Мултан уж

Википедиысь материал

Мултан уж (Вуж Мултанысь (туала арын Короленко черкогурт) удмурт крестьянъёсты янгыше уськытыса, XIX даурлэн пумаз ортчем судебной процесс. Вуж Мултанысь 10 мурт адями курбон сётонын янгыш каремын вал. 1896-тӥ арын шонере поттэмын[1].

Ужъюгдур

1892-тӥ арын 5-тӥ куартолэзе Анык гуртын улӥсь 12 аресъем Марфа Головизнина бускель Чуля гуртэ песянаез доры куное ветлэм. Та гуртъёс вискын кык сюрес возиськем соку: огез паськыт — арбаен ветлымон, нюлэсэз котырскыса потоно, мукетыз — нюлэс пыр потӥсь сюбег сюрес. Нылаш вакчи сюрес кузя мыноно кариськем. Гуртсылэсь ог 400 метрлы палэнын сюрес вылын кымин кыллись муртэ синйылтэм. Дӥсезъя со пиосмуртлы укшам, йырыз дукес сӧзыеныз шобыртэмен, ымнырзэ ӧвӧл адӟем. Нылаш, воргорон кудӟыса кӧлэ шуыса малпам но азьлань вамыштэм. Ӵуказеяз, гуртаз бертыкуз но пиосмурт со интыяз ик кылле на вылэм, нош шӧйлэн йырыз бордаз ӧвӧл шуыса, нылаш соку гинэ адӟем. Бызьса дораз бертыса, вань адӟемзэ мадем. Атаез соку ик полициез ӧтем[2][3].

Следовательёслэн пуктэмзыя, вием мурт кураськись вылэм, документъёсъя — Казань губерниысь крестьян воргорон, Конон Дмитриевич Матюнин[3]. Бӧрысь тодмо луиз: Чуля гуртысь ӟуч крестьянъёс (мукет тодэтъёсъя, Анык гуртысь)[4]), бускель Вуж Мултан гуртысь удмуртъёсын вожвылъяськыса улэменызы но янгыше уськытонлэсь палэнскыны турттыса, (К. Матюнинлэсь шӧйзэ «Чуля» дэменлыклэн музъем вылысьтыз шедьтэмын), полицейской приставлы взятка сётыса, вием адямилэсь шӧйзэ Мултан музъем вылэ выжтӥллям, соин сэрен удмуртъёсты адями курбон сётонын янгыше уськытӥллям[3].

Янгыш карон

Курбон сётон понна Матюнинэз виён йыружын интыысь полицейскойёс удмурт крестьянъёсты янгыш каризы. Прокуратуралэн верамезъя, соос кураськисез Конон Матюнинэз вииллям, «кудӟытытозь секталлям, собере ошиллям но лушкем интыын, курбон сётон понна, тымусъёссэ но вирзэ поттӥллям, оло нош, вирзэ асьсэос но юиллям». Сарапул окружной судлэн прокурорез Н. И. Раевский кивалтэм улсын, следствие 29 толэзь ӵоже кыстӥськиз, янгыш карисьёс та дыр куспын удмуртъёслэн курбон сётон сям-йылолзы сярысь ваньзэ но ӧвӧлзэ зэматон фактъёс шедьтыны тыршизы[1].

1894-тӥ арын толсуре Малмыжын ортчем присяжной заседательёслэн судзы 3 муртэ шонере поттӥз, 7 муртэ каторгае келяны пумкылъяз[1][5].

Шонере поттон

Мултанъёслэн дурбасьтӥсьсы, адвокат М. И. Дрягин, судлэн пумкылъянэзлы пумит Кивалтӥсь сенатэ кассационной жалоба сётӥзСибире келяны пумкылъязы[6][3].

Адвокат Дрягинлэн ӝожтӥськонэз вылэ пыкиськыса, 1895-тӥ арын 22-тӥ толсуре сенат выльысь судлэсь пумкылъянзэ палэнтӥз но 3-тӥ судэз Казаньысь окружной судлы оскизМамадыше выжтыса, Казаньысь суд инэг прессалэсь суд процесс вылэ влиянизэ кулэсмытыны быгатоз шуыса[9]. 1896-тӥ арын 28-тӥ куартолэзьысен — 4-тӥ инвожоозь та ужъя 3-тӥез суд ортчиз. Дурбасьтӥсьёслэн эрико этнограф-экспертъёсты ӧтён сярысь куронъёссы палэнтэмын вал, со дыре ик янгыш карисьёслы Мултан уж сярысь кытысь ке палэнысь гинэ кылэм муртъёсты экспертэ но свидетеле басьтыны лэземын[10] [11]. Озьы ке но, уголовной уж паськыт вӧлмемен, ужез шонерлыко сэрттыса-пертчыса, янгыше уськытэмъёс шонере поттэмын вал[12]. Вяткаысь корреспондентъёс О. М. Жирнов но А. Н. Баранов 1-тӥ кылзонъёс бере ик ужез прессаын вӧлмытон борды басьтӥськизыА. Н. Баранов, тодмоезлы А. Ф. Конилэн, дурбасьтӥсьёслэн ӝожтӥськонзылы пумкылъяса валэктон гожтэмез, юнме янгыше уськытэмъёсты шонере поттыны луонлык сётӥз[1][15].

