Удмурт Автономной Советской Социалистической Республика (УАССР)

Википедиысь материал
Запрос «Советская Удмуртия» перенаправляется сюда; о газете, в 1943—1992 годах носившей название «Советской Удмуртия», см. Удмурт дунне.
Удмурт Автономной Советской Социалистической Республика
ӟуч УАССР
Удмурт Автономной Советской Социалистической Республика-лэн флагез Удмурт Автономной Советской Социалистической Республика-лэн гербез
республикалэн флагез республикалэн гербез
Мереткыл:
удм. Вань кунъёсысь пролетарийёс, огазеяське!
Шоркар Ижевск
Кылдытэмын 1934-тӥ арын 28 толсуре
пушпӧлаз  РСФСР : 1934-тӥ арысен 28 толсурысен — 1991-тӥ арозь 11 коньывуонозь
Быдӟалаез 42100
Улӥсез 1 418 сюрс мурт (1970)
Орден Ленина — 1958 Октябрь Революци нимо орден — 1970 Калыкъёслэн тупаса улэмзылы сӥзем орден  — 1972

Удмурт Автономной Советской Социалистической Республика (УАССР, ӟуч Удмуртская Автономная Советская Социалистическая Республика) — РСФСР-лэн пушпӧлаз пырись автономи элькун. Элькунлэн шоркарез — Ижкар.

1991-тӥ арын 11-тӥ коньывуонэ нимыз Удмурт Элькунлы воштэмын[1].

Историез

[Тупатыны | вики-текстэз тупатыны]
Озьы ик учке: Удмурт автономной область
Удмурт автономной областез Удмурт Автономной Социалистической Советской Республикалы пӧрмытон сярысь Пуктэт.
УАССР-лэн Кивалтэт юртэз «50 лет Удмуртской АССР» 1970-тӥ арын поттэм почта марка вылын

1934-тӥ арын 27-тӥ толсуре ЦК ВКП (б)-лэн Политбюроез «Удмурт Автономной областез Удмурт автономной Республикалы воштон сярысь» юанэз эскериз[2] но та воштонэз "али ик ВЦИК пыр лэсьтоно" шуыса решение кутӥз. 1934-тӥ арын 28-тӥ толсуре ВЦИК-лэн Пуктэтэзъя, 1920-тӥ арын кылдытэм Удмурт автономной область Удмурт АССР каремын вал[3][4][5]. 1935-тӥ арын 20-тӥ южтолэзе ВЦИК УАССР-лэсь Киров шаере пыремзэ катэн юнматӥз[5], нош СССР-лэсь выль Конституцизэ кутэмен, ар ортчыса, шаеръёсъя люкон палэнтэмын вал.

Удмурт АССР-лэн нырысетӥ Конституциез 1937-тӥ арын 14-тӥ южтолэзе Удмурт Автономной Советской Социалистической республикалэн Кенешезлэн II Чрезвычайной съездаз кутэмын. Нырысетӥ Конституция Удмурт Автономной советской Социалистической республикалэсь РСФСР-лэн пушпӧлаз пыремзэ юнматӥз. Йылпумъяськиз удмурт йӧскалыклэн но солэн правосознаниезлэн кылдон вакытэз. Конституциын кун кылъёс Удмурт но ӟуч кылъёс луо шуыса гожтэмын[6]. ВЦИК-лэн 1937-тӥ арын 22-тӥ коньывуонэ кутэм Пуктэтэзъя, Вотка, Сарапул, Каракулино но Кияса ёросъёс Киров улосысь поттыса, Удмурт АССР-лэн пушпӧлаз пыртэмын[7].

1930-тӥ аръёсы, СССР-лэн индустриализациезлэн люкетэз чотын, элькунын промышленной предприятиосты пуктон уж кутскиз. Солы луыса, гуртъёсысь ужась калык каръёсы лыктылыны кутскиз. 1939-тӥ арысен 1970-тӥ арозь карын улӥсь калыклэн лыдыз 26 %-ысь 57 %-озь ӝутскиз[8]. 1980-тӥ аръёслэн шораз, 1940-тӥ аръёсын ӵошатыса, уж азинлыклэн шорлыдыз 11 поллы унояз[9].

