Набережные Челны

Википедиысь материал
Кар
Набережные Челны
биг. Яр Чаллы
Chelny photos.jpg
Флагез Гербез
Флагез Гербез
55°42′00″ с. ш. 52°20′00″ в. д.GЯO
Кун РоссияFlag of Russia.svg Россия
Федерацилэн асмосэз Татарстан
Муниципал ёрос Набережные Челны кар
Пуш ёзрадэз 3 ёрос
Тӧро Магдеев, Наиль Гамбарович
Историез но географиез
Кылдэмын 1626-тӥ арын
Азьвыл нимъёсыз Брежнев (1982-тӥ арын 19-тӥ шуркынмонысен — 1988-тӥ арын 6-тӥ толшорозь)
Кар с 1930-тӥ арысен
Быдӟалаез 161[1] км²
Шор интыезлэн ӝуждалаез 100 м
Часовой поясэз UTC+3:00
Улӥсез
Улӥсез
  • ▲548 221 мурт (2025)
Ӵемлыкез 3015,19 мурт/км²
Агломерация Набережные Челны (Улӥ Камской)
Йӧскалыкъёс бигеръёс — 47,42 %
ӟучъёс — 44,87 %
чувашъёс — 1,95 %
украинъёс — 1,31 %
башкиръёс — 1,16 %[2]
Катойконим челнинцыос, челнинец, челнинка[3], челныос
Официальной луись кыл бигер, ӟуч
Цифровой идентификаторъёс
Телефон кодэз +7 8552
Почта индексъёс 4238**
Код ОКАТО 92430
Код ОКТМО 92730000001
ГКГН-ысь номерез 0012635
nabchelny.ru​ [ӟуч]
Набережные Челны (Россия)
Точка
Набережные Челны
Red pog.svg
Москва
Набережные Челны (Татарстан)
Orange pog.svg
Казань
Точка
Набережные Челны
Логотип РУВИКИ.Медиа Медиафайлъёс РувикиМедиа пушкын

На́бережные Челны́ (Яр Челны, Челны, биг. Яр Чаллы, 1982-тӥ арын 19-тӥ шуркынмонысен[4] 1988-тӥ арын 6-тӥ толшорозь[5] — Бре́жнев) — Россие пырись Татарстанысь кар[6].

Каре пырон

Республикалэн уйпал но шундыӝужан палаз, Кам, Челны но Нижнекамск водохранилищелэн паллян ярдураз интыяськемын.

Элькун инлыкен кар луэ, кар округ сямен Набережные Челны кар муниципал кылдытэтэз кылдытэ, отчы пырись огназ улон инты луэ[7], административной центрез — Тукай ёрос (ачиз кар ёросэ уг пыры).

Бадӟымез промышленностья центр, Нижнекамск интывылысь производствоя комплексысь  [ӟуч] (удм. но Челны агломерациысь  [ӟуч] (удм. валтӥсез кар.

Кун статистика федерал служба ивортэмъя, 2025-тӥ ар кутсконын Набережные Челныын улӥсьёслэн лыдзы 548221 адями вал[8]. Улӥсьёслэн лыдзыя элькунысь кыкетӥез, Россиын 30-тӥез кар луэ, озьы ик федерациысь улосъёслэн центръёссы луисьтэм каръёс пӧлын кыкетӥ интыын возиське.

Карын «КамАЗ  [ӟуч] (удм.» автогигант ужа.

Этимологиез

Кар интыын кылдэм нырысетӥез поселение Чалны шуръя Чалны починок нимаськылӥз. Отӥяз нимъёсыз вошъяськизы «Чалны» пӧрмиз «Челны» кыллы, тае соин но, вылды, валэктыны луэ: поселенилэн бадӟым люкетэз (али Горд Челны нимаськись) соку зэмзэ но Кам шуре мычиськем сэрго ӝужыт гордалэс горд сюй музъем вылын интыяськемын вал, со пыж нырлы укшалляз. Озьы ке но та ужпумъя тодосчиос огкылэ вуыны уг быгато[9].

Кар Мелекеска шурен люкем но артэ ӝужам кык гуртъёслэсь кылдӥз — Мыс Челны но Бережные Челны. 1982-тӥ арын карез, партийной но кун ужасез Л. И. Брежневез  [ӟуч] (удм. буре вайыса, Брежнев нимазы, но 1988-тӥ арын солы азьвыл Набережные Челны нимыз берыктэмын вал[10].

Интыяськемез

Кар округ бускельяське Тукай но Алабго ёросъёсын.

Карысь валтӥсь шуръёс: Кам, Челна, Шильна но отчы усисьёсыз — Мелекеска, Ялхов, Ржавец, Гардалинка.

Нижнекамскозь — 35 иськем, Кузонозь — 237 иськем.

Куазь

Куазь шоро-куспо, шоро-куспо континентальнойысь континентальное выжись, ар ӵоже температура зол вошъяське. Тол кузь но кезьыт, кыстӥське 5 толэзь пала, уй-нунал куспын 0° градуслэсь улӥе температура лэзиське но юнма шуркынмон кутсконын но озьы южтолэзь пумозь возиське. Тужгес кезьытэз толэзь — толшор. Гужем шуныт, календарьын сямен инвожо кутсконысен гудырикошкон пумозь кыстӥське, соку уй-нунал куспын шоро-куспо температура +15° котыр возиське, тужгес пӧсез толэзь — пӧсьтолэзь. Ар ӵоже зор-кот огсыр усе, гужем но сӥзьыл толэзьёсы ӧжытак йылэ. Карысь мускытлык вылын Нижнекамск водохранилище зол шӧдӥське, соин валче карын ноку но мултэс кӧс уг луы. Ар куспын усись шоро-куспо зор-кот — 652 мм.

  • Ар куспын шоро-куспо температура — +4,0 °C;
  • Ар куспын толлэн шоро-куспо ӝоглыкез — 4,6 м/с;
  • Ар куспын омырысь шоро-куспо мускытэз — 79 %.
Куазь. Набережные Челны
Показатель Янв. Фев. Март Апр. Май Июнь Июль Авг. Сен. Окт. Нояб. Дек. Год
Шорлыко максимум, °C −7,5 −7,1 −1,1 8,4 17,7 23,2 24,7 21,4 15,3 6,8 −2,3 −7 7,8
Шорлыко температура, °C −11,2 −11 −5,8 4,3 13,3 18,6 20,3 17,5 12,0 4,2 −5,1 −10,5 4,0
Шорлыко минимум, °C −15,3 −15,4 −10,6 −0,3 7,9 12,9 14,8 13,0 8,4 1,5 −8,1 −14,3 −0,4
Зор-кот усён нормаез, мм 40 40 30 35 50 55 45 50 50 60 50 50 555
Источник: Туристический портал[11]
Куазь. Набережные Челны берло 10 ар ӵоже (2004—2013)
Показатель Янв. Фев. Март Апр. Май Июнь Июль Авг. Сен. Окт. Нояб. Дек. Год
Шорлыко максимум, °C −7 −6,8 0,6 9,3 19,8 24,7 26,5 21,6 17,7 7,1 −2 −6,5 8,6
Шорлыко температура, °C −10,5 −10 −5,1 5,6 15,5 20,0 21,6 19,8 14,5 4,5 −4,9 −9,9 5,1
Шорлыко минимум, °C −14,2 −14 −8,8 0,5 9,3 13,4 16,7 14,4 9,0 2,0 −7,8 −13,6 0,6
Зор-кот усён нормаез, мм 45 40 34 42 55 71 58 54 60 80 63 50 652
Источник: Метеоданные Татарстана[12]

Историез

Валтӥсь статья: Челнылэн историез  [ӟуч] (удм.

