Вуж Мултан
| Гурт | |
| Короленко | |
|---|---|
| Вуж Мултан | |
 | |
| 56°26′01″ с. ш. 51°46′01″ в. д.GЯO | |
| Кун |
 Россия |
| Федерацилэн асмосэз | Удмуртия |
| Муниципал ёрос | Кизнер |
| Гурт поселение | Короленко |
| Историез но географиез | |
| Кылдэмын | XVII дауре |
| Азьвыл нимъёсыз |
1939 арозь — Вуж Мултан 195? — В. Г. Короленко нимо |
| Часовой поясэз | UTC+4:00 |
| Улӥсез | |
| Улӥсез |
|
| Официальной луись кыл | удмурт, ӟуч |
| Цифровой идентификаторъёс | |
| Почта индекс | 427722 |
| Код ОКАТО | 94226840001 |
| Код ОКТМО | 94526000316 |
| ГКГН-ысь номерез | 0518560 |
|
|
|
 |
|
.svg)
Вуж Мултан (ӟуч: Короленко (Удмуртия)) — Удмуртиысь Кизнер ёросысь черкогурт, Короленко гурт поселенилэн администраци центрез луэ.
Интыяськемез
Ёрослэн шундыӝужан палаз, Люга шуре усён паллян ярдураз (Ватка бассейн), Кизнер каргуртлэсь — ёрос центрлэсь — уйпал но шундыӝужан пала меӵак 18 иськемлы палэнэ, Ижкарлэсь лымшор но шундыӝужан палан меӵак 86,7 иськемлы палэнэ интыяськемын.
Историез
Ог 400 ар талэсь азьвыл Бодлудысь (Люга шурлэн бур палась ярдурысьтыз Асинер сике пырон инты[1]) вуэм 20 пала семьяос Мултанын улоно коркаос ӝутӥзы. Вуж Мултанысь нырысетӥез пу черк XIX даур кутсконын пуктэмын[2].
1892-тӥ арын Вуж Мултан быдэс Россилы курыт «Мултан ужен» тодмо луиз, соку гуртысь кӧня ке улӥсьёсты со аръёсы пуромем тиф черлэсь но урожайтэк кылёнлэсь утиськон вылысь адямиез курбон сётэмзы понна янгыше уськытэмын вал. Удмуртъёслэсь данзэс утьыны ас мылкыд каремезъя тодмо писатель Владимир Галактионович Короленко басьтӥськиз (черкогуртэ со ачиз вуылӥз, югдурез эскерон понна аслэсьтыз коньдонзэ быдтӥз)[3].
1924-тӥ—1925-тӥ аръёсы Иван Андрианов Николай агаеныз ӵош музъемез дэмен гырон-кизён вылысь эштос (ӟуч: товарищество) кылдытӥзы. 1930-тӥ—1931-тӥ аръёсы, котькытын коллективизация ортчемен, начар но шоро-куспо крестьян хозяйствоосты гурт удысысь артеле огазеязы.
1933-тӥ арын гуртын кык лемехен нырысетӥез «Фордзон» трактор кылдӥз, нош 1935-тӥ арын — автомашина. Колхозлы нырысетӥ председателе М. И. Родыгинэз бырйизы.
1930-тӥ аръёсы интыысь улӥсьёс черкогуртсэс Короленко ниманы огкылэ вуизы[2].
УАССР-ысь Вылӥ Кенешлэн Президиумезлэн 1939-тӥ арын 29-тӥ южтолэзе кутэм постановлениеныз, РСФСР-ысь Вылӥ Кенешлэн Президиумез 1939-тӥ арын 16-тӥ гудырикошконэ юнматэм бере, Вуж Мултан сельсоветысь Вуж Мултан черкогурт В. Г. Короленко нимо черкогурт луиз. УАССР-ысь Вылӥ Кенешлэн Президиумезлэн 1940-тӥ арын 10-тӥ толшоре кутэм постановлениезъя но РСФСР-ысь Вылӥ Кенешлэн Президиумезлэн 1940-тӥ арын 17-тӥ тулыспалэ юнматэм указэзъя Вуж Мултан сельсовет Короленко сельсовет нимамын[4].
Улӥсез
| 2010 | 2012 | 2015 | 2021 |
|---|---|---|---|
| 286 | ↘280 | ↘253 | ↗327 |
Инфраструктураез
Черкогуртын А. И. Бобков нимо инъет ёзо школа, нылпи сад, фельдшер-акушер пункт, Саркуз лесничество, «Россиысь Почта», лулчеберетъя юрт; гурт лыдӟетъюрт ужало[5].
Учкымон интыос
- Дун-чылкыт Инмар Анайлэн Успениезъя черк;
- Короленко нимо «Вуж Мултан» музей[6];
- Котырысьтызы инкуазьысь синпелетъёс: «Вераськись ошмес яке улэп ошмес», «Выль Мултан» ошмес, «Пандерысь кедръёс»[5].
Валэктонъёс
- ↑ Штрихи истории Кизнерского района - Муниципальное образование «Кизнерский район» [ӟуч] mykizner.ru. Эскеремын 23.08.2025 арын
- ↑ 1 2 История села [ӟуч] Храм Успения Божией Матери с. Короленко Кизнерского района. Эскеремын 23.08.2025 арын
- ↑ Старый Мултан: дело о кровавом навете, или как история удмуртской деревни облетела весь мир [ӟуч] udmurt.media (01 октября 2019). Эскеремын 23.08.2025 арын
- ↑ Фонд № 81. Администрация Короленковского сельского совета Кизнерского района УР с. Короленко [ӟуч] Архивный путеводитель. Эскеремын 23.08.2025 арын
- ↑ 1 2 ТО «Короленковский» [ӟуч] mykizner.ru. Эскеремын 23.08.2025 арын
- ↑ Музей имени В. Г. Короленко «Вуж Мултан» [ӟуч] visitudmurtia.org. Эскеремын 23.08.2025 арын
Чӧлсконъёс
- Старый Мултан: дело о кровавом навете, или как история удмуртской деревни облетела весь мир [ӟуч], udmurt.media.
.png)
