Кузон губерния
РАН экспертиза
РАН экспертиза
Россиысь Тодосъёсъя Академия
| Губерния | |||||
| Кузон губерния | |||||
|---|---|---|---|---|---|
|
|||||
| 55°47′27″ с. ш. 49°06′52″ в. д.GЯO | |||||
| Кун | |||||
| Адм. центрез | Кузон | ||||
| Историез но географиез | |||||
| Кылдытэмын | 12‑тӥ (23-тӥ) толсуре 1796 | ||||
| Быдтэмын | 27-тӥ куартолэзе 1920 | ||||
| Быдӟалаез | 55 954,8 верста² | ||||
| Улӥсез | |||||
| Улӥсез | 2 170 665[1] мурт (1897) | ||||
.svg) |
|||||
|
|||||
 Медиафайлъёс РувикиМедиа пушкын | |||||
Кузон губерния (ӟуч: Казанская губерния) — Росси империысь но РСФСР-ысь 1796-тӥ—1920-тӥ аръёсысь административно-территориальной единица. Губернилэн шоркарез — Кузон.
Историез
Екатерина II императрицалэн кунэз администрациослы но интывылъёслы люкылонъя реформаеныз валче 1780-тӥ арын 11-тӥ куарусёнэ Ватка провинцилэсь но Свияжск но Кузон провинциослэн люкетъёссылэсь кылдытэмын вал Ватка наместничество, нош лымшор уездъёслэсь кылдытэмын вал Симбирск но Пенза наместничествоос. 1781-тӥ арын 27-тӥ толшоре Пермь провинция выжтэмын вал кылдытэм Пермь наместничествое. 1781-тӥ арын 28-тӥ куарусёнэ Кузон губерния пӧрмытэмын вал Кузон наместничестволы, отчы 13 уездъёс пыризы. Со аре ик губерниослэн но уезд каръёслэн кунпусъёссы юнматэмын вал.
._Kazan_governorate.jpg)
XVIII даур пумын губерниын 13 каръёс лыдъяськылӥзы: Кузон, Арск, Козьмодемьянск, Лаишево, Мамадыш, Свияжск, Спасск, Тетюши, Царевококшайск (Йошкар-Ола), Цивильск, Чебоксары, Чистополь, Ядрин, ваньмыз 7272 улон инты. XIX дауре Кузонлэн, административной центрлэн сямен, дунлыкез эшшо но будӥз. Губернилэн шоркарез дышетскон (1805-тӥ ар) но ожгар (1826-тӥ ар) округъёслэн центрзы луиз.
Павел I императорлэн 1796-тӥ арын 12-тӥ толсуре юнматэм указэныз наместничествоосты быдтӥзы[2], Кузон наместничество выльысь луиз Кузон губерния.
1838-тӥ арын потыны кутскиз «Казанские губернские ведомости» газет[3].
1865-тӥ арын земство кылдӥз.
1891-тӥ арын сӥзьыл—1892-тӥ арын гужем кӧс куазен сэрен Кузон губерния урожайтэк кылем валтӥсь зоналэн люкетаз пыриз (учке Россиын сютэм улон (1891—1892))[4].
Кузон губерниын дышетон
1718-тӥ арын Кузон Адмиралтейство бордын усьтӥськиз «Цифирной» школа, отын дьякъёслэсь, духовенстволэсь но мукет чинъёслэсь (дворянстволэсь но крестьянъёслэсь сяна) нылпиоссэс визьнодазы, математикая но профессиональной тодон-валан сётъязы[4].
1723-тӥ арын Троице-Феодоровской монастырь бордын духовенстволэн нылпиосыз понна усьтӥськиз Славяно-латинской школа, отын Кузон епархилы грамотной баӵкоосты дасяллязы. 1797-тӥ арын Славяно-латинской школа Кузонысь духовной академия кылдытыны инъет луиз[4].
XVIII даур шорын Цивильскын, Царевококшайскын, Алабгоын духовной училищеос усьтӥськизы.
