Совето власть понна нюръяськемъёслэн Вынлыко шайгузы
| Чеберлыко инты | ||
| Совето власть понна 1918-тӥ арын нюръяськыса быремъёслэн Вынлыко шайгузы | ||
|---|---|---|
 | ||
| 56°50′59″ с. ш. 53°12′16″ в. д.GЯO | ||
| Кун |
 Россия |
|
| Кар | Ижкар, Горд карлуд | |
| Архитекторез | Сенатов Г. Ф.[1] | |
| Кылдытэмын | 1921 | |
| Юртэз пуктэмын | 1921[3] — 1922-тӥ арын 7-тӥ шуркынмонэ[2] | |
| Инлыкез |
 ОКН № 1800009000 |
|
|
|
||
 |
||
 Медиафайлъёс РувикиМедиа пушкын | ||
 | Россилэн лулчеберето кылёс лэсьтосъёсыз улос инлыкен рег. № 181410080860005 (ЕГРОКН) лэсьтос № 1800009000 (БД Викигида) |
Совето власть понна 1918-тӥ арын нюръяськыса быремъёслэн Вынлыко шайгузы (ӟуч: Братская могила борцов за советскую власть (Ижевск)) — Граждан ож вакытэ Ижкарез тӧдьыослэсь мозмытыкузы бырем горд армеецъёслы сӥзем синпелет. Обелиск Ижысь Горд карлудын, Дун-чылкыт Михаил Архангеллэн кафедральной соборез вӧзын интыяськемын. Удмурт Элькунысь историысь улосэн утёно синпелетъёс пӧлы пыре[4]. 1922-тӥ арын 7-тӥ шуркынмонэ усьтэмын[2].
Историез
1918-тӥ арын 20-тӥ шуркынмонэ Горд гурезьын нырысетӥ ватонъёс ортчизы, соку революциысь 24 геройёсты сюе понӥзы. Бӧрысь аръёсы татчы эшшо кӧня ке муртэ ватӥзы на[5]. Некрополь кылдэм бере нырысетӥ аръёсаз шайгуос вылын пулэсь синпелетъёс юнматэмын вал на[5]. 1920-тӥ арын инвожое Ижкарысь депутатъёслэн Кенешазы мемориаллэсь проектсэ учкизы но юнматӥзы[1].
1920-тӥ аръёсы Горд карлудын демонстрациос дыръя огъя митинг радъяськылӥз, синпелетлэн балконысеныз ораторъёс вераськылӥзы[6][5].
Обелиск вӧзысь Вынлыко шайгуын Граждан ож вакытэ бугыръяськонъёс дыръя бырем 35 большевикъёслэн лысьӧмъёссы утисько[5]. 1967-тӥ арын обелиск доры Ижысь революционерлэн И. Д. Пастуховлэн шайгуэз выжтэмын вал[1][5].
2007-тӥ арын тулыспалэ Свято-Михайловской соборез но мемориалэз тупатъяны-выльдыны ӧдъязы. Некропольлэн историысь тусыз зол воштӥськиз: синпелетлэн чугунлэсь ӵыжатэм кенерез но кык бурдъёсыз тӥямын, монумент доры нуись тубатъёсыз пичиятэмын но уйпала выжтэмын. Озьы ик монумент дорысь дурем кенер куашкатэмын[1]. Обелискез «РСФСР» букваосын, тыпы но лавр куаръёсын бинялтэм туй вензель йылса, кужмо но бырисьтэм данлыкез возьматэ[1].
Галерея
Дун-чылкыт Михаил Архангеллэн кафедральной соборез (Ижкар) котыре интыям обелиск
Шундыпуксёнысен тусыз
Шундыӝужанысен тусыз
Шундыпуксёнысен тусыз
Гутёысь ивортонэн пул
.jpg)
Валэктонъёс
- ↑ 1 2 3 4 5 Мемориал героев революции и гражданской войны (некрополь) [ӟуч] Информационно-аналитическоe управление Администрации города Ижевска. Эскеремын 2019-08-13 арын
- ↑ 1 2 Туганаев, 2008, с. 164.
- ↑ Шумилов, 1978, с. 34.
- ↑ Постановление Совета Министров Удмуртской АССР «Об утверждении списка исторических и археологических памятников» № 1993 от 29.12.1949
- ↑ 1 2 3 4 5 Елена Кардопольцева Есть повод: 92 года назад в Ижевске был открыт памятник героям революции [ӟуч] Сетевое издание IZHLIFE. ООО «Радио - Инвест». Эскеремын 2019-08-14 арын
- ↑ Шумилов, 1978, с. 35.
Литература
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
- Шумилов Е. Ф. Архитектура Ижевска (ӟуч): история развития и перспективы архитектуры, градостроительства и монументального искусства / под ред. А. С. Терёхин, В. П. Орлов — Ижевск: Удмуртия, 1978. — 116 с. — 3000 экз.
.svg)