Археологияя гудӥськонъёс возьматэмъя, туала Набережные Челны котырын нырысетӥ поселениосты асьме эралэсь азьвыл эшшо III сюрсэтӥ арлэн шораз, туй вакытэ, кор лулчеберетъя воршудъёс кылдытӥзы.

XX даур кутсконысь Шоретӥ ульча

Выль вакытэ кар интывылэ нырысетӥ поселениосты ӟуч крестьянъёс ӝутӥзы[13], соос артысь Алабго карысь татчы 1626-тӥ арын выжизы, интызэс Чалны починка нимазы (отӥяз со Мыс Челны луиз, 1930-тӥ арысен — Горд Челны). Ачиз кар бератазгес артэ кылдытэм Бережные Челны черкогуртысь ӝужаз[14].

XIX даур пумын черкогурт нянен вузкаронъя бадӟым центр луиз. 1914-тӥ арын Росси империысь правительство нянь возёнъя но тазатонъя элеватор  [ӟуч] (удм. пуктыны кутскиз, со вакытлы со быдӟалаезъя Россиын куинетӥез луиз.

1930-тӥ арын 10-тӥ гудырикошонэ СССР-ысь ВЦИК-лэн постановлениезъя Набережные Челны черкогуртлы карлэсь инлыксэ сётӥзы. Набережные Челны зол азинскыны ӧдъяз 1970-тӥ ар кутсконысен, ӵапак гигант быдӟа Камской автомобильной завод (КАМАЗ) но отын ужасьёслы улон массивъёс пуктон борды басьтӥськизы. Арлы быдэ быдэс Совето Союзысь дасо сюрс адямиос завод ӝутыны вуылӥзы. Азьвыл 35 сюрсъем кар 20 ар ӵоже зол будӥз, 350 000 адямилы чаклам вал ке, со ӝыны миллионозь вуиз. КамАЗ завод путкыны кутскемен валче юртъеръёс лэсьтыны висъям бадӟым интылы Выль кар (ӟуч: Новый город) ним сётӥзы.

Зол азинскись Набережные Челныен но артысь Нижнекамскен ӵош (татын 1961-тӥ—1973-тӥ аръёсы мувӧй но химияя  [ӟуч] (удм., озьы ик шинаос  [ӟуч] (удм. лэсьтон комплексъёс пуктэмын) кылдӥзы Бегишево аэропорт (1970—1971), Нижнекамск ГЭС (1963—1979), Нижнекамск водохранилище (1978—1979), Огырчи — Круглое Поле чугун сюрес (1976—1982), ӝутӥськизы Бигер АЭС (1980—1990, йылаз-пумаз вуттымтэ), Алабгоысь Камской трактор поттон завод (1984—1990).

1982-тӥ—1988-тӥ аръёсы кар нимаськылӥз Брежнев (СССР-ен азьвыл кивалтӥсьлы Л. И. Брежневлы сӥзьыса, со кивалтон вакытэ карез выльысь пуктӥзы), отӥяз карлы историысь нимзэ берыктӥзы.

Постсовето вакытысь 1990-тӥ аръёсы, кунысь промышленностья удыс оглом куашкамен, озьы ик 1993-тӥ арын КАМАЗ-лы двигательёс поттонъя заводын бадӟым тылпу пуромемен но предприятие пытсаськемен сэрен, моногород гуньдэм кадь луиз. Таин валче йыруж лэсьтон вӧлмиз (80-тӥ аръёсы ик со кужмояз) но бигер национализм ӝутӥськиз.

Урбанистика

Набережные Челны — карез лэсьтонъя эксперимент, со гожен  [ӟуч] (удм. но микрорайон сямен быдэстэмын. Карез но КАМАЗ-эз ӝутон вакытэ бадӟым саклык заводлы висъяськиз, карлэсь социальной инфраструктуразэ азьланяз юнматыны чакламын вал. Озьы ке но 90-тӥ аръёсысь экономикаын секыт югдур но микрорайонъёсын пуктӥськонысь тырмымтэос карлэсь 2020-тӥ арлы умойтэмзэ но бугырес азинскемзэ адӟытӥзы[15].

Карез йӧн-йӧн пуктымтэен но моногородлэн экономикая шуг-секытъёсыныз герӟаськем ужпумъёс муг сётӥзы 90-тӥ аръёсы егитъёс пӧлын криминал группировкаослы вӧлмыны[16], религиозной течениослы, озьы ик радикал террорист ячейкаослы кылдыны[17][18]. 1980-тӥ арын ик егитъёс пӧлын зол пуромылӥзы йыруж лэсьтонъёс.

2020-тӥ арысь югдуръя кар люкиське улон но промышленной зонаослы. Промышленной люкетаз ужась «КамгэсЗЯБ» завод улон зонаез висъялляз[19]. Карын ӧвӧл калык люкаськон центрез, вань пуктӥськемъёс огвыллемесь, микрорайонъёс благоустроить каремын ӧвӧл, автомобилен ворттылон инфраструктураез азинтонлы саклык висъяське[15].

Азьланяз карез азинтон вылысь экспертъёс таӵе ужпумъёсты сэрттыны ӵекто:

  1. Карез Камской агломерацилэн центрез сямен азинтоно (дышетонъя центр, моногород инлыклэсь палэнскон);
  2. Вож садо коридоръёсты радъян но Кам ярдурез калыклы шутэтскыны тупамон лэсьтон;
  3. Карын мерлыко центръёс кылдытон;
  4. Бадӟымесь микрорайонъёсты выльдон;
  5. «Автомобиль кар» парадигмаез «пыдын ветлон кар» валатонлы воштон (пыдын ветлон коммуникациос, музъем вылтӥ умой выжонъёс, калык транспорт);
  6. Карлэсь аспӧртэмлыксэ утчан-кылдытон[15].

Улӥсез

Улӥсь калыклэн лыдыз
189719261931193919591967[20]
1000↗4000↗5000↗9400↗19 103↗33 000
1970[21]1971197319751976[22]1979
↗37 923↗55 000↗126 000↗231 000→231 000↗301 381
1982[23]1985[24]1986[25]198719891990[26]
↗374 000↗451 000↘446 000↗480 000↗500 309↗511 000
1991[27]1992[28]1993[29]1994[30]1995[31]1996[32]
↘510 000↗514 000↗520 000↗524 000↗531 000↘530 000
1997[33]1998[34]1999[35]2000[36]2001[37]2002[38]
↘522 000↗525 000↘518 300↘514 700↗518 300↘509 870
2003[39]2004[40]2005[41]2006[42]2007[43]2008[44]
↗509 900↘508 900↘507 900↘507 200↘506 400↘506 100
2009[45]2010[46]2011[47]2012[48]2013[49]2014[50]
↗507 868↗513 193↗513 773↗516 637↗519 025↗522 048
20152016[51]20172018[52]2019[53]2020[54]
↗524 444↗526 750↗529 797↗532 472↗533 907↘533 839
2021[55]2023[56]2025
↗548 434↘545 750↗548 221
100 000
200 000
300 000
400 000
500 000
600 000
1897
1967
1976
1987
1993
1998
2003
2008
2013
2018
2025

2020-тӥ арын ортчытэм калыкез лыдъян-чотанъя, 2021-тӥ арын 1-тӥ коньывуонэ улӥсьёслэн лыдзыя кар 30-тӥ интыын вал, 1118 каръёс пӧлысь. Росси Федерациысь каръёсын лыдмет[57].

