Дӥньтэм (Завьял ёрос)
| Гурт | |
| Дӥньтэм | |
|---|---|
 | |
| 56°41′07″ с. ш. 53°16′49″ в. д.GЯO | |
| Кун | |
| Часовой поясэз | UTC+4:00 |
| Улӥсез | |
| Улӥсез | |
| Цифровой идентификаторъёс | |
| Телефон кодэз | 3412 |
| Почта индекс | 427005 но 427005 |
|
|
|
Дӥньтэм (ӟуч: Динтем-Бодья) — Удмуртиысь Дэри ёросысь гурт. Изгурт гурт поселенилэн пушпӧлаз пыре. Ижкарлэсь 19 иськемын (лымшор палан) но Дэри черкогуртлэсь 13 иськемын (лымшорен шундыпуксён вискын).
Интыяськемез
Интыяськемын Дыньтэм шур йылын, Ижкарлэсь 19 иськемын (лымшор палан) но Дэри черкогуртлэсь 13 иськемын (лымшорен шундыпуксён вискын).
Историез
Нимыз «дӥньтэм» кыл борды Бӧдья воршуд нимез ватсаса кылдэмын[2].
Гурт сярысь веранъёс Пугачёвлэн восстаниез дырысен пумиськыло[3]. 1888-тӥ арын гуртын часовня ӝутэмын вал[4].
Дэри ёрос администрацилэн ивортэмезъя, «Продолжительная и активная жизнь» йӧскалык проект улсын 2025-тӥ арын Дӥньтэмын фельдшерско-акушерской пункт (ФАП) пуктыны кутскемын. Отын 200-лэсь трос улӥсьёс эмъюрттэт басьтыны быгатозы. Лэсьтӥськонэз шуркынмонэ быдэстыны чакламын[5].
Улӥсьёс
1716—1717-тӥ аръёсы ортчытэм Ландратской переписья, гуртлэн нимыз Дындем Бодья шуыса гожтэмын, улӥсез со вакытэ 33 нылыкышно но 39 воргорон лыдъяське вылэм, 15 юртъер. 1744—1747-тӥ аръёсы нимыз Димдем Бодья шуыса пусъемын, улӥсез — 67 воргорон. Ватка губерниысь улон интыосын лыдметын 1859—1873-тӥ аръёсы Динтем-Бодья гожтэмын, 183 улӥсез но вукозы вань шуыса пусъемын. В. А. Старостинлэн «Книга Вятских Родов» изданияз 1891-тӥ арлы сётэм улон интыосын реестрын 280 улӥсез гожтэмын, озьы ик мукетыз нимыз пыртэмын — Динтем-Бадзи. 1924-тӥ арын Вотской автономной областьлэн улон интыосыныз лыдметын 398 улӥсез гожтэмын[6].
2012-тӥ арын 1-тӥ толшоре басьтэм тодэтъёсъя, гуртын 233 адями лыдъяськиз.
2025-тӥ арын 1-тӥ коньывуонэ басьтэм тодэтъёсъя Дӥньтэмын 254 улӥсез. Соос пӧлын: 6 аресозь — 8 мурт, 7-ысен 17 аресозь — 12 мурт, 18-ысен 29 аресозь — 30 мурт, 30-ысен 60 аресозь — 117 мурт, 60-ысен но солэсь бадӟымъёсызгес — 73 мурт, Дӥньтэмын 80 ареслэсь кема улӥсьёс — 14 мурт[7].
Ульчаос
- Ветеранъёслэн ульчазы;
- Заречной;
- Кировской;
- Молодёжной;
- Шоссейной.
Валэктонъёс
- ↑ https://web.archive.org/web/20151225182600/http://18.rkn.gov.ru/docs/18/Udmurtstat_Katalog_np_UR_2012.xls
- ↑ Л. Е. Кириллова, М. А. Самарова Трансформация удмуртских географических названий [ӟуч] cyberleninka. Эскеремын 3.10.2025 арын
- ↑ История населенного пункта - Село Завьялово - Завьяловский район - Удмуртская (республика) - Приволжский Федеральный округ - Моя малая Родина Эскеремын 07.10.2025 арын
- ↑ Строительство часовен - Свято-Никольский храм с. Завьялово Эскеремын 07.10.2025 арын
- ↑ В удмуртской деревне Динтем-Бодья начали строить медпункт [ӟуч] Национальныепроекты.рф (20.03.2025). Эскеремын 3.10.2025 арын
- ↑ Динтем Бодья [ӟуч] Родная Вятка. Эскеремын 3.10.2025 арын
- ↑ Население деревни Динтем-Бодья Завьяловского района Удмуртской Республики [ӟуч] https://bdex.ru/. Эскеремын 3.10.2025 арын
.svg)
.svg)