Ватка губерния

Губерния
Ватка губерния
Герб
58°36′ с. ш. 49°39′ в. д.
Кун	Росси империя[d]  Росси республика[d]  РСФСР  СССР
Адм. центрез	Ватка
Историез но географиез
Кылдытэмын	1796-тӥ арын
Быдтэмын	1929
Быдӟалаез	169629 км²
Улӥсез
Улӥсез	3 030 831 мурт (1897)
Бӧрысьлыкез ← Ватка наместничество Нижний Новгород шаер →
Медиафайлъёс РувикиМедиа пушкын

Ватка губе́рния (ӟуч: Вятская губерния) — Росси империысь, Росси республикаысь но РСФСР-ысь губерния, шорсюлмыз — Ватка кар (туала Киров). Ватка наместничествоысь 1796-тӥ арын кылдытэмын. 1929-тӥ арын 14-тӥ толсуре сокугес кылдэм Нижний Новгород улосэ пыриз. Азьвыл Ватка губернилэн интывылаз туала Киров улослэн но Удмурт Элькунлэн бадӟым люкетэз шедьылӥзы.

1897-тӥ арын калыкез лыдъян-чотанъя, 3 млн адямилэсь трос улӥсен Ватка губерния Росси империысь кыкетӥез бадӟымез губерния вал, Киев губернилэсь гинэ кыльылӥз.

Интыяськемез

Уйпалаз бускелез Вологда губерния вал, шундыӝужан палаз — Пермь, лымшор палаз — Нижний Новгород, Кузон но Уфа, шундыпуксён палаз — Кострома, огъя быдӟалаез 14 014 294 десятина вал (мукет ивортонъёсъя — 14 380 338, 14 518 014 яке15 526 160 дес.).

Ватка губерния (1913)

Историез

Ватка вече республика

Туала Киров улослэн интывылаз Берло луись палеолит вакытэ выжыяськем интыос тодмо. Асьме эралэсь азьвыл VII дауре ананьинской культурая синпелетъёсын возьматэм корт даур кутскиз.

1-тӥ сюрс арлэн нырысетӥ люкетаз Ватка шурлэн бассейназ удмуртъёслэн (шундыӝужан палаз) но поръёслэн (шундыпуксён палаз) финн-угор выжыоссы кылдӥзы, бассейнлэсь уйпалан — коми выжыос.

XII даурлэн пумаз — XIII даурлэн кутсконаз Ватка музъем вылэ интызэс утчась нырысетӥ ӟуч кӧчылӥсьёс выжыяськизы, соос Ватка шурлэн ярдуръёсаз нырысетӥ ӟуч Никулицын, Котельнич, Хлынов каръёсты ӝутӥзы. Монгол-бигер иго ӧръяськемен, улон интызэс воштӥсьёс шуак йылӥзы. XIV даурлэн кыкетӥ люкетаз Хлынов кар Ватка музъемлэн шорсюлмыз луиз.

1378-тӥ арын ватка знать но суздаль-нижегородской князь Дмитрий Константинович куспын юнматэм огкылъя Ватка музъем солэн вотчинаез луиз. 1383-тӥ арын князь кулэм бере улосъёс куспын пуромем ож дыръя Нижний Новгород княжество солэн выныз Борис Константинович кие выжиз, нош Суздаль княжество но Ватка музъем — Семён Дмитриевич но Василий Кирдяпа нылпиосызлы. Ӵужмуртсылэн пиеныз, Мускоысь Василий I князен, ожмаськонын агай-вынъёс вормизы, но Ватка музъемез асьсэлы ик утьыны быгатӥзы. 1401-тӥ арын Семён Дмитриевич улонысь кошкиз, 1403-тӥ арын — Василий Кирдяпа. Соос кулэм бере Василий I Ватка музъемез Мускоысь быдӟым княжество борды итӥз.

1425-тӥ арын Василий I кулэм бере галицино но муско группировкаос куспын пуромем ваче вуон дыръя Ватка галицкой князьёс пала пыриськиз. 1452-тӥ арын галицино группировка ваче пумит вуонэз келямез бере Ваткаын власть интыысь бояръёс но купецъёс кие выжиз. 1455-тӥ—1457-тӥ аръёсы карын пулэсь кремль ӝутӥзы. 1457-тӥ арын Василий II муско князь карез киултыны турттӥз, но пазьгемын вал. 1459-тӥ арын со Ваткалы пумит кыкетӥ походэ ӝутӥськиз, котыртэмын кема улэм кар сётскиз. Ватка музъем Мускоысь кун борды итэмын вал, интыысь аскивалтонзэ утьыса. 1485-тӥ арын карысь власть Иоанн Аникиев кивалтэм улсын сепаратистъёс кие выжиз. 1487-тӥ но 1489-тӥ аръёсы, кык походъёс бере, карез Иван III Великийлэн войскоосыз басьтӥзы, заговоре пыриськисьёсты быдтӥзы, нош ватка знать Муско котыре улыны выжиз. Ватка музъем быдэсак централизованной Ӟуч кунэ пыртэмын вал.

Ватка музъем Ӟуч эксэйлыкын

1708-тӥ—1710-тӥ аръёсы Пётр I кунэз 7 бадӟым губерниослы люкиз. Уездъёслы (утем) люкем Ватка музъем Сибирь, Кузон но Архангелогород губерниос куспын люкемын вал. Сибирь губерние валтӥсь ватка интывылъёс пыризы: Хлынов, Слободской, Котельнич, Орлов, Шестаков но Кайгород уездъёс. Лымшор интывылъёс — Яранск, Уржум, Царевосанчурск но Малмыж уездъёс — Кузон губерние сюризы. Уйпал аскивалтоно Ляльск но Луза волостьёс Архангелогород губерние шедизы.

