже восстаниез ӝутэмъёс Сарапул уездын быдэсак кузёяськыны ӧдъязы, озьы ик Глаз но Малмыж уездъёслэн оглюкетсэс киултӥзы.

Крестьян бугыръяськонъёс

Гудырикошкон пумын Ижкарын но Воткаын бугыръяськон улсын Сарапул, Глаз но Малмыж уездъёсысь трос гуртъёсысь крестьянъёс ӝутскизы. Крестьянъёслы бугырскыны валтӥсь муг сётӥз большевикъёсын радъям продразверстка. Святогорское, Вавож но Сюмси черкогуртъёсын тужгес зол выступлениос ортчизы.

28-тӥ гудырикошконэ Вавож черкогуртын калык сходэ люкаськиз, большевик кивалтӥсьёсты кырмыны, Вавож волостьысь калыкез мобилизацие кыскыны кутскыны, озьы ик Ижкаре пыӵалтӥрлык ыстыны куронэн делегациез келяны огкылысь вуизы. 2-тӥ куартолэзе Вавоже Горд армилэн отрядэз (19-тӥ Урал полкысь 2-тӥ батальон — 400 штык, 2 орудие, 9 пулемёт) пыриз, озьы ке но уноез калык гуртысь пегӟиз. 10-тӥ куарусёнэ, Ижкарысь 500 пала винтовкаос вуттэм бере, озьы ик Прикамьеысь Калык армилэн кӧня ке ротаосыз вуэм бере, восстание ӝутэмъёс Вавож вылэ омырскизы но куинь час ӵоже ожмаськыса, гуртэз киултӥзы, вавож бугыръяськисьёс кие пулемётъёс но кык орудиос шедизы. Татын совето властез выльысь юнматыны коньывуон пумын гинэ луиз, Вавожез Азинлэн 2-тӥ сводной дивизиысьтыз отрядъёс басьтэм бере[38].

Сюмси волостьысь крестьян калык но большевикъёслэн сиён-юонъя ӵем ортчытъям реквизициосызлы йыркуръяськылӥз. Таин валче 1918-тӥ арын 12-тӥ гудырикошконэ Сюмсиын улӥсьёс большевикъёслэн продотрядзылы пумит султӥзы. Сходэ люкаськем крестьянъёсты продотрядовецъёс пулемёт тылын уллязы. Та учыр бӧрсьы гуртын улӥсьёс Иже винтовкаос ыстыны куронъя делегация келязы. Гудырикошкон пумын Сюмсиын совето власть куашкатэмын вал.

Черкогуртын но волостьын мобилизация ортчытэмын вал, со куспын Сюмси волость восстание ӝутэмъёслэн армиязы азьвыл дышетӥсьлэн но офицер Банниковлэн кивалтэмез улсын сю адямиен ньыль ротаосты келяз. Вавожысь бугыръяськисьёсын огазеяськыса, сюмси ротаос Вало шур дурын гордъёсын ожмаськизы, гордъёслэсь Иже шундыпуксён палласянь мынонзэс коньывуон пумозь дугдытыса возизы[39][40].

Гудырикошкон пумын Святогорское черкогуртын крестьян бугыръяськонъёс кутскизы. Совето власть татын но пазьгемын вал, крестьянъёс большевикъёслэн отрядъёссылы нянь сётыны пумит луизы. Святогорскоеысь бугыръяськисьёслэн Ижкарен кусып тупатыны тыршемзы ӧз пӧрмы, гуртэ келям винтовкаосты гордъёс киултӥзы. Озьы ке но Святогорскоеын бугыръяськон толэзь ӵоже кыстӥськиз, Ижкаре мертаськем гордъёслэсь трос кужымзэс бордаз кыскыса, со Ижын восстание ӝутскемъёслы уйпал фронт кылдытыны луонлык сётӥз. Святогорскоеысь восстаниез зӥбыны Глазовысь Барышников комиссарлэн отрядэз (2 пулемётэн 200 пала солдатъёс) ыстэмын вал. Бӧрысь пазьгем святогорск бугыръяськисьёслэн бервылъёссы Ижкар пала чигнаны но Прикамьеысь Калык армие итӥськыны быгатӥзы[41][42].

Уйпал фронт

Ижын но Воткаын восстаниос кутскем но бугыръяськисьёслэн нырысетӥ вормонъёссы бере Чупчи чугун сюрес станциез киултэмзылы зэмос кышкытлык кылдӥз. Сыӵе дыръя Ватка—Пермь чугун сюрес линия вандэмын луысал. Властьлы пумит ӝутскемъёсты дугдытон понна Глазын Нимысьтыз Ватка дивизиез ӝегатскытэк кылдытон сярысь пумкыл кутӥзы. Толэзь ӵоже дивизия люкамын вал, отчы 8 пушкаен но 45 пулемётэн 3 сюрс 500 красноармеецъёс пыризы. Куарусён толэзь шорын комдив А. А. Медведев кивалтэм улсын со Дэбесэ вамыштӥз. Чупчи станциез утён понна Володарский нимо нимысьтыз полк висъязы[12].

