Луппов, Павел Николаевич

Павел Николаевич Луппов
Павел Николаевич Луппов
Вордӥськем нуналыз	22-тӥ коньывуонэ (3-тӥ шуркынмонэ) 1867 яке 1867
Вордӥськем интыез	Кирово-Чепецк[d], Ватка уезд[d], Ватка губерния, Росси империя[d];
Кулон нуналыз	2-тӥ тулыспалэ 1949 яке 1949
Кулэм интыез	Ленинград, РСФСР, СССР;
Кун	Росси империя[d]; СССР;
Ужудысэз	тодосчи, историк, шаертодосчи
Атаез	Николай Федотович Луппов
Анаез	Мария Васильевна Луппова (Питиримова)
Кузпалыз	Нина Михайловна Луппова (Каринская)
Нылпиосыз	Луппов, Сергей Павлович[d]
Данъетъёсыз	Удмурт АССР-ысь наука удысысь дано ужась

Па́вел Никола́евич Лу́ппов (22-тӥ коньывуонэ (3-тӥ шуркынмонэ) 1867 яке 1867^[1], Кирово-Чепецк^[d], Ватка уезд^[d], Ватка губерния, Росси империя^[d] — 2-тӥ тулыспалэ 1949 яке 1949^[1], Ленинград — росси но совето историк, Вяткаысь шаертодосчи, богословияя магистр, черк историяя но истори наукаосъя доктор, Удмурт АССР-ысь наука удысысь дано ужась. Александр Николаевич Лупповлэн выныз. Источниковедениез но демографической эскеронъёсты азинтонын, Удмуртилэсь но Ватка шаерлэсь историзэс дышетонын бадӟым уж лэсьтӥз^[2].Солэн вордӥськем нуналыз ― 22-тӥ коньывуон «Удмурт Элькунысь праздникъёс но буре ваён нуналъёс сярысь» Катэн юнматыса, Удмуртиысь буре ваён нуналъёс пӧлы пыртэмын.

Биографиез

Лупповъёслэн Усть-Чепцаысь улон корказы.

П. Н. Луппов вордӥськиз 1867-тӥ арын 22-тӥ коньывуонэ (3-тӥ шуркынмонэ) Вятской губерниысь Усть-Чепца черкогуртын (али Кирово-Чепецк карлэн пушпӧлаз пыре).

Атаез, Николай Федотович Луппов (1844—1896), Вяткаысь духовной семинариез [ӟуч] (удм. (1887) йылпумъямез бере, Василий Александрович Питиримов диаконлэн нылыныз Марияен (1843—1920) кузпалъяськиз, собере Василий Питиримовлэсь приходэн кивалтон ужзэ (1820—1862) азьланьтӥз. Мария Васильевна асьсэлэсь сизьым нылпизэс но куинь сирота кылем племянницаоссэ будэтӥз.

Н. Ф. Лупповлэн ваньмыз нылъёсыз — Мария (1871—1942), Клавдия (1873—1944), Антонина (1877—1967) но Анна (ворд. 1878) — Вятской Епархиальной нылкышно училищеын дышетскизы, шор образование басьтӥзы но берло гурт школаосын дышетӥсь луыса ужазы. Пиосыз — Александр (1864—1931), Павел но Арсений (1869—1940) — вылӥ образование басьтӥзы.

Гуртысьтыз земской начальной школаез йылпумъямез бере П. Н. Луппов Вятской духовной училищеын [ӟуч] (удм. но Вятской духовной семинариын дышетскиз, собере Казаньысь духовной академие дышетскыны пыриз. 2,5 ар дышетскемез бере, 1890-тӥ арын алэм студент кружокъёсы пыриськемез понна сое академиысь уллязы. Вяткае берытскыса, Павел Николаевич крестьян юртъеръёсты но Сарапул уездысь уйпал волостьёсты лыдъян-чотан ужрадэ пыриськиз. Соку ик матэгес тодматскиз удмуртъёслэн улэм-вылэменызы.^[3]