Ваткаысь Трифонов монастырь

Сибирь губернилы нырысетӥ губернаторе Матвей Петрович Гагарин юнматэмын вал. Реформалэн куронъёсызъя, губернилэн центрез Тобольск луыны кулэ вал, но Матвей Гагарин Ваткаез бырйиз, татчы 1711-тӥ арын вуиз но татын 1715-тӥ арозь улӥз, татысен солы оскем губерниен кивалтӥз. Та вакытэ Ватка Сибирь губернилэн зэмос шорсюлмыз вал.

1719-тӥ арын выль реформая губерниез провинциослы люкылӥзы. Сибирь губерниын 3 провинциос кылдӥзы: Ватка, Соликамск но Тобольск. Ватка провинция 7 дистриктъёслы (уездъёслы) люкемын вал: Хлынов, Слободской, Котельнич, Орлов, Шестаковск, Кайгород но Кунгур. Кузон губерниысь лымшор ватка музъемъёс Кузон провинцие пыризы. Кунгур но Хлынов куспын кузь сюресэн валче 1721-тӥ арын Кунгур дистрикт Ватка провинциысь Соликамске выжтэмын вал.

Ватка губерния Росси империын

1727-тӥ арын Ватка провинция Сибирь губерниысь Кузон губерние выжиз, таин валче Ватка шаерысь Ватка шурен герӟаськем лымшор но уйпал ёросъёслэсь экономикая югдурзы капчияз.

Ватка губерния (1822)

1780-тӥ арын Екатерины II императрицалэн 1775-тӥ арын кутэм административной реформаезъя, Ватка провинцилэсь но Свияжск но Кузон провинциослэн люкетъёссылэсь Ватка наместничество кылдытэмын вал. Таин валче Хлынов кар императрицалэн вылӥ указэныз Ватка губерния кар шуыса нимамын вал.

1796-тӥ арын Ватка наместничество Ватка губернилы пӧрмытэмын вал.

1838-тӥ арын «Вятские губернские ведомости» газет потыны ӧдъяз.

1867-тӥ арын земство кылдӥз.

1874 арын 1-тӥ пӧсьтолэзе усьтӥськиз Сарапулысь окружной суд. Татын Ватка губерниысь куинь уездъёсысь ужъёсты эскерылӥзы: Сарапул, Алабо но Малмыж. Ӵапак татын XIX даур пумын данэ потэм Мултан ужъя суд ортчиз: адями курбон сётонын янгыше уськытэм удмуртъёсты утьыса Владимир Короленко вераськиз.

Ватка губерния 1891-тӥ—1892-тӥ аръёсысь сютэм улонлэсь тужгес зол шуг-секытэ вуэм 17 улосъёс пӧлы пыриз.

Ватка губерния РСФСР-ын

1918-тӥ арын Советской уезд кылдытэмын вал. Губерниын Иж-Вотка восстание пуромиз.

1919-тӥ арын Уйпал Ватка гурезь округ кылдытэмын вал, со озьы 1 ар улӥз.

1920-тӥ арын Алабго, Сарапул но Глазов уездъёс, озьы ик Малмыж, Уржум но Яранск уездъёслэн люкетъёссы Пермь губерние, Бигер АССР-е, Вотской но Пор АО-е выжизы.

1921-тӥ арын Омутнинск уезд кылдытэмын вал.

1923-тӥ арын Орлов уезд Халтурин уезд шуыса нимамын вал.

1924-тӥ арын Советской уезд быдтэмын, 1928-тӥ арын — Уржум уезд, интывылъёсыз Нолинск но Малмыж уездъёслы сётэмын вал.

1929-тӥ арын Ватка губерния но солэн вань уездъёсыз быдтэмын вал, нош соослэн интывылъёссы РСФСР-ысь Нижний Новгород улослы сётэмын вал.

Административной люкиськемез

1775-тӥ арын кылдытэм Ватка наместничество 13 уездъёслы люкемын вал: Ватка, Орлов, Глаз, Сарапул, Алабго, Слободской, Кайгород, Уржум, Котельнич, Царевосанчурск, Малмыж, Яранск но Нолинск.

Ватка губерниысь волостьёс (1892)

1856-тӥ арын Александр II императорен юнматэм губернилэн кунпусэз

1796-тӥ арын губерния кылдыку, Кайгород но Царевосанчурск уездъёс быдтэмын вал. Озьы 1918-тӥ арозь губерние 11 уездъёс пыризы:

№ п/п	Россиысь уездъёс	Уезд кар	Уезд карлэн кунпусэз	Быдӟалаез, кв. верста	Улӥсез (1897), мурт
1	Ватка	Ватка (кар) (24 089 адями)		5224,1	198 490
2	Глазов	Глаз (3220 адями)		25 166,3	373 948
3	Алабго	Алабго (9384 адями)		7729,0	242 199
4	Котельнич	Котельнич (4055 адями)		10 066,6	281 968
5	Малмыж	Малмыж (3303 адями)		14 651,0	284 046
6	Нолинск	Нолинск (4148 адями)		5806,1	191 211
7	Орлов	Орлов (2932 адями)		12 974,2	219 580
8	Сарапул	Сарапул (20 698 адями)		13 108,1	408 225
9	Слободской	Слободской (9151 адями)		24 092,2	218 246
10	Уржум	Уржум (4190 адями)		10 174,0	291 468
11	Яранск	Яранск (4808 адями)		11 519,0	373 406

Штатэ пырисьтэм кар

Ватка губерниын озьы ик штатэ пырисьтэм кар вал. Со Царевосанчурск нимаськиз.

