Санкт-Петербург

Санкт-Петербург
	Кар, Росси Федерациысь асмос
Санкт-Петербург
	нем. Sankt Petersburg
Флаг[d]	Герб[d]
	59°57′ с. ш. 30°19′ в. д.GЯO
Кун	Россия
Тӧро	Александр Дмитриевич Беглов[d]
Историез но географиез
Кылдытэмын	27-тӥ куартолэзе 1703
Быдӟалаез	1439 км²
Шор интылэн ӝуждалаез	3
Куазь	Влажный континентальный климат[d]
Часовой пояс	MSD, UTC+3:00[d] и Европа/Москва[d]
Улӥсез
Улӥсез	▼5 600 044 чел. (2023);
Улӥсь калыклэн ӵемлыкез	3607,85 адями/км²
Агломерация	5,4 миллион
Официальной кылъёс	Ӟуч кыл
Лыдпус тодметъёс
Телефон код	812
	199406 и 190000
Автомобиль код	78, 98, 178 и 198
	gov.spb.ru
	Санкт-Петербург
	Медиафайлъёс РувикиМедиа пушкын

Санкт-Петербург — Росси Федерациысь федерал инлыко кар, Уйпал но Шундыпуксёнпал федерал округлэн шоркарез, Ленинград улослэн центрез, XVIII—XX дауръёсы Росси империлэн шоркарез вал. 1965-тӥ арын карлы «Город-герой» ним сётэмын. РСФСР-ысь Горд Знамя орденэн пусъемын (1919), Ленинлэн орденэныз (1945, 1957) но Октябрь Революцилэн орденэныз (1967)^[4].

Карлэн нимъёсыз

Санкт-Петербург (немец кылысь берыктыса, Св. Петырлы сӥзем кар) — Петр I-лэн пуктэмезъя, 1703-тӥ арын Нева шур дурын карез ӝутон ужъёс кутскемын.

Петроград — 1914-тӥ арысен.
Ленинград — 1924-тӥ арысен.
Санкт-Петербург — 1989-тӥ арысен.

Вакчиятыса городлэн нимыз — СПб.

Историез

1703-тӥ арын 16-тӥ куартолэзе Петр I-лэн пуктэмезъя, Санкт-Петербургез ӝутон ужъёс радъямын вал. Та нуналэ вуоно Петропавловской крепостьлэн инъетаз нырысетӥ из понэмын. Крепость Заячий шормуӵын интыяськиз. Та крепость Нева шурлэсь фарватерзэ утён понна чакламын. 1704-тӥ арын Котлин шормучын Кронштадт крепостез ӝутыны кутскизы. Туала Санкт-Петербург интыын азьвыл таӵе гуртъёс интыяськемын вал — Автово, Купчино, Стрельна но Ниен — пичигес кар.

Петр I кар азе валтӥсь ужпум пуктӥз — Россиысь Европае ву кузя сюресэз утён. Васильевской шормуӵын кылдытэмын вал Россиысь нырысетӥез порт.

1712-тӥ арысен 1918-тӥ арозь Санкт-Петербург Росси империлэн шоркарез лыдъяськиз.
1715-тӥ арын карын усьтэмын Морской академи.
1719-тӥ арын Санкт-Петербургын усьтэмын Россиысь нырысетӥез публичной музей — Кунсткамера.
1724-тӥ арын Наукая Академи ужаны кутскиз.
1756-тӥ арын публичной театр ужаны кутскиз.
1757-тӥ арын Суредаськонъя Императорской академи кылдытэмын.
1795-тӥ арын Императорской библиотека кылдытэмын.
1819-тӥ арын Санкт-Петербургысь университет усьтэмын.
1825-тӥ арын Санкт-Петербургын декабрьской восстани пуромиз.
1837-тӥ арын усьтӥське Россиысь нырысетӥез чугун сюрес. Со Санкт-Петербургез но Царской селоез огазеязез.

1851-тӥ арын Санкт-Петербург-Муско чугун сюрес усьтэмын.
XX дауре карын куинь революци ортчиз: 1905-1907-тӥ аръёсы ортчем революци, 1917-тӥ аре Февральской но Октябрьской революциос.
1927-тӥ арын Ленинград улос кылдытэмын но Петроградлэн нимыз Ленинградлы воштэмын. Быдӟым Атыкай ож вакытэ Ленинград 900 нунал ӵоже котретын вал.
1955-тӥ арын ужаны кутскиз метрополитен.
1991-тӥ арын Ленинградлы азьвыл нимыз берыктэмын.

Интыяськемез но улӥсь калыкез

Мусколэсь 664 иськемлы палэнын интыськемын. Сылэ Нева шур дурын, Балтика зарезь дурын, Европалэн уйпалаз, Росси Федерацилэн Уйпал но шундыпуксён вискын.

2010-тӥ арын Санкт-Петербургын 4 600 310 адями лыдъяське вал. Европаын улӥсь калыклэн лыдызъя со куинетӥез кар (шоркар статусъем городъёсты лыдэ басьтытэк) луэ, Россиын — кыкетӥез (Муско бере).