Йӧскалык выжы

2010-тӥ арын Россиысь калыкез лыдъян-чотанъя, карын улӥзы: бигеръёс — 47,42 % (242,3 сюрс адями), ӟучъёс — 44,87 % (229,3 сюрс), чувашъёс — 1,95 % (10,0 сюрс), украинъёс — 1,31 % (6,7 сюрс), башкиръёс — 1,16 % (5,9 сюрс), поръёс — 0,66 % (3,4 сюрс), удмуртъёс — 0,39 % (2,0 сюрс), мордваос — 0,39 % (2,0 сюрс) но мукетъёсыз — 1,82 % (9,3 сюрс)[2].

2010-тӥ арысь лыдъян-чотанъя, республикаысь вань ёросъёс пӧлын карын тужгес трос уло украинъёс, башкиръёс, белорусъёс (0,32 %), казахъёс (0,08 %), озьы ик татын уно люкетэз асьсэ выжызэс ӧз пусъе (карысь 0,44 %). Набережные Челныын ӟуч калыклэн лыдыз кӧня ке кулэсме но бигеръёслэн лыдзы йылэ.

1989-тӥ арын калыкез лыдъян-чотанъя: ӟучъёс — 48,7 %, бигеръёс — 40,6 %, чувашъёс — 2,5 %, украинъёс — 2,3 %, башкиръёс — 1,9 %[58].

Администрациосъя люкиськемез

Валтӥсь статья: Набережные Челнылэн интывылъёслы люкиськемез  [ӟуч] (удм.

Кар куинь ёросъёслы люкиськемын. Набережные Челны кар муниципал кылдытэтлэн Уставысьтыз 40-тӥ статьяя, быдэсъясь комитетлэн структураяз котькудӥзлэн аслаз интыысь кивалтэтэз[7]:

  • Автозавод ёросысь быдэсъясь комитет;
  • Шоретӥ ёросысь быдэсъясь комитет;
  • Комсомол ёросысь быдэсъясь комитет.

Кивалтэт

Валтӥсь статья: Набережные Челнылэн йыръёсыз  [ӟуч] (удм.

Экономика

Промышленность

Валтӥсь статья: Набережные Челнылэн промышленностез  [ӟуч] (удм.

Вань проектъёсты улонэ пыӵатонъя, 2019-тӥ арын толсурлы Челныын 5 сюрслэсь ятыр ужан интыос кылдытэмын, 14,9 млрд манетлэсь трос инвестициос кыскемын. Набережные Челнылы Моногородъёсты азинтонъя фондысь оглом висъям коньдонлэн быдӟалаез 2,3 млрд тыр манет луиз.

КАМАЗ-лэн производствоя корпусэз

Набережные Челны — Кам вылысь бадӟым промышленностья центр. Валтӥсь удысъёс — машина лэсьтон, электроэнергетика, лэсьтӥськон индустрия, сиён-юон поттон но переработкая промышленность. Карысь кужмоез предприятие луэ Камской автомобильной завод, Челныын промышленностья удысын поттэм вань вуз пӧлысь татын куинь ньыльмосэз лэсьтӥське. Набережные Челны моногород луэ, мерлыко но экономикая секыт югдуре шедем каръёс пӧлы пыре[59].

Набережные Челныысь картон но бумага поттон комбинат Татарстанын кагаз лэсьтон бордын огназ ужа. Набережные Челны — историяя огез кужмоез сиён-юон поттонъя центр. Карысь промышленностья зонаын ужало Набережночелнинской сӥль поттон комбинат но Набережночелнинской йӧл поттон комбинат, нош «Тукаевская» тылобурдо вордон фабрикалэн но хладокомбинатлэн вузэз карлэн но элькунлэн палэназ вӧлме[60].

Набережные Челныысь ТЭЦ
Нижнекамск ГЭС-лэн юртэз
«КИП Мастер» технопарк

Энергетика удысын тырше Набережные Челны теплоэлектроцентраль но Нижнекамск гидроэлектростанция, озьы ик коммерцияя огазеяськонъёс, соос шуныт, электро но инженерияя коммуникациосты возё. 2010-тӥ арын поттэм вузъёслэн быдӟалазы 14,6 млрд манет тыр люкаськиз.

2016-тӥ арын 28-тӥ толшоре Россиысь премьер-министрлэн Дмитрий Медведевлэн указэзъя карлы ТОСЭР  [ӟуч] (удм. инлык сётӥзы[61].

Транспорт

Калыккуспо транспорт

Набережные Челныын интыяське бадӟымез чугун сюрес, автотранспорт но авиацияя герӟет, Кам вылысь тодмо шур порт.

КАМАЗ-лэн корпусъёсыз дорозь нуись огез магистраль
Набережные Челны дорысь Нижнекамск водохранилищеысь теплоход
  • Карын «РЖД» ОАО-лэн Куйбышев чугун сюрес ёзэз ужа — КБШ ЖД-лэн Камской ёзэз, со Прикамье улосын (Огырчи-Акбаш чугун сюрес) ӝог нуон-ваёнэн кивалтэ. Набережные Челны карын кык чугун сюрес станциос ужало.

Нырысь ик, со поездъёсты пумитан-келян 28 станциосъя путьёсын, вагонъёсты ӝоктон азбарен, поездъёсты сортъёсъя радъянъя гурезен герӟам Круглое Поле станция.

Кыкетӥез, со грузъёслы но пассажиръёслы чаклам Набережные Челны станция. Татын оптовой базаосы но переработкаен вырись предприятиосы подъездной сюресъёстӥ сётӥськись вагонъёсты ӝокто но тымыто. Станцилэн интывылаз туала огазеям чугун сюрес но автобус вокзал лэсьтэмын, огдыре 1500 пассажиръёсты куто. Набережные Челны станциысен кузь сюрес вылэ потӥсь поездъёс меӵак Муское, Кузонэ, Ульяновске, Ижкаре, Бугульмае, Адлере, Перме, Волгоградэ, Саратове, Краснодаре нуо. Интыысь чугун сюрес вылтӥ мынон-ветлонэз Ижкар — Нижнекамск маршрутъя нуналлы быдэ кык рейсъёс быдэсто.

Со сяна, карын ведомственной чугун сюрес хозяйствоос ужало, соос «КАМАЗ» ПАО-лэн но пермь «Железнодорожное управление» ООО-лэн лыдъясько, таос уй-нунал куспын 1200 вагонъёсты пыр потто.

Чугун сюрес электрифицировать каремын ӧвӧл. 1991-тӥ арозь Агрыз — Биклянь участокез электрификацировать карыны выризы, отӥяз уж дугдытэмын но аналтэмын вал, собере РФ-ысь правительстволэн 2008-тӥ арын 17-тӥ инвожое кутэм 877-р номеро распоряжениеныз ужъёслы весяклы пум понэмын вал[62].