Кар	Улӥсез (1897)	Пыриз	Кунпусэз
Царевосанчурск	1400 адями	Яранск уезд

Азьвыл кар

Кар	Улӥсез (1897)	Пыриз	Кунпусэз
Кайгород	761 адями	Слободской уезд

1802-тӥ арозь Ватка губерниын Кайгород уезд вал. Солэн Кайгород административной центрез, штатэ пырисьтэм кар луыса, та статуссэ 1854-тӥ арозь утиз. Со аре ик со Кай черкогурт луиз.

1923-тӥ арын 15-тӥ куарусёнлы уездъёс

№	Уезд	Уезд кар	Уезд карлэн кунпусэз	Быдӟалаез, км2	Волостьёслэн лыдзы
1	Ватка	Ватка (кар)			23
2	Котельнич	Котельнич			32
3	Малмыж	Малмыж			23
4	Нолинск	Нолинск			39
5	Омутнинск	Омутнинск			14
6	Орлов	Орлов			33
7	Слободской	Слободской			25
8	Советской	Советск			9
9	Уржум	Уржум			14
10	Яранск	Яранск			24

Губернилэн кивалтӥсьёсыз

Генерал-губернаторъёс

Ф. И. О.	Титулэз, чинэз, званиез	Кивалтон вакытыз
Ступишин Алексей Алексеевич	генерал-поручик	1780—1782
Ребиндер Иван Михайлович		1783
Мещерский Платон Степанович	князь, генерал-аншеф	1785—1792
Голенищев-Кутузов Михаил Илларионович	генерал-поручик	1793—1796
Модерах Карл Фёдорович	лушкем советник, Пермь но Ватка генерал-губернатор	21.09.1804—27.03.1811

Наместничестволэн кивалтӥсьёсыз

Ф. И. О.	Титулэз, чинэз, званиез	Кивалтон вакытыз
Жихарев Степан Данилович	генерал-майор	01.01.1780 — 08.04.1785
Желтухин Фёдор Фёдорович	ужась стат советник	08.04.1785 — 01.04.1796
Зиновьев Сергей Никитич	ужась стат советник	01.04.1796 — 05.09.1798

Губернаторъёс

Ф. И. О.	Титулэз, чинэз, званиез	Кивалтон вакытыз
Тютчев Степан Богданович	ужась стат советник	05.09.1798—12.04.1800
Латышев Алексей Семёнович	лушкем советник	12.04.1800 — 08.02.1802
Рунич Павел Степанович	лушкем советник	08.02.1802—31.08.1804
Болгарский Василий Иванович	ужась стат советник	02.09.1804—15.04.1808
Брадке Фёдор Иванович	ужась стат советник	03.07.1808—23.03.1816
Добринский Павел Михайлович	ужась стат советник	23.03.1816—23.12.1824
Рыхлевский Андрей Иванович	ужась стат советник	08.01.1825—24.01.1830
Ренкевич Ефим Ефимович	ужась стат советник	24.01.1830—19.03.1834
Тюфяев Кирилл Яковлевич	ужась стат советник	13.04.1834—29.05.1837
Корнилов Александр Алексеевич	ужась стат советник	01.06.1837—27.02.1838
Хомутов Иван Петрович	ужась стат советник	27.02.1838—02.10.1840
Мордвинов Александр Николаевич	ужась стат советник	10.10.1840—30.08.1842
Середа Аким Иванович	ужась стат советник	06.12.1843—08.04.1851
Семёнов Николай Николаевич	ужась стат советник	08.04.1851—22.11.1857
Муравьёв Николай Михайлович	ужась стат советник	22.11.1857—06.09.1859
Клингенберг Михаил Карлович	камергер званиын, ужась стат советник	06.09.1859—04.01.1863
Струков Владимир Николаевич	генерал-лейтенант	10.01.1863—08.03.1866
Компанейщиков Николай Васильевич	ужась стат советник	11.03.1866—14.03.1869
Чарыков Валерий Иванович	камергер званиын, ужась стат советник	14.03.1869—05.12.1875
Тройницкий Николай Александрович	ужась стат советник	02.01.1876—13.07.1882
Волков Аполлон Николаевич	ужась стат советник	15.07.1882—05.02.1887
Анисьин Алексей Фёдорович	ужась стат советник	05.02.1887—02.08.1894
Трепов Фёдор Фёдорович	генерал-майор	04.08.1894 — 09.07.1896
Клингенберг Николай Михайлович	ужась стат советник	11.07.1896—19.10.1901
Хомутов Павел Фёдорович	стат советник (ужась стат советник)	19.10.1901—23.12.1904
Левченко Александр Георгиевич	ужась стат советник	23.12.1904—19.05.1906
Горчаков Сергей Дмитриевич	князь, ужась стат советник	10.06.1906—27.03.1909
Камышанский Пётр Константинович	ужась стат советник	06.04.1909—02.11.1910
Страховский Иван Михайлович	ужась стат советник	02.11.1910—1915
Чернявский Андрей Гавриилович	коллегиысь советник	23.06.1914—30.10.1915
Руднев Николай Андреевич	ужась стат советник	1916—1917

