Кӧтул
| Гурт | |
| Кӧтул ӟуч: Кетул | |
|---|---|
 | |
| 56°41′10″ с. ш. 53°24′15″ в. д.GЯO | |
| Кун |
 Россия |
| Федерацилэн асмосэз | Удмурт Элькун |
| Муниципал ёрос | Дэри |
| Историез но географиез | |
| Часовой поясэз | UTC+04:00 |
| Улӥсез | |
| Улӥсез | 68 мурт (2025) |
| Цифровой идентификаторъёс | |
| Телефон кодэз | +7 3412 |
| Почта индекс | 427004 |
| Код ОКАТО | 94216805008 |
| Код ОКТМО | 94516000131 |
| Мукет | |
 |
|
|
|
|
Кӧтул (ӟуч: Кетул) — Дэри ёросысь гурт. 2021-тӥ арозь Ожмос гурт поселенилэн пушпӧлаз пыртэмын вал.
Интыяськемез
Интыяськемын Бисарка шур дурын, Ижкарлэсь 22 иськемлы палэнын, но Дэри черкогуртлэсь 11 иськемлы лымшор палан[1].
Историез
Ватка губернилэн статистикаезъя материалъёсысь 1884-1893-тӥ аръёсы ортчытэм Подворной описьын тазьы гожтэмын[2]:
Кӧтул гурт (Удмурт Бисар) Кӧтул шур дурын пуксемын, Сарапул карлэсь 35 иськемын, волостной правленилэсь 15 иськемын, черклэсь но училищелэсь 7 иськемын. Гуртын вотякъёс уло (азьвыл кун крестьянъёс) но одӥг хозяйство ӟучъёс (азьвыл удельной крестьянъёс); ваньзы православнойёс. Починка ог 150 ар талэсь азьвыл кылдытэмын. Нырысь улӥсьёсыз со волостьысь ик Козмодемьянской черкогуртысь но Дэри ёросысь Дӥньтэмысь лыктэмъёс. Музъем воргоронъёсъя люкемын. Пудо вордон понна дэменлык казнаысь пудо возьман лудэз арендае басьтылэ.
2021-тӥ арын 25-тӥ пӧсьтолэзёзь Ожмос гурт поселенилэн пушпӧлаз пыртэмын вал. Муниципал ёрос интые муниципал округъёс кылдытэмен валче, гурт поселениос быдтэмын вал. 2021-тӥ арысен «Удмурт Элькунысь Дэри ёрос муниципал округ» муниципал кылдытэтысь «Ожмос» территориаольной отделэ (ТО) пыртэмын[3].
Улӥсез
| 2002[4] | 2010[5] | 2012[6] | 2020[7] |
|---|---|---|---|
| 110 | ↘77 | ↘75 | ↗77 |
2002-тӥ арын ортчытэм огъя союзной переписьын 110 улӥсъёс пӧлысь 79%-эз ӟучъёс вал, соос пӧлын 58 воргорон но 52 нылкышно.
2025-тӥ арын 1-тӥ коньывуонэ басьтэм тодэтъёсъя, гуртын 68 улӥсез вал. Соос пӧлын 29 воргорон но 39 нылкышно. Быдэ вуымтэос — 5 мурт, ужан арлыдо муртъёс 39 кузя, арлыдоос — 23 мурт[8].
Учкымон интыос
1970-тӥ аръёслэн кутсконаз гуртын 1941—1945-тӥ аръёсы Быдӟым Атыкай ожын быремъёслы синпелет пуктэмын. Со школа азбарын интыяськемын, соин сое чылкытатыса-утялтыса возизы нылпиос но школаын ужасьёс. 2000-тӥ арын, школаез пытсам бере, синпелет аналтӥськиз. 2016-тӥ арын гуртысь мыло-кыдоос «Ожмос» муниципал кылдытэт администрацилэн юрттэмез улсын синпелетэз тупатъязы, выльдӥзы. Вормон нунал азьын сое усьтонлы сӥзем сӥё-дано ужрад ортчытэмын вал[9].
Удмурт Элькунысь транспортъя министерстволэн пресс-службаезлэн ивортэмезъя, 2012-тӥ арын «Россиысь транспорт системаез азинтон (2010—2015-тӥ аръёсы)» целевой федерал программалэн «Автомобиль сюресъёс» подпрограммез улсын Ожмосысь Кӧтулэ вуттӥсь автомобиль сюрес лэсьтэмын[10].
Валэктонъёс
- ↑ Об изменении черты населенного пункта деревня Кетул Завьяловского района Удмуртской Республики [ӟуч], Электронный фонд правовых и нормативных документов. Эскеремын: 31 коньывуонэ 2025 арын.
- ↑ Кетул.Материалы по статистике Вятской губернии. Подворная опись 1884-1893 гг. [ӟуч], Родная Вятка. Эскеремын: 31 коньывуонэ 2025 арын.
- ↑ Закон Удмуртской Республики от 10.06.2021 № 64-РЗ «О преобразовании муниципальных образований, образованных на территории Завьяловского района Удмуртской Республики, и наделении вновь образованного муниципального образования статусом муниципального округа»
- ↑ https://rodnaya-vyatka.ru/perepis2002/region/94
- ↑ https://rodnaya-vyatka.ru/perepis2010/region/94
- ↑ https://18.rkn.gov.ru/docs/18/Udmurtstat_Katalog_np_UR_2012.xls
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Жизнь в деревне Кетул Завьяловского района Удмуртской Республики [ӟуч], bdex. Эскеремын: 31 коньывуонэ 2025 арын.
- ↑ Памятники Великой Отечественной войны МО «Бабинское»Деревня Кетул [ӟуч], ВК. Бабинская сельская библиотека (22-04-2020). Эскеремын: 31 коньывуонэ 2025 арын.
- ↑ Строительство дороги Бабино-Кетул в Удмуртии завершат в этом году [ӟуч], ИА Сусанин (14-09-2012). Эскеремын: 31 коньывуонэ 2025 арын.
.svg)
.svg)