1958-тӥ арын 20-тӥ инвожое элькун Ленин Орденэн пусъемын[10], 1970-тӥ арын 2-тӥ шуркынмонэ — Октябрь революци нимо Орденэн, 1972-тӥ арын 20-тӥ толсуре — Калыкъёслэн эшъяськон Орденэнызы[1].

УАССР-лэн выль Конституциез 1978-тӥ арын 31-тӥ куартолэзе УАССР-лэн Вылӥ Кенешезлэн укмысэтӥяз внеочередной сессияз кутэмын. Та съездын ик делегатъёс УАССР-лэн Вылӥ Кенешезлэсь УАССР-лэсь Конституцизэ кутон сярысь Декларацизэ но УАССР-лэсь Конститутцизэ уже кутон сярысь Катэз умоен лыдъязы. Калыклы тодматскон вылысь,1978-тӥ арын 16-тӥ куартолэзе Конституцилэн ӵектосэз газетъёсын печатламын вал[11].

1990-тӥ арын 20-тӥ куаусёнэ Удмурт АССР-лэн Вылӥ Кенешез элькунлэн суверенитетэз сярысь ялӥз[12].

1991-тӥ арын 24-тӥ куартолэзе РСФСР-ысь Калык депутатъёслэн Съездзы РСФСР-ысь Конституцилэн 71-тӥ статьяяз воштэт пыртӥз, кудаз элькун Удмурт Советской Социалистическойю Республика шуыса гожтэмын[13].

1991-тӥ арын 11-тӥ коньывуонэ Удмуртиысь Вылӥ Кенеш «Удмурт Республика» нимез элькун Конституцие пыртӥз[14], нош 1992-тӥ арын 21-тӥ оштолэзе Росси Федерациысь Калык депутатъёслэн съездзы сое росси Конституцие пыртӥз[15]. Та воштэт кужымлыко луиз 1992-тӥ арын 16-тӥ куартолэзе «Российская газета» изданиын печатлам бере[16].

УАССР, Ижевскысь Культура дворец, 1960-тӥ арын поттэм почта марка вылын

Кунлэн ёзрадэз

[Тупатыны | вики-текстэз тупатыны]

УАССР кылдэм бере элькун тӧрлыклэн вылӥ ёзэсэз УАССР-ысь Кенешлэн Съездэз луиз (1935—1937), съездъёс вискын вылӥ катрадлыко, быдэсъясь но чаклась ёзэс — ЦИК (1935—1938). УАССР-лэн Кенешезлэн нырысетӥ Съездэз 1935-тӥ арын 12-тӥ толшоре люкаськылӥз. Отын ЦИК-е ёзчиос но кандидатъёс быръемын вал, озьы ик СССР-ысь ЦИК-лэн Йӧскалык Кенешаз огмуртъёс. Кутэмын вал Удмуртилэсь Конституцизэ дасян сярысь решение[4].

1937-тӥ арын тулыспалэ УАССР-лэн Конституциезлэн ӵектосэз газетъёсын печатламын вал.  Удмурт АССР-лэн Конституциез кутэмын 1937-тӥ арын 14-тӥ южтолэзе Удмурт АССР-ысь Кенешлэн 2-тӥ Чрезвычайной съездаз[6].

Элькун тӧрлыклэн вылӥ ёзэсъёсыз — Удмурт АССР-ысь одӥг инэгъем Вылӥ Кенеш но солэн Президиумез. Вылӥ Кенеш 4 арлы одӥг пол 7500 улӥсьлы быдэ быдэн 1 депутат нормая бырйиське. Вылӥ Кенеш ик элькунысь кивалтэт кылдытылӥз — Удмуртиысь Министръёслэн кенешсы. СССР-ысь Вылӥ Кенешлэн Йӧскалык Кенешаз Удмурт АССР-ысь 11 депутат пыртэмын вал. Интыосысь кун тӧрлык ёзэсъёс — Ужась депутатъёслэн кар, ёрос, каргурт но гурт кенешъёссы 2 арлы бырйиськылӥз. Элькунысь Вылӥ судэз (2 судебной коллегиосты: йыружъёсъя но граждан уджъёсъя) но Вылӥ судлэсь Президиумзэ бырйылӥз Удмурт АССР-ысь Вылӥ Кенеш 5 арлы одӥг пол[6]. Удмурт АССР-ысь прокурорез юнматылӥз СССР-лэн Генеральной прокурорез 5 арлы.

