Блинов, Николай Николаевич

Николай Николаевич Блинов
Вордӥськем дырыз	8‑тӥ (20-тӥ) коньывуонэ 1839
Вордӥськем интыез	Зашижемье[d], Орловский уезд[d], Ватка губерния, Росси империя[d]
Кулэм дырыз	18-тӥ толсуре 1917({{padleft:1917|4|0}}-{{padleft:12|2|0}}-{{padleft:18|2|0}}) (78 лет)
Кулэм интыез	Сарапул, Ватка губерния, РСФСР
Кун	Росси империя[d]
Тодос удысэз	этнография, история, шаертодон, педагогика

Никола́й Никола́евич Блино́в (8‑тӥ (20-тӥ) коньывуонэ 1839, Зашижемье^[d], Ватка губерния — 18-тӥ толсуре 1917, Сарапул, Ватка губерния) — росси этнограф, шаертодосчи, дышетӥсь, гожъяськись, вӧсьчи, мерлыко ужась.

Улон сюресэз

Николай Блинов вордӥськиз 1839-тӥ арын 8-тӥ коньывуонэ Ватка губерниын Киров улосысь Зашижемье гуртын (али — Киров улосысь Советской ёросын ) куанер дьяклэн Николай Виссарионович Блиновлэн семьяяз. 9 аресказ духовной училищее дышетскыны пыриз, собере — Вятской семинарие. Сое йылпумъямез бере 1860-тӥ арын Ватка губерниын Глаз уездысь Карсовай черкогуртын вӧсьчи луыса ужаз, собере Бахта гуртын дышетӥз. Отын ик егитъёслы ӧнер мастерской но нылъёслы церковно-приходской школа усьтӥз, нош церковно-приходской училищеез земской училищелы пӧрмытыны быгатӥз. Берлогес Нолинск карысь духовной училищеын дышетӥз. Вакчи дыр ӵоже Ваткаын служить кариз, собере Петербурге кошкиз.

1875-тӥ арысен — Петербург университетысь юридик ёзэтаз вольнослушатель вал. Петергофысь черкын служить кариз, со дыре ик пӧртэм журналъёсы статьяос гожъяз.

1879-тӥ арын, либерал мылкыдо интеллигенциен кусыпъяськемез но просветительской ужъёсыз понна (соос пӧлын «Вятская незабудка» ежегодникез (1877-1878), РПЦ Синодлэн решениезъя Ватка губернияз берытсконо луиз. «Страдания Великого Учителя» книгаез, черк цензуралэн решениезъя быдтэмын вал. Сарапулысь Вознесенской бадӟым черкын внештатной иереей луыса тыршиз. 1895-тӥ арын полицайёс чаклам улсын Бемыж черкогуртэ выжтэмын вал, отын Свято-Троицкой черкын вӧсьчи луыса служить кариз. 1898-тӥ арысен 1906-тӥ арозь  улӥз но ужаз Орлов карын.

1895-тӥ арын В. Г. Короленкоен Мултан уж пумысен гожтэт пыр кусыпъяськиз. Мултанчиосты шонере поттэмзы бере, судлэн решениеныз соглаш кариськытэк, «Языческий культ вотяков» книга печатлаз (1898). Отын со удмуртъёслэн но мукет куд-ог калыкъёслэн курбон сётонзы вань, озьы ик адямиез виён учыръёссы но пумиськыло шуыса гожтӥз. Соин сэрен, Блинов удмуртъёсты дышетонлэн кулэлыкез но удмурт гуртъёсын черкъёс но школаос усьтон сярысь кыл вылаз сылӥз.

Выльысь Сарапулэ берытскыса, 1906-тӥ арын, заштатной протоиереей но, Вознесенской братстволэн ёзчиез луиз. Шаертодонэз азинтонын бадӟым уж нуиз. Сарапулысь земской музей (1909) но Кам шаерез дышетонъя дэменлыкез кылдытӥсьёс пӧлысь одӥгез луэ (1913). Солэн Сарапул но Сарапул уезд, Иж но Вотка заводъёс, Шор Кам котырысь шундыпуксёнпал люкетаз алӥсьёс сярысь гожтэмъёсыз туала истори тодос ужъёсын кутӥсько.

Ӟуч географи император дэменлыклэн ёзчиез Николай Блинов 1871-тӥ арын Карсовай черкогурт сярысь книгаез понна узвесь медален пусъемын.

Дышетӥсьёслэн I Огъяросси съездзылэн делегатэз вал (1872). «Куара амалэн» лыдӟиськонъя «Лыдӟон» удмурт азбука кылдытӥз но со азбукая аслаз усьтэм школаяз дышетӥз. Хрестоматиос но амалтодос пособиос дасяз. Солэн «Грамота» книгаез (1870) вить пол выльдӥськыса печатласькылӥз, Калык просвещения министерстволэн премиеныз пусъемын. Ватка карысь губернской земстволэн азьветлӥсез. Крестьян калык понна Аким Простоталэн улон веросъёсыз пыр гожтэм книгаез Кун ваньбуретъя министерстволэн зарни медаленыз пусъемын.

Семьяез

Николай Блинов Нолинскысь дьяконлэн нылыныз кузпалъяськемын вал. 11 нылпи будэтӥзы.

Тужгес бадӟымъёсыз печатлам ужъёсыз

• Блинов Н. Н. Языческий культ вотяков. — Вятка: Губерн. Тип., 1898. — 103 с.

Архивная копия от 2 южтолэзе 2017 на Wayback Machine

• К столетнему юбилею Сарапула. Сарапул, 1880.
• Историко-статистическое описание Сарапульского уезда, Сарапула, Ижевского и Воткинского заводов. Сарапул, 1887.
• Сарапул. Исторический очерк", 1887.
• Сарапул и Среднее Прикамье. Былое и современное. Сарапул, 1908.
• «Кавалерист-девица» Дурова — Чернова — Александров", 1912.
• Коробейников А. В. Книга Н. Н. Блинова «Страдания Великого Учителя…». Крупный шрифт. Ижевск: Иднакар, 2016. 64 с. ISBN 978-5-4344-0350-4

Валэктонъёс

Литература

• Блинов Николай Николаевич // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Волкова Л. А. Н. Н. Блинов — просветитель и краевед // Коробейников А. В. Н. Н. Блинов о древности Сарапула.
• Волкова Л. А. Просветительская деятельность Н. Н. Блинова // История православия в Удмуртии и роль города Глазова в становлении православия в Удмуртии: материалы городской научно-практической конференции.
• Коробейников А. В. Н. Н. Блинов о древности Сарапула. Реконструкция древней истории города. Методика визуальной реконструкции Сарапульской крепости в виде макета, который передан музею истории Среднего Прикамья для экспонирования. Сопровождается публикацией книги Н. Н. Блинова.
• Коробейников А. В. По кривой дороге, или к чему привело нашу науку забвение трудов о. Николая Блинова // Иднакар: методы историко-культурной реконструкции. 2009. № 3.
• Чернова Г. В. Книги вятского священника Н. Н. Блинова в фонде ПНБ им. В. Г. Короленко // История православия в Удмуртии и роль города Глазова в становлении православия в Удмуртии: материалы городской научно-практической конференции.

Чӧлсконъёс

• Блинов, Николай Николаевич // Уральская историческая энциклопедия