Кузон луиз росси провинциысь нырысетӥез кар, кытын 1759-тӥ арын кылдӥз «дворянъёслэсь но пӧртэм чинъёслэсь» пиналъёссэс дышетонъя гимназия. Гимназия Мускоысь университетлэн чакламез улсын ужаз, отысь Кузонэ дышетӥсьёс ыстэмын, отын ик устав дасямын вал. Кузон гимназиын арифметикалы но геометрилы, фехтованилы, суредаськыны, эктыны, латин, француз, немец кылъёслы, озьы ик бигер кыллы дышетӥзы. Кузонысь нырысетӥ гимназиез йылпумъямъёс пӧлын вал: Г. Р. Державин, С. М. Аксаков, Панаев агай-вынъёс, И. М. Симонов, А. М. Бутлеров, Н. И. Лобачевский но мукетъёсыз Россиысь наука но культура удысысь дано ужасьёс[5].
1786-тӥ арын Кузонын Валтӥсь Калык училище усьтӥськиз.
Вань та дышетон заведениос 1804-тӥ арын Кузон университетэз усьтыны инъет луизы — со кылдон вакытэзъя но дунлыкезъя Россиын куинетӥ интыын.
XIX дауре губернилэн шоркараз радызъя усьтэмын вал: Кузонысь кыкетӥ воргорон гимназия (1835), нылмуртъёсты дышетонъя Родионовской институт (1841), сукыр нылпиослы училище, епархиальной Нылкышно училище (1858), Кузонысь нырысетӥез Мариинской (Мария императрицалы сӥзем) нылкышно гимназия (1859), Кузонысь пудо эмъянъя институт (1874), Реальной училище (1875), Ксенинской (Кузонысь кыкетӥ) нылкышно гимназия (Ксения Александровна быдӟым княжналы сӥземын) (1876), Огазеям химияя но технологияя шоро-куспо училище но техникая улӥ училище (1890), Петербургысь Художествоя академилэн бурд улаз ужась Кузонысь суредаськонъя школа (1895), Коммерческой училище (1905)[6].
1897-тӥ арын ивортонъёсъя, губерниын 1238 дышетсконниос лыдъяськылӥзы (со медрестэк но мектебъёстэк), таос пӧлысь 1137-ез улосъёсын но 101-ез Кузонын интыяськылӥзы[7].
1913-тӥ арын губерниын 4 вылӥ дышетсконниос ужазы, ваньзы соос Кузонын интыяськылӥзы: Университет, Духовной академия, Пудо эмъянъя институт, Вылӥ нылкышно курсъёс[6].
Администрациослы люкиськон
1781-тӥ арын кылдытэм «Кузон наместничествое» 13 уездъёс шедизы: Кузон, Арск, Козьмодемьянск, Лаишево, Мамадыш, Свияжск, Спасск, Тетюши, Царевококшайск, Цивильск, Чебоксары, Чистополь, Ядрин. 1795-тӥ арын Арск, Спасск но Тетюши уездъёс быдтэмын вал, 1802-тӥ арын кык берпуметӥосыз выльысь Кузон губерние пыртэмын (1796-тӥ арысен). Таин валче 1802-тӥ арысен быдтытозязы губерния 12 уездъёслы люкиськылӥз:
| № п/п | Россиысь уездъёс | Уезд кар | Уезд карлэн кунпусэз |
Быдӟалаез, кв. верста |
Улӥсез[1] (1897), адями |
|---|---|---|---|---|---|
| 1 | Кузон | Кузон (129 959 адями) | _(1781).png){kind=small}
|
5012,4 | 350 719 |
| 2 | Козьмодемьянск | Козьмодемьянск (5284 адями) | _(1781).png){kind=small}
|
4610,7 | 105 633 |