13-тӥ куарусёнэ иж бугыръяськисьёс Эгра но Чупчи пала уйпалан наступление потӥзы. Секыт ож но киын жугиськем бере гордъёслэн частьёссы пазьгемын вал, соос Зурае чигназы. Эграез басьтыса, бугыръяськисьёс Зура вылэ омырскыны кӧня ке пол турттылӥзы, озьы ке но вормыны ӧз быгатэ. Зура ёросын ожмаськонъёс коньывуон кутскытозь кыстӥськизы, ижкаръёс бадӟым кужымен шуккыны выризы, озьы но ожез келязы. 1-тӥ коньывуонэ гордъёс Эграез котыртӥзы но басьтӥзы, нош коньывуон шорын, наступлениез азьланьтыса, Якшур-Бӧдьяе пыризы — Ижкарлы 40 иськемлы палэнысь уйпалась берпуметӥез бадӟым гурт[12].

Подкрепление вуэм бере (7-тӥ латыш ыбылӥськонъя полк), Ватка дивизия Вотка пала вамышъяны кутскиз но 7-тӥ коньывуонэ Шаркан черкогуртэз басьтӥз — Воткаез утёнъя валтӥсь стратегияя пункт. Иже наступлениен мынон дыръя Азинлэн 2-тӥ сводной дивизиез, Нимысьтыз Ватка дивизилэн люкетъёсыз Вотка вылэ омырскизы, саклыкез бордазы кыскыса, таин валче восстание ӝутэмъёслэсь кужымзэс пачкатӥзы но валтӥсь шуккетсэс ватыны пӧрмытӥзы[12].

Пуш кризис

Восстание ӝутскыку, бугыръяськисьёслэн лагерьзы пушкын ваче вуонъёс кыкетӥ планэ кылё ке вал, сӥзьыл Горд армия огез бӧрсьы мукетсэ ожмаськонъёсты вормемен, лагерь пушкын ваче вуонъёс золгес пуромизы но шӧдскыны кутскизы.

Бур социалистъёс но «Фронтовикъёслэн союзысьтызы» офицеръёс куспын политикая шугъяськонъёс кылдӥзы. Офицеръёс лыдъямъя, Прикамьеысь КОМУЧ-е ляб но сямтэм, партизылэн политикая программаеныз герӟаськем адямиос пыризы, соослэн малпамзыя, восстаниез азинтыны юн кивалтӥсь, партиен герӟаськымтэ но кунын кун радлыкез ӝутон мылкыдын улӥсь оскем мурт кулэ вал. Бур социалистъёс асьсэ ласянь офицеръёс шоры оскытэкгес учкылӥзы, ожгар переворотлэсь кышкаса. Таин валче восстание ӝутэмъёслэн граждан но ожгар кивалтӥсьёссы куспын вожвылъяськон пуромиз, керетонозь вуттылӥз. Огез сыӵе учыр бере Федичкин полковник Прикамьеысь Калык армилэн командующиысьтыз отставкае сётӥз, со интые социалистэз Г. Н. Юрьевез юнматӥзы, нош кивалтӥсь «четвёрка» Евсеевлэн валтэмез улсын Воткае выжиз[43].

Иж-вотка лагерьын кылдэм югдур вылын большевикъёслэн пропагандазы но шӧдӥськиз. Озьы восстаниез ӝутэмъёслэн «Воткинский вестник» газетсылэн редакторез А. Гутман аслаз мемуаръёсаз дисциплиналэн усемез но бугыръяськисьёслэн тылзы куашкам пумысен пусйылӥз, озьы ик большевикъёсын тупатскон понна пропагандалэн куд-ог азинсконъёсыз сярысь вералляз[44].

Историк Д. Чураковлэн гожтэмезъя, восстанилэн кивалтэтэз но рядовой пыриськисьёслэн бадӟым люкетэз куспын ваче вуонъёслэн йылэмзылэн но выль властлы ӝожомон учыръёслэн будэмзылэн мугъёссы ужъя нормаосыз но вал, со куронъёс дыр ортчемъя пумен демократилэсь палэнскыны ӧдъязы. Тодосчи пусъемъя, сверхурочной ужъёс одно быдэстымон луизы, со дыре ик мултэс ужам понна коньдон пунэме кылемен лыдъяськиз, но ӧз тыриськы. Куарусёнлэн нырысетӥ паларысеныз ужасьёслы уждун но висъяськемысь дугдӥз: ужасьёслы умой дыръя чаклам уждунлэсь 2/3 люкетэз тыриськиз, кылемез пунэме кылемен лыдъяськиз[45].

Армия лябӟыны ӧдъяз, солэн валтӥсь люкетэз ужасьёслэсь кылдытэмын вал. Прикамьеысь Калык армия нырысь-валысь ас мылкыд каремъёслэсь кылдытэмын вал ке, 18-тӥ гудырикошконэ мобилизация кужмысь ортчытӥзы, та сяме пыриз. Берпуметӥ кужмысь мобилизация дыръя 16 но 50 аресъемъёс но армие кутэмын вал[46].

Тӧдьы террор

Восстание кутскемен, бугыръяськисьёс Ижкарысь большевик кивалтӥсьёсты быдтӥзы. Нырысь нуналъёсы ик ожгар комиссар П. Н. Лихвинцев, иж большевикъёслэн азьветлӥсьсы И. Д. Пастухов, Ижысь ЧК-лэн тӧроез А. С. Бабушкин, ревтрибуналлэн тӧроез Михайлов, милицилэн кивалтӥсез Рогалев, ревкомлэн ёзчиез Папельмейстер, исполкомлэн ёзчиез максималист Пётр Баталов, эсер-максималистъёслэн бюрозылэн ёзчиез Екатерина Посаженникова кырмемын но лек виемын вал, ожгар отделлэн тӧроез В. С. Жечев госпитальысь поттэмын но быдтэмын вал, озьы ик азьвыл властьлэн тросэз оскем муртъёсыз но солы дурбасьтӥсьёс виемын вал. Виемъёслэсь мугоръёссэс но сантэмазы[9][12].

