Орлов, Василий Петрович

Рувикиын таӵе фамилиен мукет муртъёс сярысь гожтосъёс вань. Учке: Орлов.

Василий Петрович Орлов
Огъя тодэтъёс
Кунмуртлыкез	СССР СССР
Вордӥськем дырыз	24-тӥ оштолэзе 1912({{padleft:1912|4|0}}-{{padleft:4|2|0}}-{{padleft:24|2|0}})
Кулэм дырыз	15-тӥ куартолэзе 1999({{padleft:1999|4|0}}-{{padleft:5|2|0}}-{{padleft:15|2|0}}) (87 лет)
Ужъёсыз но вормонъёсыз
Дышетскемез	МАРХИ
Ужан интыез	Ижкар
Архитектурной стилез	неоклассицизм
Валтӥсь лэсьтосъёс	Ижкарлэн эспланадаез[d]
Данъетъёсыз
Премиосыз	Удмурт АССР-ысь Кун премия (1985)
Званиосыз

Василий Петрович Орлов (24-тӥ оштолэзе 1912 — 15-тӥ куартолэзе 1999) — совето архитектор. 1967—1979-тӥ аръёсы УАССР-ысь Архитекторъёслэн огазеяськонзылэн тӧроез. 1948-тӥ арысен СССР-ысь Архитекторъёслэн огазеяськонзылэн ёзчиез. РСФСР-ысь дано архитектор (1980).

«Удмурт архитектуралэн патриархез» — Ижкарлэсь туссэ кылдытӥсь, татын со 1940—1988-тӥ аръёсы ужаз.

Удмурт АССР-ысь Кун премилэн лауреатэз (1985), «Ижкарлэн дано муртэз» (1989).

Улон сюресэз

Вордӥськиз 1912-тӥ арын Росси империысь Тамбов уездысь Борщёвка черкогуртысь крестьян семьяын.

Тамбовысь школаез йылпумъяса, 1931-тӥ арысен Мускоысь лэсьтӥськонъёсын маляр луыса тыршиз.

1934—1940-тӥ аръёсы Мускоысь архитектурая институтын дышетскиз, Г. П. Гольцлэн дышетскисез.

Институтэз йылпумъямез бере Ижкаре ужаны ыстэмын вал.

Быдӟым Атыкай ож вакытэ Ижысь андан ӵыжатон заводын цехен кивалтӥз.

1945-тӥ арысен — УАССР-ысь Министръёслэн Кенешсы бордысь архитектурая ужпумъёсъя управлениын проектъёсъя «Удмуртпроект» контораен кивалтӥз, отӥяз Госархстройконтролья инспекцилэн кивалтӥсез вал.

Ижысь соку кылдытэм художествоя но ремеслоя училищеын дышетӥз.

1948-тӥ арысен — СССР-ысь Архитекторъёслэн огазеяськонзылэн ёзчиез. СССР-ысь архитекторъёслэн V ӧтчамазы пыриськиз.

1950—1988-тӥ аръёсы — проектъёсъя «Удмуртгражданпроект» институтын: мастерскойлэн валтӥсь архитекторез, мастерскойлэн кивалтӥсез, институтлэн валтӥсь инженерез, институтлэн валтӥсь архитекторез.

1967—1979-тӥ аръёсы — Удмурт АССР-ысь Архитекторъёслэн огазеяськонзылэн тӧроез.

1981-тӥ арысен пенсиын. 1999-тӥ арын улонысь кошкиз.

Ужъёсыз

1940-тӥ арысен 1988-тӥ арозь Ижкарын ужаз, карлэсь туссэ кылдытӥсь луиз.

«Ижмаш» лулчеберетъя дворец, Ижкар. СССР-ын 1960-тӥ арын поттэм марка

«Ижмаш» лулчеберетъя дворецлэн азьвыл юртэз, 2011-тӥ арысен — Драмая ӟуч кун театрлэн юртэз, 2011-тӥ ар

Нырысетӥ проектъёсыз ож вакытэ кылдӥзы — 1943—1944-тӥ аръёсы.

Карлэн архитектураяз неоклассицизмез юнматонэ мыло-кыдо пыриськиз.

Таӵе юртъёслы проект лэсьтӥз:

• «Зенит» стадион;
• «Ижмаш» лулчеберетъя дворец (2011-тӥ арысен — Драмая ӟуч кун театрлэн юртэз);
• «Ижсталь» лулчеберетъя дворец;
• «Удмуртэнерголэн» Советской ульчаысь юртэз;
• Ленин нимо ульчаысь вузкаронъя но адӟытонъя павильон (али — «Радиотехника» магазин);
• Пионеръёслэн юртсы, кытын али интыяське Удмурт Элькунысь изобразительной искусствоосъя музей.

Ижкарез монумент выллем чеберъяса пуктонъя схемалэн, кар эспланадая ансамбльлэн, Пушкинской урамысь улон коркаосъя ансамбльлэн огез авторез.

Нырысетӥ иж архитектор С. Е. Дудинлы вордскемез дырысен 200 ар тырмонлы сӥзем синпелет медальлы эскизлэн авторез.

Данъетъёсыз

• Ижкарлэн дано муртэз (1989);
• Удмурт АССР-ысь Кун премия (1985) — «Устинов карысь Шор площадьысь ансамбльлы проект лэсьтэмзы но пуктэмзы понна» архитекторъёслэн коллективзы пӧлын.
• РСФСР-ысь дано архитектор (1980);
• Удмурт АССР-ысь искусство удысысь дано ужась (1951);
• «Ужысь ветеран» медаль;
• Кӧня ке пол пусъемын Данъян грамотаосын (1951, 1957, 1962, 1967, 1972).

Буре ваён

• 2012-тӥ арын Советской ульчаысь 15-тӥ юрт борды мемориал пул юнматэмын, та коркан 1953-тӥ арысен архитектор улӥз, сое аслаз проектэзъя ик пуктӥзы вал.
• 2014-тӥ арын В. П. Орловлы сӥзьыса выль урам нимамын — Орлов архитектор нимо ульча.

Валэктонъёс

Чӧлсконъёс

• Орлов Василий Петрович [ӟуч]

• 100 лет архитектору Орлову [ӟуч]

• Орлов Василий Петрович (1912—1999 гг.) [ӟуч]

• Орлов В. П [ӟуч]