Кивалтэт

2008-тӥ арысен Санкт-Петербургын Росси Федерацилэн Конституционной судэз интыськемын. 1992-тӥ арысен — СНГ-ысь Межпарламентской ассамблеяез.

Карен кивалто: губернатор, Кивалтэт, Санкт-Петербурглэн кар Администрациез, Законодательной Собрани.

Санкт-Петербург 18 ёрослы люкемын:

Экономика

Санкт-Петербург — Росси Федерациысь экономикая огез валтӥсь кар. Отын тужгес азинске промышленность но туризм.

Валтӥсь заводъёсыз: Киров завод, Ленинградской металлической завод, «Электросила», Ижор заводъёс, «Вагонмаш» Петербургской трамвайно-механической завод, автобусной завод «Скания-Питер», Toyota, General Motors, Nissan, Hyundai. «Северной верфь», Балти завод, Адмиралтейской верфь, Канонерской завод, Невской судостроительной завод но мукет.

Транспорт

Санкт-Петербург — автомобиль сюресъёсъя Скандинави кунъёсты, Европаез, Россиысь портэм городъёсты огазеясь валтӥсь ёзэтэз луэ. Озьы ик азинскемын ву вылтӥ мынон-ветлон сюресъёс. Карын Европаысь огез тужгес бадӟымез порт интыяськемын. Ужало Калыккуспо аэропортъёс — Пулково-1, но Пулково-2. Чыгун сюрес транспортной магистральлэн валтӥсь ёзэз луэ. Карын 1955-тӥ арысен метрополитен ужа.

Наука но дышетскон удыс

Санкт-Петербургын 1047 нылпи садъёс ужало, 735 школаос, 160 нимазъям дышетскон юртъёс, 95 вылӥ дышетсконниос.

Санкт-Петербург Россилэн наукая но дышетонъя центрез луэ.

Карын интыяськемын валтись вылӥ дышетсконниос: Санкт-Петербургысь кун университет, Политехникая кун университет, Электротехникая кун университет, Горной институт, Зарезь техникая кун университет, экономикая кун университет, лесотехнической кун академи, педагогикая Росси кун университет, Инженерно-экономической университет, механикая но оптикая, Аэрокосмической прибор лэсьтонъя кун университет, Чугун сюресъёсъя кун университет, Консерватори, Театр устолыкъя Академи, Военно-космической академи, Военно-медицинской академи, Михайловской военной артиллерийской университет, Военно-морской институт но мукет.

Санкт-Петербург — Россиысь тужгес бадӟымез тодосъя центр луэ. Карын ужало пӧртэм тодос ужюртъёс: научно-исследовательской институтъёс, Россиысь наукая академилэн пӧртэм ёзъёсыз (60 институт). Огъя Россиен ӵошатыса, карлэн наукая но дышетонъя потенциалэз 15 процент луэ — соин сэрен Санкт-Петербург калыккуспо тодос центрен лыдьяськыны быгатэ. Россиысь наука но дышетон удысын ужась калыклэн лыдызья Вӧсьлыко Петыркар кыкетӥ интыын сылэ.

Архитектура

Санкт-Петербург. Петропавловской крепость

Петр I карлэсь архитектуразэ Амстердам но Венеци каръёслэсь адӟем карыса лэсьтыны тыршиз. Соин сэрен татын котькуд урам изэн шобыртэмын но трос ву сюресъёс (каналъёс) лэсьтэмын. Озьы ик Петр I мукет городъёсын излэсь юртъёс ӝутыны ӧз лэзьы.

Карлэсь архитектурной планзэ радъяз француз Жан-Батист Леблон. Петербурглэн тужгес адскымон аспӧртэмлыкез — шонер сюресъёс, трос карлудъёс, паркъёс, ву каналъёс, выжъёс но фонтанъёс.

Исторической синпелетъёс пӧлы пыртэмын XVII—XX дауре лэсьтэм юртъёс: Петропавловской крепость, Александро-Невской лавра, Смольный институт, Дворцовой карлуд, Зимний дворец, Адмиралтейство, Невской проспект, Биржа, Сенатской площадь, Петр I-лы синпелет (усьтэмын 1782-тӥ арын), Площадь восстания но мукет. Синмаськымон луэ Петергофысь фонтан комплекс.

Лулчеберет

Россилэн Уйпал шоркарез тужгес тунсыко луэ туристъёслы, уго куинь даур ортчыса но, архитектура ласянь та карлэн вылтусыз сокем зол ӧз воштӥськы. Пӧртэм политической но экономической ужпумъёс сэрен (огез валтӥсез — совето вакытэ шоркар инлыксэ ыштон, та ик карлэсь архитектуразэ воштӥськонъёслэсь утиз). Али дыре Санкт-Петербург европейской культуралэн синпелетэз лыдъяське.

