Чайковский, Пётр Ильич

Википедиысь материал
Эскерем гожтос
Пётр Ильич Чайковский
Н. Д. Кузнецов. П. И. Чайковскийлэн портретэз. 1893 Дэра, вӧй. 96 × 74 см Третьяковской галерея, Москва
Н. Д. Кузнецов. П. И. Чайковскийлэн портретэз. 1893
Дэра, вӧй. 96 × 74 см
Третьяковской галерея, Москва
Валтӥсь тодэтъёс
Вордскем дырыз 25-тӥ оштолэзе (7-тӥ куартолэзе) 1840[1][2][…]
Вордскем интыез
Кулэм дырыз 25-тӥ коньывуонэ (6-тӥ шуркынмонэ) 1893[3][1][…] (53 года)
Кулэмын  Санкт-Петербург
Кун Росси империяFlag of Russia.svg Росси империя
Ужудысэз композитор, дирижёр, музыкальный педагог
Крезьгуро инструментъёс фортепиано[d]
Жанръёс симфония[d], опера[d], балет[d], классическая музыка[d] и музыка периода романтизма[d]
Данъетъёсыз Святой Владимирлэн 4-тӥ степенё орденэз
Кинюртэмез
Изображение автографа
Логотип Викисклада Медиафайлъёс РувикиМедиа пушкын

Пётр Ильи́ч Чайко́вский (25 оштолэзе [7 куартолэзе] 1840, Вотка каргурт, Вятской губерния — 25 коньывуонэ [6 шуркынмонэ] 1893, Санкт-Петербург) — ӟуч композитор, педагог, дирижёр но крезьгур критик.

Выжыосыз

[Тупатыны | вики-текстэз тупатыны]

Атаезъя крезьгурчилэн пересь песятаез Фёдор Афанасьевич Чайка (1695—1767), Кременчугской уездысь Малороссиысь Чайка нимо тодмо казак выжжысь, православной шляхтич. Пыриськемын Полтавской оже. Песятаез Пётр Фёдорович Чайка (1745—1818), Киево-Могилянской академиын дышетскыкуз фамилизэ ӧжытак «чебермам», Чайковский шуыса гожтэм. Эмчи луыса ужаз, 1768—1774-тӥ аръёсы русско-турецкой оже пыриськиз. Берло Пермьын служить кариз, Кунгурын городовой лекарь луыса тыршиз, собере Вяткаын. 1785-тӥ арын дворянство басьтӥз, Вятской губерниысь Слободской уездной карын городничий луыса ужаз, атын ик Илья пиез вордӥськиз. 20 арлэсь кема, кулытозяз, Вятской губерниысь Глаз карлэн городничиез вал. Кышноеныз, Анастасия Степановна Посоховаен 20 нылпи вордӥзы.

Анаезъя крезьгурчилэн пересь песятаез, Мишель-Виктор Асье (1736—1799) — француз скульптор, Мейсенской Королевской фарфоровой фабрикаысь «модельмейстер», кузпалъяськемын вал Мария Кристина Элеонора Виттиген, австри офицерлэн Георг Виттиглэн нылыз[5]. Соослэн витетӥ пиналзы, Михаэль Генрих Максимилиан Асье (1778—1830), 1795-тӥ арын Россие Артиллерийской но Инженерной шляхетской кадетской корпусын француз но немец кылъёслы дышетыны лыктӥз, 1800-тӥ арын ӟуч подданство басьтэмез бере, нимзэ ӟуч сямен кариз — Андрей Михайлович Ассиер. Берло Росси империысь Коньдэтъя министерствоын таможенной чиновник луыса тыршиз, Действительный статский советник чинозь будӥз, кык пол кышнояськылӥз, сизьым нылпи будэтӥз.

Илья Петрович Чайковский (1795—1880), крезьгурчилэн атаез, Петр Фёдоровичлэн 20 нылпиез пӧлысь самой покчиез[6]. Санкт-Петербургысь Горной кадетской корпусын дышетскемез бере, инженер диплом басьтыса, Горной но соляной ужъёсъя департаментэ службае ыстэмын вал. Кузпалыз Мария Карловна Кайзер кулэм бере, (соин ӵош Зинаида нылзы кылиз), 1833-тӥ арын 20-летней Ассиер Александра Андреевнаез (1812—1854) кышно басьтӥз.

