Бигер Автономной Советской Социалистической Республика
РАН экспертиза
Экспертиза РАН
Россиысь Тодосъёсъя Академия
| АССР | |||||
| Бигер Автономной Советской Социалистической Республика | |||||
|---|---|---|---|---|---|
|
|||||
| 55°47′00″ с. ш. 49°10′00″ в. д.GЯO | |||||
| Кун |
 СССР |
||||
| Пыре | РСФСР | ||||
| Пыре | 37 ёрос, 17 кар, 24 каргурт | ||||
| Адм. центрез | Кузон | ||||
| Министръёслэн Кенешсылэн Тӧроез | Шаймиев Минтимер Шарипович (берпуметӥез) | ||||
| Вылӥ Кенешлэн Президиумезлэн Тӧроез | Закиев Мирфатых Закиевич (берпуметӥез) | ||||
| Историез но географиез | |||||
| Кылдытэмын | 27-тӥ куартолэзе 1920 | ||||
| Быдтэмын | 1990-тӥ арын 30-тӥ гудырикошконэ (Бигер АССР луиз Бигер ССР — Татарстан руспублика) | ||||
| Быдӟалаез | 67 847 км² | ||||
| Часовой пояс | MSK | ||||
| Улӥсез | |||||
| Улӥсез | 3 637 809[2]. мурт (1989) | ||||
| Йӧскалыкъёс | бигеръёс, ӟучъёс, чувашъёс но мукетъёсыз[2] | ||||
| Официальной луись кылъёс | ӟуч, бигер[3] | ||||
| Лыдпусо идентификаторъёс | |||||
| Аббревиатура | ТАССР | ||||
| Данъетъёсыз |
   |
||||
|
|||||
_(orthographic_projection).svg) |
|||||
| Валэктонъёс: 1989-тӥ арын ивортонъёсъя | |||||
 |
|||||
Бигер Автономной Советской Социалистической Республика (Бигер АССР, Татарской АССР, ТАССР, Татарстан, Тата́рия; 1936-тӥ арын 5-тӥ толсурысен 1990-тӥ арын 30-тӥ гудырикошконозь юнматэм нимыз биг. Татарстан Автономияле Совет Социалистик Республикасы (ТАССР, Татарстан, Татарстан АССР)[4][5], ӟуч: Татарская Автономная Советская Социалистическая Республика; 1920-тӥ арын 27-тӥ куартолэзьыен 1936-тӥ арын 5-тӥ толсурозь нимаськиз Автономной Бигер Социалистической Советской Республика (старотат. ﺗﺎﺗﺎﺭﺳﺗﺎن ﺋﺎۋﺗِوُﻧِوُﻣﻳﻪﻟئ ﺳِوُۋﺌﺖ ﺳِوُﺗﺳﻳﺎﻟﻳﺳﺗﻳﻙ ﺭﺌﺳﭘِوﺒﻟﻳﻜﺎﺳئِ), лат. тат. Tatarstan Avtonomiäle Sotsialstik Sovet Cömhüriäte) — Росси Совето Федеративной Социалистической Республикае пырись автономной улос[6].
Историез
1920-тӥ арын 22-тӥ южтолэзе РСФСР-ысь СНК-лэн тӧроез В. И. Ленин Кремльын Бигер республикаез кылдытонэн герӟаськем ужпумез эскерон вылысь пумиськылӥз Б. X. Мансуровен, С. Г. Саид-Галиевен но мукетъёсыныз[7].
.jpg)
Со сярысь 1920-тӥ арын 27-тӥ куартолэзе ВЦИК-лэн но РСФСР-ысь Совнаркомлэн кутэм декретазы ялэмын, со арын ик 25-тӥ инвожое Автономной Бигер Социалистической Советской Республика (А.Т.С.С.Р., Татреспублика) кылдытэмын вал (биг. Avtonomiəle Tatarstan Sovet Sotsialstik Respublikasь (A.T.S.S.R., Tatarstan))[8].