| 3 | Лаишево | Лаишево (3743 адями) | _(1781).png){kind=small}
|
5033,1 | 172 460 |
| 4 | Мамадыш | Мамадыш (4195 адями) | _(1781).png){kind=small}
|
4887,9 | 189 795 |
| 5 | Свияжск | Свияжск (2365 адями) | _(1781).gif){kind=small}
|
2774,2 | 126 603 |
| 6 | Спасск | Спасск (2770 адями) | _(1781).png){kind=small}
|
5247,2 | 175 198 |
| 7 | Тетюши | Тетюши (4754 адями) | _(1781).png){kind=small}
|
3480,2 | 185 865 |
| 8 | Царевококшайск | Царевококшайск (1658 адями) | _(1781).png){kind=small}
|
7118,4 | 112 631 |
| 9 | Цивильск | Цивильск (2336 адями) | _(1781).png){kind=small}
|
3044,9 | 164 284 |
| 10 | Чебоксары | Чебоксары (4738 адями) | _(1781).svg){kind=small}
|
3696,7 | 127 273 |
| 11 | Чистополь | Чистополь (20 104 адями) | _(1781).png){kind=small}
|
8167,2 | 305 711 |
| 12 | Ядрин | Ядрин (2454 адями) | _(1781).png){kind=small}
|
2881,9 | 154 493 |
Штатэ пырисьтэм кар
| Кар | Улӥсез (1897) | Пырылӥз | Кунпусэз |
|---|---|---|---|
| Арск | 1228 адями | Кузон уездэ | _(1781).png){kind=small}
|
.png)
Демография
Улӥсез
| Ар | Улӥсез, адями | соос пӧлын карысь, адями |
|---|---|---|
| 1766 | 1 256 200[8] | |
| 1785 | 763 300[8] | |
| 1847 | 1 370 380[8] | |
| 1897 | 2 170 665[1] | 185 588 |
| 1905 | 2 462 800[8] |
Выжы калык
1897-тӥ арын Кузонын ортчем лыдъян-чотанъя губернилэн шоркараз улӥсьёсты анай кылъя люкылон[9]:
| Анай кыл | Ӟуч | Бигер | Еврей | Немец | Украин | Чуваш | Черемис | Латыш | Литва | Вотяк | Белорус | мукетъёсыз | Кузонын вань улӥсьёс |
|---|---|---|---|---|---|---|---|---|---|---|---|---|---|
| Лыдзы | 95402 | 28520 | 1295 | 982 | 685 | 501 | 217 | 140 | 107 | 89 | 43 | 422 | 129959 |
1897-тӥ арын ортчем анай кылъя лыдъян-чотанлы йылпумъянъёс[10]:
| Уезд | ӟуч кыл | бигер кыл | чуваш кыл | пор кыл | мордва кыл | удмурт кыл |
|---|---|---|---|---|---|---|
| Оглом губерния | 38,4 % | 31,1 % | 23,1 % | 5,7 % | 1,0 % | … |
| Кузон | 54,5 % | 41,8 % | … | 1,6 % | … | … |
| Козьмодемьянск | 16,3 % | … | 47,3 % | 36,3 % | … | … |
| Лаишево | 57,5 % | 42,4 % | … | … | … | … |
| Мамадыш | 25,1 % | 69,4 % | … | 1,0 % | … | 4,4 % |
| Свияжск | 68,6 % | 29,9 % | 1,5 % | … | … | … |
| Спасск | 58,4 % | 30,2 % | 7,2 % | … | 4,1 % | … |
| Тетюши | 31,6 % | 49,1 % | 16,6 % | … | 2,7 % | … |
| Царевококшайск | 24,0 % | 21,1 % | … | 54,7 % | … | … |
| Цивильск | 10,1 % | 10,0 % | 79,9 % | … | … | … |
| Чебоксары | 18,7 % | 2,7 % | 66,5 % | 12,0 % | … | … |
| Чистополь | 48,4 % | 32,2 % | 16,2 % | … | 3,2 % | … |
| Ядрин | 9,0 % | … | 90,9 % | … | … | … |
Дворян выжыос
- Жмакинъёс;
- Казинъёс;
- Молоствовъёс;
- Осокинъёс.