Воткаын баржаосысь вием узникъёслэн мугоръёссы

Бӧрысь Воткаын, озьы ик Прикамьеысь восстаниез ӝутэмъёсын киултэм мукет завод каргуртъёсын но гуртъёсын таӵе ик югдур вал. Большевикъёс но красноармеецъёс, соослэн ӵыжы-выжыоссы арест улэ шедизы. Воткаысь меньшевик Смирновлэн ивортэмезъя, «арестованнойёс пала дурбасьтыса, маке верамзы яке лэсьтымтэзы понна, тамак сётэмзы-ыстэмзы понна гинэ но, жалямзы понна адямиосты кыскаллязы». Озьы, кылсярысь, Вотка кенешлэн тӧроезлэн воштӥсезлэн К. А. Казёновлэн атаез но солэн 18 аресъем сузэрез кырмемын вал. К. А. Казёновен ӵош ваньзэсты ӝоген ыбылӥзы[9].

Пумен репрессиос улэ уногес калык шедиз. Тюрьма висъетъёс тырмымтэен, тюрьмаослы баржаосты огдырлы тупатӥзы. Гольянылэн пристанез дорын та уясь тюрьмаосын  [ӟуч] (удм. ог 3 сюрс муртэ пытсэт сьӧрын возизы, сомында ик четлыке киргамъёс Воткаын но вал, отын соос понна Чайковскийлэсь корказэ но кутӥзы. Пытсэт сьӧрын сюрс пала пукисьёсты Сарапулын баржаосын возизы. Историк Д. О. Чураков пусйиз: туала историкъёслэн лыдъямзыя Прикамьеысь бугыръяськисьёсын киултэм интывылъёсын, Граждан ож мынӥсь Россиысь мукет улосъёсын ӵошатыса, репрессиос чарак тросгес вал. Ижен ӵошатыса, бугыръяськисьёс ки улын Сарапул ӧжытгес вал ке но, татын котькуд 18 улӥсьлы 1 политзаключённой вал. Баржаосы пытсамъёс пӧлысь бадӟым люкетэз фронтъёсын пленэ басьтэм красноармеецъёс вал, уноез — латышъёс, мадьяръёс но китайёс[47].

Четлыке шедемъёсты чидантэм условиосын возизы, котькуд минутэ охранникъёс соосты быдтыны быгатылӥзы.

Гольяны пристань дорын сылӥсь заключённойёсын одӥгез баржа красноармеецъёс урдскон вакытэ выйытыны дасямын вал. Пытсэт сьӧрын пукисьёсты утьыны луонлык сётӥз большевикъёслэн Ф. Ф. Раскольников кивалтэм улсын «Прыткий», «Прочный» но «Ретивый» миноносецъёслэн тушмонлэн мышказы рейдэн потэмзы. Раскольниковлэн косэмезъя, Гольяны доры матэктыкузы, корабльёс вадьсы горд интые андреевской флагъёс ӝутэмын вал. Охранникъёсты озьы пӧяса, Раскольников «кулон баржаез» Сарапулэ нуиз. Озьы четлыкын 432 пукисьёс утемын вал. Соослэн верамзыя, горд матросъёс вуон азьын пытсэт сьӧры 300 пуктэмъёс ыбылэмын, оглюкетэз улэпкын сюе согемын, кӧняез ке улэпкын согемын на вал[9][48].

Бугыръяськисьёс кӧня ке пол лачак калыкез курадӟытыса быдтылӥзы[9]. Чураков историклэн эскеронъёсызъя, сыӵе огез казнь дыръя 100-лэсь ятыр адями виемын вал[9].

Банников 22 крестьянъёсты виылон учыр сярысь гожъямын, соосты одӥг кадь фамилия нуллэмзы, Болгуры гуртын улэмзы но кыӵе ке совето ужасьлэн ӵыжы-выжы луэмзы понна быдтӥзы. Одӥг нимысьтыз Банниковез ӝегатыны косыса гуртэ лыктэм восстаниез ӝутэм властьлэн оскем муртъёсыз югдурез сэрттыса-пертчыса ӧз курадӟе — сыӵе фамилиен вань шедьтэм воргоронъёсты, пересьёсты но быдэ вуымтэосты арестовать каризы. 23-тӥ коньывуонэ ӝегатэмъёсты Ижкаре вуттӥзы но укмыс быжо сюлоен коказы, озьы сизьымзэ кулытозязы жугизы, мукетъёссэ ыбылӥзы[48][9].

Банниковъёсын герӟаськем учыр «Ижевская правда» газетын восстаниез зӥбломытэм бере печатламын вал. Но со пумысен оскымтэос кылдо. Озьы, кылсярысь, Вотка Благовещенской соборлэн 1918-тӥ арын шуркынмон понна метрикая книгаосаз пусъемын, Болгуры гуртысь Банников крестьянъёс огдыре кӧня ке пиналъёссэс вӧсязы шуыса[49].

И. С. Ратьковский историклэн дунъетэзъя, Прикамьеысь восстаниез ӝутэм властьлэн карательной акциосыныз валче 1918-тӥ арын сӥзьыл 500—1000 адями быриз[48].