1925-тӥ арын 25-тӥ инвожое Бигер республикалэн конституциезлэн проектэз (нырысетӥез) кутэмын, 1926-тӥ арын 13-тӥ южтолэзе Бигер автономилэн Кенешезлэн VI ӧтчамаз солы дурбасьтӥзы. Текстэз РСФСР-ысь ВЦИК но РСФСР-ысь Советъёслэн ӧтчамзы ӧз юнматы.
1937-тӥ арын 25-тӥ инвожое Бигер автономилэн Кенешезлэн XI чрезвычайной ӧтчамаз республикалэн конституциез кутэмын вал[3], соя нимаз воштонъёс пыртӥзы, улосэз Бигер Автономной Советской Социалистической Республика нимазы.
1922-тӥ арын (СССР кылдыку), 1936-тӥ но 1977-тӥ арын (СССР-лэсь Конституцизэ кутыку) но 1952-тӥ—1953-тӥ аръёсы (ТАССР-ын Кузон, Чистополь, Бугульма улосъёс кылдыку) Бигер АССР-ез союзной республика каронъя ӵектонъёсты эскерылӥзы, но ӧз юнматэ[9].
.jpg)
.svg)
Совето Союзын «суверенитетъёслэн парадзы» дыръя 1990-тӥ арын 30-тӥ гудырикошконэ ТАССР-ысь Вылӥ Кенеш кун суверенитет сярысь декларация кутӥз, озьы кылдӥз Бигер Советской Социалистической Республика — Татарстан республика[10]. 1991-тӥ арын 24-тӥ куартолэзе ортчем РСФСР-ысь Калык депутатъёслэн ӧтчамазы та нимез юнматӥзы, 1978-тӥ арын кутэм РСФСР-лэн Конституциысьтыз 71-тӥ статьялэн нырысетӥ люкетаз но 171-тӥ статьяе воштонъёс пыртӥзы[11].
1992-тӥ арын 16-тӥ куартолэзьысен — Татарстан[12].
Вылӥ кивалтэт но кивалтӥсьёс
ВЦИК-лэн 1920-тӥ арын 27-тӥ куартолэзе кутэм «Автономной Татарской Социалистической Советской Республика сярысь» декретэзлэн 2-тӥ пунктэзъя, АТССР-ысь кун кивалтэтлэн аппаратаз пыризы интыысь депутатъёслэн кенешъёссы, Шор быдэсъясь комитет но АТССР-ысь Калык Комиссаръёслэн Кенешсы. Солэсь азьвыл ВЦИК-ен кылдытэмын вал АТССР-лэн огдырлы юнматэм революционной комитетэз[6].
1920-тӥ арын 25-тӥ инвожое Кузонысь губисполком аслэсьтыз кивалтон биньгозызэ быдэсак сётӥз огдырлы юнматэм ревкомлы (ВРК). Таиз 11-тӥ пӧсьтолэзе автономия кылдытон сярысь вань ужась калыклы вазиськонэн потӥз, 11-тӥ куарусёнлы солэсь кунгожъёссэ пыр-поч пусйиз. ВРК-лэн валтӥсь ужпумез луиз Бигер республикаысь Кенешлэсь учредительной съездзэ дасян. 1920-тӥ арын 26-тӥ—27-тӥ куарусёнэ АТССР-ысь ужасьёслэн, горд армиысь но крестьян депутатъёслэн кенешсылэсь I учредительной ӧтчамзы ортчиз, отын Бигер Шор быдэсъясь Комитетлэн (ТатЦИК) Президиумез быръемын но нырысетӥез правительство — Бигер республикалэн СНК-ез — кылдытэмын вал[6].
Компартилэн Бигер обкомез
РКП(б)-лэн/ВКП(б)-лэн/КПСС-лэн Бигер улос комитетэз — автономиын коммунистической партилэн структураосыныз кивалтонъя центральной ёз. Бигер обкомлэн нырысетӥ секретарез улосэн кивалтӥз.