Вице-губернаторъёс

Ф. И. О.	Титулэз, чинэз, званиез	Кивалтон вакытэз
Гористовцев Пётр Амвросиевич	стат советник	10.05.1780—06.07.1794
Карачинский Иван Яковлевич	коллегиысь советник	06.07.1794—28.01.1797
Кулебакин Александр	ужась стат советник	31.01.1797—27.03.1797
Голохвастов Яков Алексеевич	коллегиысь советник	30.05.1797—28.04.1798
Волк Иван Максимович	ужась стат советник	03.05.1798—20.08.1799
Кривский Пётр Андреевич	стат советник	05.09.1799—25.08.1800
Заварицкий Никифор Михайлович	стат советник	25.08.1800—13.03.1802
Лазарев Павел Гаврилович	коллегиысь советник	13.03.1802—03.05.1805
Штакельберг Фёдор Адамович	стат советник	03.05.1805—21.06.1811
Станиславский Кирилл Сергеевич	стат советник	14.08.1811—22.08.1817
Жмакин Александр Яковлевич	стат советник	22.08.1817—29.07.1821
Ермолаев Дмитрий Иванович	стат советник	29.07.1821—31.07.1825
Пефт Гавриил Васильевич	дворысь советник	31.07.1825—25.02.1827
Афанасьев Александр Лаврентьевич	ужась стат советник	25.02.1827—14.10.1837
Коссович Яков Андреевич	стат советник	11.10.1837—01.01.1838
Васильев Пётр Михайлович	коллегиысь советник	16.04.1838 — 24.10.1839
Падарин Андрей Максимович	стат советник	30.10.1839—08.03.1845
Костливцев Сергей Александрович	стат советник	08.03.1845—21.02.1851
Болтин Аполлон Петрович	стат советник	06.03.1851—01.09.1853
Муравьёв Пётр Матвеевич	стат советник	01.09.1853—22.01.1854
Батурин Дмитрий Иванович	ужась стат советник	03.02.1854—09.07.1873
Домелунксен Фёдор Николаевич	коллегиысь советник	27.07.1873—15.10.1879
Ратьков-Рожнов Всеволод Александрович	ужась стат советник	30.11.1879 — 17.08.1895
Новосельский Николай Николаевич	Камергер званиын, стат советник	17.08.1895—20.04.1902
Леонтьев Иван Михайлович	камергер, стат советник	18.06.1902—10.08.1902
Миркович Владимир Михайлович	камер-юнкер званиын, дворысь советник (коллегиысь советник)	10.08.1902—23.12.1905
Комаровский Виктор Владимирович	граф, церемониймейстер	23.12.1905—26.11.1907
Григорьев Дмитрий Дмитриевич	стат советник	26.11.1907—31.12.1910
Дьяченко Сергей Сергеевич	стат советник	31.12.1910—14.01.1913
Ден Виктор Эдуардович	стат советник	14.01.1913—1914
Тизенгаузен Дмитрий Орестович	барон, стат советник	1914—1915
Кандидов Павел Петрович	стат советник	1915—1917

Ватка губисполкомлэн тӧроосыз

Ватка губисполкомлэн тӧроосыз:

Нимтулыз	Кивалтон вакытэз
Попов Михаил Михайлович — партиысь ужась	1918-тӥ арын толшоре—оштолэзе
Попов Иван Васильевич (1894—1952) — революционер, партиысь но хозяйствоысь ужась	1918-тӥ арын куартолэзе—инвожое
Родигин Иван Фёдорович	1918-тӥ арын пӧсьтолэзе — гудырикошконэ, коньывуонэ
Эльцин Виктор Борисович	1918-тӥ арын куарусёнэ
Акулов Иван Алексеевич	1918-тӥ арын шуркынмонэ—1919-тӥ арын толшоре
Новосёлов Степан Андреевич	1919-тӥ арын толшоре—пӧсьтолэзе
Шиханов Павел Иванович	1919-тӥ арын пӧсьтолэзе—1920-тӥ арын южтолэзе
Вейцер Израиль Яковлевич	1920-тӥ арын южтолэзе—1921-тӥ арын куартолэзе
Спундэ Александр Петрович	1921-тӥ арын инвожое—1922-тӥ арын пӧсьтолэзе
Попов Степан Кузьмич	1922-тӥ арын инвожое—1923-тӥ арын южтолэзе
Лизарев Фёдор Семёнович	1923-тӥ арын южтолэзе—1924-тӥ арын оштолэзье
Панфилов Василий Николаевич	1924-тӥ арын инвожое—1925-тӥ арын шуркынмонэ
Груздев Никифор Киприанович	1925-тӥ арын шуркынмонэ—1926-тӥ арын южтолэзе
Позднышев Александр Никитич	1926-тӥ арын южтолэзе—1927-тӥ арын оштолэзе
Недзвецкий Фёдор Трофимович	1927-тӥ арын куартолэзе—1929-тӥ арын южтолэзе
Колпаков Иван Павлович	1929-тӥ арын южтолэзе—пӧсьтолэзе

Демография

Уездъёсын улӥсез но выжы калыкъёс 1897-тӥ арын:

Уездъёс	ӟучъёс	удмуртъёс	поръёс	бигеръёс	коми-пермякъёс	башкиръёс	тептяръёс
Оглом губерния	77,4 %	12,5 %	4,8 %	4,1 %	…	…	…
Ватка	99,5 %	…	…	…	…	…	…
Глазов	54,7 %	41,6 %	…	2,1 %	1,5 %	…	…
Алабго	53,3 %	21,9 %	3,1 %	16,3 %	…	3,7 %	1,7 %
Котельнич	99,7 %	…	…	…	…	…	…
Малмыж	53,8 %	23,8 %	3,7 %	18,6 %	…	…	…
Нолинск	99,9 %	…	…	…	…	…	…
Орлов	97,6 %	…	…	…	2,4 %	…	…
Сарапул	71,3 %	24,0 %	…	1,8 %	…	1,2 %	…
Слободской	95,0 %	2,9 %	…	2,0 %	…	…	…
Уржум	69,5 %	…	25,3 %	4,8 %	…	…	…
Яранск	86,0 %	…	13,9 %	…	…	…	…

Губерниысь улӥсьёслэн динамиказы аръёсъя:

Ар	1851	1858	1897	1910
Улӥсез	1 818 752	2 123 904	3 082 788	3 747 000

Экономика

Губерниын улӥсьёслэн валтӥсь ужзы — музъемен вырон вал (гурт удысын ӵемысь кутӥськизы: ӟег, сезьы, йыды, етӥн, кенэм). Помещикъёс музъемен ляб ужазы (югдур лымшор уездъёсын умойгес вал); бадӟым люкетэз музъем казналэн лыдъяськылӥз. 1861-тӥ арын кутэм крестьян реформа бере помещикъёс киын ог 6 % музъемъёс вал (1905-тӥ арын — 2,4 %). Помещикъёс борды юнматэм азьвыл крестьянъёслы быдэ шоро-куспо висъям наделлэн быдӟалаез 2,8 десятина вал, азьвыл дворцовой но удельной лыдъяськись крестьянъёслы быдэ — 3,8 десятина, азьвыл кун крестьянъёслы быдэ — от 3 до 10 десятина.