Восстаниез зӥбломытон

1918-тӥ арын 11-тӥ куарусёнэ Горд армилэн частьёсыз Кузонэз басьтӥзы. Та Прикамьеысь бугыръяськисьёсын нюръяськон вылысь ватсам кужымъёсты ыстыны луонлык сётӥз. Коньывуон кутсконысен Прикамьеысь Калык армия ожмаськонъёсты келяны ӧдъяз. Самараысь КОМУЧ-лэн — бератаз Уфаысь Директорилэн — частьёсыныз кусып тупатыны тыршемзы пайдатэм луиз[29].

Иж котырысь окопъёсын латыш ыбылӥськисьёс

Восстание ӝутэмъёслэн войскоосазы пуш но сьӧр ужпумъёсын йырин отчы-татчы кыстаськон мылкыдъёс йылӥзы, нимысьтыз частьёс гордъёс пала кариськизы[9].

Горд армилэн урдскемез

Восстаниез зӥбыны ыстэм 2-тӥ армилэн командующиезлэсь ужзэ В. И. Шорин кутӥз. Та дырлы бугыръяськонъёслэн нырысетӥ вормонъёсынызы мылкыдзэ уськытэм 2-тӥ армия ог-огенызы ляб герӟаськем кӧня ке отрядъёслы люкиськиз-куашказ. Шоринлы ожмаськыны быгатӥсь частьёс выльысь кылдытоно луиз. Армилэн штабез Вятские Поляные интыяськиз[12].

15-тӥ куарусёнэ Вятские Поляные В. А. Азин вуиз, солы 2-тӥ сводной дивизиен кивалтыны оскемын вал. 20-тӥ куарусёнэ дивизиын 1690 пехотинец, 450 кавалерист но 9 орудие пусъемын вал, отӥяз дивизия Вятские Поляные вуэм Чеверёвлэн отрядэныз юнматэмын но 27-тӥ куарусёнэ Иж пала наступлениен ыстэмын вал[12].

4-тӥ коньывуонэ секыт ожмаськонъёс бере Азинлэн дивизиезлы юн утем Огырчи чугун сюрес станциез басьтыны удалтӥз, Огырчи понна ожмаськонъёсын бугыръяськисьёс бронепоездэз кутӥзы. Огырчиез киултэмзы бере Вятские Поляныозь чугун сюрес сообщениез радъяны луонлык кылдӥз, татысен ни Азинлы юрттон вылысь бронепоезд но артиллерия вуиз[12].

5-тӥ коньывуонэ Азинлэн дивизиез, ижъёслы пумит Юсь гуртын заслон пуктыса, Сарапул вылэ омырскиз, лек ожмаськонъёсын 2-тӥ дивизилэн частьёсыз каре пыризы. 6-тӥ коньывуонэ восстание ӝутӥсьёс Огырчиез выльысь киултыны медо вал, но лек нюръяськонэн пумиськыса, чигнано луизы[12].

Сарапулэз киултэмзы бере Ижкарез котыртыны но басьтыны дасяськон кутскиз. 30-тӥ коньывуонлы Азинлэн 2-тӥ сводной дивизияз 4424 штык, 849 сабля, 27 орудие но кык бронепоезд вал. Та пӧлысь 40 % — интыосысь мобилизациен армие кутэм улӥсьёс, мукетъёсыз — австриецъёслэсь, мадьяръёслэсь, немецъёслэсь, китайёслэсь, чехъёслэсь, сербъёслэсь, хорватъёслэсь, бигеръёслэсь но башкиръёслэсь люкам интернационал формированиос вал[12].

Ижез киултон

Ижкар вылэ омырскон сярысь приказэз Шорин 3-тӥ шуркынмонэ поттӥз. Чаклам планъя, Нимысьтыз Ватка дивизия Вотка вылэ демонстративной наступление потыны кулэ вал, тушмонлэн вотка группировкаезлэсь кужымзэ сьӧлтаса. Ижкарлы юрттон вылысь лыктыны медӥсь Вотка армиез ӝегатон ужпум Полтава полклы оскемын вал, со Гольяны трактэз но Вотка—Иж чугун сюресэз ворсаз. Солы югдурез возьыны Кам шурысен Волжской флотилиысь миноносецъёс юрттӥзы. Ижез басьтон Азинлэн 2-тӥ сводной дивизиезлы оскемын вал, со лымшор палласянь урдскыны кулэ вал[12].

5-тӥ шуркынмонэ Азинлэн дивизиез наступление потӥз. Мукет нуналаз 2-тӥ дивизилэн частьёсыз Дэри но Пирогурт доры вуизы но артиллериен шуккыны дасяськыны кутскизы. 7-тӥ шуркынмонэ валтӥсь ожмаськон ортчиз, лекеныз но кык паллясянь трос адями быремен тодмо луиз[50].

Та ож мыныку, бугыръяськисьёс нырысьсэ граждан ожын психической атака шуонэз кутӥзы. Ижысь офицеръёс таӵе атакаосты Шундыӝужан Пруссиын адӟизы но, патронъёс тырмымтэен, та опытэз тодазы вайыны ӧдъязы. Бугыръяськисьёс рядэн-рядэн винтовкаосын ыбылӥськытэк вамышен атакае ӝутскизы. Атакае потэмъёсын ӵош кӧня ке арганчиос мынӥзы, завод гудок гуретӥз, Михайловской соборлэсь гырлыосыз жугизы. Гордъёслэн позициоссылы матэ кариськемзы бере, бугыръяськисьёс штыкъёсты но пуртъёсты кутыса, киын ожмаськонэ пыриськизы. Та омырскон дыръя Горд армилэн частьёсыз пусъем фронтлэн участоказ кымалтэмын вал, нош Кыкетӥез мусульман полк ож бусыысь пегӟиз, позициоссэ кельтӥз. Дивизилэн командирезлы Азинлы контратакаен кивалтоно луиз, аслаз примереныз солдатъёсты ӝутӥз-бурдъяз[51].