Кивалтон ёзъёс
Автономиысь вылӥ кивалтэт нырысь-валысь вал Ужасьёслэн, горд армиысь но крестьян депутатъёслэн кенешсылэсь улос ӧтчамез. Ӧтчамъёс вискын республикаен огъя кивалтон вылысь ӧтчам Шоретӥ быдэсъясь комитет — ТатЦИК — бырйылӥз.
1936-тӥ ар бере Ужасьёслэн, горд армиысь но крестьян депутатъёслэн кенешсы луиз Ужасьёслэн депутат кенешсы. Каръёсысь, ёросъёсысь, каргуртъёсысь но гуртъёсысь ужасьёслэн депутат кенешъёссы калыкен 2 арлы бырйиськылӥзы.
Со сяна, Бигер АССР-ысь 11 депутатъёс СССР-ысь Вылӥ Кенешлэн йӧскалык кенешазы пыриськизы.
1937-тӥ арын, ТАССР-лэсь Конституцизэ кутэмен[3], ТатЦИК быдтэмын вал, нош республикаысь выль вылӥ кивалтэт ёз луиз Бигер АССР-ысь одӥг палатаем Вылӥ Кенеш (сое 20 сюрс улӥсьёслэсь 1 депутат нормая 4 арлы калык бырйылӥз) но солэн Президиумез. 1995-тӥ арын Вылӥ Кенеш пӧрмытэмын вал Татарстанысь Кун Кенешлы[6].
ТатЦИК
ТатЦИК-лэн Президиумезлэн тӧроосыз:
- 1920—1921 — Мансуров Бурхан Хуснутдинович;
- 1921—1924 — Сабиров Рауф Ахметович;
- 1924—1927 — Шаймарданов Шайгардан Шаймарданович;
- 1928—1929 — Ахметшин Миннигарей Ахметович;
- 1929—1932 — Мратхузин Харрис Ибрагимович;
- 1932—1934 — Ягудин Мигдат Губайдуллович;
- 1933—1937 — Байчурин Гумер Гистинович;
- 1937—1938 — Динмухаметов Галей Афзалетдинович — Бигер ЦИК-лэн Президиумезлэн Тӧроезлэсь ужзэ быдэсъясь.
ТАССР-ысь Вылӥ Кенеш
ТАССР-ысь Вылӥ Кенешлэн Президиумезлэн тӧроосыз:
- 1938—1951 — Динмухаметов Галей Афзалетдинович;
- 1951—1959 — Низамов Салях Низамович;
- 1959—1960 — Фасеев Камил Фатыхович;
- 1960—1983 — Батыев Салих Гилимханович;
- 1983—1985 — Багаутдинов Анвар Бадретдинович;
- 1986—1990 — Мустаев Шамиль Асгатович;
- 1990—1991 — Шаймиев Минтимер Шарипович.
Правительство
Республикаысь правительствоез автономилэн косӥсь но быдэсъясь вылӥ ёзэз сямен кылдытъяз ТатЦИК (бератаз — ТАССР-ысь Вылӥ Кенеш).
Республикалэн нырысетӥ правительствоез вал АТССР-ысь Калык Комиссаръёслэн Кенешсы. 1946-тӥ арын солэн нимыз ТАССР-ысь Министръёслэн Кенешсы луиз, тазэ 1991-тӥ арын Татарстан республикаысь Министръёслэн кабинетсы каризы.
Бигер совнарком
АТССР-ысь/ТАССР-ысь СНК-лэн тӧроосыз:
- 1920—1921 — Саид-Галиев Сахиб-Гарей;
- 1921—1924 — Мухтаров Кашаф Гильфанович;
- 1924—1927 — Габидуллин Хаджи Загидулла Оглы;
- 1927 — Шаймарданов Шайгардан Шаймарданович;
- 1928—1930 — Исмаев Каримулла Хуснуллович;
- 1930—1937 — Абрамов Киям Алимбекович;
- 1937 — Давлетьяров Ахметсафа Мустафович;
- 1937—1940 — Тынчеров Амин Халилович;
- 1940—1943 — Гафиатуллин Сулейман Халилович;
- 1943—1946 — Шарафеев Саид Мингазович.