«ОМ-391» Набережные Челныысь шур портын, 2004-тӥ ар
  • Набережные Челныысь шур порт луонлык сётэ «шур-зарезь» суро уянъя кӧс грузэн но пассажиръёсын судноосты кутыны. Татын тараен но штукаен грузъёсты но контейнеръёсты радъян карон но возён понна причал лэсьтэмын. Солэн кузьдалаез — 217 погон метр, навигация ӵоже 112 сюрс тоннаозь грузъёсты нуллыны проектъя луонлыкъёсыз. Портын пассажиръёслы шур вокзал но ужа, отын огдыре ньыль судноос дугдыны быгато. Вокзаллэн инфраструктураез навигация ӵоже 200 сюрс пассажиръёсты пумитаны-келяны луонлык сётэ.
  • Бегишево калыккуспо аэропорт Набережные Челны агломерациысь но Нижнекамск ТПК-ысь каръёс но ёросъёс понна ужа.

Кар транспорт

Калык транспортлы 14 трамвай маршрут но 21 такси маршрут чакламын.

1980-тӥ аръёс пумын—1990-тӥ аръёс кутсконын карын озьы ик троллейбусэн мынон-ветлонэз радъянъя проект вал, бадӟым трамвай сӧзнэт вань дыръя ресурсъёсты пазянтэм вылысь сое бератаз палэнтӥзы.

Валтӥсь статья: Набережные Челны трамвай  [ӟуч] (удм.
15 выль 71-623 трамвай вагонъёс пӧлысь огез Беляевлэн ульчаяз

Набережные Челны трамвай — СССР-ысь но Россиысь выль трамвай сӧзнэтъёс пӧлысь огез берпуметӥез, со ӝог ветлӥсь трамвайлы матын луэ, улоно ёросъёсысь КАМАЗ производствоя бадӟым комплексэ но мукет предприятиосы трос калыкез вуттон понна чакламын вал. Постсовето Россиысь трамвай сӧзнэтъёс пӧлысь 1990-тӥ но 2000-тӥ аръёсы паськытась но азинскыны малпась огез вал, озьы ик карын выль участокъёс но, каръёс куспысь Алабгоозь ӝог ветлӥсь трамвай линия лэзёнъя проект совето вакытэ кылдытэмын вал. Сӧзнэтэз чакла-утялтэ «Электротранспорт» ООО предприятие. 2014-тӥ арын карын 6 иськемъем выль трамвай линилэн участокез эксплуатацие лэземын вал, со карлэсь Вуж но Выль люкетъёссэ вакчияк герӟаз[63].

Мирлэн проспектэз кузя выль трамвай линиез лэсьтон. 2014-тӥ арын 29-тӥ куартолэзе
Валтӥсь статья: Набережные Челны автобус  [ӟуч] (удм.

2000-тӥ аръёслэн пумазы частной маршрут такси унозэ муниципал автобусъёсты воштӥз, нош 2020-тӥ арын ваньзэсты быдэсак воштӥз. 2008-тӥ арын «ПАТП» ОАО официально банкротэн ялэмын вал. 2009-тӥ арысен карысь автобус герӟетъя реформа мытэмын вал, со воксё пичи но пичи маршрут таксиосты палэнтон но автобус паркез но маршрутэз улӟытон вылысь малпамын вал. Но али но (15.07.2012) муниципал автобусъёс 207А номеро маршрутъя гинэ ветло. 2012-тӥ арын кар маршрутъёсын ваньзэ-ӧвӧлзэ ужазы 700-лэсь ятыр автобусъёс, таос пӧлысь уноез пичи но шоро-куспо автобусъёс вал.

Трамвай 71-605 на проспекте Яшьлек в Набережных Челнах.jpg Пересечение Московского проспекта и проспекта Вахитова в Набережных Челнах.jpg
71-605 трамвай вагонъёс Яшьлек проспектын Трамвайёс но маршрут Ford Transit микроавтобусъёс Муско проспектын

Вылӥ дышетсконниос

Вылӥ дышетсконниос[64]
  • Кузонысь федерал университет (ёзэз);
  • Набережные Челныысь педагогикая кун университет;
  • Набережные Челныысь вузкаронъя но технологиосъя кун институт (НГТТИ);
  • Азьмынӥсь технологиосъя но ужбергатонъя улосысь институт (РИПТиБ);
  • Искусствоосъя но дизайнъя Камской институт (КИИД);
  • Камской институт (Камская Академия).
ВУЗ-лэн ёзъёссы
  • Кузонысь А. Н. Туполев нимо эскеронъёсъя техникая йӧскалык университетлэн Набережные Челныысь ёзэз;
  • Кузонысь (Приволжск) федерал университетлэн (К(П)ФУ) Набережные Челныысь ёзэз[65];
  • Кузонысь В. Г. Тимирясов нимо инновационной университетлэн (ИЭУП) Набережные Челныысь ёзэз;
  • Нижний Новгородысь Н. А. Добролюбов нимо лингвистикая кун университетлэн (НГЛУ) Набережные Челныысь ёзэз (абитуриентъёсты кутон дугдытэмын);
  • ТИСБИ управленияя университетлэн Набережные Челныысь ёзэз;
  • Бигер гуманитарно-педагогической кун университетлэн Набережные Челныысь ёзэз;
  • Экономикая, гуманитарной наукаосъя, кивалтонъя но правоя шундыӝужан институтлэн (ВЭГУ) ёзэз;
  • Мускоысь лулчеберетъя но искусствоосъя кун университетлэн ёзэз;
  • Мускоысь социально-гуманитарной институтлэн (МГСГИ) ёзэз;
  • Россиысь туризмъя калыккуспо академия (Волжско-Камской ёзэз).

Лулчеберет

Театръёс

  • «Мастеровые» драмая ӟуч театр;
  • Набережные Челныысь драмая бигер кун театр;
  • Набережные Челныысь мунё кун театр;
  • Егитъёслы «Ключ» театр-студия[66];
  • Театр искусствоя кар школа;
  • «Liberta» драмая выль театр[67].
Набережные Челныысь драмая бигер кун театр
«Батыр» шулдыртонъя комплекс но «Иллюзиум» кинотеатр
«Мастеровые» драмая театр

Кинотеатръёс

  • «Иллюзиум» кинокомплекс — 3 зал;
  • «Синема парк» мультикомплекс — 8 зал.
  • «Синема 5» кинокомплекс — 5 зал;
  • «Мадагаскар» кинокомплекс — 5 зал.

Музейёс но галереяос

  • Карлэн историезлы но КАМАЗ-эз лэсьтонлы сӥзем кун музей;
  • Набережные Челныысь картинаосын галерея[68];
  • Набережные Челны карлэн историезлы сӥзем музей[69];
  • Автомобиль войскоослэн историзылы но ожгар данлыксылы сӥзем музей;
  • Экологилы но инкуазез утёнлы сӥзем музей;
  • Э. В. Фёдоровлэн художественной галереяез;
  • В. Высоцкийлы сӥзем музей (ГЭС);
  • Лулчеберетъя но дышетонъя «Метро» платформа.