XVIII даурлэн шорысеныз гурезьысь узырлыкез поттон, корт поттон но корт ӵыжатон промышленность азинскизы (бадӟымесь предприятиос — Ижысь пыӵалтӥрлык поттон завод, Вотка завод (кыкез но — казённоесь), Омутнинскысь но Холуницкысь частной чугун ӵыжатон но корт поттон заводъёс).

Губернилэн экономикаяз нюлэс хозяйство но пу поттон шӧдскымон инты басьтӥзы.

Таӵе промыселъёс азинскизы: изьвер куэз ниён но солэсь арбериос лэсьтон, ку поттон, пыдкутчан но дӥськут вурон, горд сюйлэсь арбериос лэсьтон (Ватка уездысь Дымково гурт), чильпаськон (Яранск уездысь Кукарка черкогурт). XIX даур пумын губерниын юртъеразы я мастерскоязы ужась 160 сюрслэсь усточиос (кустари) вал, соос араз 16 млн манет тыр вуз лэсьтылӥзы.

Гуртысьтызы палэнэ огдырлы кошкыса ужась отходникъёс трос вал (XIX даур пумын «отходэ» ог 200 сюрс адями арлы быдэ кошкылӥз).

Губерниын валтӥсь вузкарон центръёс Ватка, Сарапул, Яранск вал. XIX даур пумын губерниын 630-лэсь ятыр ярмаркос но торжокъёс вал (бадӟымез ярмарка — Котельничысь Алексеевской (1843-тӥ арысен) 2 млн манетлэсь трос барыш поттылӥз). Губернилы азинскыны Кам кузя (1846) но Ватка кузя (1861) пароходъёсын ветлон, Пермь (1899) но Уйпал (1906; 1907-тӥ арозь Муско-Ярославль нимаськиз) чугун сюрес линиос юрттӥзы. 1897-тӥ арын губерниысь 16,5 млн манет тыр вуз поттэмын вал (та барыш пӧлысь ӝыныез гурт удысысь вузэн но промышленной сырьёен валче поттэмын).

Нимо-дано ваткаос

Кун ужасьёс но политикъёс

• Киров Сергей Миронович (1886—1934) — кун ужась но политик, ВКП(б)-лэн Ленинград обкомезлэн нырысетӥ секретарез, СССР-ысь ВКП(б)-лэн Политбюроезлэн ёзчиез. Уржум уездысь Уржум карын вордӥськиз;
• Молотов Вячеслав Михайлович (1890—1986) — кун ужась но политик, СССР-ысь Наркомъёслэн Кенешсылэн тӧроез, нарком но СССР-ысь кунгож кусыпъёсъя министр. Яранск уездысь Кукарка слободаын (али — Советск) вордӥськиз;
• Варгина Зоя Константиновна (1918—2009) — Молдава ССР-ысь нюлэс хозяйствоя управлениен кивалтӥсь;
• Клафтон Александр Константинович (1871—1920) — мерлыко ужась но политик, Эрико калык партилэн (кадетъёслэн) шундыӝужан комитетэзлэн кивалтӥсез. Ватка карын вордӥськиз;
• Любовиков Михаил Константинович (1887—1974}) — революционер но партиысь ужась, милициысь комиссар, Киров улосысь Кун арбитражысь валтӥсь арбитр, Киров карлэн дано муртэз. Ватка карын вордӥськиз;
• Носов Иван Дмитриевич (1801—1883) — XIX даурысь бадӟым росси промышленник, 1-тӥ гильдиысь купеч, филантроп. Яранскын вордӥськиз;
• Пашкин Николай Семёнович (1910—2002) — кун ужась но политик. ВКП(б)-лэн Кострома обкомысьтыз нырысетӥ секретарез, Ярославль но Липетск облисполкомъёслэн тӧрозы. Слободской уездысь Пашкины гуртын вордӥськиз;
• Созонов Егор Сергеевич (1879—1910) — революционер, эсер. Уржум уездысь Петровское черкогуртын вордӥськиз;
• Соломин Николай Александрович (1896—1924) — Ватка губерниысь призрениея кыкетӥ нарком, паллян эсер. Яранск карын вордӥськиз;
• Тихомиров Николай Михайлович (1857—1900) — лэсьтӥськись, инженер-путеец, мерлыко ужась, Новониколаевскез (али — Новосибирск) огез ӝутӥсь. Ватка карын вордӥськиз;
• Хохряков Павел Данилович (1893—1918) — революционер, большевик. Ватка уездысь Хохряки гуртын вордӥськиз;
• Чадаев Яков Ермолаевич (1904—1985) — кун ужась, экономист, экономика наукаосъя доктор, 6 орденъёслэн кавалерзы. Глазов уездысь Омутнинск каргуртын (али — Омутнинск кар) вордӥськиз;
• Чайковский Николай Васильевич (1850—1926) — революционер, эсер, Уйпал улосын огдырлы кылдытэм правительстволэн тӧроез. Ватка карын вордӥськиз;
• Чарыков Николай Валерьевич (1855—1930) — дипломат, ужась стат советник, сенатор, Росси империлэн Осман империысь шуак учыръёсъя оскем мурт. Философ но историк, Ӟуч историяя обществолэн зэмос ёзчиез. Ватка карын вордӥськиз.