ТАССР-ысь Министръёслэн Кенешсы
ТАССР-ысь Министръёслэн Кенешсылэн тӧрооссы:
- 1946—1950 — Шарафеев Саид Мингазович;
- 1950—1957 — Азизов Миргарифан Замлеевич;
- 1957—1959 — Шарафеев Саид Мингазович;
- 1959—1966 — Абдразяков Абдулхак Асвянович;
- 1966—1982 — Усманов Гумер Исмагилович;
- 1983—1985 — Садыков Ильдус Харисович;
- 1985—1989 — Шаймиев Минтимер Шарипович;
- 1990 — Сабиров Мухаммат Галлямович.
Судъёс но прокуратура
Бигер АССР-ысь Вылӥ суд кык судъя коллегиен валче (уголовной но граждан ужъёсъя) но Вылӥ судлэн Президиумез улосысь Вылӥ Кенешен 5 арлы бырйиськылӥз.
Бигер АССР-ысь прокурорез СССР-ысь Валтӥсь прокурор 5 арлы меӵак юнматылӥз.
1937-тӥ—1938-тӥ аръёсы ТАССР-ын озьы ик судэ пырисьтэм ёз ужалляз — НКВД-ысь «нимысьтыз тройка».
Администрациослы но интыослы люкиськон
АТССР нырысь-валысь 10 кантонъёслы люкиськылӥз: Арск, Бугульма, Буинск, Лаишево, Мамадыш, Мензелинск, Свияжск, Спасский, Тетюши но Чистополь. 1921-тӥ арын Огырчи, Алабго но Челны кантонъёс кылдытэмын вал.
1924-тӥ арысен кантонъёсты быдтыны но соос интые выль административной ёросъёсты кылдытыны ӧдъязы. Та уж 1930-тӥ арын 23-тӥ пӧсьтолэзе йылпумъямын вал, соку ёросъёслы-кантонъёслы люконэз быдэсак ёросъёслы люконэн воштӥзы.
1940-тӥ аръёслэн пумозязы ёросъёслэн лыдзы пумен йылӥз. Озьы 1948-тӥ арын Бигер АССР-ын 70 ёросъёс но республикалэн кивалтэмез улсын улӥсь 3 каръёс (Кузон, Зеленодольск но Чистополь) пусъемын вал.
1950-тӥ аръёслэн кутсконазы Бигер но Башкир АССР-ез улосъёслы люкон уж борды басьтӥськизы. Озьы 1952-тӥ арын 8-тӥ куартолэзе Бигер АССР-ын 2 улосъёс кылдытэмын вал: Кузон но Чистополь. 1953-тӥ арын 21-тӥ тулыспалэ пӧлазы Бугульма улос ватсаськиз. Но Сталин улонысь кошкем бере проектэз пытсазы, 1953-тӥ арын 30-тӥ оштолэзе ТАССР-ысь ваньмыз выль кылдытэм 3 улосъёс быдтэмын вал.
Собере ёросъёслэн лыдзы кулэсмыны ӧдъяз, та уж 1963-тӥ арозь кыстӥськиз, отӥяз быдтэм ёросъёсты выльысь ӝутыны кутскизы.