1990-тӥ арысен Санкт-Петербург ЮНЕСКОен утись каръёс пӧлы пыртэмын (карын ог 4000 пала исторической синпелетъёс лыдъясько). 221 музей, 2000 библиотека, ог 80 театр, 100 концерт залъёс, 45 галерея, 62 кинотеатр, 80 лулчеберетъя юртъёс — ваньмыз соос карлэсь лулчеберет узырлыксэ возьмато. Котькуд ар татын 100 пала фестивальёс но ӵошатсконъёс радъясько, соос пӧлысь 50 палаез каллыккуспо луэ.

Музейёс[Тупатыны | вики-текстэз тупатыны]

Эрмитаж, Ӟуч музей, Центральной военно-морской, Кар скульптурая, Санкт-Петербурглэн историезъя, Кунсткамера но мукет.

Театръёс[Тупатыны | вики-текстэз тупатыны]

Мариинской театр (1738-тӥ арын татын усьтэмын Эктонъя школа, солы луыса кылдӥз Мариинской театр), Александринской театр, Михайловской театр, Бадӟым драматической театр, Комедияя академической театр, Малый драматически театр но мукетъёсыз.

Библиотекаос[Тупатыны | вики-текстэз тупатыны]

Россиысь йӧскалык библиотека, Наукаосъя Росси Академилэн библиотекаез, Б. Н. Ельцин нимо Президентской библиотека но мукет.

Дунне лулчеберетэз азинтон но узырмытон[Тупатыны | вики-текстэз тупатыны]

1724-тӥ арын Петр I-лэн пуктэмезъя усьтэмын Наукаосъя Росси академи, 1757-тӥ арын Санкт-Петербургын усьтэмын Суредаськонъя Академи. XIX дауре татын дышетскизы Карл Брюллов но Илья Репин, XX дауре — Николай Тимков, Сергей Осипов, Александр Самохвалов, Николай Позднеев, Евгения Антипова, Арсений Семенов, Лев Русов.

Тытын улӥз но ужаз физиология Нобель премилэн лауратэз Иван Петрович Павлов. Котькуд адямилы тодмо луэм Дмитрий Менделеев татын кылдытӥз аслэсьтыз хими кылдэтъёсын периодической таблицазэ.

Санкт-Петербургын улӥзы Пётр Ильич Чайковский, Александр Пушкин, Фёдор Достоевский, Александр Блок, Анна Ахматова но мукетъёс.

Галерея

Дворцовой карлуд

Валэктонъёс

Росси Федерациысь асмосъёс

Элькунъёс:	Адыгея \| Алтай \| Башкирия \| Бурятия \| Дагестан \| Донецк Калык Элькун \| Ингушетия \| Кабардино-Балкария \| Калмыкия \| Карачаево-Черкесия \| Карелия \| Коми Элькун \| Крым \| Луганск Калык Элькун \| Марий Эл \| Мордовия \| Татарстан \| Тыва \| Удмуртия \|Уйпал Осетия \| Хакасия \| Чечня \| Чувашия \| Якутия
Шаеръёс:	Алтай шаер \| Забайкальской шаер \| Камчатка \| Краснодар шаер \| Красноярск шаер \| Пермь шаер \| Приморской шаер \| Ставрополь шаер \| Хабаровск шаер
Улосъёс:	Амур улос \|Архангельск улос\|Астрахань улос \| Белгород улос \| Брянск улос \| Владимир улос \| Волгоград улос \| Вологда улос \| Воронеж улос \|Запорожье улос \| Иваново улос \|Иркутск улос \| Калининград улос \| Калуга улос \| Кемерово улос \| Киров улос \| Кострома улос \| Курган улос \| Курск улос \| Ленинград улос \| Липецк улос \| Магадан улос \| \| Муско улос \| Мурманск улос \|Нижний Новгород улос\| Новгород улос \|Новосибирск улос \| Омск улос \| Оренбург улос \| Орёл улос \| Пенза улос \| Псков улос \| Ростов улос \| Рязань улос \| Самара улос \| Саратов улос \| Сахалин улос \| Свердлов улос \| Смоленск улос \| Тамбов улос \| Тверь улос \| Томск улос \| Тула улос \| Тюмень улос \| Ульяновск улос \| Херсон улос \| Челябинск улос \| Ярославль улос
Федерал значениен каръёс:	Муско \| Санкт-Петербург \| Севастополь
Автоном улос	Еврей
Автоном округъёс:	Ненец автоном округ\| Ханты-Мансийск автоном округ — Югра \| Чукотка автоном округ \| Ямал-Ненец автоном округ

Федерал округъёс:

[_44ca6f6631195453-1] ttps://lenta.ru/news/2018/10/03/poltavchenko/

[_3a9cd5b86e2c217d-2] ttps://data.iana.org/time-zones/tzdb-2021e/europe

[_ffc0ebc4237a74a3-3] ttps://rosstat.gov.ru/storage/mediabank/Bul_MO_2023.xlsx

[4] Пайдаё информация йӧн санкт-петербургысь

[1]

[2]

[3]

[4]