Кузон губернилэн кунпусэз
1856-тӥ арын 8-тӥ толсуре юнматэмын.
Кунпуслэн тодметъёсыз: «Азвесь щит вылын сьӧд коронаен дракон, бурдъёсыз но быжыз пеймыт-горд, нырыз но гижыосыз зарниямын; кылыз пеймыт-горд. Щит император коронаен йылсамын, котыртэмын зарниям тыпы куаръёсын, соос герӟамын Андреевской лентаен».
Губернилэн кивалтэтэз
Генерал-губернаторъёс
| Ф. И. О. | Титулэз, чинэз, званиез | Кивалтон вакытыз |
|---|---|---|
| Мещерский Платон Степанович | князь, генерал-поручик | |
| Голенищев-Кутузов Михаил Илларионович | генерал-поручик |
Наместничестволэн кивалтӥсьёсыз
| Ф. И. О. | Титулэз, чинэз, званиез | Кивалтон вакытыз |
|---|---|---|
| Бибиков Илья Богданович | генерал-майор | |
| Татищев Иван Андреевич | генерал-майор | |
| Баратаев Семён Михайлович | князь, лушкем советник |
Губернаторъёс
| Ф. И. О. | Титулэз, чинэз, званиез | Кивалтон вакытыз |
|---|---|---|
| Казинский Дмитрий Степанович | зэмос статской советник | |
| Муханов Александр Ильич | зэмос статской советник | |
| Аплечеев Александр Андреевич | зэмос статской советник | |
| Кацарев Николай Иванович | лушкем советник | |
| Мансуров Борис Александрович | лушкем советник | |
| Гурьев Фёдор Петрович | коллежской советник, ужзэ быдэсъясь | |
| Толстой Илья Андреевич | статской советник | |
| Нилов Пётр Андреевич | зэмос статский советник | |
| Жмакин Александр Яковлевич | статской советник, ужзэ быдэсъясь | |
| Розен Отто Фёдорович[11] | барон, статской советник | |
| Тургенев Александр Михайлович | статской советник | |
| Жеванов Иван Григорьевич | зэмос статской советник | |
| Пирх Альберт Карлович | барон, генерал-майор | |
| Стрекалов Степан Степанович | генерал-лейтенант, генерал-адъютант | |
| Шипов Сергей Павлович | генерал-лейтенант, генерал-адъютант | |
| Баратынский Ираклий Абрамович | генерал-лейтенант | |
| Козлянинов Пётр Фёдорович | генерал-майор, ужзэ быдэсъясь (юматэмын 25.08.1859) | |
| Нарышкин Михаил Кириллович | Его Величестволэн Свитаез, генерал-майор | |
| Скарятин Николай Яковлевич | зэмос статской советник, ужзэ быдэсъясь (юнматэмын 19.02.1867), (лушкем советник) | |
| Гейнс Александр Константинович | генерал-майор | |
| Черкасов Леонид Иванович | генерал-майор | |
| Андреевский Николай Ефимович | лушкем советник | |
| Полторацкий Пётр Алексеевич | зэмос статской советник (лушкем советник) | |
| Хомутов Павел Фёдорович | зэмос статской советник | |
| Рейнбот Анатолий Анатольевич | полковник | |
| Стрижевский Михаил Васильевич | зэмос статской советник | |
| Боярский Пётр Михайлович | статской советник |
Губерниысь дворянъёслэн азьветлӥсьёссы
| Ф. И. О. | Титулэз, чинэз, званиез | Кивалтон вакытыз |
|---|---|---|
| Палицын Михаил Иванович | бригадир | |
| Болховский Сергей Борисович | князь, арт.-майор | |
| Болховский Василий Борисович | князь, секунд-майор | |
| Тютчев Сергей Михайлович | премьер-майор | |
| Молоствов Порфирий Львович | секунд-майор | |
| Чемесов Василий Иванович | статской советник | |
| Вешняков Пётр Иванович | отставной майор | |
| Молоствов Порфирий Львович | надворной советник | |
| Геркен Фёдор Фёдорович | статской советник | |
| Киселёв Григорий Никифорович | надворной советник | |
| Евсевьев Александр Николаевич | полковник | |