Улӥсез
| Калык | 1926-тӥ ар сюрс адями[13] |
1939-тӥ ар сюрс адями[14] |
1959-тӥ ар сюрс адями[15] |
1970-тӥ ар сюрс адями[16] |
1979-тӥ ар сюрс адями[17] |
1989-тӥ ар сюрс адями[18] |
|---|---|---|---|---|---|---|
| Бигеръёс | 1263,4 (48,7 %) | 1421,5 (48,8 %) | 1345,2 (47,2 %) | 1536,4 (49,1 %) | 1641,6 (47,6 %) | 1765,4 (48,5 %) |
| соос пӧлын вӧсям бигеръёс[19] | 99,0 (3,8 %) | - | - | - | - | - |
| Ӟучъёс | 1118,8 (43,1 %) | 1250,7 (42,9 %) | 1252,4 (43,9 %) | 1328,7 (42,4 %) | 1516,0 (44,0 %) | 1575,4 (43,3 %) |
| Чувашъёс | 127,3 (4,9 %) | 138,9 (4,8 %) | 143,6 (5,0 %) | 153,5 (4,9 %) | 147,1 (4,3 %) | 143,2 (3,7 %) |
| Украинъёс | 3,1 | 13,1 | 16,1 | 16,9 | 28,6 | 32,8 |
| Мордваос | 35,1 (1,4 %) | 35,8 (1,2 %) | 32,9 (1,2 %) | 31,0 | 29,9 | 28,9 |
| Удмуртъёс | 23,9 | 25,9 | 22,7 | 24,5 | 25,3 | 24,8 |
| Поръёс | 13,1 | 14,0 | 13,5 | 15,6 | 16,8 | 19,4 |
| Башкиръёс | 1,8 | … | … | 2,9 | 9,3 | 19,1 |
| Белорусъёс | … | 2,3 | 4,1 | 4,3 | 7,1 | 8,4 |
| Еврейёс | 4,3 | 6,1 | 10,4 | 9,5 | 8,7 | 7,3 |
| Азербайджанъёс | … | 0,1 | 0,3 | 0,4 | 1,3 | 3,9 |
| Армянъёс | 0,1 | 0,4 | 0,6 | 0,5 | 1,2 | 1,8 |
Экономикая азинскемез
Ож пуромемлэсь азьвыл
1921-тӥ арын республикаын но котырысьтыз Поволжьеын кӧс куазь вань киземъёсты быдтӥз, таин валче уно калык сютэм улонэ вуиз. Югдурысь потон вылысь 1921-тӥ—1922-тӥ аръёсы кунысь мукет улосъёсысь Бигер республикае келямын вал 8 млн пудлэсь ятыр кидыс но 6 млн пуд тыр пӧртэм пумо сиён-юон[7].
Граждан ож йылпумъяськем бере автономиысь калык хозяйствоез ӝутон борды басьтӥськизы.
1920-тӥ но 1930-тӥ аръёсы Совето Союзын промышленной индустриализация ортчиз. Гурт удыс вылынгес экономиказэ азинтӥсь Автономной Бигер ССР аграрно-индустриальной экономикае выжиз. Вуж предприятиос рос-прос выльдэмын, выль заводъёс но фабрикаос кылдытэмын вал. АТССР-лэн промышленностез РСФСР-ысь но СССР-ысь промышленностьлэн шоро-куспо ӝоглыкезлэсь золгес ӝутскиз[7]. Нырысетӥ пятилеткаос ӵоже автономиын машина лэсьтон, химияя но капчи промышленностья бадӟымесь предприятиос пуктӥськизы. Ужасьёслэн лыдзы будӥз, йӧскалык кадръёс кылдӥзы. 1921-тӥ арын бигер ужасьёс, техникъёс но инженеръёс бадӟым предприятиосын 3,1 сюрс кузя гинэ вал ке (яке 15,5 %), 1932-тӥ арын лыдзы 16,4 сюрс луиз (яке 33,6 %)[7].
Котьма ке но, республикаын промышленной герд одӥг гинэ вал («Горд металлист» но Бондюжский химияя заводъёсты лыдъятэк) — Кузон шоркар. 1932-тӥ арын бадӟым «Казмаш» авиацияя комбинат пуктон борды кутскизы.