1837-тӥ Илья Петровичез Уралысь Камско-Воткинской сталелитейной заводэн кивалтыны келязы. Татын Чайковскийёслэн бадӟым корказы, медооссы но сю пала казакъёслэсь аслсэлэн войскозы вал[7].

Пинал дырыз

[Тупатыны | вики-текстэз тупатыны]
Чайковскийёслэн семьязы, 1848-тӥ ар
(паллянысез — Пётр Ильич)

Пётр Ильич Чайковский вордӥськиз 25 оштолэзе (7 куартолэзе) 1840 Вятской губерниысь Сарапул уездысь Камско-Воткинской завод котырысь Вотка каргуртын (али Вотка кар, Удмуртия). Со арын ик 5 (17) куартолэзе Воткаысь Благовещенской черкын пыртэмын; воспреемникъёсыз луизы протоиерей Василий Блинов но Надежда Тимофеевна Вальцева[* 1]. Пётр семьяязы кыкетӥ пинал: 1838-тӥ арын вордӥськиз агаез Николай, 1842-тӥ арын — сузэрез Александра (бызьыса Давыдова луиз), 1843-тӥ арын — Ипполит. Илья Петровичлэн мукет ӵыжы-выжыез но соосын ӵош улӥз: апаез — Надежда Тимофеевна но солэн нылъёсыз — Лидия Чайковская (сирота) но Настасья Васильевна Попова[9].

Петр Ильичлэн анай-атаез туж яратылӥзы крезьгурез: атаез егит дыръяз флейтаен шудылӥз, анаез куке но арфаен но фортепианоен[5] шудылэм, пӧртэм романсъёс[* 2] кырӟаллям. Вань бай коркаосын сямен, Чайковскийёслэн о коркаязы сылӥз рояль но механической орган — оркестрина.

Пинал дыръяз Петр Чайковский кылбур но гожъяны вырылӥз, ӵемгес француз кылын, Людовик XVII-лэн улон-вылонэныз тунсыкъяськиз. 1848-тӥ арын Илья Петрович, генерал-майорнимын отставкае потыса, семьяеныз Петербурге улыны выжиз. Татын Пётрез но Николаез отдали в пансион Шмеллинглэн пансионаз дышетскыны интыязы. Татын ик Филлипов дышетӥсез крезьгурлы йӧн-йӧн дышетыны кутскитз. Татын нырысьсэ театрез, операез балетэз но симфонической оркестрез адӟиз.

Николаез Санкт-Петербургысь Горной инженеръёсты дасясь институтэ интыяса, 1849-тӥ арын Илья Петровичез Яковлевъёслэн заводэнызы кивалтыны Алапаевске келяло.

П. Чайковский Правоведения училищеын дышетскыкуз «правоведскаен» (треуголкаен). 1859-тӥ ар

1852-тӥ арын Илья Петрович, службазэ йылпумъяса, выльысь Санкт-Петербурге берытске, нош Пётр Правоведениея императорской училищее дышетскыны пыре, али со дышетсконни Чайковскийлэсь нимзэ нуллэ. 1854-тӥ арын анаез, Александра Андреевна, сьӧдкылен черласа кулӥз.

13 (25) куартолэзе 1859-тӥ арын Чайковский училищеез йылпумъяса, аттестат но титулярный советник чин басьтӥз.

Юстициын службаез

[Тупатыны | вики-текстэз тупатыны]

Правоведения училищеез йылпумъямез бере, Пётр Чайковский Юстиция министерстволэн департаментэзлэн I отделенияз службазэ нуыны кутскиз[10]. Татын тросгес крестьян калыклэн ужъёсызъя ужкагазъёсын вырылӥз. Ваньмон но шутэтскон дыръёссэ сузэр-вынъёсыныз ортчытъяз, операя театре ветлылӥз, тужгес итальян опералы синмаськиз[11].

