Иднакар (гуӵин)

Википедиысь материал
Gerb-icon.png

РФ Лулчеберетъя министерство

Arrow-Right.png
Gerb-big.png
Министерство культуры Российской Федерации


Вашкала кар
Иднакар
ӟуч Солдырское I
Idnakar.jpg
58°08′57″ с. ш. 52°43′53″ в. д.GЯO
Кун Россия
Элькун Удмуртия
Нырысьсэ веранъёс IX даур пумын
Инлыкез Логотип конкурса «Вики любит памятники» ОКН № 1810021000№ 1810021000
Югдурез Археологи синпелет, эскерон-копан ужъёс мыно
Иднакар (гуӵин) (Россия)
Точка
Логотип Викисклада Медиафайлъёс РувикиМедиа пушкын

Иднакар(ӟуч городище [богатыря] Идны́. Городи́ще Со́лдырское I ) — Удмуртиысь федерал инлыкен археологи синпелет, IX—XIII дауръёсысь Чупчи археологи лулчеберетлэн[ru] тужгес бадӟымез синпелетэз. Интыяськемын Чупчи но Пызеп шуръёслэн огазе вуон интыязы, Солдырь вырйылын, Глазкарлэсь 4 иськемын. Быдӟалаезъя 4 га[1]. РСФСР-ысь Министръёслэн Кенешсылэн 1960-тӥ арын 30-тӥ гудырикошконэ гожтэм 1327-тӥ номеро Пуктэтэзъя, Иднакар пыртэмын археология, история но лулчеберетъя утёно кун синпелетъёс пӧлы .

Солдырь вырйыл котырын Иднакар сяна, Сабанчикар (ӟуч Городи́ще Солдырское II, культурной слоез куашкатэмын), вашкала Бигершай но мукет пичи гуӵинъёс интыяськемын[2].

Эскерон ужъёс

Иднакарез эскерон IX даурлэн пумаз кутскиз. Пӧртэм аръёсы эскерон ужъёсын пӧртэм тодосчиос вырылӥзы: 1885-тӥ — 1889-тӥ аръёсы — Россиысь тодмо археолог А. А. Спицын но быдӟым шаертодосчи но калык училищеосъя инспектор Н. Г. Первухин; 1927-тӥ — 1929-тӥ аръёсы муско археологъёс — С. Г. Матвеев но А. П. Смирнов[3].

1974-тӥ арысен вашкала карез рос-прос эскеронэз радъяз Россиысь Наукаосъя академилэн Урал ёзэтэзлэн Кыллэн но литературалэн историезъя Удмурт институтэз. Археологи экспедициен кивалтӥз тодосъёсъя доктор, профессор М. Г. Иванова[4]. Бусы ужъёсын кивалтӥз «Иднакар» музей-заповедниклэн директорезлэн воштӥсез А. Н. Кириллов[5].

XXI даурлэн кутсконаз Иднакар сярысь тодэтъёсты пыр-поч эскерон борды басьтӥськиз Ижысь историк А. В. Коробейникова[1][6][7]

Солдыр вырйылэ тубон азьыз

Кылдэмез сярысь дауркыл

Уйпал удмуртъёслэн Иднакарлэн кылдэмез сярысь интынимъёсын герӟаськем дауркылзы вань[8]. Куке-соку вашкала дыръёсы Донды батыр аслаз семьяеныз Солдыр бамалэ улыны интыяськем. Солэн Идна, Гурья, Весья но Зуй пиосыз вылэм. Пиос быдэ вуэм но кузпалъяськем бере, огинын улыны люкыт луэм. Соку Донды пичиосыныз пиосыныз мукет улон интыосы каръяськем, нош Идна Солдыр бамалэ кылем. Со чупрес батыръёс туж кужмоесь вылӥллям, пичи вырйылъёсты кыскыса, гурезёзь ӝутыны быгатылӥллям, вожвылъяськыкузы ог-огзы шоры коръёсын я чугун гираосын капчиен зӥръяллям. Глаз ёросын али но Дондыкар[ru] но Весьякар гуртъёс кылемын. Идна туж шаплы пӧйшурась вылэм, толалтэ тэле зарни куасъёс вылын ветлылэм. Дауркылъя, со батыр ӟучъёсын нюръяськыса улылэм[9].

