Ольгинской нылпи приют (Ижкар)
| Калык юрт | ||
| Ужлы дышетонъя Ольгинской нылпи приют | ||
|---|---|---|
 | ||
| 56°50′45″ с. ш. 53°13′18″ в. д.GЯO | ||
| Кун |
 Россия |
|
| Кар | Ижкар, Советской ульча, 22б | |
| Кылдытэмын | 1896 | |
| Юртэз пуктэмын | 1901 | |
| Инлыкез |
 ОКН № 1830073000 |
|
|
|
||
 |
||
 Медиафайлъёс РувикиМедиа пушкын | ||
 | Россилэн лулчеберето кылёс лэсьтосъёсыз улос инлыкен рег. № 181710803380005 (ЕГРОКН) лэсьтос № 1830073000 (БД Викигида) |
Ужлы дышетонъя Ольгинской нылпи приют Ижкарын 1896-тӥ арын кылдытэмын. 1901-тӥ арын пуктэм приют Советской ульчаысь 22б номеро юртын интыяськемын, Удмурт Элькунысь историысь но лулчеберет удысысь утёно синпелетъёс пӧлы пыре[1][2].
Историез
Петербургын 1895-тӥ арын ужлы дышетонъя Ольгинской нылпи приют усьтӥськем бере, быдэс Россиын сыӵе Ольгинской приютъёс кылдыны ӧдъязы. 1896-тӥ арын 11-тӥ оштолэзе Ватка губерниысь Сарапул уездысь Иж-Нагорной волостьысь Ольгинской нылпи приют ӧсъёссэ вӧлъяз[3][4].
Приютлы юрт 1901-тӥ арын Ижысь ужасьёслэн коньдонэнызы пуктэмын. 1919-тӥ арын, Граждан ож йылпумъяськем бере, юртын Ижысь ужъя комунналэн нылпи приютэз интыяськиз, отӥяз со «революция вакытысь курадӟемъёслэн» нылпи юртсы луиз. 1920-тӥ аръёсы приютлэн директорез удмурт писатель Кузебай Герд вал[5][6].
Приютлэн уставаз 26 параграфъёс пыризы, отын приютэ сюрон, пиналъёсты нодъян но будэтон но ужез мукет радъяно ужпумъёс сярысь рос-прос гожтэмын вал. Грамоталы дышетэм сяна, приютысь пиналъёслы музъем ужез но киужез валэктылӥзы. Озьы ик нылпиос хозяйствоысь вань ужъёсты быдэсъязы. Со дыре ик приютлэн заказъёс басьтыны но арбериоссэ вузаны правоез вал[7]. Приютэ 2-сен 12 аресозь пиосты, 2-сен 10 аресозь нылъёсты кутылӥзы. Дыдыос приютын 14 арес тырмытозязы, экеос 16 арес тырмытозязы улыны быгато вал. Со дыре ик 10 арессэс тырмытэм нылъёс пиослэсь нимаз улӥзы[8]. Вакытсы ортчем нылъёсты-пиосты дышетонниосы но мастерскойёсы распределение амалэн тодон-валанзэс будэтон вылысь ысъяллязы[3].
Приютэн кивалтон вылысь 5 ёзчилэсь попечительской кенеш кылдытэмын вал, ёзчиосты волостьын радъям ӧтчан дыръя куинь арлы бырйылӥзы. Дышетонлэсь радъяськемзэ но приютысь ваньбурез нимаз адями чакласа возиз, солы приютын квартира висъяськылӥз[9]. Пӧртэм вакытэ кенешез Ижысь пыӵалтӥрлык лэсьтонъя но андан ӵыжатонъя заводъёсысь кивалтӥсьёс П. М. Савостьянов но А. А. Певцов, Л. Н. Дубницкая — Ижысь заводъёсын кивалтӥсьлэн А. Г. Дубницкийлэн кышноез — валтӥзы[3].
Туала югдур
Туннэ приют бервылын Ижысь Первомай ёросысь нылпи творчествоя юрт интыяське[3][5][6].
Удмурт Элькунысь Кивалтэтлэн 2001-тӥ арын 17-тӥ куарусёнэ юнматэм постановлениезъя кыкез но корпусъёс улосысь лулчеберет удысысь утёно вашкала объектъёс пӧлы пыртэмын[1][2].
Галерея
.jpg)
-7.jpg)
-6.jpg)
-12.jpg)
-5.jpg)
Валэктонъёс
- ↑ 1 2 Объекты культурного наследия (памятники истории и культуры) регионального (Удмуртской Республики) значения
- ↑ 1 2 Постановление Правительства Удмуртской Республики № 966 от 17.09.2001 «Об отнесении недвижимых объектов историко-культурного наследия Удмуртской Республики к категории памятников истории и культуры местного (Удмуртской республики) значения»
- ↑ 1 2 3 4 Русских С. Б Милосердие и призрение: «Устав Ольгинского детского приюта трудолюбия» [ӟуч] udmkrai.unatlib.org.ru. Край удмуртский. Эскеремын 2020-01-23 арын
- ↑ Устав, 1901, с. 2.
- ↑ 1 2 Ренёв Е. Г. География памяти: по старым улицам Первомайского района: исторические очерки. — Ижевск, 2005. — С. 4. — 16 с. — 2000 экз.
- ↑ 1 2 Елена Кардопольцева В Ижевске Дом Оглоблина сделают рестораном [ӟуч] Сетевое издание IZHLIFE. ООО «Радио - Инвест». Эскеремын 2020-01-23 арын
- ↑ Устав, 1901, с. 9—10.
- ↑ Устав, 1901, с. 4.
- ↑ Устав, 1901, с. 6, 8.
Литература
- Устав Ольгинского детского приюта трудолюбия Ижевско-Нагорной волости, Сарапульского уезда, Вятской губернии. — Ижевский завод: Типография В. С. Кучина, 1901. — 14 с.
.svg)