Та нуналэ ижъёс секыт ыштонъёс адӟизы (одӥг но ӝыны сюрс адямиос быдтэмын вал)[52]но ӝыт, юнматэм позициоссэс кельтыса, Иж пушкы чигназы. Та дырлы бугыръяськисьёс ки улын карлэн нагорной люкетэз вал на, заречной люкетсэ Азинлэн кавалериез басьтӥз. 7-тӥ шуркынмонэ ӝыт Азин Муское Ижез киултэмез сярысь телеграмма ыстӥз. Но Горд армия бадӟымесь ыштонъёс адӟемен, озьы ик ульчаосын ожъёсты азинтонын шуг-секытъёс кылдэмен, уйин ожъёс дугдытэмын вал[12].

Вотка бугыръяськисьёс Ижлы юрттыны выро вал, но Вотка Калык армилэн каре вуэм войскоосыз 6-тӥ шуркынмонэ Гольяныез басьтэм 1-тӥ совето полкен нюръяськонэ кыскемын вал, соин валче дыраз юрттэт сётыны ӧз вуттэ, та ик гордъёслы Ижез капчиен киултыны валтӥсь муг луиз[53].

Восстанилэн кивалтӥсьёсыз, карез возьыны уз луы шуыса валаса, Вотка пала чигнано кариськизы. 7-тӥ—8-тӥ коньывуонэ выжон уе 15 000 пала улӥсьёс городысь кошкизы (соос пӧлын 10 000 пала ожмаськыны быгатӥсь воргоронъёс вал, кылемъёсыз — бугыръяськисьёслэн семьяоссылэн). 8-тӥ шуркынмонэ ӵукна Горд армилэн частьёсыз Иже пыризы. Со бӧрсьы ик Ижын Революцияя граждан кенеш люкамын вал, карысь вань власть солы но нимысьтыз кылдытэм Чрезвычайной Комиссилы выжиз . 2-тӥ армия, городын ӝегатскытэк, Вотка вылэ наступленизэ азьланьтӥз[52].

Кам вамен выжон

11-тӥ шуркынмонэ, карез утьыны луонлык ӧвӧл шуыса лыдъяса, восстание ӝутӥсьёс Воткаез кельтӥзы. Мукет нуналаз Вотка доры гордъёслэн азьмынӥсь частьёссы вуизы, нош 13-тӥ шуркынмонэ выжон уе Нимысьтыз Ватка дивизилэн частьёсыз каре пыризы [54]. Горд армилэн омырсконын ӝеганъёсыз кылдэмен, бугыръяськисьёслы ожгар частьёсын но сьӧразы кошкись калыкен Камлэн паллян палаз выжыны луонлык сётӥз. Туала тодосчиос та ӝеганэз пӧртэм сямен валэктӥзы. Озьы К. И. Куликов тае граждан калыкез жалянэн герӟаз. А. В. Коробейников лыдъямъя, переправа вылэ урдскон Кам шурлэн ярдураз вир кисьтон ожмаськонлы пӧрмысал, Иж вылэ урдскыкузы сотэк но трос ыштонъёс адӟем Горд армия понна бадӟым шуккетэн берытскысал[55].

14-тӥ шуркынмонэ Кам вамен ӟеч лэсьтэм понтон вылтӥ Прикамьеысь Калык армилэн валтӥсь частьёсыз выжизы[9]. Ваньмыз-ӧвӧлэз Кам сьӧры Вотка Калык армилэн 15 000 ожгарчиосыз но сомында ик семьяоссы, озьы ик 8000 ижъёс но кӧня ке граждан калык кӧчиз[56].

Горд армилы переправаез сётонтэм вылысь 15-тӥ шуркынмонэ Кам вамен выж сутэмын вал, но бугыръяськисьёслэн нимысьтыз частьёссы (уноез — Ижысь чигнасьёс) выжыны ӧз вуэ но Сива шур вожын кык арня ӵоже ожмаськизы на. Соослэн кылем люкетъёссы шурез йӧ кортнам бере шуркынмон пумын Кам вамен выжизы[57].

Оглом Иж-Вотка частьёс, Горд армилэн котыртэмаз сюрыса, 100 нунал ӵоже ожмаськыны быгатӥзы[17].

Горд террор

Ижез басьтэмзы бере каре кылем улӥсьёсты восстаниез ӝутэмъёслэн движениязы пыриськон ласянь лачак эскерыны ӧдъязы. Та эскеронъёсын ЧК гинэ ӧз выры — нимысьтыз кылдытэм 2-тӥ армилэн штабез бордын ужась контрреволюциен нюръяськонъя Ижысь карательно-экспедиционной отрядэз но[58].

Карез басьтэмзы бере ик восстание пыриськемъёс пӧлысь унозэ гордъёс ыбылӥзы. Пӧртэм лыдпусъёс сярысь вераськон мынэ — кӧня ке дасоысен 400—500-озь но уногес. Полковник Федичкин оскытэмъя, Иже пырыса, большевикъёс Михайловской собор азьысь площадьын каре кылем 400 ужасьёсты ыбылӥзы[59]. Деникин аслаз мемуаръёсаз гожъялляз, Иж заводэз киултон нуналэ ик 800 ужасьёс кужмысь быдтэмын вал шуыса[60].