Дворецъёс, лулчеберетъя юртъёс, концерт залъёс

  • Нылпи творчествоя но егитъёслы кар дворец[70];
  • «Родник» калык эшъяськон юрт[71];
  • «Камаз» ДК;
  • «Энергетик» ДК[72];
  • Орган зал[73];
  • Торжествоосъя дворец[74].

Йыбырттон но калык объектъёс

Валтӥсь статья: Набережные Челныысь оскон  [ӟуч] (удм.

Мечетьёс

  • Джамиг — бадӟымез но ӝужытэз пуктӥськись собор мечеть[75];
  • Абузар[76];
  • Ак мечеть;
  • Билал;
  • Ихлас[76];
  • Рамазан;
  • Тауба[76];
  • Туфан;
  • Чишмэ;
  • Кэусар.
Тауба мечеть

Православной храмъёс

  • Свято-Вознесенсклй собор;
  • Косма но Дамиан вӧсьлыко бессребренникъёслы сӥзем черк;
  • Вӧсьлыко Тихонлы (Муско патриархлы) сӥзем черк;
  • Серафим Саровский преподобнойлы сӥзем черк.
Соборная мечеть "Джамиг" (Набережные Челны).jpg Туфан мәчете.jpg Свято-Вознесенский собор в Набережных Челнах.jpg Храм во имя святых бессребреников Космы и Дамиана.jpg
Джамиг собор мечеть Туфан мечеть Свято-Вознесенсклй собор Косма но Дамиан вӧсьлыко бессребренникъёслы сӥзем черк

Мукет учкымон интыос

Синпелетъёс

Валтӥсь статья: Челныысь синпелетъёс  [ӟуч] (удм.

В. С. Высоцкийлы сӥзем кунысь огез бадӟымез но аспӧртэмлыкоез синпелет гитара выллем быдэстэмын но солэн нимыныз нимам площаде интыямын.

Владимир Высоцкийлы синпелет

Кӧня ке мукет синпелетъёс, соос пӧлын туала искусство амалъя быдэстэмъёсыз, кылсярысь, лобась кышномуртлы укшась геройёслы, вож вырйылысь стела вылын интернационалист-ожгарчиослы, тылобурдо выллем кылчинлы-утисьлы[77].

Бизнес-Центр 2/18

Валтӥсь гостиницалэн юртэз: Выль карысь 24-этажъем цилиндр выллем башня, со карысь котькуд интыысен сямен адӟиське. 1980-тӥ аръёсы ӝутэмын. Реформа аръёсы коньдонэн шуг-секытъёс кылдэмен, пуктӥськон дугдытэмын вал. 1990-тӥ аръёслэн шорысенызы кылдылӥзы юртэз йылаз-пумаз вуттонъя пӧртэм проектъёс — кунокуа, офис центр яке дуннеысь тужгес бадӟымез рекламая сур банка выллем лэсьтос. Татарстанлэн Президентэз  [ӟуч] (удм. ӝогак йылозяз-пумозяз вуттон но уже кутон вылысь юртэз «манетэн» вузаны ӵектӥз вал интыысь ужбергатӥсь нылкышнолы. Озьы ке но карын трос кунокуа яке офис номеръёс но инвестициос ӧвӧлэн, юрт 2006-тӥ арозь «кема пуктӥськись» кылиз, соку англи инвесторъёсты кыскыса, cое «Сити-центр» гостиница выллем йылсан но «хай-тек» стилья выльдонъя ужъёс кутскизы. 2008-тӥ арын объектэз эксплуатацие лэзизы[78].

Бизнес-Центр 2/18

Набережные Челныысь дельфинарий

Набережные Челныысь дельфинарий — Анапаысь дельфинарийлэн ёзэз Поволжьеысь одӥг гинэ стационар дельфинарий. 2006-тӥ арын усьтэмын «Дельфин» бассейнысь тэтчась ванна инъет вылын, солэн мурдалаез 6 метр. Али бассейн зарезь вуэн тырмытэмын. Учкон зал 350 адямилы чакламын. 2012-тӥ арын югдуръя, дельфинарийын куать дельфинъёс но зарезь левъёс уло[79].

Дельфинариын

Набережные Челныысь картинаосын галерея

Набережные Челныысь картинаосын галерея кылдытэмын вал 1980-тӥ арын Татарстанысь изобразительной искусствоосъя кун музейлэн ёзэз сямен, со художественной узырлыкез, суредам произведениосты, декоративно-прикладной но калык искусствоез кун утись луэ[80]. Валтӥсь фондэ пыро Татарстан Республикаысь ГМИИ музейлэн луись зэмос синпелетъёсыз, нош 2006-тӥ арысен галереяын аслаз фондъёсыз кылдо. Картинаосын галерея аслаз коллекциосызъя наукая но эскеронъёсъя, лулчеберетъя но югдытонъя уж нуэ, валтӥсь формаосыз луо: экспозициос но адӟытонъёс; экскурсиос радъян; одӥг пол ортчылӥсь лекциос, лекциосъя циклъёс, суредаськон искусствоя кенешонъёс; карысь скульптурной синпелетъёсъя экскурсиос; интыысь интые нуллоно адӟытонъёсты радъян; литературая но крезьгуро ӝытъёс; издательской уж; суредасьёсын пумиськонъёс; мастер-классъёс; нылпиослы изостудия[80].

Сабантуй шулдыръяськонэз пусъён

Мукетыз

Республикалэн нуналаз, 30-тӥ гудырикошконэ, Азатлык площадьын дышем сямъя сяськаослы сӥзем фестиваль радъяське.

Арлы быдэ Сабантуй шулдыръяськонэз паськыт пусъё.

Карын аспӧртэмлыко нимъёсын шайвылъёс вань — Студентъёслэн шайвылзы но Егитъёслэн шайвылзы. Но та уг вера, карын студентъёс но егитъёс пӧлын кулон учыръёс трос шуыса. Студентъёслэн шайвылзы али уг ужа ни, интыяськемын сыӵе ик нимо транспорт дугдылонни вӧзын, со озьы карысь огез нырысетӥез вылӥ дышетсконния пусъемын. Карын одӥг гинэ ужась Егитъёслэн шайвылзылэн нимыз кылдэмын азьвыл лэсьтӥськисьёслэн огдырлы пуктӥськись артэ интыяськем Молодёжной посёлоксыя[81].

Спорт

Валтӥсь статья: Набережные Челныысь спорт  [ӟуч] (удм.