1861-тӥ арын нырысьсэ кунгож сьӧры потаз: гужем ӵоже[12] атаезлэн тодмоезлэн, В. В. Писарев инженерлэн Европаын кылысь кылэ берыктӥсез чотын улӥз. Куинь толэзь куспын Берлинэ, Гамбурге, Брюсселе, Антверпенэ, Остенде, Лондонэ но Париже вуылӥз. Соберегес европейской культураен тунсыкъяськонэз юнмаз. Кӧня ке кылъёсты тодэмез берло гастрольной ужаз туж зол юрттӥз[13][* 3].

Петербургысь консерваториын[Тупатыны | вики-текстэз тупатыны]

П. Чайковский, 1860-тӥ арлэн кутсконаз

1861-тӥ арын куарусён толэзе Пётр, атаезлэн индылэмезъя Ӟуч крезьгуро дэменлыклэн (Русское музыкальное общество (РМО) крезьгурлы дышетскон классын быгатонлыкъёссэ будэтыны мылкыд кариз. 1862-тӥ арын Санкт-Петербургысь Н. А. Римский-Корсаков нимо консерватория нимамын. Татын солэн дышетӥсьёсыз луизы Николай Заремба (контрапункт, музыкальной форма) но Антон Рубинштейн (сочинение но инструментовка). Со вакытэ ик Чезаре Чиарди дорын флейтаен но Генрих Штиль дорын органэн шудыны дышетскиз[14]. 1863-тӥ арозь Чайковский крезьгурлы чиновниклэсь ужзэ быдэсъян вискын гинэ дышетскылӥз. Но Антон Рубинштейнлэн индылэмезъя, ужзэ куштыса, ассэ быдэсак крезьгур дуннелы сётӥз.

Консерваториын дышетскон вакытаз гожтэм сочинениосыз пӧлын — увертюра «Гроза», Александр Островскийлэн одноимённой пьесаезъя но симфонической оркестрлы «Характерные танцы» («Танцы сенных девушек»), берлогес «Воевода» операе пыртэмын. «Характерные танцы» нырысьсэ шудэмын 1865-тӥ арын 30-тӥ гудырикошконэ Иоганн Штрауслэн кивалтэмез улсын Павловск нимо концерт залын — та ик луиз Чайковскийлэсь крезьгурзэ калык азе поттон. Собере, консерваториысь оркестрлэн шудэмезъя, выль Увертюраеныз F-durМихайловской дворецын дирижировать кариз[15].

Чайковскийлэн диплом ужез ― Фридрих Шиллерлэн ӟуч берыктэм одаезъя «К радости» кантата. Быдэстэмын 29 толсуре 1865-тӥ арын (10 толшоре 1866)[14]. Со арын ик 31 толсуре (12 толшоре) Пётр Ильич Петербургысь консерваториез бадӟым азвесь медален йылпумъяз.

Мускоын (1866—1878)[Тупатыны | вики-текстэз тупатыны]

П. Чайковский, 1860-тӥ арлэн пумыз

5 (17) толшоре 1866-тӥ арын Пётр Чайковский Санкт-Петербургысь кошкыса, Москваысь Ӟуч крезьгуро дэменлыклэн свободной сочинения но гармония, крезьгурлэн теориезъя но инструментовкая классъёсын профессор нимын дышетон ужудыссэ кутскиз[16].

1868-тӥ арын Чайковский нырысьсэ крезьгур критик чотын печатласькиз но Петербургысь крезьгурчиослэн «Могучая кучка» дэменлыкенызы тодматскиз. Улон шоры учконзы пӧртэм ке но вал, ужан кусыпсы тупаз. Таослэн азьветлӥсьсылэн, Милий Балакиревлэн дэмламезъя Чайковский Шекспирлэн (1869)"Ромео и Джульетта" трагедиезъя увертюра-фантазия гожтӥз, нош критик В. В. Стасов «Буря» (1873) симфонической фантазия гожтыны ӵектӥз.

1872-тӥ арысен 1876-тӥ арозь «Русские ведомости» газетын крезьгур критик луыса ужаз. 1874-тӥ арын «Русских ведомостлэн» косэмезъя крезьгурчи Италие мынӥз, Миланын Глинкалэн "Жизнь за царя операезлы рецензия гожтон вылысь.