Та темаез эскерись Е. Ф. Шумилов, ЧК-лэн официальной списокъёсыз вылэ пыкиськыса, 74 ыбылэмъёс сярысь вералляз. Ваньзэ-ӧвӧлзэ 8-тӥ шуркынмонысен вить толэзь ӵоже, карез Ӟуч армия басьтытозь, судтэк 500 иж ужасьёс казнить каремын вал[58].

Воткаын но ыбылонъёс радъямын вал. Вотка ЧК-лэн списокезъя, каре Горд армилэн частьёсыз пырем бере, восстание пыриськемзы понна янгыше уськытыса, 126 адями быдтэмын вал[61].

1918-тӥ арын толсуре Ижысь огез валтӥсь ульча — Береговая — Горд террорлэн ульчаез нимамын вал[58].

Йылпумъянъёс

Восстаниез ӝутӥсьёслэн Кам сьӧры чигнам войскооссы отӥяз Ижысь дивизилэн но А. В. Колчак  [ӟуч] (удм. адмираллэн Шундыӝужан фронтэзлэн Вотка бригадаяз но большевикъёсын ожмаськизы[62]. Ижысь частьёсын ог 3 сюрс адями вал[63].

2-тӥ стрелковой артиллерияя дивизионлэн Вотка батареяез. Приморье, 1922-тӥ ар

Ижез но Воткаез басьтэмзы бере дивизилэн личной составысьтыз бадӟым люкетэз дезертир сямен пегӟиз я дораз берытскиз[64][65] (озьы но вылӥ квалификациен ужасьёс пӧлысь уноез тӧдьыосын кылизы)[66].

Тӧдьыос ожез келям бере, Ижысь дивизия Быдӟым Сибирь Йӧ походын уноез пӧлысь огназ дисциплинаез утьыны но огназ артиллеризэ утьыны быгатӥз. 1920-тӥ арын иж частьёсын 500-лэсь ятыр адями лыдъяськиз. Берпуметӥ часть — Ижысь батальон 1922-тӥ арын Приморьеын[63]. Эмиграциын ижъёс пӧлысь бадӟым люкетэз Маньчжурие но США-е выжыяськиз, соос асьсэлэсь эмигрант огазеяськонъёссэс кылдытӥзы.

Стратегия ласянь Иж-Вотка восстание Горд армилэн Шундыӝужан фронтысьтыз югдур вылын зол шӧдскиз, нырысь ик — солэн 2-тӥ но 3-тӥ армиосызлэн ужъёссы вылын. 2-тӥ армиез бугыръяськисьёс быдэсак сямен пазьгизы, бӧрысь сое выльысь бичазы но восстанилэн пумозяз ик Иж-Вотка ёрос борды думемын вал, фронтлы юрттыны быгатытэк. 3-тӥ армия оглюкетсэ кужымзэ бугыръяськись Воткалы пумит пуктоно луиз, со сяна, бадӟым кужымъёсты Ватка-Пермь чугун сюресэз бугыръяськисьёслэсь утён понна ыстоно луиз. Та ваньмыныз сэрен Ӟуч армилы Пермь палан кужымзэ люканы но бӧрысь Пермез 1918-тӥ арын 25-тӥ толсуре киултыны луонлык сётӥз[67][68].

Восстание пыриськисьёсты пазьгемзы бере Тӧдьыослэн движенизы Граждан ожын Ижысь пыӵалтӥрлык поттон заводъёслэсь луонлыксэс уже кутыны ӧз быгаты ни, нош татын Россиын ӵыжатэм вань ыбылӥськон ожтӥрлык пӧлысь одӥг куиньмос люкетэз бичаське вал. Та заводъёс гордъёс ки улэ выжизы[7].

Уноез ужасьёс Кам сьӧры кӧчемен, Иж заводын винтовка бичан шуак кулэсмиз. 1919-тӥ арын толшорлы гинэ винтовкаосты нуналаз 1000 штукаозь бичанэз вуттыны пӧрмытӥзы, озьы но та восстанилэсь азьвыл сярысь кык поллы ичигес вал[69].

Бугыръяськонэ ӝутӥськем уездъёсын совето власть выльысь берыктэмын вал, но 1919-тӥ арын оштолэзе Иж но Вотка вакчи дыр ӵоже шундыпуксён палась лыктӥсь Колчаклэн войскоосызлэн кивалтэмзы улсын улӥзы[70].

Восстание сярысь тодэ ваёнъёс

  • 1918-тӥ арын 13-тӥ толсуре, гордъёс карез басьтэм бере, Революцияя граждан кенешлэн постановлениеныз куд-ог ульчаослы бырем комиссаръёслэн нимъёссы сётэмын вал: Жечевлэн, Холмогоровлэн, Лихвинцевлэн. Бератаз Ижын Азинлэн, Бабушкинлэн но Пастуховлэн урамъёссы кылдӥзы;
И. Д. Пастуховлы Ижысь синпелет
  • 1921-тӥ—1922-тӥ аръёсы Михайловской собор доры архитектор Г. Ф. Сенатовлэн проектэзъя революциын но граждан ожын быремъёслы сӥзем мемориальный комплекс ӝутэмын вал. Монументэз восстание вакытэ бырем большевикъёслэн Вынлыко шайгузы вадьсы юнматӥзы, со гуын Жечев, Лихвинцев, Холмогоров но Пастухов ватэмын вал[71];
  • 2009-тӥ арын 19-тӥ инвожое Воткаысь Шор скверын Граждан ож вакытэ бырем воткаослы синпель из юнматэмын. Галёво гуртын бугыръяськисьёс Кам шур вамен выдон интые синпелет пуктэмын[75].