Спортъя командаос но клубъёс

  • «КАМАЗ» футбол клуб — 1981-тӥ арын 11-тӥ шуркынмонэ «КАМАЗ» пресс-рамной заводын кылдытэм футбол команда. 1990-тӥ аръёсы вить сезон ӵоже команда Россиысь чемпионатлэн вылӥ лигаяз пыриськылӥз. 2022-тӥ арын югдуръя, ФНЛ-лэн нырысетӥ дивизионаз 2021/2022 шудэ;
  • «Сатурн» футбол клуб— 2001-тӥ—2006-тӥ аръёсы шудэм клуб, со карысь, Татарстанысь чемпионатъёсы, «Приволжье» МФС-лэн первенствояз, Россиысь чемпионатлэн кыкетӥ дивизионаз шудӥз;
  • «КамАЗавтоцентр» футбол клуб — 1992-тӥ—1995-тӥ аръёсы шудэм клуб. Татарстанлэн чемпионатаз но Россиысь чемпионатлэн кыкетӥ дивизионаз пыриськиз. Россиысь первенствоын устоез вормонэз — 1993-тӥ арын кыкетӥ лигаысь 6-тӥ сезонын 5-тӥ интые потон;
  • «Челны» хоккей клуб — 2004-тӥ арын 8-тӥ гудырикошконэ кылдытэм клуб. 2004-тӥ— 2011-тӥ аръёсы Нырысетӥ лигалэн «Поволжье» зонаысь командаос пӧлын радъям Россилэн первенствояз шудӥз. 2012-тӥ арысен «Челны» ХК Вылӥ хоккей лигалэн B группаезлэн чемпионатаз пыриське.
Дмитрий Медведев «КАМАЗ-Мастер» командалэн ёзчиосыныз. (2009-тӥ арын 28-тӥ толшоре
  • «Динамо» волейбол клуб — уно аръёс ӵоже Вылӥ Б лигаын — пиосмурт командаос пӧлын радъям Россиысь чемпионатын шудӥз. 2012-тӥ арысен коньдонэн шуг-секытъёс кылдэмен, клуб Россиысь Чемпионатлэн нырысетӥ лигаяз шудонзэ азинтоно луиз;
  • «Сатурн» мотобол клуб— Татарстанысь одӥг гинэ мотобол клуб. 1970-тӥ аръёс пумысен 2000-тӥ аръёслэн шорозязы возиськиз. 1989-тӥ арын Союзысь первенстволэн нырысетӥ лигаяз чемпион луиз, 1996-тӥ арын — Россиысь чемпион;
  • «КАМАЗ-Мастер» — раллия команда, КАМАЗ автозаводэн герӟаськемын. «КАМАЗ-Мастерлэн» экипажъёсыз 19 пол «Ралли «Дакарын» вормылӥзы (азьвыл «Париж — Дакар»). XX даурысь берло дас ар ӵоже «КАМАЗ-Мастер» команда 42 нырысетӥ, 12 кыкетӥ но 7 куинетӥ интыосты вормиз. Та дыр ӵоже спортсменъёс Россиысь чемпионатъёсы, Россиысь Кубоке но Дуннеысь кубоке пыриськизы.
Сергей Бреев «КАМАЗ-лэн» матчаз муско «Торпедоен» 2011-тӥ арын

Спортъя лэсьтосъёс

  • «КАМАЗ» стадион;
  • «Строитель» стадион;
  • Спортъя Йӧ дворец;
  • «КАМАЗ» Йӧ дворец;
  • Мугорез кыдатонъя но тазалыкез юнматонъя «Единая Россия» комплекс;
  • «Олимпийский» спортъя комплекс;
  • «Яр Чаллы» спортъя комплекс;
  • «Витязь» спортъя комплекс;
  • «Автозаводец» спортъя комплекс;
  • «Комсомолец» спортъя комплекс;
  • «Дельфин» бассейн;
  • «Дулкын» бассейн;
  • «Альбатрос» бассейн;
  • «Юбилейный» бассейн;
  • Куасэн нискыланъя «Снежок» база;
  • Гурезь куасъёсын нискыланъя «Федотово» комплекс;
  • Олег Кухаренко нимо картодром;
  • ЗЯБ каргуртысь мотодром;
  • Ипподром;
  • «Гренада» паркысь экстрим-парк
  • Шахматэн но шашкиен шудонъя «КАМАЗ» шор клуб — шахматэн шудонъя клублэн проектэзъя пуктэм кунысь нырысетӥез спортъя юрт. (Кунысь устоез клуб нимаськылӥз (1988-тӥ, 1989-тӥ, 1990-тӥ но 1997-тӥ аръёсы), дуннеысь куинетӥез шахматъя клуб номинациын пусъемын (2007)).
Спортъя Йӧ дворец
«Строитель» стадион

Спортъя бадӟым ӵошатсконъёс

  • Сяме пырем Фудокан карате-до нимо Европаысь XIV чемпионат (2007)[82];
  • Шахматъя клубъёс пӧлын СССР-ысь 1-тӥ чемпионат (1988);
  • «ЕВРО-АЗИЯ — ТАТАРСТАН» калыккуспо матчъёс (2007, 2008, 2009, 2010);
  • Татарстан Республикалэн Президентэзлэн Кубокез понна калыккуспо футбол турнир (1995);
  • Р. К. Беляевлы сӥзем мемориал (Калыккуспо гроссмейстерлэн куронъёсызъя калыккуспо турнир), 16 турнир ортчытэмын (1996—2014);
  • Н. И. Мухамедзяновлы сӥзем мемориал (Калыккуспо мастерлэн куронъёсызъя калыккуспо турнир) 7 турнир ортчытэмын (2003—2010);
  • «Автодорстрой» калыккуспо нылпи шахматъя турнир, 10 турнир ортчытэмын (2001—2010);
  • Анатолий Евгеньевич Карповлэн шахматъёсъя дуннеысь 12-тӥ чемпионатъя мастер-класс (2010-тӥ арын 2—3 гудырикошконэ);
  • Даниэл Хадорн (Швейцария) — Сергей Салов (СССР, Набережные Челны) нимо дуннелэн первенствоезъя ИКСК-ёс пӧлын матч (1991);
  • «АКИБАНКА кубок» нимо спорт эктонъёсъя калыккуспо турнир (2011);
  • ISCU-лэн эгидаез улсын школа командаос пӧлын радъям шахматъя Европаысь чемпионат (2012-тӥ арын 1—10 гудырикошконэ);
  • Шахмат принцессаос Набережные Челныын — дуннеысь чемпионкаос луэм 14 аресозь нылъёс пӧлын турнир (2013, 2014);
  • Кунысь кужмоосыз шахматисткаос пӧлын шахматъя Россилэн Кубокезлэн этапез (2017-тӥ арын 2—10 гудырикошконэ).

Мукетыз

Набережные Челны — Россиысь кӧня ке каръёс пӧлы пыре, кытын кузь сюрес вылэ пуксьылытэк лобанъя дыдыкъёсын ӵошатсконъёс радъяськыло[83]. Вылэтӥ лобась дыдыкъёсын вожвылъяськонъёс 1986-тӥ арысен Набережные Челныысь гӧгӧрсинъёсты ас мылкыд каремзыя будэтӥсь кар клубе пырисьёс ортчытъяло[84][85].

Василь Шайхразиев мер луыса кивалтытозяз, карын мобильникъёсты зӥръянъя чемпионат радъяськылӥз[86][87].

Связь

Набережные Челныын сотовой герӟетъя услугаосты сёто:

  • МегаФон — «МСС-Поволжье» ОАО;
  • МТС — «МТС» ОАО;
  • Билайн — «Вымпелком» ОАО;
  • Tele2 Россия — «Т2 Мобайл» ООО;
  • Ростелеком — «Ростелеком» ПАО;
  • Летай — «Таттелеком» ПАО.

Стационар телефон герӟет но интернет услугаос:

  • Ростелеком;
  • Дом.ru;
  • Таттелеком;
  • МТС;
  • Йота.

СМИ

Валтӥсь статья: Набережные Челныысь ивор вӧлмытон ёзъёс  [ӟуч] (удм.

