Юсь черкогурт
| Черкогурт | |
| Юсь | |
|---|---|
| ӟуч: Юськи | |
 | |
| 56°39′32″ с. ш. 53°04′39″ в. д.GЯO | |
| Кун |
 Россия |
| Федерацилэн асмосэз | Удмуртия |
| Муниципал ёрос | Дэри |
| Гурт поселение | Совхозной |
| Историез но географиез | |
| Азьвыл нимъёсыз | Юски |
| Часовой поясэз | UTC+4:00 |
| Улӥсез | |
| Улӥсез | ↗949[1] мурт (2012) |
| Официальной луись кыл | удмурт, ӟуч |
| Цифровой идентификаторъёс | |
| Телефон кодэз | +7 3412 |
| Почта индекс | 427009 |
| Код ОКАТО | 94216855007 |
| Код ОКТМО | 94516000536 |
| ГКГН-ысь номерез | 0521975 |
|
|
|
 Медиафайлъёс РувикиМедиа пушкын | |
Юсь (ӟуч: Юськи) — Дэри ёросысь бадӟым удмурт черкогурт, пыре Совхозной гурт поселение. Интыяськeмын Ижкарлэсь лымшор пала 23 иськемын, Дэри черкогуртлэсь лымшор но шундыпуксён пала 23 иськемлы палэнын. Гуртлэсь одӥг иськемын E 22 бадӟым сюрес но Ижкар—Агрыз чугун сюреслэн люкетэз ортче, поездлэн матысез дугдылонниез 17 иськемын. Гурт пыр Лудӟи шур бызе, отын ик тыметэз вань.
Вашкала дауркылъя Юсь гурт интыын бадӟым ты вылэм. Ты дуре пӧртэм пӧйшуръёс, тылобурдоос шутэтскыны пуксьылӥллям: лудӵӧжъёс, ӟазегъёс, юсьёс. Тужгес но трос юсьёс вуылӥллям, соку со тӧдь-тӧдь адӟиськылэм. Дыр ортчемъя ты куасьмем, интыяз пичи шур гинэ кылем. Соин калык та гуртлы Юсь ним сётэм.
Историез
Нырысьсэ Юсь гурт сярысь тодон-веранъёс пумисько Ваткаысь тодмо историклэн но шаертодосчилэн П. Н. Лупповлэн ужъёсаз. Отын Юськи 1740-тӥ арозь кылдэмын шуыса гожтэмын[2]. 1760-тӥ арын Сретенской черкез (нырысетӥез пу черк) вӧсям бере, Юсь гуртлы черкогурт инлык сётэмын. 1791-тӥ арын черк ӝуаса быриз. Ар ортчыса, сое выльысь ӝутӥзы.1846-тӥ арын излэсь пуктыны кутскизы, со Дун-Чылкыт Инмар Анайлэн Покровез шуыса нимамын вал. Вӧсямын 1859-тӥ арын. берло Сретенской черкез шайвылэ выжтӥзы но часовнялы пӧрмытӥзы. 1939-тӥ арын Удмурт Автономной Совето Социалистической Республикаысь Вылӥ Кенешлэн Президиумезлэн косэтэзъя Покров нимо черк пытсамын вал[3][4].
1774-тӥ арын 28-тӥ инвожое Емельян Пугачёв аслаз армиеныз Юсь гурт пыр ортчиз. Отысь священникез Семен Яковлев, солэсь кышнозэ, атайзэ (Тихонов гуртысь азьвыл священник) но пизэ (Юсь черкын со пономарь вал) виизы; черкез но поп коркаосты таласа быдтӥзы[5].
1806-тӥ арын татын народной земской школа усьтэмын («…дышетӥсь луыса тыршиз Иоанн Васильевич Васильев (1858—1927) — 1878-тӥ арын со Кузонысь учительской инородческой семинариез азинлыко йылпумъяз но начальной удмуртской училищеысь дышетӥсь свидетельство басьтӥз»). 1807-тӥ арын гуртысь крестьянъёс Ижысь пыӵалтӥрлык поттон завод борды «непременной ужасьёс» чотын юнматэмын вал.
1859-тӥ арын ортчытэм дасэтӥ ревизилэн лыдпусъёсызъя, Лудӟи шур дурысь Юсь казна гуртын 84 юртъер но 631 адями пусъемын вал. Со вакытэ гуртын асьсэлэн дышетон юртсы, вукозы но кебитсы вылэм[6].