Лулчеберетын

  • Иж-Вотка восстание сярысь Алдан-Семёновлэн «Красные и белые» романаз верамын;
  • Ӟуч йӧскалык «Коловрат» группалэн репертуараз «Ижевский полк» кырӟанэз вань, со восстаниысь учыръёслы сӥземын. Та выллем ик кырӟан «Моя Дерзкая Правда» группалэн (М.Д.П.) но вань.

Валэктонъёс

  1. ↑ 1 2 3 Поздняя советская историография о вооруженных силах Ижевско-Воткинского восстания. Вып. 4 (21) [ӟуч], cyberleninka.ru. Эскеремын: 10 гудырикошконэ 2025 арын.
  2. ↑ 1 2 3 Чураков, 2007, с. 197.
  3. ↑ Чураков, 2007, с. 179.
  4. ↑ 1 2 Дмитриев, Куликов, 1992, с. 73.
  5. ↑ 1 2 3 А. Ю. Ермолов. Ижевско-Воткинское восстание 1918 [ӟуч], old.bigenc.ru. Эскеремын: 10 гудырикошконэ 2025 арын.
  6. ↑ 1 2 3 Дмитриев П. Н.. Социальный облик рабочих Удмуртии в первые десятилетия XX в.: социально-бытовые, производственные, политические аспекты [ӟуч], hist.msu.ru. Эскеремын: 10 гудырикошконэ 2025 арын.
  7. ↑ 1 2 Фельдман М. А.. Ижевско-Воткинское рабочее восстание сквозь призму социальной истории России [ӟуч], российская-история.рф. Эскеремын: 10 гудырикошконэ 2025 арын.
  8. ↑ Гражданская война в Удмуртии, 1988, с. 33—34.
  9. ↑ 1 2 3 4 5 6 7 8 9 10 11 12 13 Чураков, правые, 2004.
  10. ↑ Чураков, 2007, с. 178.
  11. ↑ 1 2 Ефимов, 2008, с. 51.
  12. ↑ 1 2 3 4 5 6 7 8 9 10 11 12 13 14 15 16 17 18 19 20 21 Николай Заяц. Очерк об Ижевско-Воткинском восстании [ӟуч], scepsis.net. Эскеремын: 10 гудырикошконэ 2025 арын. }}
  13. ↑ Куликов, 1982, с. 29—30.
  14. ↑ Чураков, 2007, с. 185.
  15. ↑ 1 2 Садаков, 1967, с. 57.
  16. ↑ Гражданская война в Удмуртии, 1988, с. 95.
  17. ↑ 1 2 3 С.В. Волков. Белое движение в России: организационная структура [ӟуч], swolkov.org. Эскеремын: 10 гудырикошконэ 2025 арын.
  18. ↑ Садаков, 1967, с. 55.
  19. ↑ Чураков, 2007, с. 185—186.
  20. ↑ 1 2 Куликов, 1982, с. 41.
  21. ↑ 1 2 3 4 5 6 7 8 9 Цветков В. Ж.. Белое дело в России. 1917-1918 гг. (формирование и эволюция политических структур Белого движения в России) [ӟуч], militera.org. Эскеремын: 10 гудырикошконэ 2025 арын.
  22. ↑ Чураков, 2007, с. 190.
  23. ↑ Чураков, 2007, с. 191—93.
  24. ↑ Чураков, 2007, с. 191.
  25. ↑ Чураков, 2007, с. 193.
  26. ↑ Чураков, 2007, с. 194.
  27. ↑ Чураков, 2007, с. 195.
  28. ↑ Чураков, 2007, с. 196.
  29. ↑ 1 2 3 4 5 6 7 Каревский А. А. Ижевско-Воткинское восстание. — Москва: Посев, 2000. — С. 5—15. — ISBN 5-85824-132-8.
  30. ↑ Е. Ренев. Производство патронов во время Ижевского восстания [ӟуч], nekrasov.izh-cbs.ru. Эскеремын: 10 гудырикошконэ 2025 арын.
  31. ↑ Куликов, 1982, с. 38.
  32. ↑ Садаков, 1967, с. 58.
  33. ↑ Куликов, 1982, с. 37.
  34. ↑ Куликов, 1982, с. 46—47.
  35. ↑ 1 2 Куликов, 1982, с. 78—79.
  36. ↑ Садаков, 1967, с. 155.
  37. ↑ Зубарев С. П. Прикамье в огне. — Ижевск: Удмуртия, 1967. — С. 71. — 116 с.
  38. ↑ Бои под Ижевском в Вавожском районе [ӟуч], webcitation.org. Эскеремын: 10 гудырикошконэ 2025 арын.
  39. ↑ Рябов И.М. Сюмси. Век за веком, год за годом. — Ижевск: Удмуртия, 1999. — 248 с. — ISBN 5-7659-0002-X.
  40. ↑ Куликов, 1982, с. 152—153.
  41. ↑ Гончаров А.. Святогорское восстание 1918 года [ӟуч], dk1868.ru. Эскеремын: 10 гудырикошконэ 2025 арын.
  42. ↑ Смоленцев-Соболь Н. Н.. Ижевское восстание. Часть 9. Северный фронт [ӟуч], rys-arhipelag.ucoz.ru. Эскеремын: 10 гудырикошконэ 2025 арын.
  43. ↑ Чураков, 2007, с. 198—201.
  44. ↑ Гутман А. Я. Ижевское восстание. // Белое дело. Летопись белой борьбы. Кн. 3. Берлин, 1927.
  45. ↑ Чураков, 2007, с. 202.