А. Н. Барановлэн печатьын адями курбон сётон сярысь гожтыны куремезлы, со таӵе гожтэт лэзиз:

Александр Николаевич! Я получил Ваши письма и материалы по Мултанскому делу. Я и прежде знал про него и читал то, что было написано. Не думаю, чтобы моё мнение по этому делу могло повлиять на судей или присяжных, в особенности потому, что оно таково, что несчастные вотяки должны быть оправданы и освобождены независимо оттого, совершили они или не совершили то дело, в котором они обвиняются. Кроме того надеюсь, что с помощью тех разумных и гуманных людей, которые возмущены этим делом и стоят за оправдание, оправдание это состоится или уже состоялось. От души желаю Вам успеха и прошу принять уверение в моём уважении и симпатии. 28 мая 1896 г.

— Л. Н. Толстой, [16]

Баранов доры та гожтэт вуытозь, вотякъёс (со вакытэ удмуртъёсты озьы шуылӥзы) шонере поттэмын ни вал[17].

Короленколэн ужпумез эскеронъёсыз

Берлогес Короленко журналист Матюнинэз виён ужпумез аслаз уксёеныз сэрттӥз-пертчиз. Солэн малпамезъя, кураськисез Анык гуртысь ӟуч крестьянъёс вииллям, вотякъёслэсь музъемзэс талан понна.

Азьпал эскеронъёс

1897-тӥ арын мултан крестьянъёслэсь ужзэс судебной медициная профессор Ф. А. Патенко эскеризМ. Г. Худяков[19]. Тимофей Васюкин кулон азяз йыруж лэсьтэмез сярысь священниклы Пётр Тукмачёвлы исповедьын мадем. Со, «мултанъёсты отысь улляса, музъемзэс аныкъёслы люкыны малпа вылэм»[20][21]. Тимофей Васюкин Моисей Дмитриевлэн коркаяз адями йырси куштэм, нош Яков Конешин, полициез Моисей Дмитриев вылэ узатыса, солэн куалаысьтыз «юри куштэм» йырсиез шедьтэм. Марфа Головизнина нырысетӥ нуналаз шӧйез йырыныз валче адӟем вылэм, нош чульяос сое йыртэмен адӟиз шуыса вераны косӥллям. Матюнинлэсь йырзэ 1896-тӥ арын гужем, Мултан уж йылпумъяськем бере гинэ Чулья нюлэскысь шедьтӥзы. «Гужем пӧсь вал, нюр куасьмем но, Чулья гуртысь крестьянъёс, Иван но Степан Антоновъёс, ӝуйы октыкузы Матюнинлэсь йырзэ шедьтӥллям». Матюнинлэсь вандэм йырзэ нюре сэрпалтӥллям, соин вотякъёслэн янгыш луэмзы сярысь малпан быдэсак палэнтэмын вал. Становой пристав йырез шедьтэм сярысь заявлениез санэ ӧз басьты, йырзэ ватӥзы, нош мултанъёс выльзэ ужез ӧз ни ӝутэ.