Со дыре ик автономиысь гурт удысын коллективизация радъяськиз. 1930-тӥ арын автономиын кылдытэмын вал нырысетӥез МТС — Нурлат-Октябрь[20]. Нырысетӥ пятилеткаос ӵоже механизация сокем ӝог азинтӥськиз — гурт удысын вормонъёс басьтэмез понна Татарстанэз 1934-тӥ арын 3-тӥ толшоре Ленин нимо орденэн пусйизы.
Быдӟым Атыкай ож вакытэ
Быдӟым Атыкай ож вакытэ Бигер АССР-е эвакуациен кунлэн шундыӝужан палысьтыз но Мускоысь келямын вал заводъёс но инженеръёс.
Войналэсь азьвыл кылдытэм но выльдэм таӵе предприятиос вуз поттонзэс зол йылтӥзы: Кузонысь оптикая но механикая завод, киноплёнкая 8 номеро фабрика, дары (ӟуч: порох) поттонъя Ленин нимо завод.
1941-тӥ арын сӥзьыл Кузонысь «Серго Орджоникидзе нимо 124 номеро заводэ» вуттэмын вал «С. П. Горбунов нимо Мускоысь авиациая 22 номеро завод».
1942-тӥ арын 1-тӥ пӧсьтолэзе Мускоысь час лэсьтонъя кыкетӥ заводлэн инъетэз вылын Чистопольеын усьтэм завод рос-прос ужаны ӧдъяз.
1942-тӥ арын ни лэземын вал Волжской рокада — Волга кузя ӝутэм чугун сюрес, со Свияжскысен Сталинградозь кыстӥськиз.
Ож бере
Ож ортчем бере Бигер АССР-ын мувӧй но газ поттон промышленность зол азинскиз. Ромашкиноысь мувӧй люкаськем интыез эскерыны-асэстыны кутскизы.
1950-тӥ арын Татарстан 867 сюрс тонна мувӧй сётӥз, 1947-тӥ арен ӵошатыса, со 12 пол уногес[7]. 1956-тӥ арысен СССР-ын мувӧй поттонъя Татарстан кема дыр ӵоже 1-тӥ интыын возиськиз. 1966-тӥ арын улосын 86 218 сюрс тонна сьӧд зарни кыскемын — СССР-ысь люкам вань мувӧй пӧлысь со 32,5 %[7]. 1970-тӥ арын Татарстанын поттэмын: мувӧй — 101,9 млн т, газ — 3882 млн м³[7].
Мувӧен но газэн узыр Волга-Урал провинциысь мувӧез Экономикая юрттонъя кенеше (СЭВ) пырись шундыӝужан но европа кунъёсы келян понна 1960-тӥ но 1970-тӥ аръёсы «Дружба» но «Дружба-II» гумыос кыскемын вал.
Татарстанын ик мувӧйез переработка пыр поттон вылысь выль промышленной центръёс кылдытэмын: Бугульма (Бугульманефтемаш), (Татнефть), Лениногорск (Лениногорскнефтестрой), Нижнекамск (Нижнекамскнефтехим), Альметьевск. Шоркарын «Органический синтез» завод пуктэмын вал.
Калык хозяйствоя мукет удысъёс но ӝог азинскизы. Кузонын компрессор поттонъя завод пуктэмын, медициная но тӥрлык лэсьтонъя завод паськытатэмын, химияя но фармацевтикая завод но бытовой химияя завод выльдэмын. 1950-тӥ аръёсы 387 номеро авиазаводын вертолётъёс поттыны кутскизы, Зеленодольскысь «Серго нимо заводын» — бытовой холодильникъёсты («Мир», «Свияга») бичаны ӧдъязы.
Гурт удыс но азинскиз. Колхозъёслэн но совхозъёслэн материально-технической базазы зол юнмаз (1972-тӥ арын Бигер АССР-ын 583 колхоз но 168 совхоз пусъемын вал[7]). 1960-тӥ арын 2317,2 сюрс тонна ю тысь кутсамын, 1971-тӥ арын — 3340 сюрс тонна[7].