Набережные Челныын огъя ивор вӧлмытон ёз кылдытэмын, со СМИ-ослэн редакциоссылы котькыӵе иворез ӝог басьтыны но выль медиа-проектъёсты быдэстыны юрттэ. Али Набережные Челны медиа-пространствоын ужа пӧртэм асваньбуръя 61 ивор вӧлмытон ёз ужа. Соос пӧлысь 6-ез — кун СМИ 3-ез — ведомстволэн, 52-ез — коммерческой.

Набережные Челныен герӟаськем адямиос

2005-тӥ арын 9-тӥ гудырикошконэ карлы 75 ар тырмонэн валче Набережные Челныысь Совето Союзысь Геройёс но Социалистической Ужысь Геройёс улэм юртъёслэн фасадъёссы вылэ мемориал пулъёс шуккемын. Озьы Совето Союзлэн Геройёслэн Ю. Б. Кардашенколэн, Н. Я. Якуповлэн но Социалистической Ужысь Геройёслэн В. И. Герасименколэн, Г. П. Боровиковлэн, З. М. Имановалэн но Р. М. Низаметдиновлэн нимъёссы весяклы юнматэмын[88][89][90].

Лулчеберетын

Шамиль Идиатуллинлэн  [ӟуч] (удм. «Город Брежнев» романаз (2017) Набережные Челныын 1983-тӥ арын пуромем ужпумъёс сярысь вераськон мынэ.

Вын луись каръёс

  • КитайFlag of the People's Republic of China.svg Китай: Ляочэн, Шаньдунлэн провинциез, 2009-тӥ арысен[91];
  • ТурцияFlag of Turkey.svg Турция: Казан, 2015-тӥ—2016-тӥ аръёс. Набережные Челны турк вын луись Казан карен кусыпъёссэ ӵогиз[92][93].