| Еремеев Павел Иванович | штабс-капитан | |
| Булыгин Николай Дмитриевич | генерал-майор | |
| Желтухин Владимир Фёдорович | статской советник | |
| Чемесов Николай Васильевич | коллежской советник | |
| Депрейс Николай Иванович | коллежской советник | |
| Нейков Христофор Иванович | коллежской советник | |
| Осокин Пётр Гаврилович | зэмос статской советник | |
| Осокин Алексей Гаврилович | камергер званиын, зэмос статской советник | |
| Теренин Степан Николаевич | зэмос статской советник | |
| Сазонов Николай Дмитриевич | надворной советник | |
| Толстой-Милославский Сергей Сергеевич | гофмейстер |
Вице-губернаторъёс
| Ф. И. О. | Титулэз, чинэз, званиез | Кивалтон вакытыз |
|---|---|---|
| Васильев Фёдор Иванович | статской советник | |
| Лаптев Николай Симонович | статской советник (зэмос статской советник) | |
| Тенишев Дмитрий Васильевич | князь, зэмос статской советник | |
| Ивановский Николай Иванович | статской советник | |
| Колокольцов Гавриил Иванович | статской советник | |
| Гурьев Фёдор Петрович | коллежской советник | |
| Чернышев Иван Николаевич | надворной советник | |
| Ермолаев Дмитрий Иванович | коллежской советник | |
| Жмакин Александр Яковлевич | статской советник | |
| Филиппов Евграф Васильевич | коллежской советник | |
| Огнев Иван Дмитриевич | зэмос статской советник | |
| Валькевич Михаил Николаевич | коллежской советник | |
| Завелейский Матвей Демьянович | коллежской советник | |
| Минут Виктор Христианович | статской советник | |
| Андреев Ардалион Михайлович | зэмос статской советник | |
| Калиновский Николай Иванович | статской советник | |
| Оголин Александр Степанович | зэмос статской советник | |
| Кониар Модест Маврикиевич | коллежской советник (статской советник) | |
| Давыдов Лев Петрович | коллежской асессор, ужзэ быдэсъясь (надворной советник) | |
| Розов Иван Петрович | зэмос статской советник | |
| Арсеньев Николай Константинович | статской советник | |
| Хитрово Константин Никанорович | статской советник (зэмос статской советник) | |
| Энгельгардт Александр Платонович | камергер званиын, зэмос статской советник | |
| Левченко Александр Георгиевич | зэмос статской советник | |
| Кобеко Дмитрий Дмитриевич | статской советник | |
| Гревениц Николай Александрович | барон, коллежской советник | |
| Петкевич Георгий Болеславович | коллежской советник | |
| Голицын Лев Львович | князь, титулярной советник (надворной советник) |
Огдырлы кылдытэм правительстволэн Кузон губерниысь комиссаръёс
1917-тӥ арын 4-тӥ (17-тӥ южтолэзе) Огдырлы кылдытэм правительстволэн тӧроез, кунпуш ужъёсъя министр, князь Г. Е. Львов интыысь губернаторъёсты но вице-губернаторъёсты ужысьтызы огдырлы мозмытон пумысен распоряжение кутӥз, кивалтон ужъёс оскемын вал губерниысь комиссаръёс чот интыысь земской управаослэн тӧрооссылы.
1917-тӥ арын 6-тӥ (19-тӥ южтолэзе) — губерниосысь кивалтэтэз быдтон пумысен Г. Е. Львов князьлэн кинюртэменыз Санкт-Петербургысь басьтэм телеграммая берпуметӥез Кузон губернатор П. М. Боярский аслэсьтыз ужоскетсэ сётӥз В. В. Молоствов полковниклы. Со нуналэ ик та ивортон шараямын вал Кузон губерниысь чрезвычайной (экстренной) земской кенешын, отчы пыриськисьёс сое «к сведению» кутӥзы.