Ожгар ужасьёс

• Вершинин Константин Андреевич (1900—1973) — авиациысь валтӥсь маршал, СССР-ысь ожгар но инмысь кужымъёсъя валтӥсь командующий, 16 орденъёслэн кавалерзы. Яранск уездысь Борикно гуртын вордӥськиз;
• Говоров Леонид Александрович (1897—1955) — Совето Союзысь маршал, Быдӟым Атыкай ожысь полководец, 14 атыкай но 3 кунгож сьӧр орденъёслэн кавалерзы. Яранск уездысь Бутырки гуртын вордӥськиз;
• Бельтюков Виктор Петрович (1924—1990) — совето военачальник, Быдӟым Атыкай оже пыриськем мурт, генерал-майор;
• Бронников Михаил Максимович (1911—1983) — совето ожгар ужась, генерал-майор, Совето Союзысь Герой;
• Дорофеев Анатолий Васильевич (1920—2000) — Росси Федерациысь Герой. Орлов уездысь Юрьянск ёросысь Лызгач гуртын вордӥськиз;
• Дудоров Тимофей Дмитриевич (1906—1983) — совето военачальник, генерал-майор.
• Захватаев Никанор Дмитриевич (1898—1955) — генерал-полковник, Нырысетӥ дунневыл, Граждан но Быдӟым Атыкай ожъёсы пыриськем мурт, Росси империлэн 4 орденъёсызлэн но Совето Союзлэн 9 орденъёсызлэн кавалерзы. Приморьеысь ожгар округысь но Белоруссиысь ожгар округысь штаблэн кивалтӥсез, Уйпал Кавказ ожгар округысь войскоослэн кивалтӥсьлы, СССР-ысь ВС-лэн валтӥсь штабезлэн кивалтӥсезлэн воштӥсез. Малмыж уездысь Гари гуртын вордӥськиз;
• Зашихин Гавриил Савельевич (1898—1950) — генерал-полковник, Быдӟым Атыкай ожысь полководец, 7 орденъёслэн кавалерзы. Глазов уездысь Лумпун гуртын вордӥськиз;
• Исупов Александр Филиппович (1905—1945) — гвардиысь полковник. 306-тӥ Краснознамённой авиацияя штурмовой дивизилэн командирез. Маутхаузен фашист концлагерьын военнопленнойёсты бугыръяськонэ огез ӝутӥсь. Зол курадӟытэмын (С. С. Смирнов «Герои блока смерти»). Горд Знамя куинь орденъёслэн но Горд Кизили орденлэн кавалерез. Котельнич уездысь Исупово гуртын вордӥськиз;
• Крысов Василий Семёнович (1922—2013) — совето офицер, ас танкист. Быдӟым атыкай ож вакытэ 19 танкъёсты быдтӥз;
• Садаков Павел Сергеевич (1916—1944) — Герой Совето Союзысь Герой;
• Тухаринов Юрий Владимирович (1927—1998) — генерал-полковник, Туркестан ожгар округлэн кивалтӥсезлэн воштӥсез, 40-тӥ огъя войсковой армиен кивалтӥсь. 1979-тӥ арын Афганистатын СССР-ысь ожгар кужымъёсын кивалтӥз. 3 орденъёсын пусъемын. Ватка карын вордӥськиз;
• Чемоданов Степан Иванович (1909—1996) — совето военачальник, авиациысь генерал-майор;

Лулчеберет но искусство удысысь ужасьёс

• Алдан-Семёнов Андрей Игнатьевич (1908—1985) — совето писатель. Уржум уездысь Шунгур гуртын вордӥськиз;
• Васнецов Аполлинарий Михайлович (1856—1933) — суредась но искусствовед, историысь живописья усточи. Ватка уездысь Рябово черкогуртын вордӥськиз;
• Васнецов Виктор Михайлович (1848—1926) — суредась но архитектор, историысь темаослы живописья усточи Уржум уездысь Лопьял гуртын вордӥськиз;
• Грин Александр Степанович (1880—1932) — ӟуч но совето писатель;
• Чайковский Пётр Ильич (1840—1893) — быдэс дуннелы тодмо композитор но дирижёр. Сарапул уездысь Вотка завод котырысь поселениын (али — Вотка) вордӥськиз;
• Бажин Николай Федотович (1843—1908) — писатель-реалист. Ватка карын вордӥськиз;
• Ванслов Виктор Владимирович (1923—2019) — балетовед, искусствоведениея доктор, профессор, Россиысь Художествоя академиысь Президиумлэн зэмос ёзчиез. РФ-ысь Кун премилэн лулчеберет удысысь лауреатэз. Ватка карын вордӥськиз;
• Васнецов Александр Михайлович (1861—1927) — фольклорист но калык дышетӥсь. Вотка уездысь Рябово черкогурын вордӥськиз;
• Ведерников Александр Филиппович (1927—2018) — операя кырӟась, СССР-ысь калык артист (1976);
• Гужавин Михаил Маркелович (1888—1931) — суредась-живописец но график. Уржум уездысь Шурма черкогуртын вордӥськиз;
• Гущин Николай Михайлович (1888—1965) — суредась, творчествоез символизмлы матын. Нолинск уездысь Талоключинское черкогуртын вордӥськиз;
• Исупов Алексей Владимирович (1889—1957) — ӟуч живописец но график;
• Катаев Виталий Витальевич (1925—1999) — дирижёр, профессор. Карелиысь радио но телевидениысь симфонияя оркестрен, Белоруссиысь академической симфонияя кун оркестрен но Россиысь духовой кун оркестрен кивалтӥз. Ватка карын вордӥськиз;
• Кожевников Алексей Венедиктович (1891—1980) — соцреализм ӧръя писатель, Сталин премилэн лауреатэз. Уржум уездысь Хабазы гуртын вордӥськиз;
• Костров Ермил Иванович (1755—1796) — кылбурчи, Гомерлэсь «Илиадазэ» берыктӥсь (1787, 1811);
• Лаптев Юрий Григорьевич (1903—1984) — соцреализм ӧръя писатель, Сталин премилэн лауреатэз. Ватка карын вордӥськиз;
• Лобовиков Сергей Александрович (1870—1941) — туспуктӥсь-суредась, Россиысь суреданъя туспуктонлы кутскон сётӥсь;
• Ляпунов Борис Валерианович (1921—1972) — писатель-фантаст, инсьӧрез эскеронлы мылкыдэз ӝутӥсь. Ватка карын вордӥськиз;
• Любовиков Овидий Михайлович (1924—1995) — фронтовик кылбурчи, писатель но журналист, СССР-ысь Писательёслэн огазеяськонысьтызы ёзчиез. Слободской уездысь Усть-Чепца (али — Кирово-Чепецк) карын вордӥськиз;
• Падарин Николай Михайлович (1867—1918) — театрысь актёр. Ватка карын вордӥськиз;
• Селюнин Василий Илларионович (1927—1994) — совето но росси публицист, экономикая обозреватель;
• Соломин Пётр Михайлович (1839—1871) — Ватка музъемысь кылбурчи. Яранскын вордӥськиз;
• Столбов Александр Сергеевич (ворд. 1929) — суредась-живописец, Санкт-Петербургысь Суредасьёслэн огазеяськонысьтызы ёзчиез, живописья ленинград школаез адӟытӥсь. Ватка карын вордӥськиз;
• Хохряков Николай Николаевич (1857—1928) — суредась, пейзажист;
• Шишкин Иван Иванович (1832—1898) — суредась, пейзажист.