Валэктонъёс

  1. ↑ Регионы России 2020 [ӟуч] rosstat.gov.ru. Эскеремын 20-01-2026 арын
  2. ↑ 1 2 Национальный состав населения Республики Татарстан [ӟуч] Территориальный орган федеральной службы государственной статистики по Республике Татарстан. Эскеремын 20-01-2026 арын
  3. ↑ Городецкая И. Л., Левашов Е. А. Русские названия жителей. — М.: Русские словари, Астрель, АСТ, 2003. — С. 197. — 360 с. — ISBN 5-93259-033-5, 5-17-016914-0, 5-271-05846-8.
  4. ↑ Постановление ЦК КПСС, Президиума ВС СССР, Совмина СССР № 1010 «Об увековечении памяти Леонида Ильича Брежнева» [ӟуч] Эскеремын 20-01-2026 арын
  5. ↑ Набережные Челны [ӟуч] TatCenter.ru. Эскеремын 20-01-2026 арын
  6. ↑ Набережные Челны / председ. Ю. С. Осипов и др., отв. ред. С. Л. Кравец. — Большая Российская Энциклопедия (в 30 т.). — М.: Большая российская энциклопедия, 2013. — С. 628—630. — 766 с. — 6000 экз. — ISBN 978-5-85270-355-2.
  7. ↑ 1 2 Устав муниципального образования город Набережные Челны Республики Татарстан [ӟуч] nabchelny.ru. Эскеремын 20-01-2026 арын
  8. ↑ Численность населения муниципальных образований Республики Татарстан [ӟуч] 16.rosstat.gov.ru. Эскеремын 29-01-2026 арын
  9. ↑ История Набережных Челнов от основания до наших дней [ӟуч] Челнинские Известия. Эскеремын 20-01-2026 арын
  10. ↑ Поспелов, 2002, с. 280.
  11. ↑ Климиатические данные [ӟуч] Туристический портал. Эскеремын 20-01-2026 арын
  12. ↑ Температура [ӟуч] tatarstan-meteo.ru. Эскеремын 20-01-2026 арын
  13. ↑ Лениза Мухаметзянова История города Набережные Челны [ӟуч] photodreamstudio.ru. Эскеремын 20-01-2026 арын
  14. ↑ История города [ӟуч] nabchelny.ru. Эскеремын 20-01-2026 арын
  15. ↑ 1 2 3 А. А. Дембич, Ю. А. Закирова Проблемы пространственного планирования г. Набережные Челны в постсоветский период [ӟуч] cyberleninka.ru. Эскеремын 20-01-2026 арын
  16. ↑ Бушуев Алексей Сергеевич (2011) Криминальная активность молодежи г. Набережные Челны в 1985—2005 годах [ӟуч] cyberleninka.ru. Эскеремын 20-01-2026 арын
  17. ↑ Метелева Светлана (2005) Террористов в Набережных Челнах курировали власти [ӟуч] cyberleninka.ru. Эскеремын 20-01-2026 арын
  18. ↑ Силантьев Роман Анатольевич (2009) Распространение ваххабизма в современной России [ӟуч] cyberleninka.ru. Эскеремын 20-01-2026 арын
  19. ↑ От закрытия к заказам: на заводе «КамгэсЗЯБ» пройдет оптимизация [ӟуч] rt.rbc.ru. Эскеремын 20-01-2026 арын
  20. ↑ http://www.mojgorod.ru/r_tatarstan/naberchelny/
  21. ↑ http://demoscope.ru/weekly/ssp/rus70_reg2.php
  22. ↑ http://istmat.info/files/uploads/18276/stat._ezh._rf_1994_demografiya.pdf
  23. ↑ http://istmat.info/files/uploads/15623/narodnoe_hozyaystvo_sssr_1922-1982.pdf
  24. ↑ http://istmat.info/files/uploads/21317/nx_5.pdf
  25. ↑ http://istmat.info/files/uploads/18276/stat._ezh._rf_1994_demografiya.pdf
  26. ↑ http://istmat.info/files/uploads/43527/rossiyskiy_statisticheskiy_ezhegodnik_2002.pdf
  27. ↑ http://istmat.info/files/uploads/18276/stat._ezh._rf_1994_demografiya.pdf
  28. ↑ http://istmat.info/files/uploads/18276/stat._ezh._rf_1994_demografiya.pdf
  29. ↑ http://istmat.info/files/uploads/18276/stat._ezh._rf_1994_demografiya.pdf
  30. ↑ http://istmat.info/files/uploads/18276/stat._ezh._rf_1994_demografiya.pdf
  31. ↑ http://istmat.info/files/uploads/21317/nx_5.pdf
  32. ↑ http://istmat.info/files/uploads/21317/nx_5.pdf
  33. ↑ http://istmat.info/files/uploads/45329/4naselenie.pdf
  34. ↑ http://istmat.info/files/uploads/21317/nx_5.pdf
  35. ↑ http://istmat.info/files/uploads/45390/07naselenie.pdf
  36. ↑ http://istmat.info/files/uploads/45859/07_naselenie.pdf
  37. ↑ http://istmat.info/files/uploads/21317/nx_5.pdf
  38. ↑ http://www.perepis2002.ru/ct/doc/1_TOM_01_04.xls
  39. ↑ http://www.mojgorod.ru/r_tatarstan/naberchelny/
  40. ↑ http://istmat.info/files/uploads/46358/r_05.doc
  41. ↑ http://www.gks.ru/doc_2005/year05.zip
  42. ↑ http://www.gks.ru/doc_2006/year06.zip
  43. ↑ http://www.gks.ru/doc_2007/year07.zip
  44. ↑ http://www.gks.ru/doc_2008/year08.zip
  45. ↑ http://www.gks.ru/bgd/regl/B09_109/IssWWW.exe/Stg/d01/tabl-21-09.xls
  46. ↑ http://www.tatstat.ru/VPN2010/20101/%D0%A2%D0%BE%D0%BC1-%D0%BD%D0%BE%D0%B2.zip
  47. ↑ http://www.tatstat.ru/VPN2010/DocLib8/Оценка%20численности%20постоянного%20населения%20на%201%20января%202011г.pdf
  48. ↑ http://www.gks.ru/free_doc/doc_2012/bul_dr/mun_obr2012.rar
  49. ↑ http://www.gks.ru/free_doc/doc_2013/bul_dr/mun_obr2013.rar
  50. ↑ http://tatstat.gks.ru/wps/wcm/connect/rosstat_ts/tatstat/resources/a34a46804f041c26ae6abe22524f7e0f/МОчисл2014.pdf
  51. ↑ http://www.gks.ru/free_doc/doc_2016/bul_dr/mun_obr2016.rar
  52. ↑ http://www.gks.ru/free_doc/doc_2018/bul_dr/mun_obr2018.rar
  53. ↑ http://tatstat.gks.ru/wps/wcm/connect/rosstat_ts/tatstat/resources/64ec280049620f14a900ff3fbd401489/МОчисл2019.pdf
  54. ↑ https://rosstat.gov.ru/storage/mediabank/CcG8qBhP/mun_obr2020.rar
  55. ↑ https://rosstat.gov.ru/storage/mediabank/tab-5_VPN-2020.xlsx
  56. ↑ https://rosstat.gov.ru/storage/mediabank/Bul_MO_2023.xlsx
  57. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более (XLSX).
  58. ↑ Валерий Тишков Республика Татарстан [ӟуч] valerytishkov.ru. Эскеремын 20-01-2026 арын
  59. ↑ Распоряжение Правительства РФ от 29.07.2014 N 1398-р «Об утверждении перечня моногородов» [ӟуч] docs.cntd.ru. Эскеремын 20-01-2026 арын
  60. ↑ Паспорт региона [ӟуч] marketcenter.ru. Эскеремын 20-01-2026 арын
  61. ↑ Территории опережающего развития: 12 особых зон в ДФО [ӟуч] ТАСС (11-07-2016). Эскеремын 20-01-2026 арын
  62. ↑ Распоряжение Правительства РФ от 17 июня 2008 г. № 877-р [ӟуч] garant.ru. Эскеремын 20-01-2026 арын
  63. ↑ Открыв новую трамвайную ветку в Набережных Челнах, президент РТ проехал по ней две остановки [ӟуч] Челнинские известия (12-12-2014). Эскеремын 20-01-2026 арын
  64. ↑ Высшие Учебные заведения г. Набережные Челны [ӟуч] chelny.su. Эскеремын 20-01-2026 арын
  65. ↑ Набережночелнинский институт — Казанский (Приволжский) федеральный университет [ӟуч] kpfu.ru. Эскеремын 20-01-2026 арын
  66. ↑ Театр «Ключ» [ӟуч] kluchtheater.timepad.ru. Эскеремын 20-01-2026 арын
  67. ↑ Новый драматический театр LIBERTA [ӟуч] vk.com. Эскеремын 20-01-2026 арын
  68. ↑ МБУ «Набережночелнинская картинная галерея имени Г. М. Хакимовой» [ӟуч] nabchelny.ru. Эскеремын 20-01-2026 арын
  69. ↑ Музей истории города Набережные Челны [ӟуч] Эскеремын 20-01-2026 арын
  70. ↑ Городской Дворец Творчества Детей и Молодёжи [ӟуч] gdtdim.ru. Эскеремын 20-01-2026 арын
  71. ↑ Дом дружбы народов «Родник» [ӟуч] rodnik.addnt.ru. Эскеремын 20-01-2026 арын
  72. ↑ ДК «Энергетик» [ӟуч] dk-energetik.ru. Эскеремын 20-01-2026 арын
  73. ↑ Органный зал [ӟуч] organ-chelny.ru. Эскеремын 20-01-2026 арын
  74. ↑ О Дворце Торжеств [ӟуч] nabchelny.ru. Эскеремын 20-01-2026 арын
  75. ↑ Финансовая поддержка для строительства мечети Джамиг [ӟуч] islamtatar.ru. Эскеремын 20-01-2026 арын
  76. ↑ 1 2 3 Мечети Челнов [ӟуч] islamtatar.ru. Эскеремын 20-01-2026 арын
  77. ↑ Набережные Челны [ӟуч] nabchelni.narod.ru. Эскеремын 20-01-2026 арын
  78. ↑ Бизнес-центр «2.18» [ӟуч] historical-baggage.ru. Эскеремын 20-01-2026 арын
  79. ↑ Набережночелнинский дельфинарий [ӟуч] delfinariy-chelny.ru. Эскеремын 20-01-2026 арын
  80. ↑ 1 2 Информация о картинной галерее [ӟуч] art-gallery.nabchelny.ru. Эскеремын 20-01-2026 арын
  81. ↑ Почему кладбище «Молодёжное» в Челнах нельзя переименовать [ӟуч] chelny-izvest.ru. Эскеремын 20-01-2026 арын
  82. ↑ В Челнах завершился чемпионат Европы по традиционному фудокан каратэ-до [ӟуч] tatar-inform.ru (1-05-2007). Эскеремын 20-01-2026 арын
  83. ↑ В субботу в Челнах пройдут соревнования голубей [ӟуч] Челнинские Известия. Эскеремын 20-01-2026 арын
  84. ↑ Голуби Набережных Челнов [ӟуч] chelny-golubi.ucoz.ru. Эскеремын 20-01-2026 арын
  85. ↑ Набережные Челны — 30 лет в спорте [ӟуч] Международный Портал Голубеводов. Эскеремын 20-01-2026 арын
  86. ↑ Челнинцы бросали мобильники удочкой и… волосами [ӟуч] chelny-izvest.ru. Эскеремын 20-01-2026 арын
  87. ↑ В Челнах прошёл чемпионат по метанию мобильников [ӟуч] progorodchelny.ru (29-09-2012). Эскеремын 20-01-2026 арын
  88. ↑ В Набережных Челнах отмечают 75-летие города [ӟуч] regnum.ru. Эскеремын 20-01-2026 арын
  89. ↑ Набережные Челны отмечают свое 75-летие [ӟуч] kamastart.ru. Эскеремын 20-01-2026 арын
  90. ↑ Герои Советского Союза – челнинцы [ӟуч] Централизованная библиотечная система г. Набережные Челны. Эскеремын 20-01-2026 арын
  91. ↑ Из Ляочен — в Набережные Челны [ӟуч] nabchelny.ru. Эскеремын 20-01-2026 арын
  92. ↑ Набережные Челны и турецкий город Казан стали городами-побратимами [ӟуч] kazanfirst.ru. Эскеремын 20-01-2026 арын
  93. ↑ Кирилл Антонов (13-01-2016) Набережные Челны прекратили отношения с турецким городом-побратимом Казан [ӟуч] kommersant.ru. Эскеремын 20-01-2026 арын

Литература

«https://udm.ruwiki.ru/w/index.php?title=Набережные_Челны&oldid=507445»-ысь басьтэмын