1895-тӥ арын Вятской епархиальной училищеез йылпумъямез бере Вятской синодальной училищелэн советаз ужаз (1896—1917). 1913-тӥ арын церковной история доктор луиз. Диссертаци ужзэ, «Мултан уже» пыриськеменыз сэрен, кӧня ке дырлы палэнтоно луиз. Павел Николаевич, В. Г. Короленкоен ӵош адями курбон сётон сям-йылолъёссы удмуртъёслэн ӧвӧл шуыса, оскымон аргументъёсты кутыса, янгыше уськытэмъёс пала дурбасьтӥз. «Мултан уж» кыстӥськон куспын П. Н. Луппов пӧртэм газетъёсын 8 статья печатлаз, кӧняке яркыт докладъёс лэсьтӥз но юнме янгыше уськытэм удмурт крестьянъёсты шонере поттыны юрттӥз.

1918-тӥ арын куарусён толэзе П. Н. Лупповез Мускоысь областной архивной управление ужаны ӧтизы. Берлогес со ужъюрт Архив ужъёсъя валтӥсь управленилы пӧрмиз. Семьяяз кылдэм югдурен сэрен, Вяткаяз выльысь берытскемез бере, 1919-тӥ арын П. Н. Лупповез Вяткаысь губернской архивной комитетэн кивалтыны пуктӥзы. Огдыре ик со Росси книга палаталэсь Вяткой губерниысь огмуртэзлэсь ужоскетъёссэ быдэсъяз.

1919-тӥ арысен 1930-тӥ арозь П. Н. Луппов Вяткаысь педагогикая институтын [ӟуч] (удм. шаерлэн историезъя но этнографияя дышетӥсь луыса тыршиз. Солэн научно-исследовательской ужез 1922-тӥ арын Вяткаын усьтӥськем шаертодонъя НИИ-ен герӟаськемын вал, отын со 1941-тӥ арозь тыршиз, озьы ик 1923-тӥ арысен 1930-тӥ арозь Вяткаысь историяя дэменлыкен кивалтӥз. П. Н. Луппов аслаз научной ужысьтыз вань темаосъя 32 доклад дасяз. 1925-тӥ арысен удмурт калыклэн историезъя огъясь уж кылдытон бордын ужаз. Кылсярысь, солэн ужъёсысьтыз ик тодмо луэ, удмурт Юсь черкогурт 1740-тӥ арозь кылдэмын шуыса.

1945-тӥ арын 5-тӥ куартолэзе Павел Николаевичлы «УАССР-ысь наука удысысь дано ужась» дано ним сётэмын.

1947-тӥ арын толшоре П. Н. Луппов семьяез доры Ленинградэ бертӥз. 1949-тӥ арын 2-тӥ тулыспалэ 82 ар тырмон араз улонысь кошкиз.

Павел Николаевич Луппов удмурт калыклэн историезлы, Ватка музъемлы, источниковеденилы, демографилы но Вятка шаерысь дышетон ужпумъёслы сӥзем 250 ужъёслэн авторзы луэ. Истори наукаосъя доктор (1944-тӥ арысен).

Семьяез

Павел Николаевич Луппов, Нина Михайловна Луппова но соослэн нылпиоссы. Вятка, 1920-тӥ аръёслэн кутсконаз

1901-тӥ арын 14-тӥ (27) толшоре П. Н. Луппов тодмо ӟуч философлэн но логиклэн Михаил иванович Каринскийлэн нылыныз Нина Михайловна Каринскаяен (1878—1957) кузпалъяськиз. Соослэн кӧня ке нылпизы вордӥськиз. Соос пӧлысь одӥгез Сергей [ӟуч] (удм. (1910—1988) — тодмо архивист, библиограф нго шаертодосчи.