  46. ↑ Чураков, 2007, с. 203.
  47. ↑ Коробейников А.В. Воткинское судостроение и Гражданская война. — Ижевск: Иднакар, 2012. — С. 148. — 190 с. — ISBN 978-5-9903623-3-8.
  48. ↑ 1 2 3 Ратьковский И. С. Красный террор и деятельность ВЧК в 1918 году. — СПб.: СПБГУ, 2006. — С. 109. — 288 с. — ISBN 5-288-03903-8.
  49. ↑ Коробейников А.В. Воткинское судостроение и Гражданская война. — Ижевск: Иднакар, 2012. — С. 151. — 190 с. — ISBN 978-5-9903623-3-8.
  50. ↑ Куликов, 1982, с. 162.
  51. ↑ Дмитриев, Куликов, 1992, с. 260, 267.
  52. ↑ 1 2 Куликов, 1982, с. 163.
  53. ↑ Куликов, 2-я армия, 1987, с. 100.
  54. ↑ Куликов, 2-я армия, 1987, с. 109.
  55. ↑ Коробейников А.В. Воткинское судостроение и Гражданская война. — Ижевск: Иднакар, 2012. — С. 90—91. — 190 с. — ISBN 978-5-9903623-3-8.
  56. ↑ Коробейников А.В. Воткинское судостроение и Гражданская война. — Ижевск: Иднакар, 2012. — С. 106. — 190 с. — ISBN 978-5-9903623-3-8.
  57. ↑ Коробейников А. В. Воткинское судостроение и Гражданская война. — Ижевск: Иднакар, 2012. — С. 157—161. — 190 с. — ISBN 978-5-9903623-3-8.
  58. ↑ 1 2 3 Шумилов Е.Ф. Мифы и реалии Ижевского восстания. В сборнике Ижевско-Воткинское восстание. Материалы Всероссийской научно-практической конференции, 19 декабря 2006 года. — Ижевск: КнигоГрад, 2008. — 150 с. — ISBN 978-5-9631-0043-1.
  59. ↑ Федичкин Д. И. Ижевское восстание в период с 8 августа по 20 октября 1918 года // Первопоходник. — 1974, февраль. — № 17.
  60. ↑ Деникин А. И. Очерки русской смуты. В 3 кн. Кн. 2, т. 2. Борьба генерала Корнилова; т. 3. Белое движение и борьба Добровольческой армии. — М.: Айрис-пресс, 2006. — Т. 2, 3. — С. 352. — 736 с. — ISBN 5-8112-1891-5.
  61. ↑ Коробейников А. В. Воткинское судостроение и Гражданская война. — Ижевск: Иднакар, 2012. — С. 140. — 190 с. — ISBN 978-5-9903623-3-8.
  62. ↑ Из истории Рабоче-крестьянской Белой армии btgv.ru.
  63. ↑ 1 2 С. В. Волков. Белое движение в России - организационная структура [ӟуч], swolkov.org. Эскеремын: 10 гудырикошконэ 2025 арын.
  64. ↑ Куликов К. И. Гражданская война в Удмуртии 1918–1919 гг. — Ижевск, 1988. — С. 135—136..
  65. ↑ Ефимов А. Г. Ижевцы и Воткинцы: борьба с большевиками 1918-1920. — Aĭris-press, 2008. — ISBN 978-5-8112-3360-1, 5-8112-3360-4.
  66. ↑ Не ранее 1 января 1920 г. — Из отчета Центрального правления артиллерийских заводов о состоянии подведомственных заводов на 1 января 1920 г. [ӟуч], istmat.org. Эскеремын: 10 гудырикошконэ 2025 арын.
  67. ↑ Какурин, Вацетис, 2002.
  68. ↑ Ефимов, 2008.
  69. ↑ Куликов, 1982, с. 165.
  70. ↑ Куликов, 1982, с. 215.
  71. ↑ Памятник героям гражданской войны (на могиле) [ӟуч], iz-article.ru. Эскеремын: 10 гудырикошконэ 2025 арын.
  72. ↑ Памятник герою революции и гражданской войны председателю Ижевского горсовета рабочих и крестьянских депутатов И. Д. Пастухову [ӟуч], iz-article.ru. Эскеремын: 10 гудырикошконэ 2025 арын.
  73. ↑ Сергей Жилин. Звезда и крест Пастухова [ӟуч], zhilin-izhevsk.narod.ru. Эскеремын: 10 гудырикошконэ 2025 арын.
  74. ↑ В Ижевске установлена мемориальная доска в память об участниках антибольшевистского восстания 1918 года [ӟуч], rusk.ru. Эскеремын: 10 гудырикошконэ 2025 арын.
  75. ↑ В Воткинске установят памятный камень на месте расстрела в годы Гражданской войны священника и его дочери [ӟуч], kommersant.ru. Эскеремын: 10 гудырикошконэ 2025 арын.

Литература

Чӧлсконъёс

«https://udm.ruwiki.ru/w/index.php?title=Иж-Вотка_восстание&oldid=507517»-ысь басьтэмын