Мукет малпанъёс

Дано удмурт югдытӥсь о. Николай Блинов Мултан уж йылпумъяськем бере «Языческий культ вотяков» книга поттӥз (1898). Отын Матюнинэз виён удмуртъёслэн семья-выжы вӧсяськонъёсынызы герӟаськемын ӧвӧл шуса гожтэм со. Куанерез, пе, Вятка губерниын вӧлмем вуэз чылкытатон йылол ортчытон понна вииллям. Малы ке шуоно, со вакыт сьӧдкыльлэсь алямзэ вулэн улӥ ӟечлыкеныз герӟаллязы. Соин валче, быдэс губерния карантинэ пытсамын вылэм. Блиновлэн малпамезъя, Мултан ёросын но адями йырез ошмесэ куштыса чылкытатон сярысь осконъёс паськыт вӧлмемын вал. Суд йылпумъяськем но шонере поттон пумкылъянэз шараям бере, Блинов верамъя, вандэм йыр зэмзэ но ошмесысь шедьтэмын вылэм, (зэмосэзъя, кӧсам нюрысь). Блиновлэн Короленколы гожтэтъёсаз XX даурлэн кутсконаз та палъёсысь ик эшшо одӥг вандэм йырез шедьтэм учыр сярысь гожтэм пумиське на1870-тӥ аръёсозь адями курбон сётон йылолъёссы возьматэмынИ. Н. Смирнов. Мукет ласянь, удмуртъёслэн адями курбон сётон йылолзылы пумитъяськисьёс пӧлын совето тодосчиос но либеральной общественностьлэн огмуртъёсыз гинэ ӧй вал, духовенство но, кылсярысь, о. М. Елабужский яке кыӵе ке священник N. Вятской епархилэн кивалтӥсьёсыз но солэн «структурной люкетэз» — Сарапулысь духовной правление — судлэсь пумкылъянзэ возьмазы но соя кариськизы[24][25].

Совето историографиын «Мултан ужез» аратонлэн мукетыз мугез — Вятка музъемысь крестьянъёслэн бугыръяськемзылы пунэмзэ берыктон — йӧскалыкъёс куспын кивалтэтэн узэтэм акцимордва калыклэн сям-йылолъёсазВятка шурлэн улӥ люкетаз (Вятской губерниысь Малмыж уезд) удмуртъёсты (Большая Уча гурт, Выль Бия гурт, Пазял-Жикья гурт, Волипельга волость) но поръёсты (Мамакова гурт, Усадской волость) адями виёнын кӧня ке янгыше уськытон учыръёс пусъемын. Следствие ортчытэм бере, вань янгыше уськытэмъёс шонере поттэмын вал, нош соос пӧлысь одӥгезлы — Выль Бия гуртысь удмурт крестьянлы Ф. Ф. Несмеловлы «визьтэммемын» диагноз пуктэмын[28].

Лулчеберетын кылем вужерез

  • Мултан ужен герӟаськем учыр Михаил Петровлэн «Вуж Мултан» романэзлэн валтӥсь сюжетэзно инъетэз луиз.
  • Мултан уж вылэ художественной аллюзия кылдытэмын Борис Акунинлэн «Пелагия и белый бульдог» романаз.
  • Мултан уж сярысь гожтэмын А. Я. Бруштейнлэн «Дорога уходит в даль…» трилогиезлэн кыкетӥ люкетаз — «В рассветный час» книгаын.
  • Уж сярысь вераськонъёс пумисько В. Янчевецкийлэн «Записки пешехода» книгаяз.