Нимыз сярысь

Нырысетӥ гуӵин матысь гуртлэн нимызъя Солдыр шуыса нимамын, тодмогес луэ Иднакар нимын. Куд-ог тодосчиослэн малпамзыя, «Идна» ним татчы XVI даурлэсь вазь вуэмын ӧвӧл, соин ик Солдыр гуӵинлэн историеныз герӟаськыны уг быгаты[9]. Идна (Игна, Иднать), Гурья, Весья, Зуй эпонимъёс[ru], Игнат, Гурий, Вася, Зуй ӟуч нимъёсты удмурт сямен вераса кылдэмын.

«Иднакар» ним паськыт кутӥське официальной йӧскалык пропагандаын. Удмуртиын реклама, вузкарон но туризм удысъёсын тужгес тодмоез бренд луэ. Озьы ик мифъёс кылдытонын кутӥське[10].

Вылтусыз

Гудӥськон ужъёс ортчытыку, вашкала лэсьтослэсь но солэн утиськон мудэтъёсызлэсь кылем-мылемъёссэс шедьтыны удалтӥз. Озьы ик синпелетлэн пушсӧзнэтэз эскеремын вал. 100—150 сантиметр мурдалаын узыр материалъёс шедьтэмын. Озьы, тодосчиослэн эскеронъёссы вылэ пыкиськыса, гуӵинын улӥсьёслэн улэм-вылэмзы, вашкала мерлыклэн улон радылыкез тодмо луиз[1].

Экономикаез

Ас вакытаз Солдыр гуӵин тужгес бадӟым ӧнер центрен лыдъяськем. Со малпанэз юнмато корт поттон удыслэн кылем бервылъёсыз (тужгес но корт ӵыжатонэн вырылӥллям). Со сяна отын дуриськон, сутэм горд сюйлэсь лэсьтӥськон но лылэсь вӧлӥськон ужпӧръёс вӧлмемын вылэм. Вашкала ӧнерчиос лыослэсь пӧртэм арбериос вӧлылӥлям: пель сузянъёс (копоушки), йыр сынъёс но мукет. Гуӵин бускель улосъёсын, озьы ик Волжской Булгариен[ru] вузкарон кусыпъёс возьылэм[11].

Утиськон мудэтъёс

Вашкала кар котырын 3 утиськон мудэт лэсьтэмын вылэм[12]. Нырысетӥез IX даурлэн пумаз кылдытэмын (сюйлэсь ӝутэм мудэт кузя гоп копамын, мудэтлэн бамъёсыз пуӵъёсын юнматэмын вылэм). Гуӵинлэн паськытамезъя, отын улӥсьёс кыкетӥзэ мудэт кылдытӥллям (нырысетӥез дыр ортчемъя куашкам). Куинетӥез, тодосчиослэн малпамзыя, ошмесъёсты утён понна кылдытэмын вылэм[1][6].

Стратеги ласянь кулэлыкез

Куд-ог тодосчиослэн малпамзыя, Солдыр гуӵин ожутиськон ласянь туж ляб вылэм но Кам котырысь[ru] мукет гуӵинъёслэсь пӧртэм вылымтэ[13]". Мукет эскеронъёсъя, Солдыр гуӵин ожутиськон ласянь Чупчи котырысь вань гуӵинъёслэсь аслаз юн луэменыз висъяськылэм[12].

Со сяна, гуӵин ожутиськон ласянь туж умой интыын пуксемын — вырйылын, отысен котыр быдэсак ваньмыз адӟиське. Озьы ке но, Солдыр гуӵин сярысь, со политикая но вӧсьбуро центр яке «вашкала удмуртъёслэн шоркарзы» шуыны уг луы, кызьы гожтэмын удмурт йӧскалык историографиын[1]. Татын нокыӵе эксэйкуаос но ожгар гарнизонлэн бервылыз кылемын ӧвӧл. IX—XIII дауръёсы вашкала удмуртъёслэн кунлыксы сярысь веранэз ик ӧвӧл[13].

Куд-ог эскерчиос Иднакарез булгар факториен[ru] лыдъяло[6][14]. Гуӵин ас вакытаз юнматэм ӧнер но музъем ужен вырись центр вылэм. Ортчытэм эскерон-гудон ужъёсъя, гуӵинэз XIII дауре (оло монголо-татаръёс ик) киултӥллям но сутӥллям шуыса валаны луэ. Оглом вераса, XIII—XIV дауръёсы Чупчи котырысь гуӵинъёслэсь быремзэс 1236-тӥ арын монголо-татаръёслэн Волжской Булгариез куашкатэменызы герӟало, кудӥныз Чупчи котырысь вашкала калык юн кусыпъяськыса улэм.