Таин валче Огдырлы кылдытэм правительстволэн Кузон губерниысь нырысетӥ комиссарез луиз В. В. Молоствов. Но матысь дыре ик комиссар ужезлэсь куштӥськыны оскытӥз, малы ке шуоно та ужрад азьын — 1917-тӥ арын 5-тӥ (18-тӥ южтолэзе) — Кузон губерниысь чрезвычайной (экстренной) земской кенешын Кузон губерниысь земской управалы тӧрое быръемын вал А. Н. Плотников. Берлозэ кунпуш ужъёсъя министр юнматон дыръя В. В. Молоствов солы губерниен кивалтонэз сётыны кулэ вал.
Официальной ивортонъёсъя, 1917-тӥ арын 30-тӥ южтолэзе (12-тӥ оштолэзе) А. Н. Плотников «Огдырлы кылдытэм правительстволэн Кузон губерниысь комиссарлэсь ужзэ быдэсъяны» кутскиз[12].
| Нимыз | Улон аръёсыз | Кивалтон вакытыз (1917) |
|---|---|---|
| Молоствов В. В. | 6-тӥ (19-тӥ) — 30-тӥ южтолэзе | |
| Плотников А. Н. | 30-тӥ южтолэзьысен | |
| Чернышев Валериан Андреевич | куартолэзь пумысен |
Валэктонъёс
- ↑ 1 2 3 Первая всеобщая перепись населения Российской Империи 1897 г. [ӟуч] demoscope.ru. Эскеремын 07-12-2025 арын
- ↑ Политические и финансовые преобразования благоверного Императора Павла I [ӟуч] ruskline.ru. Эскеремын 07-12-2025 арын
- ↑ История издания газет в Татарстане [ӟуч] tatarica.org. Эскеремын 07-12-2025 арын
- ↑ 1 2 3 Казанская губерния [ӟуч] book-olds.ru. Эскеремын 07-12-2025 арын
- ↑ Первая гимназия в провинции [ӟуч] history-kazan.ru (29-12-2002). Эскеремын 07-12-2025 арын
- ↑ 1 2 Р. В. Шайдуллин, И. Р. Валиуллин, Ф. Г. Калимуллина, Ф. Г. Миниханов. Казань: органы власти и самоуправления. — Казань: ОСП «Институт татарской энциклопедии и регионоведения АН РТ», 2021. — С. 35—45. — 224 с. — 130 экз.
- ↑ Казанская губерния [ӟуч] tatarile.tatar. Эскеремын 07-12-2025 арын
- ↑ 1 2 3 4 Изменение АТД России за последние 300 лет [ӟуч] geo.1sept.ru. Эскеремын 07-12-2025 арын
- ↑ Справочник статистических показателей [ӟуч] demoscope.ru. Эскеремын 07-12-2025 арын
- ↑ Переписи населения Российской Империи [ӟуч] demoscope.ru. Эскеремын 07-12-2025 арын
- ↑ РБС/ВТ/Розен, Отто Федорович (Казанский губернатор) // Русский биографический словарь : в 25 томах. — СПб.—М., 1896—1918.
- ↑ И. Алексеев (21-03-2007) «Свобода» без права на выбор [ӟуч] ruskline.ru. Эскеремын 07-12-2025 арын
Литература
- Риттих А. Ф. Казанская губерния. — Казань, 1870.
- Адрес-календарь служащих в Казанской губернии лиц / Статистический комитет. — Казань: Губернская типография, 1871. — 66 с.
- Двоеносова Галина. Татарское дворянство Казанской губернии (вторая половина XVI-XVII вв.).
- Список населённых мест Казанской губернии / Министерство внутренних дел. — Санкт-Петербург: Типография Карла Вульфа, 1866. — 321 с.
Чӧлсконъёс
- Казанская губерния [ӟуч]