1938-тӥ арын инвожо толэзе РСФСР-ысь но УАССР-ысь Вылӥ Кенешъёсы быръёнъёс ортчизы, нош 1939-тӥ арын толсуре — интыысь кенешъёсы. Бырйисьёслэн лыдзы 99 %-лэсь ятыр луиз[17].

Улӥсез

[Тупатыны | вики-текстэз тупатыны]

1970-тӥ арын ортчытэм лыдъян-чотанъя, элькунын 1417,4 сюрс улӥсез лыдъяськиз[8]. Соос пӧлын бадӟым люкетэз — ӟучъёс (57 %) но удмуртъёс (34,1 %).

Йӧскалыкъёс Улӥсез,
сюрс мурт
Ӟучъёс 809,6
Удмуртъёс 484,2
Бигеръёс 87,2
Украинецъёс 10,3

Валэктонъёс

[Тупатыны | вики-текстэз тупатыны]
  1. ↑ 1 2 Туганаев, 2008, с. 165.
  2. ↑ Н. П. ИнфоРост Постановление Политбюро ЦК ВКП(б) «О преобразовании Удмурдской области в республику». 27 декабря 1934 г.
  3. ↑ Анисимова Ф. М., Васильева Л. И., Коробейникова А. С. К истории образования удмуртской автономии. — Удмуртское книжное издательство. — 1961. — С. 109. — 128 с. Архивная копия от 24 пӧсьтолэзе 2018 на Wayback Machine
  4. ↑ 1 2 Васильева, Дмитриев, Куликов и др., 2005, с. 158.
  5. ↑ 1 2 Туганаев, 2008, с. 164.
  6. ↑ 1 2 3 Васильева, Дмитриев, Куликов и др., 2005, с. 159.
  7. ↑ Васильева, Дмитриев, Куликов и др., 2005, с. 160—161.
  8. ↑ 1 2 Туганаев, 2008, с. 42.
  9. ↑ Васильева, Дмитриев, Куликов и др., 2005, с. 402.
  10. ↑ Анисимова Ф. М., Васильева Л. И., Коробейникова А. С. К истории образования удмуртской автономии. — Удмуртское книжное издательство. — 1961. — С. 112. — 128 с. Архивная копия от 24 пӧсьтолэзе 2018 на Wayback Machine
  11. ↑ Васильева, Дмитриев, Куликов и др., 2005, с. 409—410.
  12. ↑ ПОСТАНОВЛЕНИЕ ВС УАССР ОТ 20.09.90 N 83-XII О ГОСУДАРСТВЕННОМ СУВЕРЕНИТЕТЕ УДМУРТСКОЙ РЕСПУБЛИКИ Эскеремын 2016-04-26 аре
  13. ↑ Закон РСФСР от 24 мая 1991 года № 1326-I «Об изменениях и дополнениях Конституции (Основного Закона) РСФСР»
  14. ↑ О внесении изменений в Конституцию (основной Закон) Удмуртской АССР
  15. ↑ Закон Российской Федерации от 21 апреля 1992 года № 2708-I «Об изменениях и дополнениях Конституции (Основного Закона) Российской Советской Федеративной Социалистической Республики»
  16. ↑ Список законов РСФСР/РФ. 1990—1993
  17. ↑ Васильева, Дмитриев, Куликов и др., 2005, с. 160.

Литература

[Тупатыны | вики-текстэз тупатыны]
«https://udm.ruwiki.ru/w/index.php?title=Удмурт_Автономной_Советской_Социалистической_Республика_(УАССР)&oldid=217147»-ысь басьтэмын