Йӧслык пӧлэсэз

Вашкала карын улӥсьёслэн, кыӵе выжыысь луэмзы сярысь, меӵак вераны уг луы. Солдырын гуӵинын улӥсьёс пӧлысь тросэз туала удмуртъёслэн но комиослэн выжыоссылы матын луись перм выжыысь потэмын. Со дыре ик, отын мукет калыквыжыос (вашкала ӟучъёс, волжской булгаръёс[6][14]) но улӥллям шуыса, малпан вань[15].

Гуӵинын улэм калыкез туала калыквыжыосын (удмуртъёс, коми-пермякъёс) огвыллем шуыны шонертэм луоз[16].

Валэктонъёс

  1. ↑ 1 2 3 4 5 Иднакар / Иванова М. Г. // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 340. — 768 с. — 2200 экз. — ISBN 978-5-7659-0486-2.
  2. ↑ Бюджетное учреждение культуры Удмуртской Республики "Историко-культурный музей-заповедник Удмуртской Республики "Иднакар" имени М.Г. Ивановой"
  3. ↑ Ванюшева К.В. Н. Г. Первухин как археолог (по материалам переписки А. А. Спицына и П. С. Уваровой 1886-1889 гг. ) // Вестник Вятского государственного университета. — 2016.
  4. ↑ Иванова М. Г. Иднакар: древнеудмуртское городище IX—XIII вв. — Ижевск, 1998. — 294 с.
  5. ↑ Городище Иднакар(ӟуч)
  6. ↑ 1 2 3 4 Коробейников А. В. Иднакар: родовой центр, булгарская колония или фактория? К истории одного научного спора Архивная копия от 4 южтолэзе 2016 на Wayback Machine // Иднакар. — 2007. — № 1. — С. 65—75.
  7. ↑ Коробейников А. В. Новый Иднакар: очерк историко-культурной реконструкции. — Ижевск: НИЦ «Регулярная и хаотическая динамика», 2006. — 246 с. — ISBN 5-93972-579-1
  8. ↑ Чураков В.С.. Работа Н. Г. Первухина над циклом "Легенды о богатырях Дондинского Круга", eLIBRARY.RU. Дата обращения: 10 южтолэзе 2025.
  9. ↑ 1 2 Чураков В. С. Работа Н. Г. Первухина над циклом «Легенды о богатырях Дондинского округа» Архивная копия от 4 южтолэзе 2016 на Wayback Machine // Иднакар. 2009. № 1. С. 29—56.
  10. ↑ Коробейников А.В.. Иднокар: Родовой центр, Булгарская колония или фактория? К истории одного научного спора, eLIBRARY.RU. Дата обращения: 10 южтолэзе 2025.
  11. ↑ Коробейников А.В. Иднокар и анализ городищ с позиций их уровня защит, eLIBRARY.RU. Дата обращения: 10 южтолэзе 2025.
  12. ↑ 1 2 Коробейников А. В. Иднакар и анализ городищ с позиций их уровня защиты Архивная копия от 4 южтолэзе 2016 на Wayback Machine // Иднакар. — 2008. — № 4. — С. 38—63.
  13. ↑ 1 2 Белых С. К. История «древнеудмуртской государственности» как продукт мифотворчества Архивная копия от 18 толшоре 2012 на Wayback Machine
  14. ↑ 1 2 Напольских В. В. Булгарская эпоха в истории финно-угорских народов Поволжья и Предуралья Архивная копия от 2 толшоре 2022 на Wayback Machine
  15. ↑ Макаров Л. Д. Древнерусское население Прикамья в X—XV веках. Автореф. дис. … д. ист. н. Ижевск, 2006.
  16. ↑ Белых С. К. К вопросу о формировании единого удмуртского этноса Архивная копия от 17 куарусёнэ 2008 на Wayback Machine // Российская археология: достижения XX и перспективы XXI вв. Материалы научной конференции, посвящённой 75-летию со дня рождения В. Ф. Генинга. Ижевск, 2000.

Чӧлсконъёс

«https://udm.ruwiki.ru/w/index.php?title=Иднакар_(гуӵин)&oldid=315001»-ысь басьтэмын