Библиография

Народное образование среди вотяков со времени первых известий о них до 1840-х годов: (Ист. очерк) / П. Луппов. — Вятка : тип. и хромолит. Маишеева, б. Куклина и Красовского, 1898. — 58 с.
Христианство у вотяков со времени первых исторических сведений о них до XIX в. СПб., 1899.
Приуральский край. — СПб., 1899. — 170 с.
О первых вотских переводах источников христианского просвещения : Очерк из истории инородческих переводов / П. Луппов. — Казань : Центр. тип., 1905. — 25 с.
Христианство у вотяков в первой половине XIX в. Вятка, 1911;
Политическая ссылка в Вятский край. М., 1933;
История города Вятки. Киров, 1958.
Христианство у вотяков со времени первых исторических известий о них до XIX века / П. Н. Луппов. — Ижевск : Удмурт. ин-т истории, яз. и лит. Ур. отд-ния РАН, 1999. — 386, [3] с. : к., портр.; 21 см. — (Серия «Памятники культуры». Памятники исторической мысли / Рос. акад. наук. Ур. отд-ние. Удмурт. ин-т истории, яз. и лит.).

Данъетъёсыз

Удмуртской АССР-ысь наука удысысь дано ужась (1945).

Буре ваён

1992-тӥ арын Кирово-Чепецкын, Лупповъёслэн улон юртсылэн интыяз буре ваён пул шуккемын.
Удмурт Элькунын Павел Николаевич Лупповлэн вордӥськем нуналыз ― 22-тӥ коньывуон «Удмурт Элькунысь праздникъёс но буре ваён нуналъёс сярысь» Катэн юнматыса, Удмуртиысь буре ваён нуналъёс пӧлы пыртэмын^[4].

Валэктонъёс

↑ ¹ ² ³ ⁴ Katalog der Deutschen Nationalbibliothek (нем.)
↑ Луппов Павел Николаевич [ӟуч] Национальная библиотека УР. Эскеремын 30-10-2025 арын
↑ Документы по истории Удмуртии XV—XVII веков, Удмуртское книжное издательство, Ижевск 1958 г.
↑ Закон Удмуртской Республики от 14 декабря 2020 года N 81-РЗ О праздничных днях и памятных датах Удмуртской Республики (с изменениями на 11 октября 2023 года)

Литература

Павел Николаевич Луппов : Биобиблиогр. указ. / НИИ при Совете Министров Удм. АССР; [Составитель Г. Ф. Чудова]. — Устинов : УдНИИ, 1985. — 92 с.
Бердинских В. А. Историк на грани эпох : П. Луппов — первый историк удм. народа / В. А. Бердинских. — Ижевск : Удмуртия, 1991. — 125,[1] с., [4] л. ил.
Лупповские чтения : Докл. и сообщ., Санкт-Петербург, 12 мая 2000 г. — СПб. : БАН, 2000. — 139 с., [1] л. портр. : табл.; 21 см. В надзаг.: Б-ка Рос. акад. наук. Книга. Книговедение — Российская Федерация — Луппов Сергей Павлович (1910—1988) — книговед.
Луппов и Лупповы. Из истории знаменитого рода / сост. В. Н. Прокашев.. — Кирово-Чепецк: МАУК «Музейно-выставочный центр» города Кирово-Чепецка, 2012. — 130 с. — 100 экз.

Чӧлсконъёс

[_5d9f44fb32661dfc-1] ¹ ² ³ ⁴ Katalog der Deutschen Nationalbibliothek (нем.)

[2] Луппов Павел Николаевич [ӟуч] Национальная библиотека УР. Эскеремын 30-10-2025 арын

[3] Документы по истории Удмуртии XV—XVII веков, Удмуртское книжное издательство, Ижевск 1958 г.

[4] Закон Удмуртской Республики от 14 декабря 2020 года N 81-РЗ О праздничных днях и памятных датах Удмуртской Республики (с изменениями на 11 октября 2023 года)

[1]

[2]

[3]

[4]