Туганаев, Виктор Васильевич

Википедиысь материал
Эскерем гожтос
Виктор Васильевич Туганаев
000434-Туганаев ВВ.jpg
Вордӥськем дырыз 28-тӥ тулыспалэ 1941({{padleft:1941|4|0}}-{{padleft:2|2|0}}-{{padleft:28|2|0}}) (85 лет)
Вордӥськем интыез Алнаши, Удмурт АССР
Кун
Тодос удысэз биология, экология
Дышетскемез
Учёной степенез биологи тодосъёсъя доктор
Учёной званиез профессор
Данъетъёсыз Росси Федерациысь наука удысысь дано ужасьёс

Ви́ктор Васи́льевич Тугана́ев (28-тӥ толсуре 1941-т ӥ арын, Алнаш черкогурт, Удмурт АССР) — совето но росси тодосчи, гожъяськись, биологи наукаосъя доктор (1979), Удмурт кун университетысь экологияя но природопользования кафедралэн профессорез (1980-тӥ арысен). Росси Федерациысь наука удысысь дано ужась. Информатизация калыккуспо академилэн но Экология но кышкыттэмлыкъя калыккуспо академилэн академикез. Ижкарлэн дано муртэз.

Улон сюресэз

Вордӥськиз 28-тӥ тулыспалэ 1941-тӥ арын Алнаш черкогуртын крестьян семьяын. Со арын ик атайзэ фронтэ басьтӥзы, отысь ӧз берытскы ни. Анаез огназ ньыль нылпи будэтӥз[1]. Солы юрттон вылысь, Виктор бадӟым классъёсын дышетскыкуз Алнашысь кирпич лэсьтон заводын ужаз[2].

1963-тӥ арын Удмурт кун университетысь естествознания ёзэтсэ отличиен йылпумъяз но ботаникая кафедраын ассистент луыса ужаны кутскиз. Собере 10 ар ӵоже, 1964-тӥ арысен 1974-тӥ арозь, Кузон университетын ужаз, аспирантураын дышетскиз но кандидат диссертацизэ утиз[3].

1974-тӥ арын Ижкаре берытскиз но Удмурт кун университетысь ботаникая кафедраын доцент луыса ужаз. Со арын ик, докторской диссертацизэ дасян вылысь, Ленинградысь университетын старшой научной сотрудник луыса ужаз . 1976-тӥ арын, Ижкаре бертыса, Кун университетысь ботаникая кафедраен кивалтыны кутскиз. 1978-тӥ арын докторской диссертацизэ утиз[3].

Туганаевлэн тодос ужъёсыз флористика, фитоценология, сельскохозяйственной экология но этноботаника ужпумъёслы сӥземын[4]. Нылпиос понна «Коля тодэ 50 будос», «Нош ик Коля сярысь» книгаос гожтӥз.

1978—1981-тӥ аръёсы — биолого-химической факультетлэн деканэзлэн воштӥсез, 1981—1989-тӥ аръёсы — Удмурт кун университетлэн дышетон ужъя проректорез, 1996-тӥ арын ватсаса дышетонъя проректор луиз[3][4].

Виктор Туганаев — Удмуртилэсь Горд Книгазэ кылдытонлэн кичӧлтӥсез луэ. 2000-тӥ арын солэн кивалтэмез улсын «Удмуртская Республика» энциклопедия поттэмын. «Наш мир» газетлэн редакционной советэзлэн ёзчиез, 5 ар ӵоже Россиысь Наукаосъя академилэн «Экология» журналэзлэн редакционной советэзлэн ёзчиез вал. Кун университетлэсь Ботанической садзэ но нылпиослы но быдэвуымтэослы эколого-биологической центрез кылдытонэ пыриськиз. 1992-тӥ арысен «Ижевск» научно-просветительской объединениен кивалтӥз [4]. 10 накаосъя кандидат но 2 наукаосъя докторъёсты дасяз[5].