Спортсменъёс

• Исакова Мария Григорьевна (1918—2011) — конькиен бызьылӥсь спортсменка, СССР-ысь классикая многоборьеысь куать полэс чемпионка но дуннеысь куинь полэс чемпионка. Ватка карын вордӥськиз;

Наука но дышетон удысысь ужасьёс

• Бакулев Александр Николаевич (1890—1967) — хирург, Сюлэм но сэр висёнъёсъя хирургияя институтэз кылдытӥсь, СССР-ысь АМН-лэн президентэз (1953—1960);
• Бехтерев Владимир Михайлович (1857—1927) — ӟуч медик-психиатр, невропатолог, физиолог, психолог, Россиысь рефлексологияя но патопсихологияя ӧрлы кутскон сётӥсь, академик. Алабго уездысь Сорали черкогуртын вордӥськиз;
• Ванеев Анатолий Николаевич (ворд. 1925) — библиотековед, педагогика наукаосъя доктор, профессор. Ватка карын вордӥськиз;
• Гольдин Лев Лазаревич (1919—2003) — тодосчи-физик, профессор, ССР-ысь Кун премилэн лауреатэз, Мускоысь физико-технической институтысь дышетӥсь. Слободской уездысь Белая Холуница черкогуртын (али — кар) вордӥськиз;
• Гусев Матвей Матвеевич (1826—1866) — астроном, астрофизикаысь огез пионер. Ватка карын вордӥськиз;
• Домрачёва Лидия Михайловна (1911—2006) — невропатолог, УССР-ысь дано эмъясь, 4 орденъёслэн кавалерзы. Котельнич уездысь Архангельск черкогуртын вордӥськиз;
• Драверт Пётр Людовикович (1879—1945) — геолог, этнолог но кылбурчи. Ватка карын вордӥськиз;
• Зеленин Дмитрий Константинович (1878—1950) — этнограф, профессор, Ватка тодосчиослэн архив комиссиязы пыриськем мурт, Ленинград университетысь этнография кафедраысь дышетӥсь. Сарапул уездысь Люк черкогуртын вордӥськиз;
• Изергин Пётр Васильевич (1870—1936) — эмчи, эм наукаосъя доктор, Ужысь Герой, Алупкаысь лы но туберкулёз висёнъёсты бурмытонъя санаторийлэн директорез. Котельнич уездысь Высокогорск черкогуртын вордӥськиз;
• Каринский Николай Михайлович (1873—1935) — славист, палеограф, диалектик, кылосбуръя доктор. СССР-ысь Наукаосъя академиысь корреспондент ёзчи. Ватка карын вордӥськиз;
• Курнаков Николай Семёнович (1860—1941) — физикохимик, профессор, Петербургысь Наукаосъя академиысь но СССР-ысь Наукаосъя академиысь академик. Физикая но химияя анализэз кылдытӥсь, Ленин премилэн но Сталин премилэн лауреатэз. Нолинск уездысь Нолинск карын вордӥськиз;
• Михеев Михаил Николаевич (1905—1989) — физик, техника наукаосъя доктор, Сталин премилэн лауреатэз. Слободской уездысь Зуевка каргуртын вордӥськиз;
• Ощепков Павел Кондратьевич (1908—1992) — физик, профессор, техника наукаосъя доктор, РСФСР-ысь наука но техника удысысь дано ужась. Атыкай радиолокациез но интроскопиез кылдытӥсь. Сарапул уездысь Зуевы Ключи гуртын вордӥськиз;
• Пальчинский Пётр Иоакимович (1875—1929) — тодосчи, инженер но экономист, анархист, Ужысь Герой;
• Плетнёва Светлана Александровна (1926—2008) — археолог, историяя наукаосъя доктор, профессор. Хазаръёсты эскеронлы саклык висъяз. ССР-ысь Кун премилэн лауреатэз. Ватка карын вордӥськиз;
• Свечников Василий Николаевич (1891—1981) — тодосчи-металловед, профессор, СССР-ысь Наукаосъя академиысь академик, УССР-ысь Кун премилэн лауреатэз;
• Сперанский Алексей Дмитриевич (1888—1961) — тодосчи-медик, СССР-ысь Наукаосъя академиысь но СССР-ысь Эм наукаосъя академиысь академик, Сталин премилэн лауреатэз. Уржум уездысь Уржум карын вордӥськиз;
• Спицын Александр Андреевич (1858—1931) — археолог, СССР-ысь АН-лэн корреспондент ёзчиез (1927), шоретӥ дауръёсысь ӟуч гожъямъёсъя ӧнерчи;
• Трошин Григорий Яковлевич (1874—1939) — тодосчи-невропатолог, ляб визьем нылпиослы саклыксэ висъялляз. Алабго уездын вордӥськиз;
• Фармаковский Борис Владимирович (1870—1928) — искусствоя историк но археолог, Петербургысь Наукаосъя академиысь, СССР-ысь Наукаосъя академиысь корреспондент ёзчи. Ватка карын вордӥськиз;
• Шильников Кузьма Афиногенович (1901—1989) — тодосчи-горняк, техника наукаосъя доктор, Новочеркаскысь политехникая институтлэн ректорез;
• Шишкин Борис Константинович (1886—1963) — тодосчи-ботаник, биология наукаосъя доктор, СССР-ысь Наукаосъя академиысь корреспондент ёзчи, Сталин премилэн лауреатэз. Яран уездысь Кукарка слободаын (али — Советск) вордӥськиз;
• Янин Валентин Лаврентьевич (ворд. 1929) — историк но археолог, история наукаосъя доктор, профессор, Россиысь Наукаосъя академиысь зэмос ёзчиез. РАН-ысь археологияя институтлэн нимысьтыз кенешезлэн ёзчиез но институтлэн новгород ёзысьтыз наукая кивалтӥсез. Великий Новгородлэн дано муртэз. Ватка карын вордӥськиз.