Дуннеысь одӥгез кужмоез конденсационной электростанция — Заинскысь ГРЭС — ужаны кутскеменыз, трос мукет бадӟым электростанциос ӝутэмын вал: Кузонысь ТЭЦ-3, Нижнекамскысь ТЭЦ-1, Нижнекамскысь ГЭС — республика быдэсак быдэстӥз электрокужымъя куронъёссэ, сое кунысь мукет улосъёсы келясь экспортёр луиз.
1970-тӥ аръёсы Набережные Челны вӧзы Камской автомобиль заводъёслэсь комплекс но шинаос ӵыжатонъя Нижнекамской заводэз ӝутыны кутскизы. Соос котыре Горький но Куйбышев линиос дорысен чугун сюрес кыскизы.
Экономикаез но лулчеберетэз азинтонын бадӟымесь вормонъёсыз понна но Бигер АССР-лы 50 ар тырмонэн валче 1970-тӥ арын 24-тӥ инвожое пусъемын Октябрь Революцилэн орденэныз, нош 1972-тӥ арын 29-тӥ толсуре — Калыкъёслэн тупаса улэмзылы сӥзем орденэн[21].
1980-тӥ аръёсы Менделеевсклэн промышленность удысын луонлыкъёсыз паськытатэмын (Новоменделеевской химияя завод пуктэмын). Лэсьтыны кутскемын, но йылпумъямын ӧвӧл Камской полянаосын Бигер АЭС но Алабгоысь Камской трактор поттон завод.
Данъетъёсыз
- Ленин нимо № 625 орден (1934-тӥ арын 15-тӥ южтолэзе) — гурт удысысь валтӥсь ужъёсты (кизён, ю-нянь октон, кидыс дасян) ортчытон, колхозъёсты но совхозъёсты юнматонын но кун азьын кылкутонэз быдэстонын бадӟымесь азинсконъёс басьтэмез понна;
- Октябрь Революци нимо орден (1970-тӥ арын 24-тӥ инвожое) — экономикаез но лулчеберетэз азинтонын бадӟымесь вормонъёс басьтэмез понна но Бигер АССР-лы 50 ар тырмонэн валче;
- Калыкъёслэн тупаса улэмзылы сӥзем орден (1972-тӥ арын 29-тӥ толсуре).
Бигер АССР-ысь лулчеберет удысысь вормонъёс
Театр
1925-тӥ ар — «Сания» нимо нырысетӥ бигер опералэн премьераез;
1945-тӥ ар — «Шурале» нимо нырысетӥ бигер балетлэн премьераез, пуктӥз Фарид Яруллин.
Литература
1946-тӥ ар — ТАССР-ысь Гожъяськисьёслэн огазеяськоназы Муса Джалильлэн «Моабитской тетрадьёсыз» пӧлысь огез сётэмын вал;
1983-тӥ ар — Кузонын усьтӥськиз Муса Джалильлэн музей-квартираез;
1986-тӥ ар — Кузонын усьтӥськиз Габдулла Тукайлы сӥзем литературая музей.
Нимъёсын
- Бигер АССР-ысь Вылӥ Кенешлэн Президиумез нимо Кузонысь вылӥ танковой командной Горд Знамяен пусъем училище.
Валэктонъёс
- ↑ Конституция Татарской АССР, утверждённая Чрезвычайным XI съездом Советов Татарской АССР 25 июня 1937 года [ӟуч] Государственный комитет Республики Татарстан по архивному делу. Эскеремын 18-11-2025 арын
- ↑ 1 2 Всесоюзная перепись населения 1989 года. Национальный состав населения по регионам России [ӟуч] demoscope.ru. Эскеремын 18-11-2025 арын
- ↑ 1 2 3 Конституция ТАССР от 25 июня 1937 года. — Казань: Татгосиздат, 1970. — 40 с.
- ↑ Татарская АССР // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.