Туганаев Удмуртилэн уйпалаз интыяськем шор дауръёсысь Иднакарез дышетонлы научной, доказательной инъет сётӥз. Со, палеоботаника амалъёсты ужаз кутыса, вашкала карын улэм калыклэсь музъем ужан сямъёссэ эскериз[6].

Туганаев куинь пол бырйиськылӥз калык депутатъёслэн Ижысь кар Кенешазы, депутатъёслэн Инкуазез утёнъя ӧризенызы кивалтӥз[4].

Публикациосыз

Виктор Туганаев — ӟуч, удмурт, англи но немец кылъёсын поттэм 450-лэсь ятыр ужжъёслэн но 22 книгалэн авторзы луэ. «Удмуртская Республика» Удмурт Элькунысь нырысетӥ энциклопедилэн валтӥсь редакторез (1-тӥ издание — 2001-тӥ ар, 2-тӥ издание — 2008-тӥ ар)[7].

Данъетъёсыз

  • Ижкарлэн дано муртэз (2005)[8].
  • Алнаш ёрослэн дано муртэз (2009).
  • «За вклад в наследие народов России» медаль (2002).
  • Н. И. Вавилов нимо медаль (2009).
  • Информатизация академилэн академикез (1994).
  • Экологияя но кышкыттэмлыкъя академилэн академикез (1997).
  • Накая комитетлэн, Росси Федерациысь Наукая, вылӥ но шор ӧнер дышетонъя комитетлэн (1996), УАССР-ысь Министръёслэн Кенешсылэн (1991), Удмурт Элькунысь Дышетонъя министерстволэн (1992), Удмурт Элькунысь Нюлэс хозяйствоя министерстволэн (1999) Данъян грамотаосыз.
  • УАССР-ысь наука удысысь дано ужась (1980).
  • Росси Федерациысь наука удысысь дано ужась (1993).
  • Росси Федерациысь Вылӥ школалэн отличникез (1989).
  • Удмурт Элькунлэн Кун премиезлэн лауреатэз (1993, 2001).
  • Удмурт Элькунысь Кивалтэтлэн премиезлэн лауреатэз (1999)[9].
  • Экологи кышкыттэмлыкъя нуналъёсты ортчытонъя координационной кенешлэн но Удмурт Элькунлэсь Кун премиоссэ сётонъя ӧрилэн ёзчиез.

Валэктонъёс

  1. ↑ Светлана Сырыгина. «Настоящий ботаник»: создатель Красной книги Удмуртии Виктор Туганаев о выборе между биологией и вокалом, Ижлайф (01.10.2018). Эскеремын: 10 пӧсьтолэзе 2024 арын.
  2. ↑ Туганаев Виктор [ӟуч] Воршуд.
  3. ↑ 1 2 3 Христолюбова Л. С. Туганаев Виктор Васильевич // Учёные — удмурты : Биобиблиографический справочник / рецензенты В. Н. Савельев, В. К. Кельмаков и др. — Ижевск : Удмуртия, 1997. — С. 498—500. — 860 с. — 1200 экз. — ISBN 5-7659-0645-1.
  4. ↑ 1 2 3 4 Туганаев Виктор Васильевич Официальный сайт Администрации города Ижевска.
  5. ↑ Наш юбиляр - профессор Виктор Васильевич Туганаев Финно-угорский мир.
  6. ↑ А. В. Коробейников. Новый Иднакар: очерк историко-культурной реконструкции
  7. ↑ Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
  8. ↑ Ершова Э. Ю. Туганаев Владимир Васильевич — официальный сайт города Ижевска. Эскеремын 2012-10-27 арын
  9. ↑ Туганаев Виктор Васильевич. К 70-летию со дня рождения Архивная копия от 23 коньывуонэ 2014 на Wayback Machine. Библиографический указатель. / сост. Васильева Л. М., Зайцева Л. Е. — Ижевск, 2011.
«https://udm.ruwiki.ru/w/index.php?title=Туганаев,_Виктор_Васильевич&oldid=429204»-ысь басьтэмын