Пичи Пурга

Википедиысь материал
Черкогурт
Пичи Пурга
Храм в Малой Пурге.JPG
Кун РоссияFlag of Russia.svg Россия
Историез но географиез
Часовой пояс UTC+04:00[d]
Улӥсез
Улӥсез
Лыдпус тодметъёс
Телефон код +7 34138
427820
Показать/скрыть карты

Пичи Пурга — станциез.

Гуртлэн историез

Пичи Пурга черкогуртлэн нимыз кылдэмын вашкала удмуртъёслэн Пурга воршуд нимзылэсь. Пурга черк усьтӥськиз 1859-тӥ арын, но сое йылозяз-пумозяз ӝутон йылпумъяськиз ай вуонояз 1860-тӥ арын. Со аре ик 12-тӥ толсуре черк освятить каремын но Михаил Архистратиглы сӥземын. Дыр ортчемъя Пичи Пургаысь пу черк куашкан калэ вуиз, 1902-тӥ арын со интые ӝутэмын вал излэсь черк. Таиз бакель каремын 1902-тӥ арын 3-тӥ январе.

1921-тӥ арозь Пичи Пурга черкогурт пыриз Иж уездаз. 1929-тӥ арын, Иж уездэз выль сямен радъяку, Пичи Пурга нимаз ёрослы висъямын. Пичи Пурга черкогурт ёрослэн шорсюлмыз луиз.

1963-тӥ арын нош ик воштӥськонъёс ортчизы: Пичи Пурга черкогуртэз выжтӥзы Удмурт АССР-лэн Иж ёросаз. Кык ар ортчыса, Пичи Пурга черкогуртлы выльысь берыктэмын азьвыл статусэз. Со дырысен та село Пичи Пурга ёрослэн центрез луэ.

Экономика

Пичи Пурга черкогуртын ӟеч радъямын экономика удыс. Ушъямон тыршо «Пичи Пургаысь МСО», «Пичи Пургаысь сельлесхоз», озьы ик «Агропромэнерго» но «Потребкооператив» огазеяськонъёслэн Пичи Пургаысь ёзъёссы. Черкогуртын вань кирпич шуккон, йӧллэсь сиён поттон но пластмасслэсь арбериос лэсьтон заводъёс.

Культура

Культура удыс огсыр азинске. Пиналъёслы мур тодон-валан сётон понна черкогуртын усьтэмын гимназия, шор ёзо школа. Кибашлы нылпиослэсь быгатонлыксэс волятон понна 20 ар талэсь азьло — 1989-тӥ арын — кылдытэмын «Пурга кизилиос» центр. Черкогуртын ӟеч радъямын калыклэсь тазалыксэ утён но эмъян. Удмурт Республикалэн президентэз Александр Волков юрттэмъя Пичи Пурга селоын 2002-тӥ арын усьтӥськиз валтӥсь больницалэн улыно-вылыно юртэз. Со сяна, ӝутэмын нуны витись кышномуртъёслы чаклам выль юрт.

Гуртлэн азинскемез

Пичи Пурга черкогуртын вань урамъёс шобыртэмын асфальтэн, котькуд юртэ вуэ чагыр эстӥськон (газ). Берло аръёсы черкогуртын зол азинскиз лэсьтӥськон удыс. Пичи Пургаын кылдӥзы ини уно выль урамъёс: черкогурт тани-тани огазеяськоз Миндэр гуртэн.