Озьы ик учке

  • Лудорвай уж

Валэктонъёс

  1. ↑ 1,0 1,1 1,2 1,3 1,4 Туганаев, 2008, с. 492.
  2. ↑ Луппов, 1925, с. 11.
  3. ↑ 3,0 3,1 3,2 3,3 Гришкина, Лигенко, Чураков и др., 2004, с. 400.
  4. ↑ Старый Мултан: дело о кровавом навете, или как история удмуртской деревни облетела весь мир(ӟуч) udmurt.media. Эскеремын 2020-06-01 аре
  5. ↑ 5,0 5,1 Луппов, 1925, с. 14.
  6. ↑ Луппов, 1925, с. 19.
  7. ↑ Гришкина, Лигенко, Чураков и др., 2004, с. 401.
  8. ↑ Луппов, 1925, с. 21.
  9. ↑ Луппов, 1925, с. 31.
  10. ↑ Луппов, 1925, с. 32.
  11. ↑ Luppov, 1925, с. 32.
  12. ↑ Луппов, 1925, с. 33—34.
  13. ↑ Луппов, 1925, с. 15.
  14. ↑ Луппов, 1925, с. 18.
  15. ↑ Портретная галерея Дмитрия Быкова в журнале «Дилетант» Эскеремын 2021-03-04 аре
  16. ↑ Луппов, 1925, с. 34—35.
  17. ↑ Луппов, 1925, с. 35.
  18. Патенко Ф. А. Дело мултанских вотяков. Харьков, 1897.
  19. Худяков М. Г. История Камско-Вятского края Архивная копия от 14 толсуре 2010 на Wayback Machine. «Удмуртия», Ижевск, 2008.
  20. ↑ Гришкина, Лигенко, Чураков и др., 2004, с. 402.
  21. ↑ Дмитриев П. Н., Куликов К. И. Мятеж в Ижевско-Воткинском районе. — Ижевск: Удмуртия, 1992. — 392 с. — ISBN 5-7659-0388-6.
  22. ↑ Коробейников А. В. По кривой дороге. Или к чему привело нашу науку забвение трудов о. Николая Блинова Архивная копия от 29 пӧсьтолэзе 2021 на Wayback Machine // Иднакар: методы историко-культурной реконструкции, № 3 (7) 2009. С. 46.
  23. ↑ Верещагин Гр. Человеческие жертвоприношения вотяков(недоступная ссылка) // Известия Архангельского общества изучения Русского Севера. 1911. № 10, 12.
  24. ↑ Берестова Е. М. Православная церковь в Удмуртии (вторая половина XIX — начало XX века): Социально-культурная деятельность. Ижевск, 2005. С. 141—144
  25. ↑ Луппов, 1925, с. 36—37.
  26. ↑ Михаил Петров. «Старый Мултан». М.: Известия, 1973. — (сер. «Библиотека „Дружбы народов“»). — Вводная статья о Михаиле Петрове, с. 6 — 416 с. — тираж 100 000 экз.
  27. ↑ Михеева Д. М. Летняя школа «Формальные методы анализа и дескрипции фольклорного текста» (Псков, 1-11 мая 2004) Архивная копия от 25 оштолэзе 2005 на Wayback Machine (см. о лекции В. В. Напольских)
  28. Гришкина М. В. Мултанский пролог // Мултанское дело: история и современный взгляд: Материалы научно-практической конференции. Ижевск, 2000. С. 20-27; Пислегин Н. В. Возвращаясь к слухам // Вестник КИГИТ. 2014. № 6 (47). С. 10-15

Литература

Архивная копия от 25 южтолэзе 2017 на Wayback Machine

Архивная копия от 24 южтолэзе 2017 на Wayback Machine

Архивная копия от 2 южтолэзе 2017 на Wayback Machine

Архивная копия от 2 южтолэзе 2017 на Wayback Machine

Архивная копия от 5 южтолэзе 2016 на Wayback Machine

  • Петров М. П. Старый Мултан / пер. с удмурт. А. Дмитриевой и авт. — М.: Современник, 1990. — 368 с.
  • Следственный материал о человеческих жертвоприношениях вотяками Мултанского края с 16-го февраля 1893 г. по 28-е апреля 1896 г // Труды научного общества по изучению вотского края. — Ижевск, 1926.
  • Рубанова И. В. Мултанский процесс в российской периодике конца XIX века: проблемы и оценки // Наука Удмуртии. — 2007. — № 2. — С. 179—189.
  • Участие Г. Е. Верещагина в Мултанском процессе // Верещагин Г. Е. Собрание сочинений : в 6 т / Г. Е. Верещагин, Рос. акад. наук, Урал. отд-ние, Удмурт. ин-т истории, яз. и лит. ; под ред. Удмурт. ин-т истории, яз. и лит. Урал. отд-ния Рос. акад. наук, 1998. — Т. 3, кн. 1. Этнографические очерки. — С. 272—278. — (Памятники культуры).
  • Худяков М. Г. Политическое значение Мултанского дела и его отголосков в настоящее время // Советская этнография. — 1932. — № 1.
  • Шатенштейн Л. С. Мултанское дело. 1892—1896 гг / Л. С. Шатенштейн, Удмурт. науч.-исслед. ин-т экономики, истории, лит. и языка при Совете Министров УАССР. — Ижевск: Удмурт. кн. изд-во, 1960. — 71 с.
  • Шумилов Е. Ф. Исторические аспекты Мултанского процесса // Право: теория и практика : материалы науч.-практ. конф / Удмурт. гос. ун-т, Ин-т права, соц. упр. и безопасности ; ред.: Л. М. Клименко, Н. В. Стружкина, Т. И. Чукавина и др.. — Ижевск: Детектив-информ, 1999. — С. 133—137.
  • Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
  • Гришкина М. В., Лигенко Н. П., Чураков В. С. История Удмуртии (ӟуч): Конец ХV – начало ХХ века / под ред. К. И. Куликов — Ижевск: УИИЯЛ УрО РАН, 2004. — 552 с. — 3000 экз. — ISBN 5-7691-1461-4

Чӧлсконъёс

«https://udm.ruwiki.ru/w/index.php?title=Мултан_уж&oldid=217357»-ысь басьтэмын