1885-тӥ арын Юсе научной экспедициен вуылӥз тодмо венгер тодосчи Бернат Мункачи, 1889-тӥ арын — тодмо финн тодосчи-лингвист Арвид Оскар Густав Генетц.
1920-тӥ арын черкогуртэз выль кылдэм Вотской автономной округе пыртӥзы, Юсь черкогурт Юсь сельсоветлэн шорсюлмыз луиз. 1928-тӥ арын Лудорвайын, Юсьын но Лудӟиын гуртысь ёрмыса улӥсьёс но кивалтӥсьёс куспын вачевуон кылдӥз. Берло со Лудорвай уж шуыса тодмо луиз.
1960-тӥ арын Юсь сельсовет борды Лудорвай сельсовет итӥськиз. Огазеям сельсоветлэсь кивалтон центрзэ Совхозной нимо выль кылдытэм гуртэ выжтӥзы. 2005-тӥ арозь со Юсь сельсовет шуыса нимаськиз, собере сое «Совхозной» Муниципал кылдытэт (гурт поселение) каризы[7].
Экономика но мерлыко удыс
Черкогуртысь валтӥсез ужъюрт ― «Юськи» МУСП. Со азьвыл колхозлэн инъетэз вылын кылдэмын.
Юсь гуртын «Юсь шоръёзо школа», нылпи сад, фельдшерско-акушерской пункт ужа.
1938-тӥ арын Юськи гурт котыре Удмурт АССР-ысь Министръёслэн Кенешазы ужасьёс понна шутэтскон юрт усьтэмын вал. Берлогес со борды эшшо кык этажъем кык юрт пуктӥзы. Быдӟым Атыкай ож аръёсы отын Горд Армилэн красноармеецъёсты дасян-дышетон корпусъёсыз интыяськемын вал[8]. Тылож йылпумъяськем бере юртъёсты тупатъязы-выльдӥзы но 1950-тӥ арын 27-тӥ куартолэзе татын Удмуртиысь нырысетӥзэ нылпи эмъян санаторий усьтӥськиз. Валтӥсь эмчие юнматэмын вал Фридрих Яковлевич Киперман[9]. Санаторий Юсь гуртъя нимамын ке но, со Пичи Пурга ёросысь Постол починкае пыре[10].
Ульчаос
|
|
Валэктонъёс
- ↑ Каталог населённых пунктов Удмуртской Республики. Численность постоянного населения на 1 января 2012 года [ӟуч] Эскеремын 2015-03-24 арын
- ↑ П. В. Давыдов «Село Юськи: водовороты жизни = Юсь черкогурт: улон-питран» Национальная библиотека УР. Эскеремын 08.07.2025 арын
- ↑ Православные храмы Удмуртии. с. Юськи (Юски) Сарапульского уезда. Сретенская церковь (1760–1859 гг.) Архивная служба Удмуртии. Эскеремын 08.07.2025 арын
- ↑ Православные храмы Удмуртии. с. Юськи (Юски) Сарапульского уезда. Покровская церковь (1859–1939 гг.) Архивная служба Удмуртии. Эскеремын 08.07.2025 арын
- ↑ Россия. Полное географическое описание нашего отечества. т.5, под редакцией В. П. Семенова-Тян-Шанского, стр.522. С.-Петербург. Издание А. Ф. Девриена, 1914 г.
- ↑ Списки населенных мест Российской империи. Том VIII. Вятская губерния. Список населенных мест по сведениям 1859—1873 годов.
- ↑ Сельскохозяйственная артель (колхоз) "Знамя" Юськинского сельсовета Ижевского района Фондовый каталог УР. Архивный отдел Администрации муниципального образования "Завьяловский район" ф. 17. Эскеремын 08.07.2025 арын
- ↑ Историческая справка [ӟуч] Республиканский санаторий для детей "Юськи".
- ↑ Н. Городилова Санаторию "Юськи" - 70 лет Маяк.
- ↑ Республиканский детский санаторий «Юськи» для лечения туберкулёза Sanatoria.ru.
Литература
- Давыдов П. В. Село Юськи: водовороты жизни : краеведческий очерк = Юсь черкогурт: улон-питран : шаертодонъя очерк / [ответств. за выпуск С. В. Матвеев; предисл. Е. Г. Ходырева]. — Ижевск : Удмуртия, 2018. — 335 с., [16] л. цв. ил. : ил., портр. — На удмурт. и рус. яз.
Чӧлсконъёс
Совхоз гурт поселение пырись улон интыос | |
|---|---|
.svg)
.svg)