Черкын ужасьёс но святойёс

• Воробьёв Алексей Константинович (1888—1937) — протоиерей, антисоветской ужъёсыз понна янгыше уськытэмын но ыбылэмын, 1989-тӥ арын реабилитировать каремын. 2000-тӥ арын курадӟытыса вием святойёс пӧлы пыртэмын. Уржум уездысь Антонковогуртын вордӥськиз;
• Пепенин 3осима Алексеевич (1888—1937) — баӵко, антисоветской монархия пумысен агитации нуэмез понна янгыше уськытэмын но ыбылэмын, 1989-тӥ арын реабилитировать каремын. 2000-тӥ арын курадӟытыса вием святойёс пӧлы пыртэмын. Яранск уездысь Пепенино гуртын вордӥськемын;
• Иеромонах Матфей Яранский (1855—1927) — монах, Филейысь Александро-Невский монастырьын но Яранскысь Пророчицкой монастырьын служба нуиз, верамъёссыя паймымон йӧнатыны быгатэ вал. Ватка епархиысь святойёс пӧлы пыртэмын. Ватка карын вордӥськиз;
• Прокопий Вятский (1578—1627) — юродивой, висисьёслэсь бурмемзэс но кулонзэс, тылпуосты адӟылӥз. Святойёс пӧлы пыртэмын. Хлынов котырысь Корякинской гуртын вордӥськиз;
• Даниил (Шерстенников) (1871—1932) — Охотскысь епископ, Камчатка епархиен, Забайкальеысь епархиен но Иркутскысь епархиен кивалтӥсь. Слободской уездысь Прокопьевское черкогуртын вордӥськиз;
• Нестор (Анисимов) (1885—1962) — Кировоградск но Николаевск епархиысь митрополит, Ӟуч православной черкысь, РПЦЗ-ысь но РПЦ-ысь епископ. Ватка карын вордӥськиз.

Валэктонъёс

Литература

• Рудаков В. Е., Селиванов А. Ф., —. Вятка, губернский город // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• ЕЭБЕ/Вятская губерния // Еврейская энциклопедия Брокгауза и Ефрона. — СПб., 1908—1913.
• Статистический справочник по Вятской губернии (1917). — Вятка, 1917. — 503 с.
• Энциклопедия земли Вятской : в 10 т. / председатель ред. комиссии В. А. Ситников. — Киров : Государственное издательско-полиграфическое предприятие «Вятка», 1995. — Т. 4: История / сост. В. А. Бердинских. — 528 с. — 20 000 экз. — ISBN 5-86645-010-0.
• Энциклопедия земли Вятской : в 10 т. / председатель ред. комиссии В. А. Ситников. — Киров : Государственное издательско-полиграфическое предприятие «Вятка», 1996. — Т. 6: Знатные люди / сост. С. П. Кокурина. — 544 с. — 15 000 экз. — ISBN 5-86645-014-3.
• Списки населённых мест Вятской губернии. — СПб.: Вятка, 1876, 1911. — 1136 с.
• Административно-территориальное деление Вятской губернии. 1905 год: справочник. — Киров, 2012. — 744 с.
• Административно-территориальное деление Вятской губернии — Кировской области. 1917—2009 гг. : справочник. — Киров, 2011. — 634 с.

Чӧлсконъёс

• Карта Вятской губернии из «Атласа» А. А. Ильина 1876 года [рус.], new.runivers.ru. Эскеремын: 4 гудырикошконэ 2025 арын.
• Адрес-Календари, Справочные и Памятные книжки Вятской губернии [рус.], book-olds.ru. Эскеремын: 4 гудырикошконэ 2025 арын.