Чайковскийлэн ужъёсыз пӧртэм жанръёсын быдэс дуннелы тодмо луо. Со: дас опера, куинь балет, сизьым симфони (куатез соос пӧлысь лыдпусэн пусъемын сизьыметӥез — «Манфред» нимын гожтэмын), сю ньыль романс, кӧня ке программной симфонической произведениос, концертъёслы но камерно-инструментальной ансамбльъёслы гожтэм произведениос, хоровой сочинениос, кантатаос, фортепианной миниатюраос но сузьетъёс.

Солэн творчествоез дунневыл крезьгур культураын шӧдскымон инты басьтэ. Со сяна, ӟуч крезьгурлэн азинскон сюресаз выль вакытэзлэн одӥгез тужгес яркыт тодметэз луэ.

Берпум нуналъёсыз[Тупатыны | вики-текстэз тупатыны]

«Новости дня» газетысь П. И. Чайковскийлэн кулэмез сярысь гожтос. 1893-тӥ ар

Ӝыт 20 коньывуонэ (1 шуркынмонэ) 1893-тӥ арын Чайковский берозь Петербургысь Литературной кафеын пукиз. Отын ик быректытмтэ юон вулэсь сьӧдкылен черласа, 25 коньывуонэ (6 шуркынмонэ) кулӥз[17].

Валэктонъёс

[Тупатыны | вики-текстэз тупатыны]
  1. ↑ Из Свидетельства о рождении П. И. Чайковского: «По указу Его Императорского Величества от Вятской Духовной Консистории дано сие свидетельство о том, что в метрической книге Сарапульского округа Воткинского завода Благовещенского Собора 1840 года под № 187-м значится: Камско-воткинского завода у горного Начальника, Подполковника и Кавалера Ильи Петрова Чайковского и законной его жены Александры Андреевой сын Пётр родился двадцать пятого Апреля, а крещён Мая пятого числа тысяча восемьсот сорокового года; воспреемниками были: Камско-воткинский протоиерей Василий Блинов и горного исправника, коллежского секретаря Алексея Вальцева жена Надежда Тимофеева. Февраля 12 дня 1846 г. [далее следуют подписи]»[8].
  2. ↑ Романс Алябьева «Соловей» на всю жизнь остался любимым романсом и всегда вызывал у Чайковского яркое воспоминание о пении матери[5].
  3. ↑ Германия — первая европейская страна, которую посетил П. И. Чайковский, оказалась и последней в череде его зарубежных поездок — за два месяца до кончины композитор приезжал в Гамбург.
  1. ↑ 1 2 Большая советская энциклопедия (ӟуч): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. ↑ Encyclopædia Britannica (англ.)
  3. ↑ Соловьев Н. Чайковский, Петр Ильич (ӟуч) // Энциклопедический словарь — СПб.: Брокгауз — Ефрон, 1903. — Т. XXXVIII. — С. 373—375.
  4. ↑ Archivio Storico Ricordi — 1808.
  5. ↑ 1 2 3 Познанский, 2010, ч. 1, гл. 1.
  6. ↑ Берберова, 1997, с. 21.
  7. ↑ Берберова, 1997, с. 22.
  8. ↑ Цит. по: Вайдман, Давыдова, Соколинская, 1978, с. 190.
  9. ↑ M-elle Fanny Durbach. Из воспоминаний М. И. Чайковского
  10. ↑ Берберова, 1997, с. 50.
  11. ↑ Берберова, 1997, с. 52—54.
  12. ↑ Tschaikowsky und Deutschland
  13. ↑ Academia, 1934—1936.
    Модест Чайковский. Т. 1, 1997.
    Познанский, 2010, ч. 1, гл. 1.
    Концертные поездки П.И. Чайковского Эскеремын 2014-08-15 аре .
  14. ↑ 1 2 Вайдман, Давыдова, Соколинская, 1978, с. 20.
  15. ↑ Берберова, 1997, с. 65.
  16. ↑ Педагогическая деятельность
  17. ↑ П. И. Чайковскій (некрологъ). // «Правительственный Вѣстникъ». 26 октября (7 ноября) 1893, № 235. — С. 2.

Чӧлсконъёс

[Тупатыны | вики-текстэз тупатыны]

«https://udm.ruwiki.ru/w/index.php?title=Чайковский,_Пётр_Ильич&oldid=161558»-ысь басьтэмын