- ↑ Татарстан / Н. Н. Калуцкова (Природа: физико-географический очерк), М. Д. Горячко (Население, Хозяйство), Ю. Б. Коряков (Население: этнический состав), С. В. Кузьминых, И. О. Гавритухин (Исторический очерк: археология; история до 16 в.), Б. Л. Хамидуллин (Исторический очерк), А. Н. Прокинова (Здравоохранение), А. Ф. Галимуллина (Литература), П. С. Павлинов (Архитектура и изобразительное искусство: архитектура 16 – нач. 20 вв.), М. Г. Арсланов (Театр) /2016/. Н. Н. Калуцкова (природа: физико-географический очерк), М. Д. Горячко (население, хозяйство), Ю. Б. Коряков (население: этнический состав), С. В. Кузьминых, И. О. Гавритухин (исторический очерк: археология; история до 16 в.), Б. Л. Хамидуллин (исторический очерк), А. Н. Прокинова (здравоохранение), В. В. Селевёрстов (средства массовой информации), А. Ф. Галимуллина (литература), П. С. Павлинов (архитектура и изобразительное искусство: архитектура 16 – нач. 20 вв.), М. Г. Арсланов (театр) /2018/. // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.
- ↑ 1 2 3 4 100-летие образования Татарской АССР [ӟуч] Государственный Совет Республики Татарстан. Эскеремын 18-11-2025 арын
- ↑ 1 2 3 4 5 6 7 8 9 Мухарямов М. К., Халиков А. Х. Татарская Автономная Советская Социалистическая Республика. — М.: Советская энциклопедия, 1973. — С. 139. — 524 с.
- ↑ Историческая справка о Республике Татарстан [ӟуч] Государственный Совет Республики Татарстан. Эскеремын 18-11-2025 арын
- ↑ Татарстан [ӟуч] central-eurasia.com. Эскеремын 18-11-2025 арын
- ↑ О государственном суверенитете Татарской Советской Социалистической Республики // Ведомости Верховного Совета Татарстана. — 1992. — № 1. — С. 4.
- ↑ Закон РСФСР от 24 мая 1991 года «Об изменениях и дополнениях Конституции (Основного Закона) РСФСР» [ӟуч] constitution.garant.ru. Эскеремын 18-11-2025 арын
- ↑ Закон РФ от 21 апреля 1992 г. N 2708-I «Об изменениях и дополнениях Конституции (Основного Закона) Российской Советской Федеративной Социалистической Республики» (прекратил действие) [ӟуч] constitution.garant.ru. Эскеремын 18-11-2025 арын
- ↑ Всесоюзная перепись населения 1926 года [ӟуч] demoscope.ru. Эскеремын 18-11-2025 арын
- ↑ Всесоюзная перепись населения 1939 года [ӟуч] demoscope.ru. Эскеремын 18-11-2025 арын
- ↑ Всесоюзная перепись населения 1959 года [ӟуч] demoscope.ru. Эскеремын 18-11-2025 арын
- ↑ Всесоюзная перепись населения 1970 года [ӟуч] demoscope.ru. Эскеремын 18-11-2025 арын
- ↑ Всесоюзная перепись населения 1979 года [ӟуч] demoscope.ru. Эскеремын 18-11-2025 арын
- ↑ Всесоюзная перепись населения 1989 года [ӟуч] demoscope.ru. Эскеремын 18-11-2025 арын
- ↑ А. Е. Денисов, Р. Р. Исхаков, Э. И. Шарафиев (06-07-2023) «Кряшены — это не просто татары другого вероисповедания» [ӟуч] realnoevremya.ru. Эскеремын 18-11-2025 арын
- ↑ Азизов М. З. Тридцатилетие советской Татарии // Огонёк. — 1950. — 25 июня. — С. 4.
- ↑ Дорога к дню независимости [ӟуч] kommersant.ru (23-07-2020). Эскеремын 18-11-2025 арын
Чӧлсконъёс
